રાજકોટ જિલ્લાની ચિંતન શિબિરનું આયોજન કરવામાં આવ્યું હતું. આ ચિંતન શિબિર આગામી 20મીએ ઘેલા સોમનાથ ખાતે યોજવાની હતી. પરંતુ આગામી શુક્રવારને 20 મીના રોજ ગાંધીનગર ખાતે રાજ્યના કલેકટરો અને જિલ્લા વિકાસ અધિકારીને બેઠકનું આયોજન કરવામાં આવ્યું છે જેમાં કલેકટર પ્રભવ જોશી હાજરી આપવા જવાના હોવાના કારણે ચિંતન શિબિર હાલ પૂરતી મોકુફ રાખવામાં આવી છે. અને ટૂંક સમયમાં ફરી નવી ચિંતન શિબિર અંગેની તારીખ જાહેર કરવામાં આવશે.

મળતી માહિતી અનુસાર શુક્રવારને 20 તારીખના રોજ રાજકોટ જિલ્લાની ચિંતન શિબિર ઘેલા સોમનાથ ખાતે યોજવાના છે જેમાં વિવિધ વિભાગના 60 થી પણ અધિકારીઓ હાજર રહેવાના હતા. પરંતુ હાલ પૂરતી આ ચિંતન શિબિર કલેક્ટર દ્વારા મોકુફ રાખવામાં આવી છે.

સૂત્રોમાંથી મળતી માહિતી અનુસાર શુક્રવારના રોજ ગાંધીનગર ખાતે રાજ્યના કલેક્ટર અને જિલ્લા વિકાસ અધિકારીઓને રેવન્યુ વિભાગ બેઠકનું આયોજન કરવામાં આવ્યું છે જેમાં વિવિધ મુદ્દાઓને પણ આવરી લેવામાં આવે છે ખાસ કરી સરકારે જમીન ઉપર દબાણ ધાર્મિક દબાણો અંગેની કામગીરી અંગેનો રિપોર્ટ પણ માંગવામાં આવશે સાથે જ અન્ય કામગીરી અંગેનો રિપોર્ટ પણ કલેકટરો અને જિલ્લા વિકાસ અધિકારી આ બેઠકમાં રિપોર્ટ રજૂ કરશે

60 લાખનો તોડકાંડ, શ્રોફના નાણાંની હેરાફેરી સહિતના વહીવટ નડી ગયા, અંતે ઈઙએ ત્રીજું નેત્ર ખોલ્યું

શહેરમાં પીઆઈ અને પીએસઆઈની આંતરીક બદલીમાં પોલીસ કમિશનર બ્રજેશ કુમાર ઝા એ હુકમ કર્યા છે. સાથે સાથે તોડકાંડ સહિતના અમુક બાબતોમાં વિવાદમાં આવેલા એલસીબી, એસઓજી અને પ્રનગર ડીસ્ટાફના સાત વિવાદી પોલીસ કર્મચારીઓની પણ બદલીનો હુકમ કરતા પોલીસ બેડામાં સોપો પડી ગયો છે. આ તમામ પોલીસ કર્મચારીઓ સામે પોલીસ કમિશનરને મળેલી ફરિયાદના આધારે બદલીના હુકમ કરવામાં આવ્યા છે. જેમાં કેટલાકને હેડક્વાર્ટરમાં પણ મોકલી દેવામમાં આવ્યા છે. હજુ પણ વિવાદમાં આવેલા પોલીસ કર્મચારીઓની બદલીના હુકમો આગામી દિવસોમાં થનાર હોવાનું પોલીસ સુત્રોમાંથી જાણવા મળી રહ્યુ ંછે.

ભુતકાળમાં વિવાદના કારણે ગુજરાતભરમાં ચર્ચામાં આવેલ રાજકોટ પોલીસના પૂર્વ પોલીસ કમિશનરની બદલી બાદ રાજકોટમાં તોડકાંડ જાણે શાંત થવાનું નામ લેતું નથી. પોલીસ અધિકારીઓ અને પૂર્વ પીઆઈ સહિતના અધિકારીઓ સામે જે રીતે કડક પગલા ભરવામાં આવ્યા હોવા છતાં રાજકોટ પોલીસના કેટલાક ભ્રષ્ટ કર્મચારીઓ જાણે અધિકારીઓનો કોઈ ડર જ ન હોય તે રીતે કામ કરી રહ્યા છે. ગઈકાલે પોલીસ કમિશનર બ્રજેશ કુમાર ઝાએ સાત પીઆઈ અને બે પીએસઆઈની આંતરીક બદલીના હુકમ કર્યા સાથે સાથે સાત જેટલા કોન્સ્ટેબલોની બદલી પણ કરવામાં આવી છે. એલસીબી, એસઓજી અને પ્રનગર પોલીસ મથકના ડી સ્ટાફના વિવાદીત પોલીસ કર્મચારીઓની બદલીના હુકમ થયા છે. આ બદલી પાછળ કેટલીક વિવાદાસ્પદ પ્રવૃતિ કારણભૂત છે જેમાં 60 લાખના તોડકાંડ તેમજ શ્ર્રોફના નાણાની હેરાફેરી સહિતના વહીવટ અંગેની ફરિયાદો પોલીસ કમિશનરને મળતા અંતે સીપી બ્રજેશ કુમાર ઝા એ ત્રિજુ નેત્ર ખોલી અને આકરી કાર્યવાહી કરી છે.

તાજેતરમાં શહેરના મધ્ય આવેલા એક પોલીસ સ્ટેશનના ડી સ્ટાફ દ્વારા જીએસટી મામલે મોટો વહીવટ કરી 60 લાખ રૂપિયાનો તોડ કરવામાં આવ્યો હતો. જે બાબતે અગાઉ રાજકોટમાં ફરજ બજાવી ચુકેલા એક પીઆઈની મધ્યસ્થિથી મામલો થાળે પડ્યો હતો. આ અંગેની ફરિયાદ પોલીસ કમિશનર સુધી મળી હતી. તેમજ મહત્વની બ્રાંચમાં ફરજ બજાવતા ત્રણ કોન્સ્ટેબલ કે જેઓ શ્રોપના નાણાની હેરાફેરીના વિવાદમાં આવી ચુક્યા છે. મહત્વની બ્રાંચ દ્વારા શ્રોપ પેઢીના નાણાની હેરાફેરી મામલે તપાસમાં ગોઠવેલા છટકામાં રૂપિયા લેવા માટે એક બ્રાંચના કોનસ્ટેબલ પ્રગટ થયા હતાં જેને જોઈને મહત્વની બ્રાંચનો સ્ટાફ પણ ચોંકી ઉઠ્યો હતો. આ મામલે પોલીસ કમિશનર સમક્ષ રિપોર્ટ પણ કરવામાં આવ્યો હતો.

જે સાત પોલીસ કોન્સ્ટેબલોની બદલી કરવામાં આવી છે તેમાં પ્રમનગર પોલીસ મથકમાં ફરજ બજાવતા કનુભાઈ ભમ્મરને ટ્રાફિક, વિમલભાઈ ધાણજાને ટ્રાફિક, જયેન્દ્રસિંહ પરમારને હેડ ક્વાર્ટર જ્યારે ઈમરાન ચુડાસમાને થોરાળા મુકવામાં આવ્યા છે. તેમજ એલસીબી ઝોન-1ના જીતુભા ઝાલાને હેડક્વાર્ટર, વિજુભાને યુનિવર્સિટી પોલીસ મથકમાં તેમજ એસઓજીના જિજ્ઞેશ અમરેલિયાને યુનિવર્સિટી પોલીસ મથકમાં મુકવામાં આવ્યા છે. કોઈ કારણસર વિવાદમાં આવેલા તમામની અચાનક બદલી કરવામાં આવી છે.

શહેરના 7 PI અને 2PSIની આંતરિક બદલી
શહેરના પોલીસબેડામાં બદલીનો ધમધમાટ શરૂૂ થયો છે. પોલીસ કમિશનર બ્રજેશ કુમાર ઝા દ્વારા શહેરના અલગ અલગ પોલીસ મથકના 7 પીઆઈ અને બે પીએસઆઈની આંતરિક બદલીના હુકમો કર્યા છે. જેમાં ક્રાઈમ બ્રાંચમાં ત્રીજા પી.આઈની નિમણૂંક કરવામાં જેમાં એન્ટી હ્યુમન ટ્રાફિક યુનિટના સી.એસ. જાદવને ક્રાઈમ બ્રાંચમાં મુકવામાં આવ્યા છે. સાયબર ક્રાઈમ પોલીસ મથકમાં ચાર પી.આઈનું મહેકમ કરવામાં આવ્યું છે. પી.આઈ તરીકે એમ.ઓ.બી. પીઆઈ એસ.ડી.ગીલવાની બદલી કરવામાં આવી છે. તેમના સ્થાને એમઓબીમાં પીઆઇ તરીકે લીવ રિઝર્વમાં રહેલા જી.આર. ચૌહાણને મુકવામાં આવ્યા છે. આર્થિક ગુના નિવારણ સેલમાં ગાંધીગ્રામ પોલીસ મથકના પી.આઈ કે.જે. કરપડાને મુકવામાં આવ્યા છે. તેમના સ્થાને ગાંધીગ્રામ પોલીસ મથકના પીઆઈ તરીકે લીવ રિઝર્વનાં એસ.આર. મેઘાણીની બદલી કરવામાં આવી છે. જ્યારે પ્રદ્યુમનનગરનાં પી.આઈ બી.એમ.ઝનકાંતને એન્ટી હ્યુમન ટ્રાફિક યુનિટમાં મુકવામાં આવ્યા છે તેમના સ્થાને પ્રદ્યુમનનગરનાં પી.આઈ તરીકે લીવ રિઝર્વનાં વી.આર. વસાવાને મુકવામાં આવ્યા છે. ઉપરાંત પોલીસ કમિશ્નર દ્વારા બે પીએસઆઈની પણ અરસ પરસ બદલી કરવામાં આવી છે. જેમાં એલસીબી ઝોન-1ના પીએસઆઈ બી.વી.બોરીસાગરની પ્રદ્યુમનનગર પોલીસ બદલી મથકમાં કરવામાં આવી છે જ્યારે તેમના સ્થાને પ્રદ્યુમનનગર પીએસઆઈ બી.બી.ચુડાસમાને એલસીબી ઝોન-1માં મુકવામાં આવ્યા છે.

તાજેતરમાં જ સરકાર દ્વારા વિદ્યાર્થીઓ માટે APAAR કાર્ડ ફરજિયાત કરવામાં આવ્યુ છે. વિદ્યાર્થીઓનો તમામ શૈક્ષણિક ડેટા 12 અંકના આ APAAR કાર્ડ ની અંદર સમાવી લેવામાં આવશે. જો કે ઉદ્દેશ્ય તો સારો છે પરંતુ આ APAARઆઈડી જનરેટ કરવાની પ્રક્રિયા એટલી જટીલ છે કે શાળા સંચાલકો પણ તેનાથી લાલઘુમ થયા છે. હાલ વિદ્યાર્થીઓના જન્મના દાખલા અને આધાર કાર્ડમાં નામમાં વિસંગતતા હોવાથી આ કાર્ડ બનાવવામાં ઘણી મુશ્કેલી પડી રહી છે.

આ અંગે શિક્ષણમંત્રી કુબેર ડીંડોરે જણાવ્યુ કે વાલીઓ અને વિદ્યાર્થીઓને આવી રહેલી સમસ્યાઓ દૂર કરવાના પ્રયાસ ચાલુ છે. શિક્ષકો સાથે આ મુશ્કેલીને કઈ રીતે દૂર કરી શકાય તે માટે ચર્ચા ચાલી રહી છે અને આ અંગે મુખ્યમંત્રીને પણ રજૂઆત કરવામાં આવી છે. આગામી સમયમાં શિક્ષણ વિભાગ- વહીવટીતંત્ર સાથે મળી અપાર આઈડીને ઝુંબેશ તરીકે લઈને કામગીરી કરશે.

ઓટોમેટેડ પરમેનન્ટ એકેડેમિક એકાઉન્ટ રજિસ્ટ્રી એટલે અપાર કાર્ડ. આ કાર્ડ આધાર કાર્ડથી થોડુ અલગ હશે અને બંનેને એકબીજા સાથે લીંક કરવામાં આવશે. આ કાર્ડ દ્વારા સરકાર વિદ્યાર્થીઓ માટે 12 અંકનું એક આઈડી કાર્ડ બનાવવા જઈ રહી છે. આ કાર્ડ વિદ્યાર્થીને બાળપણથી લઈને ઉચ્ચ અભ્યાસ સુધી કાયમી રહેશે. જો વિદ્યાર્થી શાળા બદલે છે તો પણ તેનુ અપાર આઈડી કાર્ડ સેમ જ રહેશે. આ કાર્ડમાં વિદ્યાર્થીનો તમામ શૈક્ષણિક ડેટા સમાવી લેવામાં આવશે.

આ કાર્ડધારક વિદ્યાર્થી બસ મુસાફરીમાં સબસિડી મેળવી શકશે. કોઈપણ સરકારી મ્યુઝિયમમાં ફ્રી એન્ટ્રી મેળવી શકશે.એમ્યુઝમેન્ટ પાર્ક અને હોસ્ટેલ માટે સબસિડી- માફી મળશે. વિદ્યાર્થીને પુસ્તકો અને સ્ટેશનરી ખર્ચ પર ડિસ્કાઉન્ટ મળશે. ઉપરાંત વિદ્યાર્થીને પરીક્ષાની ફી ભરવામાં પણ ઉપયોગી થશે.

જો કે હજુ પણ આધાર કાર્ડ અને અપાર કાર્ડને લઈને અનેક લોકોમાં ગેરસમજ રહેલી છે. અપાર કાર્ડ એ માત્ર વિદ્યાર્થીઓ માટે છે અને તે કોઈપણ શૈક્ષણિક સંસ્થામાં શિક્ષણ મેળવતા વિદ્યાર્થીઓ પૂરતુ જ છે. જ્યારે આધાર કાર્ડ એ ભારતીય નાગરિક હોવાનો પૂરાવો છે અને એ શિક્ષિત- અભણ કોઈપણ લોકો કઢાવી શકે છે જ્યારે APAARકાર્ડ માત્ર શિક્ષિત વ્યક્ત અને શિક્ષણ મેળવી રહેલા લોકો માટે જ છે.