સંધ્યા થિયેટર કેસમાં અલ્લુ અર્જુનને 13 ડિસેમ્બરના રોજ કસ્ટડીમાં લેવામાં આવ્યો હતો. ત્યાર બાદ તેમને વચગાળાના જામીન પર છોડી દેવામાં આવ્યા હતા. પરંતુ હાલમાં એક લેટર વાયરલ થઈ રહ્યો છે. એવું જાણવા મળી રહ્યું છે કે, તેના કારણે અલ્લુ અર્જુનની મુશ્કેલીઓ વધી શકે છે અને તેને ફરીથી જેલ જવું પડી શકે છે.
સોશિયલ મીડિયા પર એક લેટરનો ફોટો શેર કરવામાં આવી રહ્યો છે. એવું કહેવામાં આવી રહ્યું છે કે, આ લેટર પોલીસ દ્વારા જારી કરવામાં આવ્યો હતો.

જેમાં તેમણે લખ્યું હતું કે, સુરક્ષા કારણોસર પુષ્પા 2ના સ્ટાર્સ થિયેટરમાં ન આવે. એક રિપોર્ટ પ્રમાણે આ પત્ર ચિક્કડપલ્લી પોલીસ સ્ટેશન દ્વારા જારી કરવામાં આવ્યો છે. પત્રમાં કહેવામાં આવ્યું છે કે, સંધ્યા થિયેટરમાં એક જ પ્રવેશદ્વાર છે. એટલે જ્યારે કોઈ સેલિબ્રિટી આવે છે તો ભીડને નિયંત્રિત કરવી ખૂબ મુશ્કેલી પડે છે. લેટરમાં છેલ્લે લખ્યું હતું કે, 4 ડિસેમ્બરે ફિલ્મની ટીમે ત્યાં ન આવવું.

જો આ લેટર સાચો હશે, તો અલ્લુ અર્જુનની મુશ્કેલીઓ વધી શકે છે. તેઓ હાલમાં 12 જાન્યુઆરી સુધી જામીન પર છે. જો એવું સાબિત થાય છે કે, તેની ટીમે પોલીસની સલાહને અવગણી હતી તો તેની સામે કાર્યવાહી પણ થઈ શકે છે.

હકીકતમાં 4 ડિસેમ્બરે હૈદરાબાદના સંધ્યા થિયેટરમાં પુષ્પા 2ના પ્રીમિયર શો દરમિયાન ભાગદોડ મચી ગઈ હતી. આ નાસભાગમાં રેવતી નામની મહિલાનું શ્વાસ રૂૂંધાવાથી મોત થયું હતું. આ મામલે અલ્લુ અર્જુન, તેની સિક્યુરિટી ટીમ અને સિનેમા હોલ મેનેજમેન્ટ સામે કેસ નોંધવામાં આવ્યો હતો.

વન નેશન-વન ઈલેક્શન બિલ મંગળવારે લોકસભામાં રજૂ કરવામાં આવ્યું હતું. આ પ્રસંગે, પાર્ટીએ ગૃહમાં ગેરહાજર રહેલા ભાજપના સાંસદોને નોટિસવન નેશન-વન ઈલેક્શન બિલ પર આજે સંસદમાં ચર્ચા કરવામાં આવી હતી અને તેના પર મતદાન થયું હતું. આ બિલ લોકસભા અને વિધાનસભાની ચૂંટણીઓ એકસાથે કરાવવા માટે બંધારણમાં સુધારો કરવાનો પ્રસ્તાવ છે.

ભાજપે પોતાના સાંસદોને આ મહત્વપૂર્ણ અવસર પર ગૃહમાં હાજર રહેવા માટે ત્રણ લીટીનો વ્હીપ જારી કર્યો હતો. પરંતુ તેમ છતાં ભાજપના 20 થી વધુ સાંસદો મતદાન સમયે ગેરહાજર રહ્યા, જેના કારણે પાર્ટી નારાજ છે. આ મહત્વના પ્રસંગે ભાજપના 20થી વધુ સાંસદોની ગેરહાજરીને કારણે પાર્ટીના મતોમાં થોડો ઘટાડો થયો હતો. ભાજપે તેના ઘણા સાંસદોને નોટિસ મોકલી છે અને અન્યને પણ નોટિસ મોકલવાની છે.

નોટીસ અપાઇ છે તેમાં જગદંબિકા પાલ, નીતિન ગડકરી, જયોતિરાદિત્ય સિંધિયા, શાંતનુ ઠાકુર, ગિરિરાજ સિંહ, જગન્નાથ સરકાર, ઉદયરાજે ભોંસલે, વિજય બઘેલ, અને બીએસ રાઘવેન્દ્રનો સમાવેશ થાય છે.

કેન્દ્રીય કાયદા પ્રધાન અર્જુન રામ મેઘવાલે લોકસભામાં બંધારણ (129મો સુધારો) બિલ, 2024 અને કેન્દ્ર શાસિત કાયદા (સુધારા) બિલ, 2024 રજૂ કર્યા હતા. બિલની રજૂઆત દરમિયાન ગૃહમાં જોરદાર ચર્ચા થઈ હતી અને વિપક્ષે તેનો ઉગ્ર વિરોધ કર્યો હતો. ચર્ચા બાદ મતદાન થયું ત્યારે બિલની તરફેણમાં 269 અને વિરુદ્ધમાં 198 મત પડ્યા. આ બિલ આખરે સંસદની સંયુક્ત સંસદીય સમિતિ (જેપીસી)ને મોકલવામાં આવ્યું હતું.

PM કિસાન સન્માન નિધિને લઈને એક મોટા સમાચાર છે. અહેવાલમાં જણાવાયું છે કે સંસદીય પેનલે સૂચવ્યું છે કે પીએમ કિસાન સન્માન નિધિ (પીએમ-કિસાન) હેઠળ નાણાકીય સહાય તરીકે આપવામાં આવતી રકમ 6,000 રૂૂપિયાથી વધારીને 12,000 રૂૂપિયા કરવી જોઈએ. આ સિવાય ખેડૂતોને MSPની કાયદેસર ગેરંટી આપવાનું સૂચન કરવામાં આવ્યું છે. પંજાબ અને હરિયાણાના ખેડૂતોના વિરોધ વચ્ચે સંસદીય પેનલનું આ સૂચન આવ્યું છે. અહેવાલ મુજબ કોંગ્રેસના સાંસદ અને પંજાબના પૂર્વ મુખ્યમંત્રી ચરણજીત સિંહ ચન્નીની આગેવાની હેઠળની કૃષિ, પશુપાલન અને ખાદ્ય પ્રક્રિયા પરની સ્થાયી સમિતિએ તેના પ્રથમ અહેવાલ (18મી લોકસભા)માં આ ભલામણો કરી છે. આ ભલામણો મંગળવારે લોકસભામાં રજૂ કરાયેલ કૃષિ અને ખેડૂત કલ્યાણ મંત્રાલયની પગ્રાન્ટ્સ માટેની માગણીઓ (2024-25)થ પર કરવામાં આવી છે.

આ ઉપરાંત કમિટીએ એવી પણ ભલામણ કરી છે કે કૃષિ અને ખેડૂત કલ્યાણ વિભાગનું નામ બદલીને પકૃષિ, ખેડૂત અને ખેત મજૂર કલ્યાણ વિભાગ કરવામાં આવે. સમિતિએ એમ પણ કહ્યું કે તે માને છે કે ખેડૂતોને આપવામાં આવતા મોસમી પ્રોત્સાહનો શેરખેડનારાઓ અને ખેત મજૂરો સુધી પણ લંબાવી શકાય છે.
તેની ભલામણોમાં સમિતિએ કહ્યું છે કે તે માને છે કે કૃષિ વિભાગે ખેડૂતોને કાયદાકીય ગેરંટી તરીકે ખજઙના અમલ માટે શક્ય તેટલી વહેલી તકે રોડમેપ જાહેર કરવો જોઈએ. સમિતિએ એમ પણ કહ્યું કે વેપાર નીતિ સંબંધિત કોઈપણ જાહેરાત કરતા પહેલા ખેડૂતોનું પ્રતિનિધિત્વ કરતા સંગઠનો અને લોકો સાથે ચર્ચા કરવી જોઈએ.

સમિતિએ કહ્યું કે તે માને છે કે કૃષિ ઉત્પાદનો પર બદલાતી આંતરરાષ્ટ્રીય આયાત-નિકાસ નીતિને કારણે ખેડૂતોને નુકસાન થઈ રહ્યું છે. સમિતિ ભારપૂર્વક ભલામણ કરે છે કે CACP (કમીશન ફોર એગ્રીકલ્ચર કોસ્ટ્સ એન્ડ પ્રાઈસ)ની તર્જ પર કાયમી સંસ્થા/સંસ્થાની રચના કરવામાં આવે અને તેમાં કૃષિ નિષ્ણાતો તેમજ ખેડૂતોના પ્રતિનિધિઓનો સમાવેશ થાય.