ભાવનગર જિલ્લાના તળાજાના ત્રાપજ ગામ નજીક ગઇકાલે કાળચક્ર સ્થિર થયુંહતું.પરોઢના સૂર્યદેવ ધરતીપર સૂર્ય કિરણો પાડે તે પહેલાં ગોઝારો અકસ્માત સર્જાયો હતો. ત્યાંજ સાંજ ઢળે તે પહેલાજ સવારે જ્યાં અકસ્માત થયો હતો તેની સાવ નજીક નેશનલ હાઇવે ચડવા માટે મુકવામાં આવેલ નાળા નીચેથી પસાર થતા છકડા ને અજાણી કાર ચાલકે ઠોકર મારતા છકડો પલ્ટી મારી ગયો હતો.

છકડા ચાલક દકાના ગામના મગનભાઈ મીઠાભાઈ જાંબુચા એ પોતાના છકડામા સરતાનપર(બંદર) ગામના 17 મહિલા અને એક પુરુષ સહિત 18 ખેત મજૂરો બેસાડ્યા હતા.એકજ છકડામા ડ્રાઇવર સહિત 19 મુસાફરો સવાર હતા.તમામ મુસાફરો ને લાકડીયા ગામે ખેત મજૂરી કરી પરત ફરતા હતા ત્યારે અકસ્માત સર્જાયો હતો.
તમામ ઇજાગ્રસ્ત ને તળાજા ની સરકારી રેફરલ હોસ્પિટલમાં લાવવામાં આવ્યા હતા.ફેક્ચર સહિતની ઇજાઓ હોય ભાવનગર તથા અહીંની સદવિચાર હોસ્પિટલ ખાતે વધુ સારવાર માટે લઈ જવામાં આવ્યા હતા.

આ અકસ્માતમાં ઇજા પામેલાઓમાં મગનભાઈ મીઠાભાઈ જાંબુચા-દકાના ટેમ્પો દ્રઇવર, આશાબેન સંતોષભાઈ વેગડ-સરતાનપર, લાભુબેન દલજીભાઈ વેગડ, મણીબેન નાથાભાઇ મકવાણા, કાજલબેન મુકેશભાઈ બારૈયા, અસ્મિતાબેન વાલજીભાઈ બારૈયા, ગોરધનભાઈ માધાભાઈ વેગડ, જયશ્રીબેન ભાણજીભાઈ બારૈયા, દવુંબેન પ્રેમભાઈ વેગડ, સવુંબેન ભરતભાઇ , જિજ્ઞાબેન મેહુલભાઈ મકવાણા, રાધિકાબેન વેલજીભાઈ મકવાણા, લક્ષ્મીબેન તુલસીભાઈ ચુડાસમા, કિંજલ ઓધાભાઈ મકવાણા, કાળીબેન ઓધાભાઈ ચુડાસમા, હિરલબેન પરષોત્તમભાઈ ચુડાસમા, દક્ષાબેન મેઘજીભાઈ મકવાણા, ચકુબેન તૃલસીભાઈ ચુડાસમા, દિકુબેન ગોરધનભાઈ વેગડ નો સમાવેશ થાય છે.

સુરેન્દ્રનગરમાં રહેતા અને રખડતા ભુંડ પકડવાનું કામ કરતા એક જ કુંટુંબીના બે પરિવારો વચ્ચે ફરી મારામારીનો બનાવ બન્યો હતો. જેમાં સામ-સામે 8 શખ્સો સામે પોલીસ ફરિયાદ નોંધાઈ છે.સુરેન્દ્રનગર શહેરમાં રખડતા ભુંડ પકડવાનું કામ કરતા પરિવારો અનેકવાર હદ બાબતે બાખડે છે. અગાઉ શહેરના 80 ફુટ રોડ, વઢવાણના ખારવા રોડ, સુરેન્દ્રનગર બસ સ્ટેશન રોડ બાદ તા. 15મીના રોજ સાંજે શહેરના દાળમીલ રોડ પર ફરી આ પરિવારો બાખડયા હતા. જેમાં સામ-સામે પોલીસ ફરિયાદ નોંધાઈ છે.

બનાવની વધુમાં મળતી માહિતી મુજબ સુરેન્દ્રનગરની કલેકટર કચેરી પાછળ આવેલ હાઉસીંગ સોસાયટીમાં રહેતા રર વર્ષીય હરદીપસીંગ અવતારસીંગ પટવા અભ્યાસ કરે છે. તા. 15-12ના રોજ સાંજે તેમનો નાનો ભાઈ મલીંદરસીંગ તેના મીત્ર જુમ્માને લઈને કારમાં ડેમ તરફ આંટો મારવા ગયો હતો. ત્યારે કુંટુંબીજનો રાજુસીંગ દારાસીંગ પટવા, ક્રીપાલસીંગ દારાસીંગ પટવા, કલ્લુસીંગ દારાસીંગ પટવા, બલરામસીંગ રાજુસીંગ પટવા અને કરનસીંગ હરનામસીંગ પટવાએ કાર ઉભી રખાવી તમારે આ બાજુ આવવાનુ નહીં, નહીંતર મારીને નાંખી દઈશુ કોઈને ખબર નહીં પડે તેમ કહેતા મલીંદરસીંગે તેના ભાઈને ફોન કર્યો હતો. આથી હરદીપસીંગ અને પિતા અવતારસીંગ દોડી ગયા હતા. આ સમયે પાંચેય આરોપીઓએ પિતા અને બે પુત્રોને લાકડાના ધોકા વડે માર માર્યો હતો. અને અમારા વિસ્તારમાં ભુંડ પકડવા કે અમથા દેખાણા તો જાનથી મારી નાંખીશુ. તેવી ધમકી આપી હતી. જેમાં ત્રણેય ઈજાગ્રસ્ત પિતા અને બે પુત્રોને સારવાર માટે દવાખાને લઈ જવાયા હતા.

જયારે સામાપક્ષે રાજુસીંગ દારાસીંગ પટવાએ નોંધાવેલી ફરિયાદમાં જણાવાયા મુજબ તેમના કાકા અવતારસીંગ અને પિતરાઈ ભાઈઓ હરદીપસીંગ અને મલીંદરસીંગે ભુંડ પકડવા અમારા વિસ્તારમાં આવવુ નહીં તેમ કહી બોલાચાલી કરી હતી અને ત્રણેય શખ્સોએ તલવાર, લોખંડની ટામી અને લાકડાના ધોકા વડે ક્રીપાલસીંગ અને કરનસીંગને માર મારી ઈજા પહોંચાડી હતી. આથી તેઓને સારવાર માટે સુરેન્દ્રનગરની સી.યુ.શાહ મેડીકલ કોલેજ એન્ડ હોસ્પિટલ લઈ જવાયા હતા. બનાવની સામ-સામે ફરિયાદ નોંધી પીએસઆઈ બી.કે. મારૂૂડા, ધર્મેન્દ્રસીંહ મોરી સહિતનાઓએ આ કેસના છ આરોપીઓને ઝડપી લીધા હતા અને બનાવના સ્થળે પીએસઆઈ એચ. એસ. જાડેજા દ્વારા તમામને લઈ જઈ સમગ્ર ઘટનાનું રીક્ધસ્ટ્રકશન પણ કરાવાયુ હતુ.

ખંભાળિયા શહેરમાં દ્વારકા ગેઈટ વિસ્તારમાં આવેલા સંતોષી માતાજીના મંદિરની જમીન પર બોગસ દસ્તાવેજ વિગેરે દ્વારા કેટલાક તત્વો દ્વારા આચરવામાં આવેલા દબાણ સામે પોલીસ તંત્રએ તાકીદની કાર્યવાહી કરી અને આ પ્રકરણમાં પાંચ આરોપીઓ સામે ગુનો નોંધી, સંડોવાયેલા આરોપીઓને દબોચી લીધા હતા. આટલું નહી, સંતોષી માતાજીના મંદિર નજીકનું આ દબાણ પણ ખુલ્લું કરવામાં આવ્યું છે. આ સમગ્ર બાબતને ખંભાળિયાના મૂળ વતની અને રાજ્યસભાના સાંસદ પરિમલભાઈ નથવાણીએ આવકારી છે.

ખંભાળિયામાં દ્વારકા ગેઈટ પાસે વર્ષો જૂનું સંતોષી માતાજીનું મંદિર આવેલું છે. જ્યાં મોટી સંખ્યામાં શ્રદ્ધાળુઓ દર્શનાર્થે જાય છે. ત્યારે આ મંદિરને રાજાશાહીના વખતમાં સાંપળેલી જગ્યાના બોગસ દસ્તાવેજ બનાવીને કેટલાક શખ્સો દ્વારા વારસાઈ એન્ટ્રી તેમજ ઉતરોતર દસ્તાવેજ દ્વારા દબાણ કરવાની તજવીજ કરાઇ હતી. જે અંગે નોંધાવાયેલી પોલીસ ફરિયાદ બાદ આ મુદ્દે દેવભૂમિ દ્વારકા જિલ્લા પોલીસ વડા નિતેશ પાંડેય દ્વારા ખાસ લક્ષ્ય કેળવી અને તાકીદ ની કાર્યવાહી કરી ગુનો નોંધી ત્રણ આરોપીઓને ઝડપી લીધા હતા.

આ પછી પોલીસ દ્વારા સંતોષી માતાના મંદિરે જવાના રસ્તા ઉપર વિધર્મીઓ દ્વારા કરવામાં આવેલા આ દબાણને દૂર કરાવવામાં આવ્યું છે.ખંભાળિયા ટાઉન વિસ્તારમાં આવેલા સંતોષી માતાના મંદિર નજીક આવેલ જમીન ઉપર વિધર્મીઓ દ્વારા જમીન જામ સાહેબના વર્ષ 1920 ની સાલના લેખ આધારે ખોટા નામનો દસ્તાવેજ બનાવી લઈ વિધર્મી ઈસમો દ્વારા જમીનનો કબજો કરાયા બાદ આ મંદિરે જતા શ્રદ્ધાળુઓને અડચણરૂૂપ થાય તે રીતે દબાણ કરવામાં આવ્યું હતું. આ બાબતે ખંભાળિયા પોલીસ સ્ટેશન ખાતે વિધર્મીઓ વિરુદ્ધ બનાવટી દસ્તાવેજ બનાવવા અંગેનો ગુનો દાખલ કરી, તાત્કાલિક ત્રણ આરોપીઓની ધરપકડ કરી જેલ હવાલે કરાયા બાદ આ જગ્યાને ખુલ્લી કરવામાં આવી છે.જિલ્લા પોલીસ વડા નિતેશ પાંડેયની ટીમ દ્વારા જિલ્લા કલેકટર કચેરીને સાથે રાખીને કરવામાં આવેલી આ કાર્યવાહીથી ગેરકાયદેસર દબાણકર્તા વિધર્મીઓમાં ભારે દોડધામ મચી જવા પામી છે. જે બાબતને ખંભાળિયાના મૂળ વતની અને રાજ્યસભાના સાંસદ પરિમલભાઈ નથવાણીએ આવકારી, આ કામગીરીને બિરદાવી હતી.