છેતરપિંડીની ઘટનામાં ફરિયાદ, નફો કે હિસાબ ન આપતા ખેડૂતની તપાસમાં ભાંડો ફૂટયો

અમરેલીના ખેડૂતને ગઠિયાએ કંપનીમાં 20 ટકાના ભાગીદાર બનાવવાની લાલચ આપી લેટરપેડ પર સહીઓ કરાવી દીધી હતી. તેમજ ખેડૂતની વસ્ત્ર્રાપુરની મિલકત બેન્કમાં મોર્ગેજ મૂકી 14.75 કરોડની લોન લઇને વાપરી નાખી હતી. નફો કે હિસાબ ન આપતા ખેડૂતે તપાસ કરતા ભાંડો ફૂટતા ખેડૂતે ગઠિયા સામે નવરંગપુરા પોલીસમાં છેતરપિંડીની ફરિયાદ નોધાવી છે. અમરેલીના પ્રદીપભાઇ સેંજલિયા ખેતીકામ કરે છે અને ખેતી એગ્રી પ્રોડક્ટમાં ટ્રેડીગ કરે છે.

ગત વર્ષ 2019માં તેમના મિત્ર જીગ્નેશ માકડીયા દ્વારા અનિલ રૂૂંથલા સાથે મુલાકાત થઈ હતી. જીગ્નેશે કહ્યુ કે અનિલ ટેકસટાઇલના મોટા વેપારી છે. પ્રદીપભાઇ અમદાવાદ આવ્યા ત્યારે અનિલની નવરંગપુરામાં આવેલ ઓફ્સિે ગયા હતા. અનિલે જણાવ્યું હતું કે તે રૂૂન્થાલા એન્ટરપ્રાઇઝ કંપની ધરાવે છે અને કંપનીનું ટર્નઓવર સારું છે તેમને ધંધો વધારવા માટે પૈસાની જરૂૂર છે. જેથી પ્રદિપભાઇ પાસે નાણાકીય મદદ માંગી હતી. અને જો મદદ કરો તો 20 ટકાની ભાગીદાર બનાવી કંપનીના ડાયરેકટર બનાવી ભાગ આપશે તેવી લાલચ આપી હતી. જેથી લાલચમાં આવીને પ્રદીપભાઈએ કંપનીના 20 ટકા શેર તેમના નામે કરીને રોકાણ કર્યું હતું. ત્યારબાદ અનિલે પ્રદીપભાઈને વારંવાર અમદાવાદ ના આવું પડે તે માટે કંપનીના લેટરપેડમાં સહી કરી આપો તેમ કહીને 20 કોરા લેટરપેડ પર સહી કરાવી હતી.

બાદમાં ધંધો વધારવા પર્સનલ પ્રોપર્ટી બેન્કમાં મોર્ગેજ મૂકવી પડશે તેમ જણાવતા પ્રદિપભાઇએ તેમની વસ્ત્ર્રાપુરમાં આવેલી મિલકત બેંકમાં મોર્ગેજ મૂકીને રૂૂ. 14.75 કરોડની કેશ ક્રેડિટની લોન લીધી હતી. અનિલે ઓથોરિટી અને બેંકના આઈડી પાસવર્ડ પણ પોતાની પાસે રાખ્યા હતા અનિલ પ્રદીપભાઈને કોઈ હિસાબ આપતો નહોતો અને નફમાં પણ ભાગ આપતો નહોતો. જેથી ધંધામાં કરેલ રોકાણ પરત માંગીને છુટા થવાનું પ્રદિપભાઈએ જણાવ્યું હતું. ત્યારે પ્રદિપભાઇએ બેન્કમાં તપાસ કરતા લીધેલા લોનના રૂૂપિયા અનિલે પોતાના અંગત ઉપયોગ માટે વાપરી દીધા હોવાનું સામે આવ્યું હતું.

અમરેલી પીજીવીસીએલ વર્તુળ કચેરી દ્વારા ગેરકાયદેસર કનેક્શન માટે વીજ ચેકીંગની ડ્રાઈવ યોજી હતી. પીજીવીસીએલના કર્મચારીઓની અલગ અલગ ટીમો દ્વારા વિવિધ ગામડામાં વીજ ચેકિંગની કામગીરી કરવામાં આવતી હતી, ત્યારે ધારીના મોણવેલ ગામમાં રહેણાંક મકાનમાં પીજીવીસીએલના કર્મચારી અશ્વિનભાઈ ગંગારભાઈ બાબુલ દ્વારા વીજ ચેકિંગ કરવા જતાં અહીં જગદીશભાઈ મનસુખભાઇ ઢોલરીયા, મહિલા સોનલબેન મનસુખભાઈ ઢોલરીયા બંને વ્યક્તિઓ દ્વારા વીજ કર્મચારી સાથે ગેરવર્તન કરી જેમ ફાવે તેમ ગાળો આપી લાકડાનો દંડો લઈ મારવા દોડતા વીજ કર્મચારી જીવ બચાવી ભાગ્યા હતા.

ગાળો આપી ઘરેથી નીકળી જવાનું કહ્યું હતું. સરકારી કામગીરીમાં અડચણ ઉભી કરી બંને વ્યક્તિઓ એકબીજાને મદદ કરી ગુનો આચરતા ધારી પોલીસ સ્ટેશનમાં ફરીયાદ નોંધાય છે. જેની પોલીસ તપાસ એ.એસ.આઈ. એસ.બી.સેયદ ચલાવી રહ્યા છે.
પીજીવીસીએલના વીજ કર્મચારી અશ્વિનભાઈ બાબુલ દ્વારા ધારી પોલીસ સ્ટેશનમાં આરોપી જગદીશભાઈ મનસુખભાઇ ઢોલરીયા, સોનલબેન મનસુખભાઈ ઢોલરીયા સામે ફરિયાદ આપતા ધારી પોલીસે ફરિયાદના આધારે ગુનો નોંધી આરોપીની ધરપકડ કરવા માટેની કાર્યવાહી હાથ ધરી છે.

અમરેલીના નાના લીલીયા ગામે રહેતા યુવાને ગૃહકલેશથી કંટાળી ઝેરી દવા પી આપઘાતનો પ્રયાસ કર્યો હતો. યુવકને ઝેરી અસર થતા સારવાર માટે ખસેડવામાં આવ્યો હતો. આ બનાવ અંગે પોલીસમાંથી જાણવા મળતી વિગત મુજબ અમરેલીના નાના લીલીયા ગામે રહેતા ઘુઘા લાલજીભાઈ સુરેલા નામનો 25 વર્ષનો યુવાન બપોરના ત્રણેક વાગ્યા અરસામાં પોતાના ગામમાં હતો ત્યારે ઝેરી દવા પી લીધી હતી. યુવકને ઝેરી અસર થતા અમરેલી બાદ રાજકોટ સિવિલ હોસ્પિટલમાં દાખલ કરવામાં આવ્યો હતો.

પ્રાથમિક પૂછપરછમાં ઘોઘા સુરેલા બે ભાઈ ત્રણ બહેનમાં નાનો છે અને તેની પત્ની કાજલ સાથે તેને પ્રેમ લગ્ન કર્યા હતા દંપતિ વચ્ચે ઝઘડો થતાં ઘોઘા સુરેલા તેની પત્ની કાજલને માવતરે મૂકી આવ્યા બાદ ઝેરી દવા પી લીધી હોવાનું જાણવા મળ્યું છે. આ ઉપરાંત બીજા બનાવમાં મોરબીમાં આવેલા લાયન્સનગરમાં રહેતા શૈલેષ અરજણભાઈ ચૌહાણ નામના 25 વર્ષના યુવાને રવાપર રોડ ઉપર આવેલી એચડીએફસી બેન્ક પાસે એસીડ પી લીધું હતું. યુવકની તબિયત લથડતા સારવાર માટે રાજકોટ સિવિલ હોસ્પિટલમાં દાખલ કરવામાં આવ્યો હતો. પ્રાથમિક પૂછપરછમાં શૈલેષ ચૌહાણ બેંકમાં સિક્યુરિટી ગાર્ડ તરીકે નોકરી કરે છે અને બે ભાઈ એક બહેનમાં નાનો હોવાનું જાણવા મળ્યું છે. ઉપરોક્ત બંને બનાવ અંગે પોલીસે નોંધ કરી વધુ તપાસ હાથ ધરી છે.