Connect with us

રાષ્ટ્રીય

અહીંથી પાર્કિન્સનના દર્દીઓને મળે છે જીવન જીવવાનું જોમ

Published

on

  • આવતીકાલે વિશ્વ પાર્કિન્સન દિવસ
  • BKP PDMDSમાં નિ:શુલ્ક ફિઝિયોથેરાપી સ્પીચ, થેરાપી કોગ્નિટિવ,ઓક્યુપેશનલ ડાન્સ, આર્ટ, ક્રાફ્ટ સાયકોલોજિકલ કાઉન્સિલિંગ વગેરે નિ:શુલ્ક કરાવવામાં આવે છે
  • પાર્કિન્સન દર્દીઓના સ્વજન બની સમજણ અને સારવાર આપે છે ડો.નમ્રતા ચાવડા

કોઈ વ્યક્તિ હાલતા ચાલતા સામાન્ય જિંદગી જીવતું હોય, ખાઈ પી અને મોજ કરતું હોય અને એવામાં શરીરનું કોઈ એક અંગ સતત ધ્રુજવાની બીમારીમાં સપડાઈ જાય તો શું સ્થિતિ થાય? અને ફક્ત એક અંગ જ નહીં ધીમે ધીમે બીજા અંગો પણ ધ્રુજવા લાગે આવી કંંપવાની બીમારી આવે છે ત્યારે ઘણી મુશ્કેલીઓ ઊભી થતી હોય છે.શારીરિક બીમારી સાથે માનસિક સંતુલન પણ ખોરવાઈ જાય છે. દેખીતી રીતે કોઈ ગંભીર બીમારી ન જણાવા છતાં આ બીમારીના કારણે ગંભીર પ્રશ્નો ચોક્કસ સર્જાતા હોય છે પરંતુ જો અમુક બાબતનો ખ્યાલ રાખવામાં આવે તો ચોક્કસ આ બીમારીની સાથે પણ સરસ મજાનું જીવન જીવી શકાય છે. આ બીમારી એટલે કંપવા એટલે કે પાર્કિન્સન રોગ. આવતીકાલે વિશ્વ પાર્કિન્સન દિવસ છે ત્યારે આ રોગના દર્દીઓ માટે છેલ્લા સાત વર્ષથી કાર્યરત ડો.નમ્રતા ચાવડાની કામગીરી જાણવા જેવી છે.
ફિઝિયોથેરાપીસ્ટ ડો.નમ્રતા ચાવડાનો જન્મ રીબડા ખાતે મઘ્યમ વર્ગીય પરિવારમાં થયો. પિતાજી ક્લાર્ક હતા અને માતા જેતપુર ખાતે શિક્ષિકાની ફરજ બજાવતા.બંનેની નોકરીના કારણે ત્રણ વર્ષની ઉંમરથી જ પોતાના કામ જાતે કરવા ટેવાયેલા હતા.

તેઓ જણાવે છે કે,‘માતા-પિતાએ અમારું બાળપણ જોયેલ નથી અને અમે પણ એ પ્રેમથી વંચિત રહ્યા છીએ. સંજોગોના કારણે કોઈ વસ્તુ જીદ કરીને માગી નથી’. રાજકોટ આવ્યા બાદ સંગીત, નૃત્ય, ટ્રેકિંગ વગેરેમાં રસ લીધો.બાળપણથી જ અનેક સંઘર્ષોને સાથી બનાવનાર નમ્રતાબેનના દાદીને કોબ્રા કરડતા કોમામાં સરી પડ્યા હતા અને તેને જોઈને મેડિકલ લાઈનમાં જવાની ઈચ્છા મજબૂત બની.રાજકોટના કે.કે.શેઠ ફિઝિયોથેરાપી કોલેજમાં સાડા ચાર વર્ષનો અભ્યાસ પૂર્ણ કર્યો.ઇન્ટર્નશિપ કરી. અનેક જગ્યાએ સેવાઓ આપી તથા પર્સનલી પણ ફિઝિયોથેરાપીની ટ્રીટમેન્ટ આપવા જતાં .આ સમય દરમિયાન રાજકોટમાં સ્થપાયેલ બળવંત કે.પારેખ પાર્કિન્સન ડીસીસ એન્ડ મૂવમેન્ટ ડિસઓર્ડર સોસાયટીની જાણ થઈ.જાણે કુદરતે સામેથી સેવાનો મોકો આપ્યો જે નમ્રતાબેને ઝડપી લીધો. આજે તેઓ આ સંસ્થામાં કોઓર્ડિનેટર કમ ફિઝિયોથેરાપિસ્ટની કામગીરી બજાવે છે.

આ સંસ્થા વિશે વાત કરતા તેઓએ જણાવ્યું કે, ‘આ સંસ્થામાં કંપવાના દર્દી તેમજ તેમના સગા-વ્હાલાઓ માટે નિ:શુલ્ક ફિઝિયોથેરાપી સ્પીચ, થેરાપી કોગ્નિટિવ ઓક્યુપેશનલ ડાન્સ, આર્ટ, ક્રાફ્ટ, સાયકોલોજિકલ કાઉન્સિલિંગ વગેરે કરાવવામાં આવે છે. દર્દીને શરૂઆતમાં ધ્રુજારી, જકડામણ અને પહેલાં કરતા રોજિંદુ કામકાજ ધીમું થવું એવા લક્ષણો જોવા મળે છે સમય જતાં પગ ચોંટી જવા, બેલેન્સમાં ગરબડ, ચાલવામાં તકલીફ, મોઢાના હાવભાવ લાગણી દર્શાવવી બોલવામાં તકલીફ, સુગંધ પારખવામાં તકલીફ જેવી સમસ્યાઓ ઊભી થાય છે. આ સિવાય ચિંતા, ઉદાસી, ઊંઘમાં તકલીફ, આભાસ થવો, કબજિયાત વગેરે તકલીફોનો સામનો કરવો પડે છે.આ બધી તકલીફો સામે તકલીફ વગર જીવન કંઈ રીતે જીવવું તેની અહીં સમજ આપવામાં આવે છે.’

હાલ નમ્રતાબેન ફિઝિયોથેરાપીની પ્રેક્ટિસ સાથે નિયમિત રીતે આ દર્દીઓના સ્વજન બની તેમને સમજણ અને સારવાર આપે છે. નમ્રતાબેન જણાવે છે કે આ દર્દીઓ સાથે કામ કરીને જીવનનો એક સંતોષ મળે છે અને જાણે જિંદગીને એક મંઝિલ મળી ગઈ હોય તેવો અનુભવ થાય છે. આ દર્દીઓ માટે જ તેઓ ભવિષ્યમાં વધુ કામગીરી કરવા માગે છે. તેઓને ખૂબ ખૂબ શુભેચ્છા.વધુ માહિતી માટે 83206 45080 આ નંબર પર સંપર્ક કરી શકો છો.

કોઈપણ સંજોગો સામે હાર ન માને એ જ નારી શક્તિ
મહિલાઓને સંદેશ આપતા તેઓએ જણાવ્યું હતું કે જ્યારે પરિવારના કોઈ સ્વજન પાર્કિન્સન રોગથી પીડાતા હોય ત્યારે જે મહિલા સભ્યો હોય તેણે ધીરજ રાખવી અને ખૂબ સમજણપૂર્વક તેમની સાથે વર્તન કરવું જોઈએ. બહેનો કોઈપણ કામ ધીરજ, ખંતપૂર્વક અને મહેનતથી કરે તેવું ઈશ્વરે તેમને વરદાન આપ્યું છે તેથી કોઈપણ કામમાં તે હાર માનતી નથી.

શા માટે થાય છે પાર્કિન્સન રોગ?
પાર્કિન્સન રોગ વિશ્વભરમાં લાખો લોકોને અસર કરતો ડિજનરેટિવ ન્યુરોલોજિકલ ડિસઓર્ડર છે. આપણા શરીરને ઉપયોગી એવું એક મગજનું રસાયણ – ડોપામાઈનને રિલીઝ કરતા મગજના કોષો અમુક કારણસર નાશ પામવાના કારણે શરીરના જુદા જુદા અવયવોને અસર કરે છે. આ રોગના લક્ષણોને મુખ્યત્વે બે ભાગમાં જુદા પાડી શકાય છે. Motor (હલનચલનને લગતા) લક્ષણો કે જેમાં ધ્રુજારી, સ્નાયુમાં જકડન, હલન ચલન ધીમી થવી, સમતોલનમાં તકલીફ થવીનો સમાવેશ થાય છે. બીજા પ્રકારના લક્ષણોને Non-Motorકહેવાય છે. જેમાં કબજિયાત, વિચાર શક્તિ અને મૂડમાં ફેરફાર થવો, સેક્સ્યૂઅલ પ્રોબ્લેમ્સ. દુખાવો, ઊંઘમાં તકલીફ થવા જેવા લક્ષણોનો સમાવેશ થાય છે.

‘સંગાથે સહુ આગળ વધીએ’ના સૂત્ર સાથે જાગૃતતા લાવે છે BKP PDMDS
બળવંત કે.પારેખ પાર્કિન્સન ડિસીસ એન્ડ મૂવમેન્ટ ડિસઓર્ડર સોસાયટી એટલે કે  BKP PDMDS સંસ્થા 2015થી કંપવાના દર્દીઓ માટે કાર્યરત છે.ગુજરાત ખાતે રાજકોટ સહિત 14 જેટલા સેન્ટર કાર્યરત છે. જે નિ:શુલ્કં કંપવા દર્દી અને તેમના સગાઓ માટે ઓનલાઇન અને ઓફલાઈન સુવિધા પૂરી પાડે છે. ‘સંગાથે સહુ આગળ વધીએ’ના સૂત્ર સાથે લોકોમાં જાગરૂકતા વધારે છે. રાજકોટ ખાતે છેલ્લા 9 વર્ષથી સર લાખાજીરાજ લાઈબ્રેરી ખાતે BKP PDMDS ફ્રી સેવા દર શનિવારે સાંજે 4-6 વાગે ગ્રુપ થેરાપી દ્વારા કંપવાના દર્દી અને તેમના સગા-વ્હાલાને ડોક્ટરોની મદદ વડે થેરાપી અને માર્ગદર્શન આપવામાં આવે છે. આવતીકાલે આ દિવસની ઉજવણી દર્દી ડાન્સ કરી ઉજવશે.

રાષ્ટ્રીય

કર્ણાટકમાં પોલીસ કસ્ટડીમાં યુવકનું મોત થતાં થતાં હિંસક ટોળાએ પોલીસ સ્ટેશનમાં કરી તોડફોડ, 11 જવાન ઈજાગ્રસ્ત

Published

on

By

કર્ણાટકના દાવણગેરે જિલ્લાના ચન્નાગિરીમાં પોલીસ સ્ટેશનમાં આદિલ નામના વ્યક્તિના મોત થયાં બાદ હિંસક ટોળાએ પોલીસ સ્ટેશનમાં તોડફોડ કરી હતી. રોષે ભરાયેલા ટોળાએ પથ્થરમારો કરવાની સાથે ઘણા વાહનોમાં આગ ચાપી દીધી છે. પોલીસે જણાવ્યું હતું કે આદિલ (30)ને 24 મેના રોજ જિલ્લામાં જુગારની પ્રવૃત્તિઓમાં કથિત સંડોવણી બદલ અટકાયતમાં લેવામાં આવ્યો હતો. શુક્રવારે રાત્રે તેમની તબિયત લથડી હતી અને પોલીસ સ્ટેશનમાં જ તેમનું મોત થયું હતું.

આદિલના મૃત્યુના સમાચાર ફેલાતા જ તેના સંબંધીઓએ પોલીસ સ્ટેશન પહોંચ્યા અને હંગામો મચાવ્યો. ટોળાએ પોલીસના વાહનોને નુકસાન પહોંચાડ્યું હતું અને પથ્થરમારો કર્યો હતો. પોલીસે ભીડને વિખેરવા માટે લાઠીચાર્જ કર્યો હતો. આદિલના સંબંધીઓએ આરોપ લગાવ્યો હતો કે તેનું મોત પોલીસ કસ્ટડીમાં ત્રાસને કારણે થયું છે. દાવંગેરના પોલીસ અધિક્ષક ઉમા પ્રશાંતે જણાવ્યું હતું કે મૃતદેહને સરકારી હોસ્પિટલમાં મોકલવામાં આવ્યો છે અને પોસ્ટમોર્ટમ પછી પરિવારના સભ્યોને સોંપવામાં આવશે.

એસપીના જણાવ્યા અનુસાર, પોલીસની ટીમ જ્યાં ઘટના બની તે વિસ્તારોમાં પેટ્રોલિંગ કરી રહી છે અને ચન્નાગિરીમાં વધારાની પોલીસે તહેનાત કરી દેવાઈ છે. આદિલનું પોલીસ કસ્ટડીમાં ટોર્ચર કરવાનું હોવાનો તેમણે ઈન્કાર કરવાની સાથે તેમણે કહ્યું કે, મૃતકના શરીર પર કોઈપણ ઈજાના નિશાન નથી.

દાવંગેરેના એસપી ઉમા પ્રશાંતે કહ્યું, ‘ગઈકાલે આદિલ નામના વ્યક્તિને પૂછપરછ માટે પોલીસ સ્ટેશન લાવવામાં આવ્યો હતો. તે બેભાન થઈને પડી ગયો. તેને હોસ્પિટલ લઈ જવામાં આવ્યો. આદિલ છ-સાત મિનિટ પણ પોલીસ સ્ટેશનમાં નહોતો. પરંતુ લોકો પોલીસ કસ્ટડીમાં મોત થયું હોવાનો આક્ષેપ કરી રહ્યા છે. પોલીસ સ્ટેશનમાં સીસીટીવી કેમેરા લગાવવામાં આવ્યા છે. મૃતકના પિતાએ ફરિયાદ નોંધાવી છે અને આ મામલે તપાસ કરવામાં આવશે. જજની હાજરીમાં મૃતદેહનું પોસ્ટમોર્ટમ કરવામાં આવશે. પોલીસના સાત વાહનો અને 11 પોલીસકર્મીઓ ઘાયલ થયા હતા. આ મામલામાં ત્રણ FIR નોંધવામાં આવી છે. હાલમાં સ્થિતિ નિયંત્રણમાં છે અને કલમ 144 લાગુ કરવામાં આવી નથી.

Continue Reading

રાષ્ટ્રીય

બંગાળના બાકુરામાં ઇવીએમ સાથે ચેડાં: તૃણમૂલનો આક્ષેપ, ચૂંટણી પંચનું ધ્યાન દોર્યુ

Published

on

By

ચાલી રહેલા તબક્કા 6ના મતદાન વચ્ચે, ઓલ ઈન્ડિયા તૃણમૂલ કોંગ્રેસએ આજે ભારતીય જનતા પાર્ટી પર મોટા આરોપો લગાવ્યા છે. મમતા બેનર્જીના નેતૃત્વવાળી પાર્ટીએ ભાજપ પર બાંકુરાના રઘુનાથપુરમાં ઈલેક્ટ્રોનિક વોટિંગ મશીન સાથે ચેડાં કરવાનો આરોપ લગાવ્યો છે.

બીજેપી ટેગ સાથે ઈવીએમની તસવીરો શેર કરતી વખતે, ટીએમસીએ દાવો કર્યો હતો કે તેમના પર બીજેપી ટેગવાળા 5 ઈવીએમ મળ્યા છે. પક્ષે ભારતીય ચૂંટણી પંચને ભગવા પક્ષ સામે તાત્કાલિક સુધારાત્મક પગલાં લેવા વિનંતી કરી છે.MamataOfficial એ વારંવાર ફ્લેગ કર્યું છે કે કેવી રીતે BJP4India EVM સાથે છેડછાડ કરીને મતોની છેડછાડ કરવાનો પ્રયાસ કરી રહ્યું હતું. આજે, બાંકુરાના રઘુનાથપુરમાં, 5 ઊટખ મળી આવ્યા હતા જેમાં ભાજપના ટેગ હતા.ECISVEEPએ તરત જ તેની તપાસ કરવી જોઈએ અને સુધારાત્મક પગલાં લેવા જોઈએ.
આ પહેલીવાર નથી જ્યારે ટીએમસીએ ભગવા પાર્ટી પર ઈવીએમ સાથે છેડછાડનો આરોપ લગાવ્યો હોય. પશ્ચિમ બંગાળના મુખ્ય પ્રધાન મમતા બેનર્જીએ અગાઉ 2024 માં લોકસભા ચૂંટણીના અગાઉના તબક્કામાં ઇવીએમ સાથે ચેડા કરવા અને મતદારો પર હુમલો કરવા માટે પક્ષની ટીકા કરી હતી.


ટીએમસી સુપ્રીમોએ ભાજપ પર ચૂંટણી પ્રક્રિયાને અવરોધવા માટે અયોગ્ય પ્રથાઓ પસંદ કરવાનો આરોપ લગાવ્યો છે. 1 મેના રોજ, મમતા બેનર્જીએ ભાજપ પર આરોપ લગાવ્યો કે વર્તમાન લોકસભા ચૂંટણીમાં ઉપયોગમાં લેવાતા ઊટખ ને બદલવાની યોજના ઘડી રહી છે. પશ્ચિમ બંગાળના સીએમએ દાવો કર્યો હતો કે પાર્ટી 2019માં ગુમ થયેલા ઈવીએમ સાથે સ્વિચ કરી રહી છે. લોકસભા ચૂંટણીના પ્રથમ અને બીજા તબક્કામાં મતદારોના મતદાનના આંકડામાં અચાનક વધારો થયા બાદ આ આરોપો લગાવવામાં આવ્યા હતા.

Continue Reading

રાષ્ટ્રીય

ચક્રવાત રેમલ: બંગાળના કાંઠાળ વિસ્તારોમાં રેડ-એલર્ટ

Published

on

By

કાલે મધરાતે બંગાળના સાગરટાપુ અને બાંગ્લાદેશના ખેપુપારા વચ્ચે જમીન સાથે ટકરાશે: 100થી 110 કિમીની ઝડપે પવન સાથે ભારે વરસાદની ચેતવણી

બંગાળની ખાડીમાં એક ડિપ્રેશન ગંભીર ચક્રવાતી વાવાઝોડામાં કેન્દ્રિત થવાની અને પશ્ચિમ બંગાળના સાગર ટાપુ અને બાંગ્લાદેશના ખેપુપારા વચ્ચે 26 મેની મધ્યરાત્રિની આસપાસ લેન્ડફોલ થવાની સંભાવના છે, જે રાજ્યના દરિયાકાંઠાના જિલ્લાઓમાં ભારે વરસાદ લાવશે, આ ચક્રવાતનું નામ રેમલ આપવામાં આવ્યું છે.
હવામાન વિભાગે પશ્ચિમ બંગાળના દક્ષિણ અને ઉત્તર 24 પરગણા જિલ્લાના દરિયાકાંઠાના જિલ્લાઓ માટે રેડ એલર્ટ જારી કર્યું હતું, જેમાં 26 મેના રોજ 100 થી 110 કિમી પ્રતિ કલાકની ઝડપે અને 27 મેના રોજ 90 થી 100 કિમી પ્રતિ કલાકની ઝડપે પવન ફૂંકાવાની ચેતવણી આપવામાં આવી હતી, જેમાં એક કે બે વાગે અત્યંત ભારે વરસાદની ચેતવણી આપવામાં આવી હતી. બંને દિવસે સ્થાનો.


સાગર ટાપુના લગભગ 660 કિમી દક્ષિણ-દક્ષિણ-પૂર્વમાં મધ્ય બંગાળની ખાડી પર આવેલું ડિપ્રેશન 25 મેની સવાર સુધીમાં ચક્રવાતી તોફાનમાં કેન્દ્રિત થવાની સંભાવના છે, એમ હવામાન વિભાગે જણાવ્યું હતું.
કલકત્તા, હાવડા અને પૂર્વા મેદિનીપુર જિલ્લાઓ માટે ઓરેન્જ એલર્ટ જારી કરવામાં આવ્યું હતું, જેમાં 26 મેના રોજ 80 થી 90 કિમી પ્રતિ કલાકની ઝડપે અને 27 મેના રોજ 70 થી 80 કિમી પ્રતિ કલાકની પવનની ઝડપની ચેતવણી આપવામાં આવી હતી, જેમાં એક કે બે વાગે ભારેથી અતિ ભારે વરસાદની ચેતવણી આપવામાં આવી હતી. બે દિવસ પર સ્થાનો.

હવામાન કચેરીએ જણાવ્યું હતું કે, ઉત્તર દિશામાં આગળ વધતાં, સિસ્ટમ 25 મેની સાંજ સુધીમાં ગંભીર ચક્રવાતી તોફાનમાં વધુ ધ્યાન કેન્દ્રિત કરશે. 26 મેની મધ્યરાત્રિની આસપાસ તીવ્ર ચક્રવાતી તોફાન સાગર ટાપુ અને ખેપુપારા વચ્ચે પશ્ચિમ બંગાળ અને બાંગ્લાદેશના દરિયાકાંઠાને પાર કરે તેવી સંભાવના છે, એમ તેણે જણાવ્યું હતું. હવામાન પ્રણાલી 26 મે અને 27 મેના રોજ પશ્ચિમ બંગાળના દક્ષિણ અને ઉત્તર 24 પરગણા, પૂર્વા મેદિનીપુર, કોલકાતા, હાવડા અને હુગલી જિલ્લામાં ભારેથી અતિ ભારે વરસાદ લાવશે, એમ હવામાન વિભાગે જણાવ્યું હતું. 26 અને 27 મેના રોજ પશ્ચિમ મેદિનીપુર, પૂર્વા બર્ધમાન અને નાદિયા જિલ્લામાં ભારે વરસાદની સંભાવના છે.

Continue Reading

Trending