Connect with us

અમરેલી

થેંક યૂ પણ ન બોલી શકે તેવા ઉમેદવારને ટિકિટ આપી ભાજપના કાર્યકરો સાથે દ્રોહ કરાયો છે: સંઘાણી બાદ કાછડિયાએ તોપ ફોડી

Published

on

કાલે ભાજપમાં આવેલા સ્ટેજ ઉપર બેસે અને 35-35 વર્ષથી બુંગણ પાથરતા સિનિયરોને સામે બેસવું પડે તે કેટલે અંશે વાજબી ?

દેશની સૌથી મોટી સહકારી સંસ્થા ઈફકોના ડિરેકટરની ચૂંટણીમાં ભાજપના મેન્ડેટ વાળા ઉમેદવારને ભાજપના જ કદાવર નેતાઓએ હરાવી દેતા ગુજરાત ભાજપમાં આવેલા ભુકંપ બાદ હવે આફટર શોક પણ શરૂ થયા હોય તેમ ભાજપના પ્રદેશ પ્રમુખ સી.આર.પાટીના ઈલુ ઈલુ વાળા નિવેદન સામે અમરેલીના ભાજપના સાંસદ નારણભાઈ કાછડીયાએ પણ બળાપો કાઢી આડકતરો જડબાતોડ જાબ આપ્યો છે.


ગઈકાલે ઈફકોના ડિરેકટરની ચૂંટણી બાદ ભાજપના પ્રદેશ પ્રમુખ સી.આર.પાટીલે સરકારી ક્ષેત્રમાં ભાજપ કોંગ્રેસ વચ્ચે ચાલતું ઈલુ ઈલુ બંધ કરલા મેન્ડેટ પ્રથા લાવ્યાના આપેલા નિવેદન સામે ભાજપના જુના જોગી અને ઈફકોના ચેરમેન દિલીપ સંઘાણીએ આકરો જવાબ આપ્યાના ગણતરીના કલાકોમાં જ તેના રાજકીય ગઢ અમરેલીના સાંસદ નારણ કાછડીયાએ પણ સી.આર.પાટીલની નીતિ રીતિ સામે વેધક સવાલો ઉઠાવ્યા છે.


ખાસ કરીને કોંગ્રેસનાં નેતાઓને રાતોરાત ભાજપમાં ભેળવી ટિકીટો અને હોદ્દાઓની લહાણી કરી પક્ષના જ શક્તિશાળી નેતાઓને કદ પ્રમાણે વેતરલાની ચાલતી પ્રવૃતિ સામે હવે ભાજપના જ નેતાઓ કાર્યકરોમાં દબાયેલી સ્પીંગ ઉછળી રહી હોય તેવા સૂર બહાર આવી રહ્યાં છે. આજે ઈફકોની ચૂંટણીમાં દિલીપ સંઘાણી ચેરમેન તરીકે બિનહરીફ ચુંટાતા અમરેલીના સાવરકુંડલામાં ઉજવણીનો કાર્યક્રમ યોજાયો હતો તેમાં સાંસદ નારણભાઈ કાછડીયાએ જાહેરમાં નારાજગી વ્યકત કરી હતી.


અમરેલીના સાંસદ નારણ કાછડીયાએ સનસનીખેજ આરોપ લગાવ્યો કે અમરેલીમાં મજબૂત ચહેરાઓ હતા પણ તેમને ટિકિટ મળી ન હતી. ગુજરાતીમાં થેંક્યુ પણ ના બોલી શકે તેવા ઉમેદવારને ટિકિટ આપીને કાર્યકરો સાથે દ્રોહ કરાયો છે. હું અહિંથી સમગ્ર જિલ્લાના કાર્યકરોને મેસેજ આપુ છુ કે તમારો નારણ કાછડીયા હજી જીવે છે, ભાજપના કાર્યકરો માટે છેલ્લા શ્ર્વાસ સુધી હું લડી લઈશ.


તેમણે જણાવેલ કે, ગઈકાલે દિલીપભાઈએ કહ્યું કે, કોંગ્રેસમાંથી કે આપમાંથી સવારે આવે, બપોરે તેમને હોદો મળે અને બીજા દિવસે એમને કેબિનેટના મંત્રીના પદ મળી જાય… સંગઠનના પદ મળી જાય… ધારાસભ્યની ટિકીટો મળી જાય… તો ભાજપના સાંસદ તરીકે કહું છું કે, તમે તેને પાર્ટીમાં લ્યો કોઈ વાંધો નથી, તમે પાર્ટીના નિયમો પ્રમાણે લેવા જોઈએ અને પાણે લઈએ… આપણે સરવાળો કરવાનો છે. બાદબાકી નથી કરવાની. પરંતુ ભાજપના કાર્યકરોના ભોગે નહીં. ભાજપનો કાર્યકર 35-35 વર્ષથી બુંગણ પાથરતો હોય, ભાજપના ઝંડા લગાડતો હોય, ભાજપના નારા લગાવતો હોય પણ તમે કાલે લઈ આવો તે સ્ટેજ ઉપર બેસતો હોય અને ભાજપનો સિનિયર કાર્યકર સામે બેઠો હોય તે કેટલે અંશે વ્યાજબી છે.


અમરેલીના સાંસદ નારણ કાછડીયાએ ચૂંટણીના મતદાન બાદ હવે બળાપો વ્યક્ત કર્યો છે. તેમણે એક બેઠકમાં કહ્યું હતું કે હું 35 થી 40 વર્ષથી ભાજપ સાથે જોડાયેલો છું અને કાર્યકર્તા સાથે જોડાયેલો છું. કાર્યકર માટે રાત્રિના પણ કોલ કરજો, તમારા માટે હું દોડ્યો આવીશ. તેમણે આરોપ પણ લગાવ્યો કે ભાજપના કાર્યકર્તાઓને તોડવાની ધમકીઓ આપતા હતા અને પોલીસની ધમકીઓ આપતા હતા.


કોંગ્રેસમાંથી આવેલા નેતાઓ સામે નારણ કાછડીયાની નારાજગી બહાર આવી હતી. કોંગ્રેસને પ્રોત્સાહન મળે ટિકિટ મળે ને ભાજપના કાર્યકરને સામે બેસવું પડે તે વ્યાજબી નથી તેમ જણાવતાં નારણ કાછડીયાએ કહ્યું કે ભાજપની વિશાળ કાર્યકર્તાઓની ફોજ હોવા છતાં વિપક્ષ હંફાવે છે. અમરેલી લોકસભામાં દોઢ લાખ મત ઓછા પડ્યા તેમ નારણ કાછડીયાએ જણાવ્યું હતું.


તેમણે કહ્યું કે 2019 માં 2 લાખ ઉપરાંતની જીત્યા હતા કે જિલ્લા પંચાયત કે એકપણ ધારાસભ્ય ન હતા છતાં ભાજપને લીડ મળી હતી.


અમરેલી લોકસભા બેઠકના ઉમેદવાર અંગે સિલેક્સનમાં 23 લાખની વસ્તી અને 17 લાખ મતદાતાઓનો ભાજપે દ્રોહ કર્યો હોવાનો આરોપ નારણ કાછડીયાએ લગાવ્યો હતો.


નારણ કાછડીયાએ સનસનીખેજ આરોપ લગાવતાં કહ્યું કે અમરેલી બેઠકમાં દિલીપ સંઘાણી, મુકેશ સંઘાણી, બાવકુ ઊંધાડ, ડો.કાનાબાર, હિરેન હીરપરા જેવા ભાજપમાં મજબૂત ચહેરાઓ હતા પણ ગુજરાતીમાં થેંકયુ પણ ના બોલી શકે તેવા ઉમેદવારને ટિકીટ આપી તે ભાજપના કાર્યકર સાથે દ્રોહ કર્યો છે.

અમરેલી

અમરેલીમાં બે નગરસેવકોને ત્રીજું બાળક જન્મતા ગેરલાયક જાહેર કરાયા

Published

on

By

ખીમા કસોટિયા અને મેઘના બોધાને 2021માં ચૂંટાયા બાદ ત્રીજા બાળકનો જન્મ થતા કલેકટરની કાર્યવાહી


અમરેલીના દામનગર નગરપાલિકાના બે પક્ષના કાઉન્સિલરોને ગુજરાત નગરપાલિકા અધિનિયમ, 1963ના ઉલ્લંઘનમાં ત્રણ બાળકો હોવા બદલ ગેરલાયક ઠેરવવામાં આવ્યા છે.

અમરેલી જિલ્લા કલેક્ટર અજય દહિયાની કચેરીએ સોમવારે એક આદેશ જારી કરીને ખીમા કસોટિયા અને મેઘના બોઘાને તાત્કાલિક અસરથી શહેરી સ્થાનિક સંસ્થાના કાઉન્સિલર તરીકે ગેરલાયક ઠેરવ્યા હતા. કલેકટરે દામનગર નગર પાલિકાના ચીફ ઓફિસર કૃપેશ પટેલ દ્વારા રેકર્ડ પર મુકવામાં આવેલ જન્મ પ્રમાણપત્રોને આધારે આ કાર્યવાહી કરી હતી.


ચીફ ઓફિસરે 2021 માં દામનગર નગરપાલિકાની ચૂંટણી લડતી વખતે બન્નેના બાળકોના રેકોર્ડ કલેકટર સમક્ષ મુકયા હતાં. રેકોર્ડ મુજબ ખીમા કસોટીયા વોર્ડ નં.2 અને મેઘના મોઘા વોર્ડ નં.3ના કાઉન્સેલર તરીકે ચુંટાયા હતાં. જે તે સમયે ચૂંટણી વખતે તે બન્નેને બે બે બાળકો હતાં. પરંતુ બાદમાં 10 મે 2023નાં રોજ ખીમા કસોટીયા ત્રીજી વખત પિતા બન્યા હતાં અને 14 માર્ચ 2023નાં રોજ મેઘનાબેન ત્રીજી વખત માતા બન્યા હતાં.


આ અંગે દામનગરના એક હિરાઘસુ કારીગરે 16 જાન્યુઆરીએ અરજી કરી હતી જેના આધારે કલેકટરે ચીફ ઓફિસર અને બે નગર સેવકોનો જવાબ રેકોર્ડ પર માગ્યો હતો જેમાં નગર સેવકોએ જણાવ્યું હતું કે અમારે ત્યાં ચુટાયા પછી બાળકનો જન્મ થયો છે જેથી અમને 2005નો નગરપાલિકા બાબતનો નિયમ લાગી પડે નહીં. પરંતુ કલેકટરે આ અંગે ગુજરાત મ્યુનિસિપલ એકટની કલમ 11(1)(એચ)નું ઉલ્લંઘન જણાવી બન્નેને સોમવારે ગેરલાયક ઠરાવતો હુકમ જાહેર કર્યો હતો.

Continue Reading

અમરેલી

ખાંભામાં નામચીન શખ્સની કાર સાથે કાર અથડાવી આઠ શખ્સોએ કરેલું ફાયરિંગ

Published

on

By


અમરેલી જિલ્લાના ખાંભા નજીક રાજુલા વિસ્તારમાં દબદબો ધરાવતા માથાભારે શખ્સ શિવા ધાખડા પર કેટલાક શખ્સો દ્વારા ફાયરિંગ કરવામાં આવ્યું છે. બે જેટલી કાર લઈને ફિલ્મી સ્ટાઈલમાં આવી જૂની અદાવતમાં ફાયરિંગ કરી બઘડાટી બોલાવી હોવાની વિગતો સામે આવી રહી છે. તેવામાં આ બનાવને પગલે એસપી સહિતનો પોલીસનો કાફલો ઘટના સ્થળ પર દોડી ગયો હતો અને ગુન્હો નોંધી ચાર જેટલા શખ્સોને પોલીસે અટકાયત કરી આગળની કાર્યવાહી હાથ ધરવામાં આવી હતી.


રાજુલા વિસ્તારમાં દબદબો ધરાવતા માથાભારે શખ્સ શિવા ધાખડા પર ફાયરિંગ થતા ચકચાર મચી ગઈ હતી.ખાંભા નજીકના પીપળવાથી ચતુરી રોડ વચ્ચે રાત્રીના સમયે ફાયરિંગનો બનાવ બન્યો હતો.માહિતી પ્રમાણે, આરોપી મયુર વરુ, પહુ વરુ, હરેશ વરુ અને સંજય વરુ સહિત 8 શખ્સોએ કારમાં આવ્યા હતા અને તેના દ્વારા હિસ્ટ્રીશીટર શિવા ધાખડાની સ્કોર્પિયો કારનો પીછો કરીને અને પાછળથી ગાડી ભટકાડીને બે રાઉન્ડ જેટલા ફાયરિંગ કર્યુ હતું આ બનાવની જાણ પોલીસને થતા પોલીસ દોડતી થઇ હતી અને ફાયરિંગની ઘટનાથી ચકચાર મચી ગઈ હતી.

આ બનાવને પગલે અમરેલી એસપી,એએસપી સહિતનો કાફલો ઘટના સ્થળ પર પહોંચ્યો હતો અને તપાસનો ધમધમાટ શરુ કર્યો હતો. પોલીસની પ્રાથમિક તપાસમાં બે માસ પૂર્વે નાગેશ્રી ટોલનાકા પર શિવ ધાખડાએ ગાળો આપીને વિડીયો વાઇરલ કર્યો હતો. જેના મનદુ:ખમાં આઠ શખ્સોએ ફાયરીંગ કર્યુ હોવાનું સામે આવ્યું છે. પોલીસે શિવા લાલાભાઇ ધાખડાની ફરિયાદના આધારે ફાયરીંગ કરનાર ચાર શખ્સોની પકડી લીધા છે. પોલીસ તપાસ બાદ આ મામલે વધુ ખુલાસાઓ થઇ શકે છે અને કારણો સામે આવી શકે છે.

Continue Reading

અમરેલી

બુલેટ, ગોગલ્સ અને ખાખી ડે્રસ, મહિલા કોન્સ્ટેબલનો વીડિયો ચર્ચાના ચગડોળે

Published

on

By


દેશભરમાં હાલ મોટાભાગના લોકોને સોશિયલ મીડિયાનું ઘેલું લાગ્યું છે. સોશિયલ મીડિયામાં રીલ અને વીડિયો પોસ્ટ કરી લોકો પ્રસિદ્ધિ મેળવવા પ્રયત્ન કરતા હોય છે. ત્યારે આ સોશિયલ મીડિયાનો રોગ આમ જનતાની સાથે પોલીસને પણ લાગ્યો હોય તેવા દ્રશ્યો સામે આવ્યા છે. અમરેલીના મહિલા કોન્સ્ટેબલનો એક વીડિયો સામે આવ્યો છે, જે ચર્ચાનો વિષય બન્યો છે.


અમરેલીના મહિલા પોલીસ કોન્સ્ટેબલ અંજલી ચૌહાણનો એક વીડિયો હાલ સોશિયલ મીડિયા પર ખૂબ વાઇરલ થયો છે અને ચર્ચાનો વિષય બન્યો છે. આ વીડિયોમાં મહિલા કોન્સ્ટેબલ અનોખા અંદાજમાં જોવા મળી રહ્યા છે. બુલેટ, ગોગલ્સ અને ખાખી ડ્રેસમાં મહિલા પોલીસકર્મી મર્દાના અદામાં જોવા મળી રહ્યા છે. સ્પેશ્યલ ફોટોશૂટ કરવનાર અંજલી ચૌહાણનો આ વીડિયો સામે આવતા લોકો અલગ અલગ પ્રતિક્રિયા આપી રહ્યા છે. પ્રાપ્ત માહિતી મુજબ, અંજલી ચૌહાણ અમરેલી હેડ કવાટરમાં ફરજ બજાવે છે.


ઉલ્લેખનીય છે કે, અગાઉ પણ કેટલાક પોલીસકર્મીઓ દ્વારા ચાલુ ફરજે અથવા તો પોલસી યુનિફોર્મમાં પોલીસ સ્ટેશનમાં હાજર રહી રીલ બનાવીને સોશિયલ મીડિયા પ્લેટફોર્મ ઇન્સ્ટાગ્રામ પર પોસ્ટ કરવામાં આવતા ભારે વિવાદ સર્જાયો હતો. સોશિયલ મીડિયા પર આવા વીડિયો સામે આવતા કેટલાક લોકોએ ટીકા કરી તો કેટલાક પોલીસકર્મીઓની જોખમી અને મુશ્કેલી ભરેલ ફરજને ટાંકી તેમના પક્ષમાં વાત કરી હતી.

Continue Reading

Trending