Connect with us

કચ્છ

સૌરાષ્ટ્ર-કચ્છની 8 બેઠકો ઉપર 92 ઉમેદવારોનું ભાવિ કેદ

Published

on

ભાવનગરમાં ગઠબંધન અને ભાજપ તો રાજકોટ-પોરબંદર-જામનગર-અમરેલી-ભાવનગર-સુરેન્દ્રનગર અને કચ્છમાં ભાજપ-કોંગ્રેસ વચ્ચે મુખ્ય ટક્કર

ક્ષત્રિય આંદોલનની જનક રાજકોટ બેઠક સૌથી હાઈ વોલ્ટેજ તો જામનગર બેઠકમાં આંદોલનની સૌથી વધુ અસરના કારણે જ્ઞાતિ ફેક્ટર નિર્ણાયક

ભાવનગર-સુરેન્દ્રનગરમાં કોળી ઉમેદવારો વચ્ચે મુખ્ય ટક્કર, ક્ષત્રિય આંદોલન અને જ્ઞાતિ ફેક્ટરના પણ ગણિત-વિજ્ઞાન

પોરબંદર અને અમરેલીમાં લેઉવા પાટીદારો વચ્ચે ફાઈટ, ક્ષત્રિય આંદોલનની ખાસ અસર નહિવત, પોરબંદરમાં એક તરફી તો અમરેલીમાં બે તરફી લડાઈ

જૂનાગઢમાં કોળી અને આહિર ઉમેદવારોની લડાઈમાં વાદ-વિવાદ અને છબી ઉપર મુખ્ય મદાર, કચ્છમાં પણ જૂના-નવા ખેલાડીઓની લડાઈમાં ક્ષત્રિય આંદોલનની અસર

દેશના 10 રાજ્યો એન બે કેન્દ્રશાસિત પ્રદેશોની લોકસભાની 93 બેઠકો ઉપર સવારથી મતદાનનો પ્રારંભ થયેલ છે ત્યારે સવારે અમુક મતદાન મથકો ઉપર ઈવીએમમાં ફોલ્ટ સર્જાતા થોડો સમય માટે મતદાન અટકાવી નવા ઈવીએમ કરવામાં આવ્યા હતાં.


સૌરાષ્ટ્રની રાજકોટ, જામનગર, ભાવનગર, જૂનાગઢ, પોરબંદર, સુરેન્દ્રનગર, અમરેલી અને કચ્છ એમ આઠ લોકસભા બેઠકો ઉપર મતદાન થઈ રહ્યું છે. આ આઠ બેઠકો ઉપર મતદાન થઈ રહ્યું છે. આ આઠ બેઠકો ઉપર કુલ 92 ઉમેદવારોનું ભાવી ઈવીએમમાં કેદ થયું છે. જ્યારે સૌરાષ્ટ્રમાં માણાવદર અને પોરબંદર ધારાસભાની બેઠકોની પણ પેટા ચૂંટણી યોજાઈ રહી હોય, આ બન્ને બેઠકોના ઉમેદવારોના ભાવિ પણ વોટીંગ મશીનમાં કેદ થયા છે.
સૌરાષ્ટ્ર-કચ્છની આઠ બેઠકો ઉપર 2019ની ચૂંટણીમાં સરેરાશ 59 ટકા જેટલું મતદાન થયું હતું આ વખતે મતદાન વધે તે માટે મતદાનનો સમય 11 કલાકનો રાખવામાં આવ્યો છે.


આ આઠ બેઠકો પૈકી રાજકોટ બેઠક ઉપર ભાજપના કેન્દ્રીયમંત્રી પરસોતમભાઈ રૂપાલા અને કોંગ્રેસના પરેશ ધાનાણી વચ્ચે મુખ્ય જંગ છે આ સિવાય અન્ય સાત ઉમેદવારો પણ ચૂંટણી લડી રહ્યા છે. ક્ષત્રિય આંદોલનનું સર્જન રાજકોટ બેઠક ઉપરથી થયું હોવાથી રાજકોટની બેઠક હાઈવોલ્ટેજ બની ગઈ છે અને દેશભરના રાજકીય નિષ્ણાંતોની નજર રાજકોટ બેઠક ઉપર મંડાયેલ છે. સૌથી આશ્ર્ચર્યની વાત તો એ છે કે, ભાજપના ગઢ અને સૌરાષ્ટ્રના કેપિટલ સમાન રાજકોટની બેઠક ઉપર ભાજપ-કોંગ્રેસ બન્ને પાર્ટીના ઉમેદવારો અમરેલીથી આયાત થયેલા છે.
આ સિવાય જામનગરની બેઠક ઉપર ભાજપે પૂનમબેનને ત્રીજી વખત રિપીટ કર્યા છે જ્યારે કોંગ્રેસે તેની સામે નવા ચહેરા જેવા જે.પી. મારવિયાને ટિકિટ આપી છે આ બેઠક ઉપર કુલ 14 ઉમેદવારો ચૂંટણી લડી રહ્યા છે આ બેઠક ઉપર ક્ષત્રિય આંદોલની સૌથી વધુ અસર હોવાથી ભાજપની ઉંઘ હરામ થઈ ગઈ છે.


આજ રીતે પોરબંદર બેઠક ઉપર ભાજપે વર્તમાન સાંસદ રમેશ ધડુકને કાપી કેન્દ્રીય આરોગ્યમંત્રી ડો. મનસુખ માંડવિયાને ટિકિટ આપી છે જ્યારે કોંગ્રેસે પણ ધોરાજીના પૂર્વ ધારાસભ્ય લલિત વસોયાને ઉતાર્યા છે આ બેઠક ઉપર કુલ 12 ઉમેદવારો લડી રહ્યા છે. પરંતુ મુખ્ય સ્પર્ધા ભાજપ-કોંગ્રેસ વચ્ચે છે.


ભાવનગરની બેઠક ઉપર કુલ 13 ઉમેદવારો નશીબ અજમાવી રહ્યા છે. અહીં ભાજપે વર્તમાન સાંસદ ભારતીબેન શિયાળને કાપી નિમુબેન બાંભણિયાને ટિકિટ આપી છે તો કોંગ્રેસે ઈન્ડિયા ગઠબંધનના સાથી પક્ષ ‘આપ’ના બોટાદના ધારાસભ્ય ઉમેશ મકવાણા ચૂંટણી લડી રહ્યા છે. આ બેઠક ઉપર પણ બન્ને મુખ્ય ઉમેદવારો કોળી હોવાથી ક્ષત્રિય આંદોલન નિર્ણાયક ફેક્ટર બની શકે છે. સુરેન્દ્રનગર બેઠક ઉપર પણ 14 ઉમેદવારો ચૂંટણી જંગમાં છે અહીં ભાજપે કેન્દ્રીયમંત્રી ડો. મહેન્દ્ર મુંજપરાને કાપીને ચંદુભાઈ શિહોરાને અને કોંગ્રેસે જુના ખેલાડી રૂત્વિક મકવાણાને ટિકિટ આપી છે. આ બેઠક પણ ક્ષત્રિય સમાજના આંદોલનથી પ્રભાવિત છે.


જૂનાગઢ બેઠક ઉપર કુલ 11 ઉમેદવારો મેદાનમાં છે ભાજપ કોળી સાંસદ રાજેશ ચુડાસમાને ભારે વિવાદો વચ્ચે રિપીટ કર્યા છે જ્યારે કોંગ્રેસ આહિર જ્ઞાતિના હીરાભાઈ જોટવાને ટિકિટ આપી છે આ બેઠક ઉપર ક્ષત્રિય આંદોલન કરતા વાદ-વિવાદ અને વ્યક્તિગત છબી ઉપર હાર-જીતનો વધુ મદાર દેખાય છે. અમરેલી બેઠક ઉપર ભાજપના સાંસદ નારણ કાછડિયાને કાપી ભરત સુતરિયાને ટિકિટ આપી છે તો કોંગ્રેસે જેનીબેન ઠુંમરને મેદાનમાં ઉતાર્યા છે. આ સિવાય અન્ય છ ઉમેદવારો પણ અહીં ચૂંટણી લડી રહ્યા છે. લેઉવા પટેલોની આ બેઠક ઉપર ક્ષત્રિય આંદોલનની ખાસ અસર નથી.


કચ્છની અનામત બેઠક ઉપર પણ ભાજપે વિનોદ ચાવડાને ફરી ટિકિટ આપી છે તો કોંગ્રેસે કોરીપાટી જેવા નિતેશ લાલણને ટિકિટ આપી છે. આ બેઠક ઉપર કુલ 11 ઉમેદવારો ચૂંટણી લડી રહ્યા છે અને ક્ષત્રિય આંદોલનની સારી એવી અસર પણ આ બેઠક ઉપર છે જો કે, આ આંદોલન પરિણામ બદલી શકે છે કે નહીં? તે તો તા. 4 જૂને જ ખબર પડી શકે.

સૌરાષ્ટ્રની કઈ બેઠક પર કેટલા ઉમેદવાર
સુરેન્દ્રનગર 14
રાજકોટ 9
પોરબંદર 12
કચ્છ 11
જૂનાગઢ 11
જામનગર 14
ભાવનગર 13
અમરેલી 8
ટોટલ 92

કચ્છ

કચ્છના રણમાં ઘુડખરની ગણતરીનો પ્રારંભ

Published

on

By

15.51 લાખ હેકટર વિસ્તાર ખૂંદવા ફોરેસ્ટ વિભાગનો કાફલો કામે લાગ્યો


કચ્છના નાના અને મોટા રણમાં ઘુડખર ગણતરી શરૂૂ કરાઈ રહી છે. જેમાં કચ્છ, બનાસકાંઠા, પાટણ, મોરબી, સુરેન્દ્રનગર અને અમદાવાદનો 15,51,093 હેકટર વિસ્તારમાં ઘુડખરની ગણતરી કરાશે. 3 રિજિયન,18 ઝોન, 77 સબ ઝોન સહિત 362 ભાગોમાં વિભાજીત કરાયા છે. જેમાં વન વિભાગના અધિકારીઓ તેમજ સ્વૈચ્છિક સંસ્થાના લોકો ગણતરીમાં જોડાયા છે. રાજ્ય સરકારે 12મી જાન્યુઆરી 1973ના રોજ રણ વિસ્તારને ઘૂડખરનું અભયસ્થાન ઘોષિત કરવામાં આવ્યું હતું. ઘુડખર રણમાં 0થી 50 ડિગ્રી તાપમાનમાં પણ સરળતાથી રહી શકે છે.
રણના પવનવેગી દોડવીર જાદુગર તરીકે ઓળખાતા ઘૂડખરની ઊંચાઇ સામાન્યત: 110થી 120 સે.મી. અને લંબાઇ 210 સે.મી.હોય છે. જ્યારે એનું વજન 200થી 250 કિ.ગ્રા. અને આયુષ્ય 20 વર્ષનું હોય છે. સામાન્ય રીતે કલાકના 50થી 60 કિ.મી.ના ઝડપે દોડતા રણના પવનવેગી દોડવીરને રણમાં દોડતું જોવું એ એક લ્હાવા સમાન છે.


આ અંગે એક ગણતરીકારે વિગતવાર માહિતી આપતા જણાવ્યું કે, ઘુડખરમાં નર, માદા અને બચ્ચાની અલગ અલગ ગણતરી કરવામાં આવે છે. જેમાં નાના બચ્ચા તો અલગ જ તરી આવે છે. જ્યારે નર ઘુડખરનો કલર ઘાટો ઘઉંવર્ણનો હોય છે, જ્યારે માદા ઘુડખરનો કલર આછો સફેદ હોય છે. સામાન્યત: ઘુડખર રોજ આમથી તેમ ફરીને અંદાજે 20થી 30 કિમીનું અંતર કાપે છે. સિઝન પ્રમાણે એમનો ખોરાક અલગ અલગ હોય છે. સામાન્યત: રોજનો અંદાજે 20 કિલો જેટલો ખોરાક આરોગે છે. જે વસ્તુમાં ટઇડકારો જેવો અવાજ આવે એ ખોરાક એમને વધુ સારો લાગે છે. કુલ 362 લોકેશનની એક ટીમમાં 3 લોકો જેમાં વન વિભાગનો સરકારી કર્મચારી, એક મદદનીશ એનજીઓનો માણસ અને એક લોકલ મજૂર એમ 3 જણાની ટીમ હોય છે.


આમ તો 22, 22 મે ઘુડખરની ગણતરી કરવાની હોય છે. પણ વેરાન રણમાં 45 ડિગ્રી તાપમાનમા દરેક ટીમ સવારે 6થી 11 અને સાંજે 4થી 7 વાગ્યા સુધી જ કામ કરે છે. અને વન વિભાગના આલા અધિકારીઓ દરેક ટીમનું સતત મોનિટરિંગ કરે છે.

Continue Reading

કચ્છ

કચ્છના ફાયરિંગ-હત્યામાં ભાજપ નેતાની ધરપકડ

Published

on

By

જિલ્લા પંચાયતના મહિલા સભ્યના પતિની સંડોવણી ખૂલી

કચ્છના કાનમેરમાં ફાયરિંગ અને હત્યાના કેસમાં પોલીસની તપાસમાં રાજકીય કનેક્શન ખૂલ્યું છે. કચ્છ ફાયરિંગ અને હત્યામાં રાજકીય લોકોની સંડોવણી હોવાનો મોટો ખુલાસો થયો છે. પ્રાપ્ત અહેવાલ અનુસાર, જિલ્લા પંચાયત ભાજપના સભ્યના પતિનું નામ આ કેસમાં સામે આવતા પોલીસે તેમની ધરપકડ કરી છે. રાજકીય વગ ધરાવતા આગેવાનની ધરપકડ થતા ચકચાર મચી જવા પામી છે. પોલીસે તેમના ઘર સહિતનાં સ્થળ પર તપાસ હાથ ધરી હતી.


કચ્છનાં કાનમેરમાં ફાયરિંગ અને હત્યાનાં કેસમાં મોટા અપડેટ આવ્યા છે. આ કેસને લઈ પોલીસની તપાસમાં રાજકીય લોકોની સંડોવણી સામે આવી છે. પ્રાપ્ત અહેવાલ અનુસાર, આ કેસમાં જિલ્લા પંચાયત બીજેપીના સભ્યના પતિ નરેન્દ્રદાન ગઢવી સહિત ત્રણ લોકોનું નામ બહાર આવ્યું છે. આ કેસમાં નરેન્દ્રદાન ગઢવીની ધરપકડ કરાઈ હોવાના અહેવાલ છે. જ્યારે, ભચાઉ નગરપાલિકાના પૂર્વ પ્રમુખ અશોકસિંહ ઝાલા અને રાજકીય આગેવાન દિલીપ અયાચી પણ આ કેસમાં સામેલ હોવાનો આરોપ છે. આ બંને હાલ પોલીસ પકડથી ફરાર હોવાની માહિતી છે. આ મામલે પોલીસે આરોપીઓના ઘર સહિતના સ્થળે તપાસ આદરી છે.


કચ્છમાં મીઠાના અગરો માટે જમીન પર કબ્જો મેળવવા મામલે વિવાદ થતા કાનમેરના રણમાં ફાયરિંગ સહિત ધાતક હથિયાર સાથે થયેલા હુમલામાં એકનું મોત થયું હતું. આ કેસમાં અગાઉ 10 ગુનાહિત ઇતિહાસ ધરાવતા શખ્સો સહિત 16 આરોપીની ધરપકડ કરી 7 દિવસના રિમાન્ડ મેળવ્યા હતા. પોલીસે આરોપીઓને સાથે રાખીને ઘટના સ્થળ સહિત હાઇવે હોટેલ અને કાનમેર ગામમાં ઘટનાનું રિક્ધસ્ટ્રક્શન પણ કર્યું હતું. ત્યારે હવે આ કેસમાં રાજકીય લોકોની સંડોવણી સામે આવતા પોલીસે સઘન તપાસ હાથ ધરી છે.

Continue Reading

કચ્છ

કચ્છના રણથી રાજસ્થાનના બાડમેર સુધી બનશે 490 કિ.મી.નો જળમાર્ગ

Published

on

By

લાલ સમુદ્રનો વિકલ્પ બનશે, મુંદ્રાથી આરબ-ઇઝરાયલ જવાનું સરળ બનશે, કેન્દ્રની સૂચના બાદ રાજસ્થાન સરકારે કાર્યવાહી શરૂ કરી


ગુજરાતના કચ્છના રણથી રાજસ્થાનના બાડમેર સુધીના 490 કી.મી.નો જળમાર્ગ બનાવવાની રાજસ્થાન સરકારની વિચારણાથી ગુજરાતના આરબ-ઇઝરાયલ સાથે વ્યાપારના નવા દ્વાર ખુલશે અને લાલ સમુદ્રનો સબબ વિકલ્પ પણ મળશે.


કચ્છના બખાસરથી રણ સુધીનો જળ માર્ગ પહેલ રાજ્યને ગુજરાતના મુન્દ્રા વાયા આરબ-ઇઝરાયેલ સાથે જોડશે. લાલ સમુદ્રનો વિકલ્પ બની રહેલ મુન્દ્રા ઈઝરાયેલ માટે સરળ દરિયાઈ માર્ગ છે.


ગુજરાતના કચ્છના રણથી બાડમેરના બખાસર સુધીના 490 કિલોમીટરના જળમાર્ગ અંગે રાજ્ય સરકારની પહેલથી રાજસ્થાનમાં દરિયાઈ માર્ગે આયાત માટે નવો દરવાજો ખૂલવાનો સંકેત મળ્યો છે. ઉલ્લેખનીય છે કે ઈઝરાયેલના પરિવહન મંત્રી મીરી રેગવેએ ફેબ્રુઆરી મહિનામાં એક્સ પર એક વીડિયો પોસ્ટ કર્યો હતો. જેમાં મુદ્રા બંદરથી યુનાઈટેડ આરબ અમીરાતના બંદરથી ઈઝરાયેલ સુધી માલસામાનની અવરજવરને લાલ સમુદ્રનો વિકલ્પ ગણવામાં આવ્યો હતો. ત્યારબાદ આ વાત પર ભાર મૂક્યો હતો કે જો બખાસરની તરફેણ કરવામાં આવે તો રાજ્ય માટે એક મોટો આર્થિક કોરિડોર બનાવી શકાય છે.


બાડમેરમાં તેલ, ગેસ, કોલસો અને ખનિજોનો પુષ્કળ ભંડાર છે. માત્ર તેલમાંથી જ રાજ્યને દરરોજ આશરે રૂૂ. 10 કરોડની આવક થઈ રહી છે.જો બાડમેર ગુજરાત અને અરેબિયા થઈને ડ્રાય પોર્ટ દ્વારા ઈઝરાયેલ સાથે સીધું જોડાયેલું હશે તો તે રાજ્ય માટે આયાત-નિકાસનું મુખ્ય કેન્દ્ર બનશે.


પાંચ વર્ષમાં આ મુદ્દો સતત ચર્ચામાં રહ્યો હતો. ડ્રાય પોર્ટને બિનઆર્થિક જાહેર કરવા છતાં તેની હિમાયત કરી અને તે આર્થિક હોવાના પુરાવા પણ રજૂ કર્યા. અંતે તાજેતરમાં એક સમિતિની રચના કરવામાં આવી છે જે કચ્છના રણથી બખાસર સુધીના જળમાર્ગનું કામ કરશે. 490 કિમી પાણીનો માર્ગ બનાવવામાં આવશે. આ માટે કેન્દ્ર સરકારની સૂચના પર રાજ્યએ આ સમિતિની રચના કરી છે.

24 વર્ષ પહેલાનું સ્વપ્ન
24 વર્ષ પહેલા ગુજરાતમાં બાડમેરના બખાસરથી મુંદ્રા સુધી 150 કિમીની કૃત્રિમ કેનાલ બનાવવાની યોજના બનાવવામાં આવી હતી. અહીં ડ્રાય પોર્ટ વિકસાવવાનો અને તેને કચ્છના રણ સાથે જોડીને દરિયામાંથી આયાત માટે નવું બંદર બનાવવાનો વિચાર હતો. ટ્રાન્સપોર્ટ મિનિસ્ટર નીતિન ગડકરીએ પણ આ સ્કીમમાં રસ લીધો હતો પરંતુ હજુ સુધી આ સ્કીમ શરૂૂ થઈ નથી.

Continue Reading

Trending