Connect with us

ગુજરાત

પોરબંદર બેઠક ઉપર મતદાનમાં તોતિંગ ઘટાડો ભાજપની લીડમાં પંક્ચર પાડશે?

Published

on

બન્ને મુખ્ય પાર્ટીના ઉમેદવારો લેઉવા પટેલ હોવા છતાં પાટીદારોના ગઢ સમાન ગોંડલ-જેતપુર-જામકંડોરણા-ધોરાજી-માણાવદરમાં મતદાનમાં ગાબડાથી ગણિત ગોટે ચડ્યું

કેન્દ્રીયમંત્રી ડો. મનસુખ માંડવિયા જેવા કદાવર ઉમેદવાર છતાં મતદારો ઉપર પ્રભાવ પાડવામાં ટૂંકા પડ્યા, માણાવદરમાં 9 ટકા જેવું મતદાન ઘટ્યું

પોરબંદર લોકસભાની સામાન્ય અને ધારાસભાની પેટા ચૂંટણીમાં મતદાન શાંતિપૂર્ણ રીતે સંપન્ન થઈ છે. પરંતુ ગુજરાતની 25 બેઠકોમાં અમરેલીને બાદ કરતા બીજા નંબરનું સૌથી ઓછુ મતદાન થયું છે.


આ બેઠક ઉપર મનસુખભાઈ માંડવિયા જેવા કદાવર કેન્દ્રીયમંત્રી ચૂંટણી લડતા હતા અને પોરબંદર ધારાસભાની પેટા ચૂંટણીમાં પણ સ્થાનિક શક્તીશાળી નેતા અર્જુન મોઢવાડિયા ચૂંટણી લડતા હતા આમ છતાં 2019ની લોકસભાની ચૂંટણી કરતા લગભગ 5 ટકા મતદાન ઘટ્યલું છે આ ઘટાડો ભાજપના પાંચ લાખની લીડનાલક્ષ્યાંકમાં પંક્ચર પાડે તેવું મનાય છે. પોરબંદર લોકસભા બેઠક હેઠળ આવતી પોરબંદર અને માણાવદર ધારાસભાની પેટા ચૂંટણી એક સાથે હતી લોકસભામાં ખુદ કેન્દ્રીયમંત્રી અને બન્ને ધારાસભાની બેઠકો ઉપર પક્ષ પલ્ટુઓ ચુંટણી લડતા હતાં પરંતુ મતદાનમાં નોંધાયેલ ઘટાડાથી લોકોમાં ઉત્સાહ બિલકુલ નહીં હોવાનું સ્પષ્ટ થાય છે.


પોરબંદર લોકસભા બેઠક ઉપર ભાજપની કેન્દ્ર સરકારના કેબિનેટ મંત્રી ડો. મનસુખ માંડવિયા સામે રાજકોટ જિલ્લા કોંગ્રેસ પ્રમુખ અને ધોરાજીના પૂર્વ ધારાસભ્ય લલિત વસોયા ચૂંટણી લડે છે બન્ને લેઉવા પટેલ જ્ઞાતિના હોવાથી અન્ય જ્ઞાતિના મતદારો નિર્ણાયક મનાય છે આમ છતાં ડો. માંડવિયા જેવા ભાજપના કદાવર નેતા લડતા હોવાથી ભાજપની જીતના ચાન્સ ઉજળા ગણાવાય છે. પરંતુ મતદાનમાં 2019ની ચૂંટણી સાપેક્ષમાં થયેલો નોંધપાત્ર ઘટાડો સૂચક માનવામાં આવે છે.


ખાસ કરીને પોરબંદર લોકસભા બેઠકમાં આવતા પટેલોના પોકેટ જેવા ગોંડલ, જેતપુર, ધોરાજી, માણાવદરમાં મતદાનમાં નોંધાયેલ ઘટાડો આંચકાજનક હોવાનું રાજકીય નિષ્ણાંતો જણાવી રહ્યા છે.


સૌરાષ્ટ્રમાં લેઉવા પટેલની સૌથી વધુ બહુમતીવાળા ગોંડલ ધારાસભા મત વિસ્તારમાં 2019ની લોકસભાની ચૂંટણીમાં 61.10 ટકા મતદાન થયું હતું તેની સામે આ ચૂંટણીમાં માત્ર 53 ટકા જ મતદાન નોંધાયું છે. ક્ષત્રિય સમાજના રાજ્યવ્યાપી ભાજપ વિરોધી આંદોલન સામે ગોંડલના પૂર્વ ધારાસભ્ય જયરાજસિંહ જેડાજે એકલવીરની માફક ભાજપ સાથે ઉભા હતાં.


આ સિવાય જયેશ રાદડિયાના ગઢ જેવા જેતપુર-જામકંડોરણા ધારાસભા મત વિસ્તારમાં 2019માં 58.40 ટકા મતદાન નોંધાયું હતું. જ્યારે આ ચૂંટણીમાં લગભગ 7 ટકા જેવું મતદાન ઘટ્યું છે અને 51.24 ટકા જ મતદાન થયું છે.


આ સિવાય ધોરાજી-ઉપલેટા બેઠક ઉપર 2019માં 55.56 ટકા મતદાન થયું હતું તેની સામે આ વખતે લગભગ 4 ટકા મતદાન ઘટીને 51.89 ટકા મતદાન થયું છે. કુતિયાણામાં પણ 2019ની લોકસભામાં 49.56 ટકા મતદાન નોંધાયું હતું. જ્યારે આ વખતે લગભગ 2 ટકા જેવું મતદાન ઘટીને 47 ટકા રહ્યું છે. જ્યારે કેશોદ બેઠક ઉપર મતદાનમાં લગભગ 6.08 ટકા જેવો તોતીંગ ઘટાડો નોંધાયો છે. 2019માં કેશોદ બેઠક ઉપર 53.83 ટકા મતદાન સામે આ ચૂંટણીમાં માત્ર 47.03 ટકા જ મતદાન થયું છે.


આમ પોરબંદર બેઠક ઉપર 2019ની લોકસભાની ચૂંટણી કરતા આ ચૂંટણીમાં સાત ટકા જેવો ઘટાડો ભાજપની મોટી લીડ માટે ચીંતાજનક ગણાવાય છે.

પોરબંદર વિધાનસભા બેઠક ઉપર બે ટકા મતદાન વધ્યું
પોરબંદર લોકસભાની ચૂંટણી સાથે પોરબંદર વિધાનસભા બેઠકની પણ પેટાચૂંટણી હતી અને વિધાનસભા કોંગ્રેસમાંથી પક્ષપલ્ટો કરીને ભાજપમાં જોડાયેલા અર્જુનભાઈ મોઢવાડિયા ચૂંટણી લડતા હ તા જેના કારણે સ્પર્ધા વધતા આ બેઠક ઉપર બેટકા જેવું મતદાન વધ્યું છે. 2019ની લોકસભાની ચૂંટણીમાં પોરબંદર વિધાનસભા વિસ્તારમાં 55.53 ટકા મતદાન થયું હતું તેની સામે આ ચૂંટણીમાં 57.78 ટકા મતદાન થયું છે. પોરબંદર લોકસભા બેઠકમાં આવતા તમામ વિધાનસભા મત વિસ્તારોમાં મતદાન ઘટ્યું છે. પરંતુ એકમાત્ર પોરબંદર વિધાનસભા વિસ્તારમાં મતદાન વધ્યું છે. જે અર્જુનભાઈ માટે સારી નિશાની ગણાવાય છે.


લેઉવા પટેલ મત વિસ્તારોમાં રાદડિયા ફેક્ટર પણ ચાલ્યું?
પોરબંદર લોકસભા બેઠક લેઉવા પટેલ મતદારોના ગઢ ગણાય છે અને લેઉવા પટેલ સમાજના સૌથી યુવા અને કદાવર નેતા જયેશ રાદડિયાને ઈફકોના ડિરેક્ટરની ચૂંટણીમાં કાપવા માટે ભાજપમાં જ પ્રદેશ કક્ષાએ થયેલા કાવાદાવાની પણ મતદાન ઉપર અસર થયાનું મનાય છે. ઈફકોમાં અને સહકારીક્ષેત્રમાં રાદડિયા પરિવારનો વર્ષોથી દબદબો છે અને ખુદ અમિત શાહે જામકંડોરણાની જાહેરસભામાં સહકારી ક્ષેત્રને મજબુત કરવામાં રાદડિયા પરિવારના યોગદાનનો સ્વીકાર કર્યો હતો. આમ છતાં ઈફકોના ડિરેક્ટરની ચૂંટણીમાં ભાજપના સહકાર સેલના પ્રદેશ ક્નવીનર બીપીન ગોતાને ભાજપે મેન્ડેટ આપી દેતા લેઉવા પટેલો નારાજ થઈ મતદાનથી દૂર રહ્યાનું પણ માનવામાં આવે છે.

ગુજરાત

રાજકોટના TRP ગેમ ઝોનમાં લાગી ભીષણ આગ, અનેક લોકો ફયાસા હોવાની આશંકા, જુઓ વિડીયો

Published

on

By

રાજકોટ શહેરમાંથી એક મોટા સમાચાર સામે આવી રહ્યા છે. રાજકોટના નાના મવા રોડ પર આવેલા TRP ગેમઝોનમાં ભીષણ આગ લાગી છે. ગેમઝોનમાં લોકો ફસાયા હોવાની શંકા વ્યક્ત કરવામાં આવી છે. આગ લાગતા ત્યાં હાજર પ્રત્યક્ષદર્શીએ દાવો કર્યો છે કે 10થી 12 લોકોને બહાર કાઢવામાં આવ્યા છે. આગ લાગતા ફાયરબ્રિગેડની 8 ટીમો ઘટનાસ્થળ પર પહોંચી છે. આગના ધૂમાડા 3 કિલોમીટર સુધી દેખાઈ રહ્યા છે. ફાયરબ્રિગેડ અને એમ્બ્યુલન્સ ઘટનાસ્થળ પર હાજર છે. ગેમઝોનમાં આગ લાગવાનું કારણ હજુ સુધી બહાર નથી આવ્યું. પ્રાપ્ત માહિતી અનુસાર ૨ બાળકોના મોત થયા હોવાનું સામે આવ્યું છે.

રાજકોટ શહેર ભાજપ પ્રમુખ મુકેશ દોશીએ આગના બનાવને પગલે ઘટનાસ્થળે દોડી ગયા હતા. તેમણે જણાવ્યું હતું કે, થોડીવાર પહેલા આગના બનાવની જાણ થતાં આવ્યો છું. આવ્યા પછી ગંભીરતા જોતા લાગે છે કે કાંઈક જાનહાનિ થઈ છે, ઈશ્વરને પ્રાર્થના કે બધા સલામત રીતે બહાર આવે. બાળક કે કોઈ વાલીને કોઈ નુકસાન ન થાય. અંદર કેટલા છે એની માહિતી નથી મળી રહી. હાલની પ્રાયોરિટી આગ બુઝાવવાની છે અને સલામત લાવવાની. જવાબદારોને છોડવામાં નહીં આવે તેની ખાતરી આપું છું. તંત્રમાં અધિકારીઓ જવાબદાર હશે તેમને કોઈ બાંધછોડ ન કરાય.

https://www.facebook.com/reel/323686807288108

Continue Reading

ગુજરાત

એક દી’માં 18.70 કરોડની વિક્રમી વેરા વસૂલાત

Published

on

By

દોઢ માસમાં 2.57 લાખ કરદાતાઓએ રૂા.181 કરોડ કોર્પોરેશનની તિજોરીમાં ઠાલવ્યા

રાજકોટ મહાનગરપાલિકા દ્વારા હાલ નવા નાણાકીય વર્ષના શરૂૂઆતના તબક્કાથી જ વેરા વસુલાત ઝુંબેશ મ્યુનિસિપલ કમિશ્નર આનંદ પટેલના આદેશ તથા નાયબ મ્યુનિસિપલ કમિશ્નરશ્રી ચેતન નંદાણીના નેતૃત્વમાં હાથ ધરવામાં આવી છે. જેમાં રાજકોટ મહાનગરપાલિકાની વેરા વસુલાત શાખાના સહાયક કમિશનર સમીર ધડુકના માર્ગદર્શનમાં ઝુંબેશના રૂૂપમાં મિલકત વેરા વસુલાતની કામગીરી કરવામાં આવી રહી છે. જે અન્વયે વિવિધ સરકારી વિભાગો તેમજ ત્રણેય ઝોન કક્ષાએ મેનેજર-ટેક્ષ દ્વારા શહેરમાં વેરા વસુલાતની કામગીરી દરમ્યાન તા.24/05/2024ના રોજ સાંજે 6:00 વાગ્યા સુધીમાં (એક જ દિવસમાં) રાજકોટ મહાનગરપાલિકામાં અંદાજીત રૂૂ. 18.70 કરોડ વિક્રમી વેરાની વસુલાત થયેલ છે. દરમ્યાન રાજકોટ મહાનગરપાલિકા દ્વારા તા.08/04/2024થી તા.24/05/2024 દરમ્યાન 257559 કરદાતાઓએ રૂૂ.181.30 કરોડનો વેરો ભરપાઈ કર્યો છે.


આજની આ વેરા વસુલાત ઝુંબેશ દરમ્યાન શહેરના વિવિધ સ્થળોએ રહેલા મોબાઇલ ટાવરના ટેક્સ પેટે રૂૂ.6.64 કરોડની વસુલાત થયેલ છે.


જયારે હાઈ વેલ્યુ ટેક્સ પેયર પાસેથી રૂૂ.8.90 કરોડના વેરાની રકમ વસુલ કરવામાં આવેલ છે. હાલ અર્લી બર્ડ ડિસ્કાઉન્ટ સ્કીમ ચાલી રહી છે જે અન્વયે 31-મે સુધીમાં એડવાન્સ વેરો ભરપાઈ કરનાર કરદાતાને મળવાપાત્ર મહત્તમ 22% ડિસ્કાઉન્ટ મેળવવા મ્યુનિસિપલ કમિશ્નરશ્રી આનંદ પટેલ દ્વારા અનુરોધ કરવામાં આવે છે.

Continue Reading

ગુજરાત

સિનિયર ફોટોગ્રાફરના પુત્ર અને બજાજ કેપિટલના બ્રાંચ મેનેજરનું હાર્ટએટેકથી મૃત્યુ

Published

on

By


રાજકોટ સહિત રાજ્યભરમાં કાળઝાળ ગરમી વચ્ચે હૃદયરોગના હુમલાનો ખતરો યથાવત હોય તેમ અનેક માનવ જીંદગી કાળના ખપરમાં હોમાઈ રહી છે ત્યારે વધુ એક કરૂણ ઘટનામાં રાજકોટના સિનિયર ફોટોગ્રાફરના પુત્ર અને બજાજ કેપીટલના બ્રાંચ મેનેજરનું હૃદયરોગના હુમલાથી મૃત્યુ નિપજ્યું હતું. યુવકના મોતથી બે માસુમ બાળકોએ પિતાનું છત્ર ગુમાવતા પરિવારમાં અરેરાટી સાથે કરૂણ કલ્પાંત સર્જાયો હતો.

આ બનાવ અંગે પોલીસમાંથી જાણવા મળતી વિગત મુજબ, રાજકોટમાં માધાપર ચોકડી પાસે સ્વામીનારાયણ મંદિર પાછળ આવેલ જીહિત પાર્કમાં રહેતા સિનિયર ફોટોગ્રાફર પ્રવિણભાઈ સેદાણીના પુત્ર અને બજાજ કેપિટલના બ્રાંચ મેનેજર સંદીપભાઈ પ્રવિણભાઈ સેદાણી (ઉ.39) પોતાના ઘરે હતાં ત્યારે બપોરના બારેક વાગ્યાના અરસામાં બેભાન હાલતમાં ઢળી પડયા હતાં. યુવકને બેભાન હાલતમાં તાત્કાલીક સારવાર માટે સિવિલ હોસ્પિટલમાં ખસેડવામાં આવ્યા હતાં. જ્યાં ફરજ પરના તબીબે સંદીપભાઈ સેદાણીનું હૃદયરોગના હુમલાથી મૃત્યુ નિપજ્યું હોવાનું જાહેર કરતાં પરિવારમાં અરેરાટી સાથે ગમગીની છવાઈ જવા પામી હતી. જાણ થતાં સેદાણી પરિવાર અને પત્રકારો સિવિલ હોસ્પિટલ ખાતે પરિવારને શાંત્વના પાઠવવા દોડી ગયા હતાં.
પ્રાથમિક પુછપરછમાં મૃતક સંદીપભાઈ સેદાણીના પિતા રાજકોટના ‘જય હિન્દ’ ન્યુઝ પેપરમાં સિનિયર ફોટોગ્રાફર તરીકે ફરજ બજાવે છે. મૃતક સંદીપભાઈ સેદાણી બે ભાઈમાં મોટા હતાં અને તેમને સંતાનમાં એક પુત્ર અને એક પુત્રી છે. સંદીપભાઈ સેદાણી બજાજ કેપિટલમાં બ્રાંચ મેનેજર તરીકે ફરજ બજાવતાં હતાં. સંદીપભાઈ સેદાણીનું હૃદયરોગના હુમલાથી મોત નિપજ્યું હોવાનું જાણવા મળ્યું છે. આ બનાવ અંગે ગાંધીગ્રામ પોલીસે નોંધ કરી વધુ તપાસ હાથ ધરી છે.

Continue Reading

Trending