ભરૂૂચ જિલ્લાના ઝઘડિયા GIDCમાં 10 વર્ષીય બાળકી સાથે અપહરણ અને દુષ્કર્મની ઘટના બની હતી. જેમાં તેની બાજુમાં જ રહેતા 36 વર્ષીય હવસખોરે આ સમગ્ર ઘટનાને અંજામ આપ્યો હોવાનો ઘટસ્ફોટ થયો છે. હાલમાં પોલીસે આરોપીને દબોચી અપહરણ, પોકસો અને દુષ્કર્મ સહિતની કલમો નોંધી તપાસ હાથ ધરવામાં આવી છે.

ઝઘડિયા GIDC વિસ્તારમાં મજૂરી કામ કરી પોતાનું જીવન નિર્વાહ ચલાવતા પરિવાર પર જાણે આભ ફાટયું હોય તેવો કિસ્સો સામે આવ્યો છે. જેમાં પોતાના મકાન નજીક રમી રહેલી માસૂમ 10 વર્ષીય બાળકીને તેની જ બાજુમાં રહેતો 36 વર્ષીય શખ્સ અપહરણ કરીને મકાનની પાછળ આવેલી ઊંચી દીવાલ પાર ઊંચકી ઝાડીઓમાં લઇ ગયો હતો. ત્યાં આ નારાધમે 10 વર્ષીય બાળકીને માર મારીને તેની સાથે દુષ્કર્મ આચર્યું હતું. આ નરાધમની વિકૃતતા એટલી હદ વટાવી ગઈ હતી કે બાળકીના ગુપ્તાંગમાં ગંભીર ઇજાઓ પહોંચતાં માસૂમ દર્દને કારણે કણસી રહી હતી તેમ છતાંય હવસખોરે દયા વગર પોતાની હવસ સંતોષી બાળકીને લોહીલુહાણ હાલતમાં મૂકીને ભાગી ગયો હતો.

બાળકીની સારવાર કરતાં તબીબોના હાથ પણ ધ્રુજ્યા આ બાળકીને એટલી ગંભીર ઇજાઓ પહોંચી હતી કે તેનાથી ઉભું પણ થવાતું ન હતું. જેથી તે ત્યાંથી ઢસડાતી ઢસડાતી તેના મકાન પાસેની દીવાલ સુધી પહોંચીને પોતાની માતાને બુમો પાડવા લાગી હતી. આ સમયે ત્યાં વાસણ માજી રહેલી તેની માતાએ પોતાની પુત્રીનો અવાજ સાંભળતાં જ ઉપર ચઢીને જોતા જ ચોકી ઉઠી હતી. માતાએ તાત્કાલિક બાજુમાં રહેતાં અન્ય લોકોને બોલાવી તાત્કાલિક તેને સારવાર અર્થે ભરૂૂચ સિવિલ હોસ્પિટલમાં લઈને પહોંચી હતી. જ્યાં હાજર તબીબો બાળકીની હાલત જોઈ તેની સારવાર કરતા તેઓના પણ હાથ કાપવા લાગ્યા હતા. જોકે બાળકીને વધુ સારવારની જરૂૂર પડતાં તેને વધુ સારવાર માટે વડોદરાની જજૠ હોસ્પિટલમાં ખસેડવામાં આવી છે.
આ બાજુ ઘટનાની જાણ થતાં પોલીસકર્મીઓએ હોસ્પિટલમાં દોડી આવી બાળકીની માતાની ફરિયાદના આધારે અલગ અલગ ટીમો બનાવી તપાસ હાથ ધરી હતી. આ સમય દરમિયાન પોલીસે માહિતીના આધારે તેની બાજુમાં રહેતા હવસખોરને ઝડપી પાડ્યો હતો. જેની કડક પૂછપરછ કરતા તે ભાગી પડ્યો હતો અને પોતાના ગુનાની કબૂલાત કરી હતી. જેથી ઝઘડિયા પોલીસે તેની સામે અપહરણ, પોક્સો અને દુષ્કર્મ સહિતનો કલમો નોંધી વધુ તપાસ હાથ ધરી છે.

આ અંગે ઉઢજઙ ડો.કુશલ ઓઝાએ જણાવ્યું હતું કે હાલ બાળકીની તબિયત સ્થિર છે. પોલીસની ટીમે ગણતરીના કલાકોમાં આરોપીને ઝડપી લીધો હતો. આરોપી ઝારખંડનો છે અને બાળકીની બાજુમાં રહે છે અને મજૂરી કરીને ગુજરાન ચલાવતો હતો. હાલ આરોપીના રિમાન્ડની તજવીજ હાથ ધરવામાં આવી છે.

એક્ટિવ, સમરસ અને કાર્યદક્ષ પેનલના સમર્થનમાં મિટિંગો, સ્નેહમિલન અને ડાયરાના કાર્યક્રમોનું આયોજન

રાજકોટ બાર એસોસિએશનની ચૂંટણી ને ગણતરીના દિવસો બાકી છે. ત્યારે ઠંડીના ચમકારા વચ્ચે ત્રણેય પેનલોના ઉમેદવારો દ્વારા પ્રચાર પ્રસાર કાર્યમાં ધમધમાટ જોવા મળી રહ્યો છે. બાર એસોસિએશનની ચૂંટણીમાં મુખ્ય ત્રણ પેનલો વચ્ચે સીધી હરિફાઈ જોવા મળી છે.જેમાં એક્ટિવ પેનલના બકુલ રાજાણી સમરસ પેનલના પરેશ મારું અને કાર્યદક્ષ પેનલના દિલીપભાઈ જોશી વચ્ચે જંગ મંડાયો છે. તેમજ પ્રમુખ પદ માટે અન્ય ત્રણ ઉમેદવારો પણ મેદાનમાં છે જેમાં અતુલભાઈ જોશી, કૌશિક પંડ્યા અને હરિસિંહ વાઘેલા એ પણ જંગમાં ઝપલાવ્યું છે. ઉપપ્રમુખ માટે મયંક પંડ્યા, નિરવ પંડ્યા અને સુમિત વરા વચ્ચે તેમજ સેક્રેટરીમા કેતન દવે, સંદીપ વેકરીયા ,પરેશ વ્યાસ અને વિનસ છાયા વચ્ચે સ્પર્ધા છે. જોઈન્ટ સેક્રેટરી માટે ગિરિરાજસિંહ જાડેજા અને જીતેન્દ્ર પારેખ વચ્ચે હરીફાઈ જામી છે.

આ ઉપરાંતની જગ્યા માટે રાજેશ ચાવડા પંકજ દોંગા અને કૈલાશ જાની વચ્ચે તેમજ લાઇબ્રેરી સેક્રેટરીના પદ માટે રવિ ધ્રુવ અને કેતન મંડ વચ્ચે સ્પર્ધા છે. જ્યારે મહિલા અનામત જગ્યા માટે અરુણાબેન પંડ્યા, હર્ષાબેન પંડ્યા, રૂૂપલબેન થડેશ્વર અને રક્ષાબેન ઉપાધ્યાય ચૂંટણી લડી રહ્યા છે. જ્યારે નવ કારોબારીની જગ્યા માટે 26 ઉમેદવારો ચૂંટણી જંગના મેદાનમાં ઉતર્યા છે આગામી તારીખ 20 ના રોજ યોજાના ચૂંટણીના મતદાન પૂર્વે ત્રણેય પેનલના ઉમેદવારો તેમજ સ્વતંત્ર ચૂંટણી લડી રહેલા ઉમેદવારો ચાર કાર્ય ધમધમાટ શરૂૂ થયેલ છે.
ચૂંટણી જેમ નજીક આવતી જાય છે તેમ તેમ વિવિધ સંગઠનો સાથે મીટીંગ નો દોર ચાલી રહ્યો છે જેમાં પરેશ મારુંની સમરસ પેનલના સમર્થનમાં બ્રહ્મ સમાજના વકીલોની બેઠક મળી હતી આ પેનલના સમર્થનમાં ક્લેમ બાર એસોસિએશનના ઇન્ચાર્જ જી આર પ્રજાપતિ સુનિલ મોઢા જે જે ત્રિવેદી વિપુલ કકડ ગોપાલ ત્રિવેદી રાજેશ મહેતા મનીષ ખખર સહિતની મોટી સંખ્યામાં સિનિયર જુનિયર વકીલો હાજર રહી સમરસ પેનલને સમર્થન આપ્યું છે આ ઉપરાંત સામાકાંઠેથી બાર એસોસિએશનની ચૂંટણીમાં સમરસ પેન્શનના કારોબારી સભ્યપદની ચૂંટણી લડી રહેલા અશ્વિન રામાણીના સમર્થનમાં પણ બેઠક મળી હતી. બીજી બાજુ કાર્યદક્ષ પેનલના સમર્થનમાં આવતીકાલે તારીખ 18 ની સાંજે સાડા સાત કલાકે વિરાણી હાઇસ્કુલ ખાતે હરદેવભાઈ આહીર દ્વારા લોકસાહિત્યનો ડાયરો અને હસારિયાનો કાર્યક્રમ સાથે ભોજન સમારંભનું આયોજન કરવામાં આવેલ છે. આવતીકાલે સવારે એક્ટિવ પેનલના બકુલ રાજાણી દ્વારા કોર્ટ પાસે અલ્પાહાર માટે વકીલોને આમંત્રણ આપવામાં આવ્યું છે.

આજે સવારે 9 વાગ્યાથી મહેસાણાની ઊંઝા એપીએમસીની ચૂંટણીની મતગણતરી શરૂૂ કરી દેવામાં આવી હતી. મતદાન શાંતિપૂર્ણ રીતે યોજાયું હતું. લોકો એપીએમસીની ચૂંટણીના પરિણામની લોકો રાજ જોઈને બેઠા હતાં જેનો અંત આવી ગયો છે. એપીએમસીમાં ખેડૂત વિભાગની 10 જ્યારે વેપારી વિભાગની 4 બેઠકો પર ચૂંટણી યોજાઈ હતી. જેનું પરિણામ આવી ગયું છે. એપીએમસીનું સુકાન કોને મળશે તે હવે નક્કી થઈ ગયું છે.
નોંધનીય છે કે, ઊંઝા એપીએમસીનું ચૂંટણી પરિણામ રાજકીય ભૂકંપ સર્જી શકે છે. ભાજપના મેન્ડેડ વિરુદ્ધમાં લડનાર 5 ઉમેદવારોના કારણે ભાજપમાં ભૂકંપ સર્જાઈ શકે છે.

કારણ કે, મેન્ડેડ વિનાના 5 ઉમેદવારો જે અપક્ષ તરીકે લડ્યાં હતા તેની પણ જીત થઈ છે. હવે જોવું એ રહે છે કે, ઊંઝા એપીએમસીના રાજકારણમાં કેવી ઉથલપાથલ થાય છે. પાંચ અપક્ષના ઉમેદવારોની જીત થઈ છે તેને લઈને રાજકારણ ગરમાઈ શકે છે.

ઊંઝા એપીએમસીની ચૂંટણીના બન્ને વિભાગોનીની મતગણતરી પૂર્ણ થઈ ગયું છે. ખેડૂત વિભાગની મતગણતરી પણ પૂર્ણ થઈ ગઈ છે. ખેડૂત વિભાગના કુલ 258 મતોની ગણતરી થઈ. મત ગણતરીમાં દિનેશ પટેલ જૂથના તમામ 10 ઉમેદવારો વિજયી બન્યાં છે. દિનેશ પટેલને ભાજપે 5 મેન્ડેડ આપ્યા હતા જે તમામ જીત્યા છે. જેથી 5 દિનેશ પટેલ સમર્થન વાળા ઉમેદવારની જીત થઈ છે.

સૌથી મોટી વાત છે કે, ઊંઝા એપીએમસીમાં પૂર્વ ચેરમેન દિનેશ પટેલનો દબદબો યથાવત જોવા મળ્યો છે. એપીએમસીમાં ભાજપના 10માંથી 5 ઉમેદવારોની થઈ હાર છે. જો કે, ખેડૂત વિભાગની પેનલમાં દિનેશ પટેલ પેનલની જીત થઈ છે. પરંતુ સામે ધારાસભ્ય કિરીટ પટેલની પેનલના તમામ ઉમેદવાર હાર્યા છે, તેનો અર્થ કે એપીએમસીની ચૂંટણીમાં ક્રોસ વોટિંગ થયું છે. દિનેશ પટેલના સમર્થકોએ ફટાકડા ફોડીને જીતને ઉત્સાહભેર ઉજવણી કરી છે.

મહત્વની વાત એ છે કે, ખેડૂત વિભાગની ટોટલ 10 બેઠકો પર દિનેશ પટેલના ઉમેદવારની જીત છે. કુલ 258 માંથી 242 મતો ની ગણતરી થઈ હતી. મતગણતરી દરમિયાન કુલ 16 મત રદ્દ થયા હતાં. અત્યારે દિનેશ પટેલના સમર્થકોએ જશ્ન મનાવ્યો અને જીતેલા તમામ ઉમેદવારનું વિજયી સરઘસ નીકળ્યું છે.

ખેડૂત વિભાગના વિજયી ઉમેદવાર
ભાજપના મેન્ડેડ ઉમેદવાર
પટેલ અંબાલાલ જોઈતારામ
પટેલ કનુભાઈ રામાભાઇ
પટેલ ધીરેન્દ્ર કુમાર બાબુલાલ
પટેલ પ્રહલાદભાઈ હરગોવિંદ
પટેલ ભગવાનભાઈ શિવરામદાસ
દિનેશ પટેલના સમર્થક ઉમેદવાર
પટેલ બળદેવભાઈ શિવરામદાસ
પટેલ રાજેન્દ્રકુમાર શંકરલાલ
પટેલ લીલાભાઈ માધવલાલ
પટેલ શૈલેષભાઈ તળશીભાઈ
પટેલ જયંતીભાઈ વિઠ્ઠલદાસ