આકાશે ચોગ્ગો ફટકારતાં જ ડ્રેસિંગ રૂમમાં ઝૂમી ઉઠયા રોહિત શર્મા- વિરાટ કોહલી અને ગૌતમ ગંભીર, ટેસ્ટ ડ્રો તરફ જઇ શકે

ચોથા દિવસની રમત પૂરી થઈ ગઈ છે. ભારતે તેના પ્રથમ દાવમાં 9 વિકેટ ગુમાવીને 252 રન બનાવ્યા છે. જસપ્રિત બુમરાહ અને આકાશ દીપની બેટિંગના કારણે ભારતે ફોલોઓન બચાવી લીધું છે. બંને અણનમ છે. આ સિવાય રવિન્દ્ર જાડેજા અને કેએલ રાહુલે પણ શાનદાર બેટિંગ કરી અને અડધી સદી ફટકારી. આકાશ 27 રન બનાવીને અણનમ છે અને બુમરાહ 10 રન બનાવીને અણનમ છે. અત્યાર સુધી બંને વચ્ચે 10મી વિકેટ માટે 54 બોલમાં 39 રનની ભાગીદારી થઈ છે. ઓસ્ટ્રેલિયાએ તેના પ્રથમ દાવમાં 445 રન બનાવ્યા હતા. આ મામલે ટીમ ઈન્ડિયા હજુ પણ 193 રન પાછળ છે. ફોલોઓન બચાવવા માટે ભારતને 246 રન બનાવવા પડ્યા હતા.

આકાશે ચોગ્ગો ફટકારીને ફોલોઓન બચાવી લીધું હતું. ડ્રેસિંગ રૂૂમમાં હાજર રોહિત શર્મા, વિરાટ કોહલી અને ગૌતમ ગંભીર ઉત્સાહમાં પોતાની ખુરશી પરથી કૂદી પડ્યા. ત્રણેયે એકબીજાને હાઈ ફાઈવ આપ્યા. જ્યારે આકાશ અને બુમરાહ ડ્રેસિંગ રૂૂમમાં પાછા ફરી રહ્યા હતા ત્યારે ત્રણેયએ સ્ટેન્ડિંગ ઓવેશન આપ્યું હતું. ચાહકોએ બંનેને સ્ટેન્ડિંગ ઓવેશન પણ આપ્યું હતું. હવે એક દિવસની રમત બાકી છે. આ ટેસ્ટ ડ્રો તરફ આગળ વધી રહી છે.

ભારતે આજે 4 વિકેટે 51 રનથી રમવાનું શરૂૂ કર્યું હતું. જોકે ટૂંક સમયમાં ટીમને રોહિત શર્માના રૂૂપમાં પાંચમો ઝટકો લાગ્યો હતો. રોહિત 10 રન બનાવીને કમિન્સનો શિકાર બન્યો હતો. આ પછી રાહુલે જાડેજા સાથે 67 રનની ભાગીદારી કરી હતી. રાહુલ સદી ચૂકી ગયો હતો અને 139 બોલમાં 8 ચોગ્ગાની મદદથી 84 રન બનાવીને આઉટ થયો હતો.

આ પછી નીતિશ રેડ્ડી અને રવિન્દ્ર જાડેજાએ સાતમી વિકેટ માટે 53 રનની ભાગીદારી કરી હતી. નીતિશ 16 રન બનાવીને કમિન્સ દ્વારા બોલ્ડ થયો હતો. આ સાથે જ સિરાજ એક રન બનાવી શક્યો હતો.

તે જ સમયે, બીજા છેડે હાજર જાડેજાએ તેની ટેસ્ટ કારકિર્દીની 22મી અડધી સદી ફટકારી હતી. તે નવમી વિકેટ તરીકે આઉટ થયો હતો. તે કમિન્સ દ્વારા માર્શના હાથે કેચ આઉટ થયો હતો. જાડેજાએ 123 બોલમાં 7 ચોગ્ગા અને એક છગ્ગાની મદદથી 77 રનની ઇનિંગ રમી હતી.
આ પછી બુમરાહ અને આકાશે હિંમત બતાવી અને ભારતને ફોલોઓન કરતા બચાવ્યું. બંને ઓસ્ટ્રેલિયાની લીડને વધુ ઘટાડવાનો પ્રયાસ કરશે. ઓસ્ટ્રેલિયા તરફથી કેપ્ટન કમિન્સે અત્યાર સુધીમાં ચાર વિકેટ ઝડપી છે.

જ્યારે મિચેલ સ્ટાર્કને ત્રણ વિકેટ મળી હતી. જોશ હેઝલવુડ અને નાથન લિયોનને એક-એક વિકેટ મળી હતી. અગાઉ સોમવારે યશસ્વી 4 રન બનાવીને, ગિલ એક રન બનાવીને, વિરાટ ત્રણ રન બનાવીને અને પંત 9 રન બનાવીને આઉટ થયો હતો.

અમેરિકાની ફેડરલ રિઝર્વના વ્યાજદરનો નિર્ણય આવતી કાલે જાહેર થવાનો છે જેના પગલે ભારતીય શેરબજારમાં સતત બીજા દિવસે ઘટાડો જોવા મળ્યો છે. આજે સેન્સેક્સમાં 1100થી વધુ પોઈન્ટનો કડાકો બોલી ગયો છે. સાથે નિફ્ટીમાં પણ આશરે 365 પોઈન્ટ જેટલો ઘટાડો જોવા મળ્યો હતો. આ ઉપરાંત રૂપિયો પણ સતત ઘસાઈને ડોલર સામે 84.92ના નવા તળિયે પહોંચી ગયો હતો.

ગઈકાલે ઘટાડા બાદ 81,748ના બંધ સામે આજે સેન્સેક્સ 81,511 પર ખુલ્યો હતો. પરંતુ સતત વેચવાલીના પગલે સેન્સેક્સમાં બપોરે ત્રણ વાગ્યાના આસપાસ ભારે ઘટાડો થઈને 1136 પોઈન્ટનો કડાકો થઈ જતાં સેન્સેક્સ 81 હજારની સપાટી તોડી 80,612 પર ટ્રેડ થયો હતો. નિફ્ટી ગઈકાલના 24,668ના બંધ સામે 84 પોઈન્ટ ઘટીને 24584 પર ખુલી હતી. ભારે વેચવાલીથી નિફ્ટીમાં 365 પોઈન્ટનો કડાકો બોલી જતાં 24,303ના દિવસના લો પર ટ્રેડ થઈ હતી.

બ્લુ સ્ટાર, ભારત ડાયનેમિક, શ્રીરામ ફાઇનાન્સના શેર 2 ટકાથી વધુ તૂટ્યા છે.પિડિલાઇટ, એલ એન્ડ ટી ફાઇનાન્સ, મેક્સ ફાઇનાન્સ સર્વિસિસ, રેમન્ડ અને આઇટીઆઇના શેરમાં 1 ટકાથી વધુનો ઘટાડો જોવા મળી રહ્યો છે. આ સિવાય ગ્રેસિમ ઈન્ડસ્ટ્રીઝ, રિલાયન્સ ઈન્ડસ્ટ્રીઝ અને વેદાંતાના શેરમાં પણ 1 ટકાનો ઘટાડો થયો હતો.

આ સપ્તાહના અંત સુધીમાં ફેડરલ રિઝર્વ બેન્ક તરફથી વ્યાજ દર અને ફુગાવા અંગે નિર્ણય લેવામાં આવશે. જેના કારણે શેરબજાર તેની રાહ જોઈ રહ્યું છે અને અત્યારે મોટું રોકાણ આવી રહ્યું નથી. બીજી તરફ વિદેશી રોકાણકારો ભારતીય બજારમાંથી નાણાં ઉપાડી રહ્યા છે. આ સિવાય ભારતમાં ટઈંડમાં પણ વધારો જોવા મળી રહ્યો છે. આ તમામ કારણોને લીધે શેરબજારમાં ઘટાડો જોવા મળી રહ્યો છે.

ઇલેકટ્રોનિક વોટિંગમાં બિલની તરફેણમાં 220 અને વિરુદ્ધમાં 149 મત પડ્યા પછી વિપક્ષોએ વાંધો લેતા વોટિંગ સ્લિપ દ્વારા બીજા રાઉન્ડમાં 269 સામે 198 મત પડયા: બિલ આખરે જેપીસીને સોંપાયું

એક દેશ, એક ચૂંટણીથ એટલે કે વન નેશન, વન ઈલેક્શન બિલ આજે લોકસભામાં રજૂ કરાયું હતું. આ બિલને પબંધારણ (129મો સુધારો) બિલ 2024થ નામ આપવામાં આવ્યું છે. કેન્દ્રીય કાયદા મંત્રી અર્જુન રામ મેઘવાલ આ બિલને ગૃહમાં રજૂ કરતા જ કોંગ્રેસ, સમાજવાદી પાર્ટી અને તૃણમૂલ કોંગ્રેસ સહિતના પક્ષોએ જોરદાર હોબાળો કર્યો હતો. બીજી તરફ, નીતિશ કુમાર, ચંદ્રાબાબુ નાયડુ અને વાયએસઆરસીપીના જગન મોહન રેડ્ડીએ આ બિલને ટેકો જાહેર કર્યો હતો.

પરચી મતદાન થયા પછી સ્પીકર ઓમ બિરલાએ પરિણામો જાહેર હતા. તેમણે જણાવ્યું હતું કે, પજ્યારે પણ ઈલેક્ટ્રોનિક મતદાન થાય છે. જો તેમાં કંઈ યોગ્ય ન હોય તો જ પરચીની માગ કરી શકો છે. હાલ આ બિલની તરફેણ 269 મત અને વિરોધમાં 198 મત પડ્યા છે.થ લોકસભામાં વન નેશન, વન ઈલેક્શન બિલ પર મતદાન થયાબાદ તેને જેપીસીને મોકલવામાં આવ્યું છે. હાલમાં લોકસભાની કાર્યવાહી 3 વાગ્યા સુધી સ્થગિત કરી દેવામાં આવી હતી.

લોકસભામાં ભારે હોબાળા વચ્ચે આ બિલ મુદ્દે મતદાન શરૂૂ કરાયું. આ બિલની તરફેણમાં 220 અને વિપક્ષમાં 149 મત પડ્યા છે, જ્યારે કુલ 369 સભ્યે મતદાન કર્યું છે. આ બિલ માટે ઈલેક્ટ્રોનિક વોટિંગ થઈ રહ્યું હોવાથી વિપક્ષે વાંધો ઉઠાવ્યો હતો. આ અંગે ગૃહ મંત્રી અમિત શાહે કહ્યું હતું કે, તમને વાંધો હોય તો પરચી આપીને પણ મતદાન કરી શકો છો.

બીજી તરફ, વિપક્ષના હોબાળા વચ્ચે મતદાન પહેલા કાયદા મંત્રી અર્જુન રામ મેઘવાલે વિપક્ષના હોબાળા વચ્ચે આ બિલ સંયુક્ત સંસદીય સમિતિ (જેપીસી)ને મોકલવા માટે પણ પ્રસ્તાવ મૂક્યો હતો.

લોકસભા અધ્યક્ષ ઓમ બિરલાએ વિપક્ષને શાંત પાડતા કહ્યું હતું કે, આ બિલ મુદ્દે સંયુક્ત સંસદીય સમિતિની રચના કરવામાં આવશે. તેમાં તમામ પક્ષના સભ્યો હશે અને આ મુદ્દે વ્યાપક ચર્ચા કરશે. આ બિલ આવે તે પહેલા પૂરતો સમય અપાશે, તમે ઈચ્છો એટલા દિવસ ચર્ચા કરી શકો છો.
શિવસેના (શિંદે જૂથ)ના સાંસદ શ્રીકાંત શિંદેએ વન નેશન, વન ઈલેક્શન બિલને સમર્થન આપ્યું છે. તેમણે કોંગ્રેસ પર નિશાન સાધતા કહ્યું કે, કોંગ્રેસ કોઈ પણ સુધારાને નફરત જ કરે છે. આ નિવેદન પછી વિપક્ષે ભારે હોબાળો મચાવ્યો હતો.

ખરડાને બંધારણ વિરોધી ગણાવતા વિપક્ષો
એનસીપી (શરદ પવાર જૂથ) સાંસદ સુપ્રિયા સૂલેએ જણાવ્યું હતું કે, એક દેશ, એક ચૂંટણી બિલ બંધારણ વિરોધી છે. તમે ચૂંટણી પંચને ચૂંટણી યોજવા માટે વિધાનસભા ભંગ કરવાનો અધિકાર આપી રહ્યા છો. સપાના વડા અખિલેશ યાદવે આ બિલનો વિરોધ કરતા જણાવ્યું હતું કે, આ બંધારણને નષ્ટ કરવાનું ષડયંત્ર છે. તો શિવસેના (ઉદ્ધવ જૂથ)ના સાંસદ અનિલ દેસાઈએ પણ આ બિલને સંઘીય માળખા પરના હુમલા સમાન ગણાવ્યું હતું. ઈન્ડિયન મુસ્લિમ લીગના સાંસદ ઈ.ટી. મોહમ્મદ બશીરે આ બિલનો વિરોધ કર્યો હતો. તૃણમૂલ કોંગ્રેસના સાંસદ કલ્યાણ બેનરજીએ આ બિલને અલ્ટ્રા વાઈરસ ગણાવીને જોરદાર વિરોધ કર્યો હતો. આ બિલ બંધારણ વિરોધી છે. કોંગ્રેસના સાંસદ રાજીવ શુક્લાએ કહ્યું કે બિલમાં ઘણી ખામીઓ છે. તે સારું છે કે બિલ જેપીસીને મોકલવામાં આવ્યું હતું. અમે પણ તે જ માંગ કરી રહ્યા હતા. જેપીસીમાં બિલની વિગતવાર ચર્ચા થવી જોઈએ. બિલમાં ઘણી ખામીઓ છે. કોંગ્રેસના જયરામ રમેશે આ બિલને ગેરબંધારણીય ગણાવ્યું છે. વન નેશન વન ઈલેક્શન અંગે ચર્ચા કરવા માટે કોંગ્રેસે આજે સવારે 10.30 કલાકે સીપીપી (કોંગ્રેસ પાર્લામેન્ટરી પાર્ટી) ઓફિસ ખાતે તાકીદની બેઠક બોલાવી હતી. કોંગ્રેસના તમામ લોકસભા સાંસદોને ત્રણ લીટીનો વ્હીપ જારી કરવામાં આવ્યો છે, સપા સાંસદ રામ ગોપાલ યાદવે કહ્યું કે અમે આ બિલનો વિરોધ કરીશું અને આ બિલ બંધારણની વિરુદ્ધ છે. આ સાથે જ અખિલેશ યાદવે પણ લાંબી પોસ્ટ દ્વારા આ બિલ પર નિશાન સાધ્યું છે. આ સિવાય તમિલનાડુના સીએમ સ્ટાલિન, મમતા બેનર્જી, જેએમએમ સહિત અન્ય ઘણી પાર્ટીઓએ પણ આ બિલનો ખુલ્લેઆમ વિરોધ કર્યો છે.