બિટકોઈનમાં તોફાની તેજી, પ્રથમ વખત કિંમત 1.05 લાખ ડોલરને પાર

વિશ્વની સૌથી જૂની, સૌથી વધુ લોકપ્રિય અને સૌથી મોટી ક્રિપ્ટોકરન્સી બિટકોઈન આજે શરૂૂઆતના ટ્રેડિંગમાં જોરદાર ગતિ જોઈ રહી છે. બિટકોઈનની કિંમત 1 લાખ 6 હજાર ડોલરને પાર કરી ગઈ છે. ભારતીય ચલણ પ્રમાણે તે અંદાજે 90 લાખ રૂૂપિયા છે. આ સાથે બિટકોઈનનું માર્કેટ કેપ 2.1 ટ્રિલિયન સુધી પહોંચી ગયું છે અને તે ગૂગલને હરાવવાથી 10% દૂર છે. ગૂગલની પેરેન્ટ કંપની આલ્ફાબેટની માર્કેટ કેપ 2.332 ટ્રિલિયન છે અને તે વિશ્વની છઠ્ઠી સૌથી મૂલ્યવાન કંપની છે. નિષ્ણાતો માને છે કે નવા વર્ષમાં બિટકોઈનની કિંમત 200,000 સુધી પહોંચી શકે છે.

બિટકોઈનની સાથે અન્ય ક્રિપ્ટોકરન્સીના ભાવમાં પણ વધારો થયો છે. તેનું કારણ અમેરિકાના રાષ્ટ્રપતિ બનવા જઈ રહેલા ડોનાલ્ડ ટ્રમ્પનું નિવેદન છે. તેમણે સંકેત આપ્યો છે કે તેઓ દેશમાં તેલના ભંડારની જેમ બિટકોઈન અનામત બનાવવાની યોજના બનાવી રહ્યા છે. અમેરિકામાં રાષ્ટ્રપતિની ચૂંટણીમાં ટ્રમ્પની જીત બાદ બિટકોઈનને પાંખો મળી છે. તેમને ક્રિપ્ટોકરન્સીના મજબૂત સમર્થક માનવામાં આવે છે. ચૂંટણી પ્રચાર દરમિયાન તેમણે કહ્યું હતું કે તેઓ અમેરિકાને વિશ્વની ક્રિપ્ટો કેપિટલ બનાવવા માંગે છે. 5 નવેમ્બરના રોજ પરિણામ આવ્યા ત્યારથી, બિટકોઈન 50 ટકા વધ્યો છે.

બિટકોઈન ઉપરાંત અન્ય ક્રિપ્ટોકરન્સીના ભાવ પણ વધી રહ્યા છે. પ્રારંભિક ટ્રેડિંગમાં ઇથેરિયમ લગભગ 3% વધીને 4,014 પર પહોંચ્યું. આ સાથે, ક્રિપ્ટોકરન્સીનું માર્કેટ કેપ વધીને 3.8 ટ્રિલિયન થઈ ગયું છે. નિષ્ણાતોનું માનવું છે કે 2025ના અંત સુધીમાં બિટકોઈનની કિંમત 200,000 સુધી પહોંચી શકે છે. બિટકોઈનની કિંમત 5 ડિસેમ્બરે પ્રથમ વખત 100,000ને પાર કરી ગઈ હતી.