અમેરિકાની ફેડરલ રિઝર્વના વ્યાજદરનો નિર્ણય આવતી કાલે જાહેર થવાનો છે જેના પગલે ભારતીય શેરબજારમાં સતત બીજા દિવસે ઘટાડો જોવા મળ્યો છે. આજે સેન્સેક્સમાં 1100થી વધુ પોઈન્ટનો કડાકો બોલી ગયો છે. સાથે નિફ્ટીમાં પણ આશરે 365 પોઈન્ટ જેટલો ઘટાડો જોવા મળ્યો હતો. આ ઉપરાંત રૂપિયો પણ સતત ઘસાઈને ડોલર સામે 84.92ના નવા તળિયે પહોંચી ગયો હતો.

ગઈકાલે ઘટાડા બાદ 81,748ના બંધ સામે આજે સેન્સેક્સ 81,511 પર ખુલ્યો હતો. પરંતુ સતત વેચવાલીના પગલે સેન્સેક્સમાં બપોરે ત્રણ વાગ્યાના આસપાસ ભારે ઘટાડો થઈને 1136 પોઈન્ટનો કડાકો થઈ જતાં સેન્સેક્સ 81 હજારની સપાટી તોડી 80,612 પર ટ્રેડ થયો હતો. નિફ્ટી ગઈકાલના 24,668ના બંધ સામે 84 પોઈન્ટ ઘટીને 24584 પર ખુલી હતી. ભારે વેચવાલીથી નિફ્ટીમાં 365 પોઈન્ટનો કડાકો બોલી જતાં 24,303ના દિવસના લો પર ટ્રેડ થઈ હતી.

બ્લુ સ્ટાર, ભારત ડાયનેમિક, શ્રીરામ ફાઇનાન્સના શેર 2 ટકાથી વધુ તૂટ્યા છે.પિડિલાઇટ, એલ એન્ડ ટી ફાઇનાન્સ, મેક્સ ફાઇનાન્સ સર્વિસિસ, રેમન્ડ અને આઇટીઆઇના શેરમાં 1 ટકાથી વધુનો ઘટાડો જોવા મળી રહ્યો છે. આ સિવાય ગ્રેસિમ ઈન્ડસ્ટ્રીઝ, રિલાયન્સ ઈન્ડસ્ટ્રીઝ અને વેદાંતાના શેરમાં પણ 1 ટકાનો ઘટાડો થયો હતો.

આ સપ્તાહના અંત સુધીમાં ફેડરલ રિઝર્વ બેન્ક તરફથી વ્યાજ દર અને ફુગાવા અંગે નિર્ણય લેવામાં આવશે. જેના કારણે શેરબજાર તેની રાહ જોઈ રહ્યું છે અને અત્યારે મોટું રોકાણ આવી રહ્યું નથી. બીજી તરફ વિદેશી રોકાણકારો ભારતીય બજારમાંથી નાણાં ઉપાડી રહ્યા છે. આ સિવાય ભારતમાં ટઈંડમાં પણ વધારો જોવા મળી રહ્યો છે. આ તમામ કારણોને લીધે શેરબજારમાં ઘટાડો જોવા મળી રહ્યો છે.

હોલીવુડની આગામી ફિલ્મ 28 યર્સ લેટરનું ટ્રેલર રિલીઝ કરવામાં આવ્યું છે. જોડી કોમર, એરોન ટેલર-જોન્સન, જેક ઓથકોનેલ અને આલ્ફી વિલિયમ્સ અભિનીત ફિલ્મના ટ્રેલરની ચર્ચા દરેક જગ્યાએ થઈ રહી છે, પરંતુ ટ્રેલરના એક દ્રશ્યે દર્શકોમાં હલચલ મચાવી દીધી છે. આ ટ્રેલરે લોકોને વિશ્વાસ અપાવ્યો છે કે ઓસ્કાર એવોર્ડ વિજેતા અભિનેતા કિલિયન મર્ફી ત્રીજા હપ્તા સાથે દર્શકો સમક્ષ પરત ફરી રહ્યા છે.

કિલિયન મર્ફી તેના જબરદસ્ત અભિનય તેમજ તેના ટ્રાંસફોર્મેશન માટે પ્રખ્યાત છે અને હવે તેણે ફરી એકવાર તેના ટ્રાંસફોર્મેશનથી ચાહકોને ઉડાવી દીધા છે. ઓસ્કર વિજેતા દિગ્દર્શક ડેની બોયલની 28 યર્સ લેટર 2002માં રિલીઝ થયેલી 28 ડેઝ લેટર ફ્રેન્ચાઇઝીનો એક ભાગ છે, જેમાં કિલિયનએ જિમ નામના વ્યક્તિની ભૂમિકા ભજવી હતી. હવે, કિલિયન મર્ફીની એક ઝલક ફિલ્મના ત્રીજા હપ્તાના ટ્રેલરમાં પણ જોવા મળી હતી, એટલે કે 28 યર્સ લેટર , પરંતુ એક ઝોમ્બીના રૂૂપમાં. ફિલ્મના ટ્રેલરમાં જોવા મળેલી કિલિયનની ઝલક મનને ઉડાવી દે તેવી છે.

આ ટ્રેલરમાં કિલિયન મર્ફી જીવંત હાડપિંજર જેવો દેખાય છે. સંપૂર્ણપણે સુકાઈ ગયેલું શરીર, જેમાં તેના દરેક હાડકા સ્પષ્ટ દેખાય છે. કિલિયન મર્ફીનું આ ટ્રાંસફોર્મેશન અને દેખાવ ચાહકોને આશ્ચર્યચકિત કરવા અને રોમાંચિત કરવા માટે પૂરતું છે. અભિનેતાના આ લુકને જોયા પછી ચાહકોને તેમની આંખો પર વિશ્વાસ કરવો મુશ્કેલ થઈ રહ્યો છે. એક્ટરનો આ લુક જોયા બાદ બધાની આંખો ખુલ્લી રહી ગઈ હતી.

28 યર્સ લેટરની વાત કરીએ તો, ડેની બોયલ દ્વારા નિર્દેશિત આ ફિલ્મ 20 જૂન, 2025ના રોજ રિલીઝ થશે. ત્રીજા ભાગની વાર્તા વાયરસની વિનાશક અસરો વિશે છે, જે વાર્તાને આગળ લઈ જશે.

નાતાલનો તહેવાર નજીક આવી રહ્યો છે ત્યારે વિશ્ર્વભરમાં પ્રેમ, કરૂણા અને શાંતિનો સંદેશ આપનાર સાન્ટાકલોઝ છવાયેલા નજરે પડે છે. તસવીરોમાં જર્મનીના ન્યુસ્ટાડર એનડેર વેઇનસ્ટ્રાસ નજીક હાર્લિ ડેવીડસન કલબના સભ્યો ‘રાઇડિંગ સાન્ટાસ’ના રોલમાં નજરે પડે છે. જેવો બાળકો માટે મીઠાઇ અને અન્ય કામગીરી માટે નાણા એકત્ર કરવાનું કાર્ય કરે છે. અન્ય તસવીરમાં એનજીઓ દ્વારા આયોજિત કાર્યક્રમમાં બ્રાઝિલમાં બાળકોને ભેટતા સાન્ટાકલોઝ, ન્યૂયોર્કની પરેડના દ્દશ્યો સહિત નજરે પડે છે.