ઓફ સ્ટમ્પની બહાર જતો બોલ જેમાં વિરાટના બેટની એઝ અને કોહલી આઉટ. આવી જ રીતે કોહલી વારંવાર આઉટ થઈ રહ્યો છે. જેથી તેના પરફોર્મન્સ પર અનેક સવાલ ઉઠી રહ્યા છે. કોહલી પ્રેક્ટિસ દરમિયાન ખૂબ મેહનત કરી રહ્યો છે પરંતુ મેચ દરમિયાન તેને શું થઈ જાય છે તે ખબર નથી પડતી. બોર્ડર ગાવસ્કર ટ્રોફીની ત્રીજી મેચમાં પણ કોહલી 3 રન બનાવી આઉટ થઈ ગયો હતો. તેમાં પણ આ રીતે આ આઉટ થયો હતો.

વિરાટ કોહલી એકની એક રીતે સતત આઉટ થઈ રહ્યો છે. એવુ લાગે કે ઓફ સ્ટમ્પની બહાર જતા બોલને ડ્રાઇવ મારવાનું તે ભૂલી જ ગયો હોય. વિરાટ એક-બે વાર નહીં પણ આ સિરીઝમાં ચાર ઇનિંગ્સમાં એક જ લાઇન સામે સતત આઉટ થઈ રહ્યો છે. ગાબા ખાતે રમાઈ રહેલી ત્રીજી ટેસ્ટમાં પણ કોહલીએ આવી જ રીતે પોતાની વિકેટ ગુમાવી બેઠો હતો.

ન્યુઝીલેન્ડ સામેની હોમ સિરીઝમાં ફ્લોપ રહ્યા બાદ ટીમ ઈન્ડિયાના સિનિયર ખેલાડીઓ માટે ઓસ્ટ્રેલિયામાં પોતાને સાબિત કરવાની આ છેલ્લો મોકો હોઈ શકે છે. જેમાં વિરાટ કોહલીનું નામ પણ આ લિસ્ટમાં સામેલ છે. શાયદ તેથી જ વિરાટ વધુને વધુ પ્રેશર અનુભવી રહ્યો છે અને સંઘર્ષ કરી રહ્યો છે. જો તેની પર્થમાં મારેલી સદીને બાજુ પર રાખીએ તો વિરાટ બાકીની ચાર ઇનિંગ્સમાં માત્ર 26 રન જ બનાવી શક્યો છે. ભારતીય બેટ્સમેન ઓફ સ્ટમ્પની બહાર જતા બોલ સામે દર વખતે પોતાની વિકેટ આપીને પેવેલિયન પરત ફરી રહ્યો છે. કોહલી ઓફ સ્ટમ્પની બહાર જતા બોલ પર સતત આઉટ થઈને પેવેલિયન ભેગો થઈ રહ્યો છે.

પર્થની ઇનિંગને બાદ કરતા ભારતીય ટીમ 200નો આંકડો પાર કરી શકી નથી

ઓસ્ટ્રેલિયા વિરુદ્ધ 5 ટેસ્ટ મેચોની સિરીઝમાં ભારતીય બેટર્સનું પ્રદર્શન અત્યાર સુધી કઈ ખાસ જોવા મળ્યું નથી. પર્થ ટેસ્ટ મેચની બીજી ઈનિંગને બાદ કરતા ભારતીય બેટર્સ કશું ઉકાળી શક્યા નથી. એડિલેડ મેચની બંને ઈનિંગ્સમાં તેમની હાલત ખરાબ જોવા મળી અને ટીમ ઈન્ડિયાએ હારનો સામનો કરવો પડ્યો. હવે બ્રિસ્બેન ટેસ્ટમાં પણ ભારતની હાલત કસોળી છે.
માંજરેકરે નામ લીધા વગર બીસીસીઆઈની સાથે સાથે ભારતીય ટીમના કોચ ગૌતમ ગંભીર અને તેમના કોચિંગ સ્ટાફને મુશ્કેલ સવાલ પૂછ્યા છે. ગંભીરની કોચિંગ ટીમમાં આસિસ્ટન્ટ કોચ રયાન ટેન ડેશકાટે, આસિસ્ટન્ટ કોચ અભિષેક નાયર અને બોલિંગ કોચ મોર્ને મોર્કલ છે. ફિલ્ડિંગ કોચની જવાબદારી ટી દિલીપે સંભાળેલી છે. જ્યારે રાહુલ દ્રવિડના કાર્યકાળમાં પણ તેઓ આ પદે હતા. તેમણે ભારતીય ટીમમાં બેટિંગ કોચની ભૂમિકા પર સવાલ ઉઠાવ્યા છે.
માંજરેકરે ભારતીય સ્ટાફમાં બેટિંગ કોચની ભૂમિકા વિશે સવાલ કર્યો છે. પૂર્વ ખેલાડીએ કહ્યું કે ભારતીય બેટિંગમાં પ્રમુખ ટેક્નિકલ મુદ્દા ઘણા લાંબા સમયથી વણઉકેલાયેલા છે અને આ માટે મેનેજમેન્ટે જવાબદાર હોવાની જરૂૂરિયાત છે. તેમણે એક્સ પર લખ્યું કે મને લાગે છે કે ભારતીય ટીમમાં બેટિંગ કોચની ભૂમિકાની તપાસ કરવાનો સમય આવી ગયો છે. કેટલાક ભારતીય બેટર્સની સાથે પ્રમુખ ટેક્નિકલ મુદ્દા આટલા લાંબા સમય સુધી વણઉકેલાયેલા કેમ છે?
હાલના પ્રવાસમાં ભારતીય બેટિંગની સ્થિતિ ખરાબ જોવા મળી રહી છે. પર્થમાં બીજી ઇનિંગને બાદ કરતા ટીમ ઈન્ડિયા 200 રનનો આંકડો પાર કરી શકી નથી. ચાર ઈનિંગમાં ભારતે અત્યાર સુધીમાં 150, 487/6, 180 અને 175 રન કર્યા છે. તેનાથી તેમની ટેક્નિકલ ખામીઓ સામે આવી છે. વિરાટ, યશસ્વી, ગિલ અને પંતના આઉટ થયા બાદ સોશિયલ મીડિયા પર ટીમ ઈન્ડિયા પર સતત સવાલ ઉઠી રહ્યા છે.

સૈયદ મુશ્તાક અલી ટી20 ટુર્નામેન્ટની ફાઈનલ મુંબઈ અને મધ્ય પ્રદેશ વચ્ચે રમાઈ હતી. આ મેચમાં મુંબઈએ શાનદાર જીત નોંધાવી હતી. મુંબઈએ એમપીને 5 વિકેટે હરાવ્યું છે. મુંબઈના કેપ્ટને ટોસ જીતીને પહેલા બોલિંગનો નિર્ણય કર્યો હતો.

જે તેના માટે કારગર સાબિત થયો હતો. પહેલા બેટિંગ કરવા ઉતરેલી એમપીની ટીમે રજત પાટિદારની શાનદાર 81 રનની ઇનિંગ મદદથી 20 ઓવરમાં 174 રન બનાવ્યાં હતા.ઓપનિંગ કરવા ઉતરેલા અર્પિત ગાઉદ અને હર્ષ ગાવલી ક્રમશ: 3 અને 2 રન બનાવીને આઉટ થયા હતા. સુભ્રાંશુ સેનાપતિ 23 રન બનાવીને પેવેલિયન પરત ફર્યો હતો. ત્યાર બાદ રજત પાટિદાર બેટિંગ કરવા ઉતર્યો હતો અને તેણે 40 બોલમાં 81 રનની આક્રમક ઇનિંગ રમી હતી. આ દરમિયાન તેણે 6 ચોગ્ગા અને 6 છગ્ગા ફટકાર્યા હતા. આ અંતર્ગત મધ્ય પ્રદેશની ટીમે 174 રન બનાવ્યા હતા.ચેઝ કરવા ઉતરેલી મુંબઈની ટીમે જીત નોંધાવી હતી.

ઓપનિંગ કરવા ઉતરેલો પૃથ્વી શો ફ્લોપ રહ્યો હતો. તે માત્ર 10 રન બનાવી શક્યો હતો. તેની સાથે અજિંક્ય રહાણેએ શાનદાર 37 રન ફટકાર્યા હતા. ત્રીજા નંબરે રમતા શ્રેયસ અય્યર પણ ફ્લોપ રહ્યો હતો. તેણે માત્ર 16 રન બનાવ્યાં. સૂર્યકુમાર યાદવે ચોથા નંબરે બેટિંગ કરતા જોરદાર રમત દર્શાવી હતી. તેણે 35 બોલમાં 48 રન બનાવ્યાં હતા. જોકે, ત્યાં સુધીમાં મુંબઈના પક્ષમાં જઈ ચૂકી હતી. છેલ્લે સૂર્યાશ શેડગેએ 36 રન ફટકારીને ટીમને જીત અપાવી હતી. એમપી માટે બોલિંગ કરતા ત્રિપુરેશ સિંહે 2 વિકેટ ઝડપી હતી. તે સિવાય વેંકટેશ અય્યરે 1, કુમાર કાર્તિકેયે 1 અને શિવમ શુક્લાએ પણ 1 વિકેટ લીધી હતી. જોકે, આ તમામની બોલિંગ પર સૂર્યાશ શેડગેએ પાણી ફેરવી દીધું હતું. સૂર્યાશે 7ના નંબરે આવીને જોરદાર બેટિંગ કરી 200થી વધુના સ્ટ્રાઇક રેટથી 36 રન ફટકારીને ટીમને જીત અપાવી હતી.