વડાપ્રધાન નરેન્દ્ર મોદી તેમની બે દિવસીય મુલાકાતે મોસ્કો પહોંચી ગયા છે. મોસ્કો એરપોર્ટ પર પીએમ મોદીને ગાર્ડ ઓફ ઓનર આપવામાં આવ્યું હતું. પીએમ મોદીની આ મુલાકાત ઘણી રીતે ઘણી મહત્વની માનવામાં આવી રહી છે. તેઓ મોસ્કોમાં રાષ્ટ્રપતિ પુતિન સાથે 22મી ભારત-રશિયા વાર્ષિક સમિટમાં ભાગ લેશે. ફેબ્રુઆરી 2022માં રશિયા અને યુક્રેન વચ્ચે યુદ્ધ શરૂ થયા બાદ ભારતીય વડાપ્રધાનની રશિયાની આ પ્રથમ મુલાકાત છે. 9 જુલાઈના રોજ રશિયાની મુલાકાત પૂર્ણ કર્યા બાદ પીએમ મોદી ઓસ્ટ્રિયા જવા રવાના થશે, જે 40 વર્ષમાં કોઈ ભારતીય વડાપ્રધાનની પ્રથમ મુલાકાત હશે.

મોસ્કો પહોંચ્યા બાદ વડાપ્રધાન નરેન્દ્ર મોદીનું ઢોલ-નગારા સાથે સ્વાગત કરવામાં આવ્યું હતું. રશિયાના મોસ્કોમાં વડાપ્રધાન નરેન્દ્ર મોદીનું સ્વાગત કરવા માટે રશિયન કલાકારોએ હિન્દી ગીતો પર ડાન્સ કર્યો હતો. આ દરમિયાન તેમનું સ્વાગત કરવામાં આવ્યું હતું.

જમ્મુ-કાશ્મીરમાં ફરી એકવાર સેના પર હુમલો થયો છે. આજે (08 જુલાઇ), જમ્મુના બિલવર, કઠુઆના ધડનોટા વિસ્તારમાં આતંકવાદીઓએ સેનાના એક વાહન પર ગોળીબાર કર્યો હતો, જેમાં ઓછામાં ઓછા બે જવાનો ઘાયલ થયા હતા. આતંકીઓ એક ગ્રેનેડ લાવ્યા હતા અને સેનાના વાહનને ઉડાડવાના ઈરાદાથી ફેંક્યા હતા અને પછી ફાયરિંગ શરૂ કર્યું હતું.

આતંકવાદીઓએ લોઇ મરાડ ગામ પાસે સેનાના વાહન પર હુમલો કર્યો હતો. જવાબમાં ભારતીય સેનાએ વિસ્તારને ઘેરી લીધો અને આતંકીઓને શોધવા માટે સર્ચ ઓપરેશન શરૂ કર્યું. આ હુમલો કઠુઆ જિલ્લાના મચ્છેડી વિસ્તારના ધડનોટા ગામમાં ત્યારે થયો જ્યારે સેનાના જવાનો તેમના નિયમિત પેટ્રોલિંગ પર હતા. તે જ સમયે, સુરક્ષા દળો દ્વારા વિસ્તારમાં સર્ચ ઓપરેશન ચાલુ છે.

સંરક્ષણ અધિકારીઓએ જણાવ્યું કે ભારતીય સેનાના 9મી કોર્પ્સ હેઠળના વિસ્તારમાં ભારતીય સેનાના કાફલા પર હુમલો કરવામાં આવ્યો હતો. આતંકીઓના ગોળીબાર બાદ જવાનોએ પણ જવાબી કાર્યવાહી કરી હતી. આ સાથે વધારાના સુરક્ષા દળોને પણ મોકલવામાં આવ્યા છે. તે જ સમયે, સૂત્રોએ જણાવ્યું હતું કે ત્યાં 2 થી 3 આતંકવાદીઓની હાજરી છે, જેમણે કથિત રીતે સેનાના વાહન પર ગ્રેનેડથી હુમલો કર્યો હતો.

24 કલાક પહેલા જ જમ્મુ-કાશ્મીરના કુલગામ જિલ્લામાં સેનાએ બે અલગ-અલગ એન્કાઉન્ટરમાં છ આતંકીઓને ઠાર કર્યા હતા. શનિવારે શરૂ થયેલા એન્કાઉન્ટરમાં એક પેરા-ટ્રૂપર સહિત બે જવાન શહીદ થયા હતા, જ્યારે અન્ય એક જવાન ઘાયલ થયો હતો.

જમ્મુ-કાશ્મીરના કુલગામમાં અથડામણમાં છ આતંકવાદીઓને ઠાર કરવામાં આવ્યા છે. ચાર આતંકીઓ તિજોરીમાં બંકર બનાવીને છુપાઈને બેઠા હતા. એન્કાઉન્ટર સ્થળ પરથી મોટી માત્રામાં દારૂૂગોળો પણ મળી આવ્યો છે.

બંને જગ્યાએ સૈન્ય કાર્યવાહી ચાલી રહી છે. પોલીસ મહાનિર્દેશક આરઆર સ્વૈને એક સાથે છ આતંકવાદીઓને મારી નાખવાને સુરક્ષા દળોની સિદ્ધિ ગણાવી.

એક એન્કાઉન્ટર ચિનીગામમાં અને બીજું કુલગામથી ચાર કિલોમીટર દૂર મુદરગામમાં ચાલી રહ્યું છે. મુદરગામમાં આતંકવાદીઓની હાજરીની બાતમી મળતાં સુરક્ષા દળોની સંયુક્ત ટીમે ઘેરાબંધી અને સર્ચ ઓપરેશન શરૂૂ કર્યું હતું. સુરક્ષા દળોએ ઘેરાબંધી કરતા જ અંદર છુપાયેલા આતંકવાદીઓએ ગોળીબાર શરૂૂ કરી દીધો હતો.
કુલગામના ચિનીગામ વિસ્તારમાં આતંકવાદીઓ જે ઘરમાં છુપાયેલા હતા, ત્યાં તેઓએ તિજોરીમાં પાછળ બંકર બનાવી રાખ્યું હતું. એન્કાઉન્ટરમાં ચાર હિઝબુલ આતંકવાદીઓ માર્યા ગયા પછી, સુરક્ષા દળોએ ઘરની અંદર તપાસ કરી અને એક બંકર મળ્યું. આતંકવાદીઓ તેનો ઉપયોગ હથિયારો અને દારૂૂગોળો છુપાવવા માટે કરતા હતા.