Connect with us

ગુજરાત

પિતાજીની સંવેદનાની સરવાણીનો અણસાર: સુનીતા ઇજ્જતકુમાર

Published

on

સુનીતાબહેને લાઇફ ઇન્સ્યોરન્સની લાખ રૂપિયા પગારની નોકરી 11 વર્ષ વહેલી છોડી કરોડ રૂપિયાની કલમની આંગળી પકડી

મને મારી જાત બહુ વ્હાલી છે. મારા પિતા કહેતા કે જે જાતને ચાહી શકે તે સમષ્ટિને ચાહી શકે. માઠી પરિસ્થિતિને મઘમઘતી બનાવી દેવી તે મારો શોખ છે.હું સતત મારી જાત ઉપર ચાંપતી નજર રાખું છું ને સતત મારામાં કંઇક શોધતી રહું છું. મારી આ શોધ જ મને સભર બનાવી રહી છે.હું કથની અને કરણી જુદી નથી રાખતી.મારા બાળક સાથે જેમ જોડાયેલ હોવુ છું એ જ રીતે એકદમ પવિત્ર ભાવે સૌ સાથે જોડાવ છું અને સૌને ખરા દિલથી ચાહું છું. કદાચ એટલે જ રાવણને રામ બનાવતા પણ મને ફાવે છે. આ શબ્દો છે ભાવનગરના મૂર્ધન્ય સાહિત્યકાર,લઘુકથાકાર ઇજ્જતકુમાર ત્રિવેદીના સાહિત્યના વારસદાર દીકરી સુનીતાબહેન ત્રિવેદીના.પિતાના સર્જનનો વારસો તેઓ પામ્યા છે એટલું જ નહિ પિતાજીના વારસાને તેઓએ જાળવ્યો અને ઉજાળ્યો પણ છે.
સૌરાષ્ટ્રની મધુમતીનગરી એવા મહુવામાં જન્મ અને ભાવનગરમાં અભ્યાસ કર્યો.

માતા ઉષાબેન ત્રિવેદી અને પિતા ઇજ્જતકુમાર ત્રિવેદી.પરિવાર પર સરસ્વતી દેવીના ચાર હાથ હતા પણ લક્ષ્મીજી જાણે નારાજ હતા.તેઓના પિતાજીનું બાળપણ અસાધારણ ગરીબીમાં પસાર થયું એટલે જ એમણે પોતાના બાળકોને ખૂબ લાડથી ઉછેર્યા. ઈજ્જતકુમાર ત્રિવેદીનું નામ સાહિત્ય પ્રેમી માટે અજાણ નથી.ફક્ત સાહિત્યનો જ વારસો નહીં પરંતુ તેમનું મૂલ્ય નિષ્ઠ જીવન,કાગળ અને કલમ પ્રત્યે તેમની ઇમાનદારી અને સત્યને વરેલી જીવન પદ્ધતિનો વારસો પણ જાણે સુનીતાબહેને સંભાળ્યો.જે રીતે પિતાજીનો સંઘર્ષ તેઓએ ખૂબ નજીકથી જોયો છે એ જ રીતે વરિષ્ઠ સાહિત્યકારોમાં તેઓનો આદર પણ અનુભવ્યો છે અને એટલે જ જ્યારે ટૂંકી માંદગીમાં 2012માં પિતાએ વિદાય લીધી ત્યારે તેમના બાકી રહેલા પુસ્તકો પબ્લિશ કરવાનું બીડું સુનીતાબહેને ઉઠાવ્યું.પિતાજીના એક પછી એક ત્રણ પુસ્તકો છપાવ્યા પરંતુ તેની દરેક પ્રક્રિયાના અંતે તેઓની જાણ બહાર લેખિકા સુનીતા ઈજ્જતકુમારનો જન્મ થઈ ચૂક્યો હતો.


અભ્યાસની સાથે બેંકમાં અને ત્યાર બાદ એલ આઈ સીમાં સુનીતાબહેન સાથે નોકરી કરતા નિલેશ શાહે જીવનમાં પણ સાથ આપવાનો કોલ નિભાવ્યો અને સ્નેહ સંબંધ પતિ પત્નીના સંબંધમાં પરિણમ્યો.પાંચ ભાઈઓના બહોળા પરિવારજનોમાં દરેક વ્યક્તિને સુનીતાબહેને સ્નેહ સરવાણીથી ભીંજવ્યા છે.પિતાજીની વિદાય અને 2016માં માતાની વિદાય બાદ પતિ મજબૂત સપોર્ટ સિસ્ટમ બન્યા છે.


પિતાજીના પુસ્તકોના લખાણમાંથી પસાર થતી વખતે અહેસાસ થયો કે આ કલમની અભિવ્યક્તિ તો પિતાજીએ જ આપેલ છે.અંતે લાઇફ ઇનસ્યોરન્સની લાખ રૂૂપિયા પગારની નોકરી 11 વર્ષ વહેલી છોડી કરોડ રૂૂપિયાની કલમની આંગળી પકડી લીધી.તેમના આ નિર્ણયમાં પતિ નિલેશભાઈ શાહનો મજબૂત સાથ મળ્યો અને સાહિત્યની આ સફર સફળતાની મંઝિલ સુધી પહોંચી.


તેઓનો લઘુકથા સંગ્રહ ‘અણસાર’ અને ચિંતન લેખ સંગ્રહો ‘સંવેદનાની સરવાણી’ અને ‘પ્રતિબિંબ’ પ્રગટ થયેલ છે. ટૂંક સમયમાં તેમના બીજા બે સંગ્રહો, લઘુકથા સંગ્રહ ‘શબરીનાં બોર’ અને ચિંતન લેખ સંગ્રહ ‘જીવન બેરખો’ પ્રગટ થનાર છે, ત્રણ ન્યુઝ પેપરમાં આવેલી કોલમ ‘તમે જ તમારું અજવાળું’, ‘માલણના કાંઠે’, ‘વિચારોની વાવણી’ અને ‘સંવેદનાની સરવાણી’ પણ લોકોએ માણી,વખાણી છે. તેઓના સાહિત્યિક કાર્યક્રમો ઓલ ઇન્ડિયા રેડીયો પર પ્રસારિત થતા રહે છે. તેઓના વક્તવ્યો અનેક કલબ, કોલેજને સ્કૂલોમાં યોજાય છે તેમજ દેશ વિદેશમાં પણ એમનાં વક્તવ્યો ઝૂમ માધ્યમે યોજાતા રહે છે. તેમનું સાહિત્ય સર્જન હજુ પણ નવા મુકામ સર કરશે.આ બધા વચ્ચે પિતાજીની અને પોતાની લઘુકથા પરથી વેબસિરીઝ તથા ચલચિત્ર બનાવી સિનેજગતના નાના અને મોટા પડદે લઈ જવાનું સ્વપ્ન હૈયાના એક ખૂણામાં જાગતું પડ્યું છે. ઉપરાંત વાંચનનો વિસ્તાર વધારવા પિતાના સ્મરણાર્થે સ્વખર્ચે દર વર્ષે જુદાજુદા ગામ-શહેરમાં ઇજ્જતકુમાર ગ્રંથ કોર્નર (મિનિ પુસ્તકાલય) અર્પણ કરે છે.જેમાં અત્યાર સુધીમાં 12 પુસ્તકાલય અર્પણ કર્યા છે જેની સંખ્યા 108 સુધી પહોંચે તેવી ઈચ્છા અને આશા છે. સુનીતા ઈજ્જતકુમારને તેમના સ્વપ્ન માટે ખૂબ ખૂબ શુભેચ્છાઓ.

માણસને ચાહવા કેમ? તે બાળકને શીખવો
સુનીતાબહેનના સાસરામાં પાંચ ભાઈઓના પરિવારના 19 સભ્યો છે. નાના-મોટા દરેકને તેઓ પોતાના સ્નેહ વડે ભીંજવે છે ત્યારે તેઓ માતાઓને ખાસ સંદેશ આપે છે કે અત્યારે ડ્રોઈંગ ક્લાસ,કમ્પ્યુટર ક્લાસ, કરાટે ક્લાસ કે સિંગિંગ ક્લાસની બાળકોને જરૂૂર નથી. માણસને ચાહવા કેમ?સમજવા કેમ? તેનો કોઠો ઠરે એવું કઈ રીતે કરવું ?તે શીખવાડવાની જરૂૂર છે.

શબ્દોની સાધના બની સફળતાની સીડી
શબ્દોની સાધનાના ફળ સ્વરૂૂપે તેઓને અનેક એવોર્ડ મળ્યા છે
*સુનીતાબહેનને નારી શક્તિ એવોર્ડ-2015 અને નારી રત્ન એવોર્ડ – 2018માં પ્રાપ્ત થયેલ.
*બ્રહ્મક્રાંતિ સંઘ દ્વારા સન્માનપત્ર આપી સન્માન કરાયું છે.

  • ગુજરાત સાહિત્ય સંગમ, ગાંધીનગર દ્વારા તેણીને પર્યાવરણ પ્રેરણા એવોર્ડ- 2020 થી સન્માનિત કરવામાં આવેલ.
  • હાલમાં જ ઇન્ડિયા ફાઇન આર્ટ્સ કાઉન્સિલ, મુંબઈ દ્વારા સર્ટિફિકેટ ઓફ એપ્રિસીએશનથી સુનીતાબહેનને પોંખવામાં આવેલ છે.
  • written by: Bhavna Doshi

ગુજરાત

રાજ્યની આઠ મનપામાંથી સાતમાં ચીફ ફાયર ઓફિસરની જગ્યા ખાલી

Published

on

By

ભાવનગરમાં 18 વર્ષથી, વડોદરામાં 10 વર્ષથી, અમદાવાદ કોર્પોરેશનમાં બે વર્ષથી કાયમી નિમણૂક નથી થઇ

આગ લાગે ત્યારે કૂવો ખોદવાની જેમ 15 જુલાઇ સુધીમાં જગ્યા ભરવા સરકારનો આદેશ!

ગુજરાતમાં અગ્નિશમન સેવાઓની સ્થિતિ ભયાવહ તરીકે સામે આવી છે, જેમાં અગ્નિશામક દળ, નેતૃત્વની ગંભીર કટોકટીથી પીડિત છે. ગુજરાત સરકાર અને તેના મોટા શહેરોની શહેરી સ્થાનિક સંસ્થાઓ બંને આ કટોકટી સેવાઓમાં નિર્ણાયક ટોચની જગ્યાઓ ભરવામાં નિષ્ફળ રહી છે.ટીઆરપી ગેમ ઝોનમાં લાગેલી આગના સંબંધમાં રાજકોટના ચીફ ફાયર ઓફિસર (સીએફઓ) ઇલેશ ખેરની ધરપકડ બાદ, જેમાં ઘણા બાળકો સહિત 27 લોકોના મોત થયા હતા, ગુજરાતના આઠ મોટા શહેરોમાંથી સાત હવે પૂર્ણ-સમયના સીએફઓ વગરના છે.
રાજકોટમાં મે મહિનામાં તાજેતરની દુર્ઘટના બની હતી, તેના સીએફઓ અને ડેપ્યુટી સીએફઓ બી જે થેબા ક્રાઈમ બ્રાન્ચ દ્વારા 22 જૂને ધરપકડ કરવામાં આવી હતી. ડિવિઝનલ ફાયર ઓફિસર્સ (ડીઓ) માટે કોઈ મંજૂર પોસ્ટ ન હોવાના કારણે, સ્ટેશન ઓફિસર હાર્દિક ગઢવીની ધરપકડ કરવામાં આવી છે.


ઉલ્લેખનીય છે કે, સીઇઓ ખેર ગુજરાતમાં માત્ર બે પૂર્ણ-સમયના સીએફઓ પૈકીના એક હતા. બીજા છે કે કે બિશ્નોઈ, જેઓ જામનગર ફાયર એન્ડ ઈમરજન્સી સર્વિસીસના વડા છે અને ગુજરાતના સૌથી અનુભવી ફાયર ઓફિસર છે, જેમણે એક દાયકાથી વધુ સમયથી આ ભૂમિકામાં સેવા આપી છે. જામનગર ફાયર સર્વિસમાં ચાર સ્ટેશન ઓફિસરની કમી છે, જગ્યાઓ ટૂંક સમયમાં ભરવામાં આવે તેવી અપેક્ષા છે. અમદાવાદ, રાજ્યની સૌથી મોટી મ્યુનિસિપલ કોર્પોરેશન, તેની સીએફઓ પોસ્ટ બે વર્ષથી વધુ સમયથી ખાલી છે, જેમાં ડેપ્યુટી સીએફઓ જયેશ ખાડિયા માર્ચ 2022 થી વધારાનો ચાર્જ સંભાળે છે. એડિશનલ સીએફઓ પોસ્ટ ફેબ્રુઆરી 2022 થી ખાલી છે જ્યારે અગાઉના અધિકારી નિવૃત્ત થયા હતા, ડેપ્યુટી સીએફઓ સાથે. સીએફઓ મિથુન મિસ્ત્રી પણ વધારાનો હવાલો સંભાળી રહ્યા છે.


રાજ્યના પાટનગર ગાંધીનગરમાં આ વર્ષે જ ઈઋઘની જગ્યા મંજૂર કરવામાં આવી હતી અને ઉઘની જગ્યાઓ પ્રથમ સ્થાયી સમિતિની બેઠકમાં મંજૂર કરવામાં આવે તેવી અપેક્ષા છે. દરમિયાન, અમદાવાદના ડીઓ કૈઝાદ દસ્તૂર ફેબ્રુઆરી 2022 થી વધારાનો ચાર્જ સંભાળી રહ્યા છે.સૌથી લાંબા સમયથી સીએફઓની જગ્યા ભાવનગરમાં પેન્ડીંગ છે, જ્યાં 2006 થી જગ્યા ખાલી છે. વિભાગીય અધિકારી પ્રદ્યુમનસિંહ જાડેજાને ત્રણ મહિના પહેલા ઈન્ચાર્જ સીએફઓ બનાવવામાં આવ્યા હતા, પરંતુ ત્રણ જાહેરાતો છતાં 18 વર્ષથી ફુલ ટાઈમ નિમણૂંકો પેન્ડિંગ છે.


જૂનાગઢમાં, ભાવનગર મ્યુનિસિપલ કોર્પોરેશનમાંથી દિપકકુમાર જાની છેલ્લા બે વર્ષથી ડેપ્યુટેશન પર સીએફઓ તરીકે કામ કરી રહ્યા છે, પોસ્ટ ભરવાના અનેક નિષ્ફળ પ્રયાસો થયા છે.વડોદરામાં 2014 થી સીએફઓની જગ્યા ખાલી છે, જે માત્ર અભિનય ક્ષમતામાં ભરવામાં આવી છે. ડેપ્યુટી સીએફઓ પાર્થ બ્રહ્મભટ્ટ 2019 થી ચાર્જમાં છે. સુરતમાં, બસંત પારીક અગાઉના સીએફઓને સસ્પેન્ડ કર્યા બાદ, 2017 થી ઈન્ચાર્જ સીએફઓ છે.


શહેરી વિકાસ અને શહેરી આવાસ વિભાગ (યુડીયુએચડી) ના અગ્ર સચિવ અશ્વિની કુમારે તમામ કોર્પોરેશનોને ખાસ કરીને ફાયર સર્વિસમાં, 15 જુલાઈ સુધીમાં ખાલી જગ્યાઓ, ભરવા માટે સૂચના આપી છે.જો કે, અગ્નિશામકો અને અધિકારીઓ એકસમાન ભરતીના નિયમોના અભાવ, અલગ-અલગ શૈક્ષણિક લાયકાત, અસંખ્ય આક્ષેપો અને સમગ્ર ફાયર સેવાઓમાં લાંબા સમયથી ચાલતી પૂછપરછ અંગે ચિંતિત રહે છે. વધુમાં, વર્તમાન અધિકારીઓમાં વાસ્તવિક અગ્નિશામક અને વહીવટી અનુભવના અભાવે ગુજરાતની અગ્નિશમન સેવાઓનું મનોબળ અને કાર્યક્ષમતા વધુ બગડશે તેવી આશંકા ઊભી કરી છે.

Continue Reading

ગુજરાત

પડધરીમાં રિક્ષાચાલક યુવાનનો ઝેરી દવા પી આપઘાતનો પ્રયાસ

Published

on

By

પડધરીમાં રીક્ષા ચાલક યુવાન ભાડુ કરવા ગયો ત્યારે કોઈએ ફોનમાં ધમકી આપતાં લાગી આવવાથી તેણે ઝેરી દવા પી આપઘાતનો પ્રયાસ કરતાં સારવાર માટે સિવિલ હોસ્પિલટમાં ખસેડવામાં આવ્યો છે આ અંગે પોલીસે યુવાનનું નિવેદન નોંધવા તજવીજ હાથ ધરી છે.


જાણવા મળતી વિગત મુજબ પડધરીમાં ગીતાનગર વિસ્તારમાં રહેતો અને રીક્ષા ચલાવી ગુજરાન ચલાવતો મયુર સોમાભાઈ રાઠોડ (ઉ.21) નામના યુવાને આજે સવારે પોતાના ઘરે ઝેરી દવા પી જતાં તેને સારવાર માટે પ્રથમ પડધરી બાદ વધુ સારવાર માટે રાજકોટ સિવિલ હોસ્પિટલમાં ખસેડવામાં આવ્યો છે. પ્રાથમિક તપાસમાં મૃતક બે ભાઈ એક બહેનમાં નાનો અને બે મહિના પહેલા જ તેના લગ્ન થયા હતાં તે રિક્ષા ચલાવતો હોય આજે સવારે રીક્ષા લઈ એસ.ટી.બસ સ્ટેશન પાસે ભાડુ કરવા ગયો હતો ત્યારે કોઈએ ફોનમાં ધમકી આપતાં લાગી આવવાથી ઘરે આવી આ પગલું ભરી લીધાનું જાણવા મળ્યું છે. આ અંગે પડધરી પોલીસે વધુ તપાસ હાથ ધરી છે.

Continue Reading

ગુજરાત

ગોલ્ડન ટેમ્પલમાં શીર્ષાસન કરનાર વડોદરાની ફેશન ડિઝાઇનર સામે ફરિયાદ

Published

on

By

માફી માગવા છતાંય ઘમકી મળતા પોલીસ રક્ષણ અપાયું


સમગ્ર દેશમાં 21 જૂનના રોજ આંતરાષ્ટ્રીય યોગ દિવસની ઉજવણી કરવામાં આવી રહીં હતી. તેવામાં વડોદરાની ફેશન ડીઝાઇનરે ગોલ્ડન ટેમ્પલ ખાતે યોગને પ્રોત્સાહન આપવાના હેતુંથી ગોલ્ડન ટેમ્પલ ખાતે યોગા કર્યા હતા. જેમાં શિર્ષાસન કરતી એક તસ્વીર તેને પોતાના સોશીયલ મીડિયા હેન્ડલ પર શેર કરતા ભારે વિવાદ સર્જાયો અને તેની સામે અમૃતસરમાં શિરોમણી ગુરૂૂદ્વારા પ્રબંધક કમિટીએ પોલીસ ફરીયાદ નોંધાવી છે.વડોદરા શહેરની ફેશન ડીઝાઇનર અર્ચના મકવાણા ગત તા. 19ના રોજ દિલ્હી ખાતે આયોજીત એક કાર્યક્રમમાં ભાગ લેવા માટે પહોંચી હતી. ત્યારબાદ તે અમૃતસર સ્થિત ગોલ્ડન ટેમ્પલ ખાતે દર્શન કરવા માટે પહોંચી હતી. જ્યાં તેને યોગને પ્રોત્સાહન આપવા માટે યોગ કર્યા હતા. આ દરમિયાન તેને શિર્ષાસન કરતી એક તસ્વીર તેના સોશીયલ મીડિયા એકાઉન્ટ પર પોસ્ટ કરી હતી. જેને લઇને ભારે વિવાદ સર્જાયો અને અમૃતસર શિરોમણી ગુરૂૂદ્વારા પ્રબંધક કમિટીએ આ પોસ્ટને લઇ ગંભીર ટીકા કરી તેની સામે પોલીસ ફરીયાદ નોંધાવી છે.
આ ઘટના બાદ અર્ચના દ્વારા તેને કરેલા યોગ અંગે કમિટીની માફી માગતો એક વીડિયો પોતાના સોશ્યલ મીડિયા એકાઉન્ટ પર પોસ્ટ કર્યો છે અને તે બે હાથ જોડીને કહે છે કે, યોગને પ્રોત્સાહન આપવા માટે મેં આ કર્યું હતુ, કોઇ પણ ધર્મની કે વ્યક્તિની લાગણી દુભાઇ તેવો મારો કોઇ આશ્ય ન્હોતો અને જો તેમ છતાં કોઇની લાગણી દુભાઇ હોય તો હું માફી માંગુ છું. આ સાથે તેને પોસ્ટ કરેલી તસ્વીર પર હટાવી દીધી હતી. જોકે અર્ચનાની આ પોસ્ટ અને વિવાદ બાદ તેને ફોન પર ધમકી મળી રહીં હોવાનુ તેનું કહેવું છે. તે વિડિયોમાં જણાવે છે કે, મેં માફી માગી લીધી છતાં મને ફોન પર ધમકી મળી રહીં, મને જાનથી મારી નાખવાની ધમકી આપવામાં આવી રહીં છે. આ બાબતની જાણ વડોદરા શહેર પોલીસને થતાં તેને પોલીસ રક્ષણ આપવમાં આવ્યું હોવાનુ પણ તે વીડિયોમાં જણાવી રહીં છે.

Continue Reading

Trending