Connect with us

ગુજરાત

ધારાસભ્ય લાડાણી ફોન ઉઠાવતા નથી, જવાહર ચાવડા સમક્ષ કાર્યકરોની ફરિયાદ

Published

on


જુનાગઢ જિલ્લા ભાજપના આંતરીક રાજકારણમાં લોકસભાની ચુંટણી બાદ સર્જાયેલા વમળો વચ્ચે ભાજપ સરકારના પૂર્વ મંત્રી જવાહર ચાવડા ગઇકાલે માણાવદર પહોંચ્યા હતા અને શુભેચ્છકો સાથે મુલાકાત કરી હતી.
માણાવદર નુતન મિલ ખાતે પૂર્વ ધારાસભ્ય જવાહર ચાવડાએ લોકો સાથે પ્રશ્નોને લઈ શુભેચ્છા મુલાકાતનું આયોજન કર્યું હતું. ત્યારે આ શુભેચ્છા મુલાકાતમાં માણાવદર મતવિસ્તારના લોકોએ કહ્યું કે પૂરની પરિસ્થિતિ સમયે હાલના ધારાસભ્ય ફોન ઉઠાવતા નથી અને લોકોના પ્રશ્નો સાંભળતા નથી. જો કે, શુભેચ્છા મુલાકાત દરમિયાન મીડિયા સામે પૂર્વ ધારાસભ્ય જવાહરભાઈ ચાવડાએ કંઈ પણ બોલવાનો ઇનકાર કર્યો હતો.


પાદરડી ગામના રહીશ મહેશ મુછડીયા એ જણાવ્યું હતું કે, ભારે વરસાદના કારણે પાણીનું પૂર આવતા ગામમાં તેમજ આસપાસના વિસ્તારમાં ખૂબ જ નુકસાન થયેલ છે. ત્રણ દિવસ સુધી ગામ આસપાસના વિસ્તારમાં પાણી ભરાયેલું રહ્યું હતું. જેના કારણે લોકોને અવરજવર કરવામાં મુશ્કેલી પડી હતી. ત્યારે આજે માણાવદર નુતન મિલ ખાતે પૂર્વ ધારાસભ્ય જવાહરભાઈ ચાવડાએ શુભેચ્છા મુલાકાત લઈ લોકોના પ્રશ્નો સાંભળ્યા હતા. આ મામલે જવાહરભાઈ ચાવડાને રજૂઆત કરી હતી કે અમારા ગામમાં પૂરની પરિસ્થિતિ છે . ત્યારે આ પ્રશ્નોનો નિકાલ થાય તે માટે રજૂઆત કરી હતી.


હાલના માણાવદરના ધારાસભ્ય અરવિંદભાઈ લાડાણીને વારંવાર ફોન કરવામાં આવ્યો હતો પણ તેને તેનો કોલ રીસીવ કર્યો ન હતો.આ મામલે માણાવદરના ધારાસભ્ય અરવિંદ લાડાણીએ જણાવ્યું હતું તે લોકોએ કરેલા આક્ષેપો પાયાવિહોણા છે. જે લોકોએ મને ફોન કર્યો છે તેમના બધા કોલ રીસીવ કર્યા છે.. જે સમયે વરસાદ વરસ્યો તે સમયે મારા ગામમાં પણ પાણી ભરાયું હતું અને હું મારા ઘરે જ હતો.બધાલોકો સાથે વાત કરી હતી ને હું બધાના ફોન રિસીવ કરું જ છું. જે લોકો આક્ષેપો કરી રહ્યા છે તે જવાહરભાઈ ચાવડાના કાર્યકર્તાઓ છે.તે લોકોએ કરેલા આક્ષેપો વિહોણા છે. લોકોની તમામ રજૂઆતો સરકાર સુધી પહોંચાડું છું અને લોકોના કામ કરું છું.

ગુજરાત

દ્વારકા: પાનેલી ગામે નદીમાં ફસાયેલા 3 લોકોની વ્હારે આવ્યા સૈનિકો, હેલિકોપ્ટરથી કરાયું દિલધડક રેસક્યૂ, જુઓ વિડીયો

Published

on

By

સૌરાષ્ટ્રમાં મેઘરાજા ઓળઘોળ થઈને વરસી રહ્યા છે. ત્યારે દ્વારકામાં આજે ફરી જળબંબાકાર થયો છે. કલ્યાણપુરમાં પણ અભ ફાટ્યા જેવી સ્થિતિ સર્જાય હતી. કલ્યાણપુર તાલુકાના વાડી વિસ્તારમાં ભારે વરસાદી પાણી ભરાઈ ગયા હતાં. જેના પગલે અનેક લોકો પાણીના પ્રવાહ વચ્ચે ફસાઈ ગયા હતા. જેઓનું હેલિકોપ્ટરથી દિલધડક રેસ્ક્યૂ કરાયું હતું.

https://www.facebook.com/watch/?v=889506663014072

દ્વારકાના પાનેલી ગામની નદીમાં ત્રણ લોકો ફસાયા હતા. સ્થાનિક નદીમાં ઘોડા પૂર આવવાને લઈ આ લોકો ફસાયા હતા. જેમને બચાવવા માટે એનડીઆરએફની પણ મદદ લેવામાં આવી હતી. પરંતુ આ ત્રણ લોકોને બચાવવા મુશ્કેલ થતા આખરે જામનગરના સાંસદ પૂનમ માડમ દ્વારા તંત્ર સાથે વાત કરવામાં આવી હતી. ત્યારબાદ હેલિકોપ્ટરની વ્યવસ્થા કરવામાં આવી હતી. જેની મદદથી રેસક્યૂ કરીને તે ત્રણેય લોકોને બચાવી લેવામાં આવ્યા હતા. ક્લેકટર પણ જણાવ્યું હતુ, કે હવે કોઈ વ્યક્તિ ફસાયેલ નથી. 11 લોકો ફસાયેલા હોવાનું જણાતા તે તમામને રેસક્યૂ કરી લેવામાં આવ્યું હતુ.

Continue Reading

ગુજરાત

પતિના મિત્રએ પ્રેમજાળમાં ફસાવતા પરિણીતાનો આપઘાતનો પ્રયાસ

Published

on

By

પ્રેમલગ્ન કરનાર મહિલાને પતિ સાથે છૂટાછેડા લેવડાવી બે વર્ષ સબંધ રાખી બદનામ કરતો હોવાનો આક્ષેપ

શહેરમાં કાલાવડ રોડ ઉપર પ્રેમ લગ્ન કરનાર પરિણીતાને પતિના પ્રેમીઓ પ્રેમજાળમાં ફસાવી છુટાછેડા લેવડાવી બે વર્ષ સુધી હવસનો શિકાર બનાવી ત્રાસ આપતો હોવાના આક્ષેપ સાથે પરિણીતાએ ફીનાલ પી આપઘાતનો પ્રયાસ કર્યો હતો. પરિણીતાને ઝેરી અસર થતા તાત્કાલિક સારવાર માટે સિવિલમાં દાખલ કરવામાં આવી હતી.
આ બનાવ અંગે પોલીસમાંથી જાણવા મળતી વિગત મુજબ શહેરમાં કાલાવડ રોડ ઉપર રહેતી 27 વર્ષની પરિણીતા પોતાના ઘર ઘરે હતી. ત્યારે રાત્રિના સાડા બારેક વાગ્યાના અરસામાં ફીનાલ પી લીધું હતું. પરિણીતાને ઝેરી અસર થતા હોસ્પિટલમાં ખસેડવામાં આવી હતી.

આ અંગે સિવિલ હોસ્પિટલ પોલીસ ચોકીના સ્ટાફે રાજકોટ તાલુકા પોલીસને જાણ કરતા તાલુકા પોલીસ મથકનો સ્ટાફ તાત્કાલિક સિવિલ હોસ્પિટલ ખાતે દોડી ગયો હતો. પ્રાથમિક પૂછપરછમાં ફીનાઇલ પી લેનાર 27 વર્ષની પરિણીતાએ જણાવ્યું હતું કે તેણીએ પાંચ વર્ષ પહેલા પ્રેમ લગ્ન કર્યા હતા અને પ્રેમ લગ્ન બાદ પતિના મિત્રએ તેણીને પ્રેમ જાળમાં ફસાવી ત્રણ માસ પહેલા જ છુટાછેડા લેવડાવી લીધા હતા અને છેલ્લા બે વર્ષથી પ્રેમજાળમાં ફસાવી પતિના મિત્રએ હવસનો શિકાર બનાવી હતી. છેલ્લા એક માસથી સબંધ ટૂંકાવી લીધા હોવા છતાં ત્રાસ ગુજરતો હોવાનો આક્ષેપ કરવામાં આવ્યો છે. આ બનાવ અંગે તાલુકા પોલીસે નોંધ કરી પરિણીતાના આક્ષેપોને પગલે વધુ તપાસ હાથ ધરી છે.

Continue Reading

ગુજરાત

ભારે વાહનોને પ્રવેશબંધી મામલે હાઈકોર્ટ લાલઘૂમ, માત્ર કાગળ પર નહીં નક્કર કામ કરો

Published

on

By

ડીજીપી અને આરટીઓ સહિતના અધિકારીઓને હાઈકોર્ટનું તેડું: શહેરમાં બેરોકટોક ઘૂસી જતી ખાનગી બસો સામે કાર્યવાહી કરવા આદેશ

ગુજરાતમાં વધતાં જતાં અકસ્માતના બનાવોમાં બે વાહનો વચ્ચે થયેલા અકસ્માત કેસમાં વળતર મુદ્દે જવાબદારી અંગેના કેસમાં હાઈકોર્ટે સરકારની જાટકણી કાઢી છે અને ભારે વાહનોના પ્રવેશબંધી મામલે હાઈકોર્ટ લાલઘુમ થઈ હતી અને પોલીસને માત્ર કાગળ ઉપર જ નહીં પણ નક્કર કાર્યવાહી કરવા આદેશ કરી ગૃહવિભાગનાં ડીજીપી તથા આરટીઓ સહિતના જવાબદાર અધિકારીઓને આગામી કોર્ટ મુદતમાં હાજર રહેવા ફરમાન જાહેર કર્યું છે.
હાઈકોર્ટે કરેલી હુકમમાં ભારે વાહનોની પ્રવેશબંધી છતાં બે રોકટોક આવા વાહનો શહેરમાં ઘુસી જતાં હોય જેને લઈને કોર્ટે જવાબદાર અધિકારીઓને કડક સુચના આપી છે તેમજ હાઈકોર્ટે પોલીસને વેધક સવાલ પણ કર્યો છે જેમાં શું પોલીસને માત્ર ખાનગી વાહનોને દંડવા માટે છે ?

નિયમો શું બધા માટે અલગ હોય છે ? તેવું જણાવી હાઈકોર્ટે એક વાહનને રોકી 10 પોલીસ કર્મચારીઓ તેને ઘેરીને ઉભા હોય છે તે બાબતને લઈને હાઈકોર્ટે આવી કામગીરીનો ઉદ્દેશ શું ? તેવો પણ સવાલ કર્યો હતો. વધતાં જતાં અકસ્માતો અને ભારે વાહનો બેફામ ગતિએ દોડી રહ્યાં છે ત્યારે આ મામલે હાઈકોર્ટે જવાબદાર અધિકારીઓને ટકોર કરી 15 દિવસમાં કામગીરી બતાવવા સુચના આપી છે અને કાયદો અને વ્યવસ્થા સાચવવા માટેની પણ ટકોર કરી છે.


હાઈકોર્ટના ન્યાયાધીશે ભારે વાહનોની શહેરમાં બેરોકટોક ઘુસણખોરી બાબતે જણાવ્યું કે, લકઝરી બસ શહેરમાં બેરોકટોક આંટા મારે છે તેનું શું કરવા માંગો છો ? જ્યારે એક ટુ વ્હીલર પટ્ટાની બહાર હોય તો તુરંત જ ઉપડી જાય છે. જ્યારે મોટી લકઝરી બસ તમને કેમ દેખાતી નથી. જીપ અને રીક્ષા ઉપરાંત સ્કૂલે બાળકોને લઈ જતાં વાહનો બાબતે પણ હાઈકોર્ટે ટકોર કરી હતી જેમાં સીએનજીની ટાંકી ઉપર બેસેલા માસુમ ભુલકાઓ અને રીક્ષાની બહાર લટકતા બાળકોને જોયેલા છે ત્યારે આવા સ્કૂલ વાહન ચાલકો સામે શા માટે કાર્યવાહી ન કરી શકાય ? 500 વાહનોમાંથી તમે કોઈ પાંચ વાહનો કે જે કાયદેસર નિયમનો ભંગ કરતાં હોય તેને પકડો તે બાબત યોગ્ય છે.


હાઈકોર્ટે ભારે વાહનોની પ્રવેશબંધીને લઈને ખુબ ગંભીરતા દાખવી આરટીઓ અને પોલીસ વિભાગને 24 કલાક માટે ચેકીંગની કામગીરી માટે સ્ટાફ ભરવો હોય તો તાત્કાલીક ભરતી કરો પરંતુ અમને કામગીરી કરીને આપો તેવું સ્પષ્ટ જણાવી દીધું છે. તેમજ સરકારને ત્રણ અઠવાડિયામાં આ મામલે સોંગદનામુ દાખલ કરીને નક્કર કાર્યવાહીની માહિતી આપવા પણ જણાવાયું છે. હાઈકોર્ટે વિમા વગરના વાહનો, ખાનગી લકઝરી બસો તેમજ રીક્ષા સહિતના વાહનો મામલે ખુલાસો કરવા પણ આદેશ કર્યો છે.

Continue Reading

Trending