Connect with us

ગુજરાત

ચિતલ અને ધ્રાંગધ્રામાં રખડતા શ્ર્વાનોનો આતંક

Published

on

ચિતલમાં બાળકને બટકાં ભરતાં 20 ટાંકા આવ્યા, ધ્રાંગધ્રાના ડુમાણા ગામે સ્કૂલે જતાં ત્રણ બાળકોને નિશાન બનાવ્યા


સુરેન્દ્રનગરના ધ્રાંગધ્રા અને અમરેલીના ચિતલ તાલુકામાં રખડતા શ્વાનનો આતંક સામે આવ્યો છે. અમરેલીના ચિતલમાં પોતાના ઘર પાસે રમી રહેલા 4 વર્ષના બાળક પર શ્વાને હુમલો કરતાં તેને લોહીલુહાણ હાલતમાં સારવાર માટે ખસેડવાની ફરજ પડી હતી. તેને ત્રણથી ચાર જગ્યાએ બચકાં ભરી લેતાં 20 ટાંકા લેવાની ફરજ પડી હતી. તો બીજી તરફ સુરેન્દ્રનગરના ધ્રાંગધ્રા તાલુકામાં રખડતા શ્વાને એકસાથે ત્રણ બાળકને નિશાન બનાવતાં વાલીઓમાં ફફડાટ ફેલાયો છે. સુરેન્દ્રનગર જિલ્લામાં હડકવાવિરોધી રસી ખાલી થઈ ગઈ હોઈ, બાળકોને સારવાર માટે રાજકોટ લઈ જવાની ફરજ પડી હતી.

અમરેલી જિલ્લાના ચિતલમાં મંત્ર નામનો ચાર વર્ષીય બાળક પોતાના ઘર પાસે રમી રહ્યું હતું. ત્યારે જ આવી ચડેલા એક શ્વાને મંત્ર પર હુમલો કરી દીધો હતો. બાળકે બૂમાબૂમ કરતાં જ આસપાસથી લોકો એકઠા થઈ જતાં શ્વાન ત્યાંથી ભાગી છૂટ્યો હતો. જોકે ત્યાં સુધીમાં માસૂમ બાળકના શરીર પર ત્રણથી ચાર જગ્યાએ બચકાં ભરી લેતાં લોહીલુહાણ હાલતમાં સારવાર માટે તેને હોસ્પિટલ ખસેડવાની ફરજ પડી હતી, જ્યાં તેને 20 ટાંકા લેવા પડ્યા હોવાનું તેના પિતાએ જણાવ્યું હતું.


સુરેન્દ્રનગરના ધ્રાંગધ્રા તાલુકામાં પણ રખડતા શ્વાનનો આતંક જોવા મળ્યો છે. ધ્રાંગધ્રાના ડુમાણામાં શાળાએ જઈ રહેલાં ત્રણ બાળકને બચકાં ભરી લેતાં તેમને સારવાર માટે ખસેડવા પડ્યાં હતાં. નાના એવા ગામમાં એકસાથે ત્રણ બાળક પર શ્વાને હુમલો કરતાં ગામમાં રહેતા અન્ય લોકોમાં પણ ફફડાટ ફેલાયો છે.


સ્કૂલે જતા સમયે રખડતા શ્વાને 3 બાળકને બચકાં ભર્યાં હતાં, જેમાં 108 મારફત સારવાર માટે રાજસીતાપુર હોસ્પિટલ ખાતે તેમને લાવવામાં આવ્યાં હતાં. રાજસીતાપુર હોસ્પિટલ, ધ્રાંગધ્રા હોસ્પિટલ, સુરેન્દ્રનગર મહાત્મા ગાંધી હોસ્પિટલમાં રસી ના હોવાના કારણે રાજકોટ સિવિલ હોસ્પિટલ ખાતે બાળકોને તત્કાલિક લઈ જવા પડ્યાં હતાં.

ગુજરાત

દ્વારકા: પાનેલી ગામે નદીમાં ફસાયેલા 3 લોકોની વ્હારે આવ્યા સૈનિકો, હેલિકોપ્ટરથી કરાયું દિલધડક રેસક્યૂ, જુઓ વિડીયો

Published

on

By

સૌરાષ્ટ્રમાં મેઘરાજા ઓળઘોળ થઈને વરસી રહ્યા છે. ત્યારે દ્વારકામાં આજે ફરી જળબંબાકાર થયો છે. કલ્યાણપુરમાં પણ અભ ફાટ્યા જેવી સ્થિતિ સર્જાય હતી. કલ્યાણપુર તાલુકાના વાડી વિસ્તારમાં ભારે વરસાદી પાણી ભરાઈ ગયા હતાં. જેના પગલે અનેક લોકો પાણીના પ્રવાહ વચ્ચે ફસાઈ ગયા હતા. જેઓનું હેલિકોપ્ટરથી દિલધડક રેસ્ક્યૂ કરાયું હતું.

https://www.facebook.com/watch/?v=889506663014072

દ્વારકાના પાનેલી ગામની નદીમાં ત્રણ લોકો ફસાયા હતા. સ્થાનિક નદીમાં ઘોડા પૂર આવવાને લઈ આ લોકો ફસાયા હતા. જેમને બચાવવા માટે એનડીઆરએફની પણ મદદ લેવામાં આવી હતી. પરંતુ આ ત્રણ લોકોને બચાવવા મુશ્કેલ થતા આખરે જામનગરના સાંસદ પૂનમ માડમ દ્વારા તંત્ર સાથે વાત કરવામાં આવી હતી. ત્યારબાદ હેલિકોપ્ટરની વ્યવસ્થા કરવામાં આવી હતી. જેની મદદથી રેસક્યૂ કરીને તે ત્રણેય લોકોને બચાવી લેવામાં આવ્યા હતા. ક્લેકટર પણ જણાવ્યું હતુ, કે હવે કોઈ વ્યક્તિ ફસાયેલ નથી. 11 લોકો ફસાયેલા હોવાનું જણાતા તે તમામને રેસક્યૂ કરી લેવામાં આવ્યું હતુ.

Continue Reading

ગુજરાત

પતિના મિત્રએ પ્રેમજાળમાં ફસાવતા પરિણીતાનો આપઘાતનો પ્રયાસ

Published

on

By

પ્રેમલગ્ન કરનાર મહિલાને પતિ સાથે છૂટાછેડા લેવડાવી બે વર્ષ સબંધ રાખી બદનામ કરતો હોવાનો આક્ષેપ

શહેરમાં કાલાવડ રોડ ઉપર પ્રેમ લગ્ન કરનાર પરિણીતાને પતિના પ્રેમીઓ પ્રેમજાળમાં ફસાવી છુટાછેડા લેવડાવી બે વર્ષ સુધી હવસનો શિકાર બનાવી ત્રાસ આપતો હોવાના આક્ષેપ સાથે પરિણીતાએ ફીનાલ પી આપઘાતનો પ્રયાસ કર્યો હતો. પરિણીતાને ઝેરી અસર થતા તાત્કાલિક સારવાર માટે સિવિલમાં દાખલ કરવામાં આવી હતી.
આ બનાવ અંગે પોલીસમાંથી જાણવા મળતી વિગત મુજબ શહેરમાં કાલાવડ રોડ ઉપર રહેતી 27 વર્ષની પરિણીતા પોતાના ઘર ઘરે હતી. ત્યારે રાત્રિના સાડા બારેક વાગ્યાના અરસામાં ફીનાલ પી લીધું હતું. પરિણીતાને ઝેરી અસર થતા હોસ્પિટલમાં ખસેડવામાં આવી હતી.

આ અંગે સિવિલ હોસ્પિટલ પોલીસ ચોકીના સ્ટાફે રાજકોટ તાલુકા પોલીસને જાણ કરતા તાલુકા પોલીસ મથકનો સ્ટાફ તાત્કાલિક સિવિલ હોસ્પિટલ ખાતે દોડી ગયો હતો. પ્રાથમિક પૂછપરછમાં ફીનાઇલ પી લેનાર 27 વર્ષની પરિણીતાએ જણાવ્યું હતું કે તેણીએ પાંચ વર્ષ પહેલા પ્રેમ લગ્ન કર્યા હતા અને પ્રેમ લગ્ન બાદ પતિના મિત્રએ તેણીને પ્રેમ જાળમાં ફસાવી ત્રણ માસ પહેલા જ છુટાછેડા લેવડાવી લીધા હતા અને છેલ્લા બે વર્ષથી પ્રેમજાળમાં ફસાવી પતિના મિત્રએ હવસનો શિકાર બનાવી હતી. છેલ્લા એક માસથી સબંધ ટૂંકાવી લીધા હોવા છતાં ત્રાસ ગુજરતો હોવાનો આક્ષેપ કરવામાં આવ્યો છે. આ બનાવ અંગે તાલુકા પોલીસે નોંધ કરી પરિણીતાના આક્ષેપોને પગલે વધુ તપાસ હાથ ધરી છે.

Continue Reading

ગુજરાત

ભારે વાહનોને પ્રવેશબંધી મામલે હાઈકોર્ટ લાલઘૂમ, માત્ર કાગળ પર નહીં નક્કર કામ કરો

Published

on

By

ડીજીપી અને આરટીઓ સહિતના અધિકારીઓને હાઈકોર્ટનું તેડું: શહેરમાં બેરોકટોક ઘૂસી જતી ખાનગી બસો સામે કાર્યવાહી કરવા આદેશ

ગુજરાતમાં વધતાં જતાં અકસ્માતના બનાવોમાં બે વાહનો વચ્ચે થયેલા અકસ્માત કેસમાં વળતર મુદ્દે જવાબદારી અંગેના કેસમાં હાઈકોર્ટે સરકારની જાટકણી કાઢી છે અને ભારે વાહનોના પ્રવેશબંધી મામલે હાઈકોર્ટ લાલઘુમ થઈ હતી અને પોલીસને માત્ર કાગળ ઉપર જ નહીં પણ નક્કર કાર્યવાહી કરવા આદેશ કરી ગૃહવિભાગનાં ડીજીપી તથા આરટીઓ સહિતના જવાબદાર અધિકારીઓને આગામી કોર્ટ મુદતમાં હાજર રહેવા ફરમાન જાહેર કર્યું છે.
હાઈકોર્ટે કરેલી હુકમમાં ભારે વાહનોની પ્રવેશબંધી છતાં બે રોકટોક આવા વાહનો શહેરમાં ઘુસી જતાં હોય જેને લઈને કોર્ટે જવાબદાર અધિકારીઓને કડક સુચના આપી છે તેમજ હાઈકોર્ટે પોલીસને વેધક સવાલ પણ કર્યો છે જેમાં શું પોલીસને માત્ર ખાનગી વાહનોને દંડવા માટે છે ?

નિયમો શું બધા માટે અલગ હોય છે ? તેવું જણાવી હાઈકોર્ટે એક વાહનને રોકી 10 પોલીસ કર્મચારીઓ તેને ઘેરીને ઉભા હોય છે તે બાબતને લઈને હાઈકોર્ટે આવી કામગીરીનો ઉદ્દેશ શું ? તેવો પણ સવાલ કર્યો હતો. વધતાં જતાં અકસ્માતો અને ભારે વાહનો બેફામ ગતિએ દોડી રહ્યાં છે ત્યારે આ મામલે હાઈકોર્ટે જવાબદાર અધિકારીઓને ટકોર કરી 15 દિવસમાં કામગીરી બતાવવા સુચના આપી છે અને કાયદો અને વ્યવસ્થા સાચવવા માટેની પણ ટકોર કરી છે.


હાઈકોર્ટના ન્યાયાધીશે ભારે વાહનોની શહેરમાં બેરોકટોક ઘુસણખોરી બાબતે જણાવ્યું કે, લકઝરી બસ શહેરમાં બેરોકટોક આંટા મારે છે તેનું શું કરવા માંગો છો ? જ્યારે એક ટુ વ્હીલર પટ્ટાની બહાર હોય તો તુરંત જ ઉપડી જાય છે. જ્યારે મોટી લકઝરી બસ તમને કેમ દેખાતી નથી. જીપ અને રીક્ષા ઉપરાંત સ્કૂલે બાળકોને લઈ જતાં વાહનો બાબતે પણ હાઈકોર્ટે ટકોર કરી હતી જેમાં સીએનજીની ટાંકી ઉપર બેસેલા માસુમ ભુલકાઓ અને રીક્ષાની બહાર લટકતા બાળકોને જોયેલા છે ત્યારે આવા સ્કૂલ વાહન ચાલકો સામે શા માટે કાર્યવાહી ન કરી શકાય ? 500 વાહનોમાંથી તમે કોઈ પાંચ વાહનો કે જે કાયદેસર નિયમનો ભંગ કરતાં હોય તેને પકડો તે બાબત યોગ્ય છે.


હાઈકોર્ટે ભારે વાહનોની પ્રવેશબંધીને લઈને ખુબ ગંભીરતા દાખવી આરટીઓ અને પોલીસ વિભાગને 24 કલાક માટે ચેકીંગની કામગીરી માટે સ્ટાફ ભરવો હોય તો તાત્કાલીક ભરતી કરો પરંતુ અમને કામગીરી કરીને આપો તેવું સ્પષ્ટ જણાવી દીધું છે. તેમજ સરકારને ત્રણ અઠવાડિયામાં આ મામલે સોંગદનામુ દાખલ કરીને નક્કર કાર્યવાહીની માહિતી આપવા પણ જણાવાયું છે. હાઈકોર્ટે વિમા વગરના વાહનો, ખાનગી લકઝરી બસો તેમજ રીક્ષા સહિતના વાહનો મામલે ખુલાસો કરવા પણ આદેશ કર્યો છે.

Continue Reading

Trending