કચ્છ
કચ્છ, દ્વારકા, પોરબંદર સાગરકાંઠેથી વધુ 150 ચરસના પેકેટ મળ્યા
![](https://gujaratmirror.in/wp-content/uploads/2024/06/ec823a5a-04c4-4822-b071-01ff6fe8a84a.jpg)
છેલ્લા 10 દિવસથી ડ્રગ્સના પેકેટ બિનવારસી મળવાનો સિલસિલો યથાવત: જખૌ પાસે બેરલમાંથી 40 પેકેટ, થેલામાંથી 10 પેકેટ મળ્યા
સૌરાષ્ટ્ર-કચ્છના દરિયાકાંઠેથી છેલ્લા એક સપ્તાહથી બિનવારસી માદક પદાર્થના પેકેટ મળી રહ્યા છે અને આ સિલસિલો યથાવત રહ્યો છે ગઈકાલે જુદી જુદી સુરક્ષા એજન્સીઓ, એસઓજી મરીન પોલીસ અને સ્થાનિક પોલીસ દ્વારા દરિયાઈ પેટ્રોલીંગ દરમિયાન કચ્છ, દ્વારકા, પોરબંદર દરિયાઈ કાંઠેથી કરોડોની કિંમતના વધુ 150 ડ્રગ્સના પેકેટ કબ્જે કરવામાં આવ્યા છે.
છેલ્લા એકાદ સપ્તાહથી કચ્છના દરિયાકાંઠેથી બિનવારસુ માદક પદાર્થના પેકેટસ મળી રહ્યા છે અને સિલસિલો હજુય બરકરાર રહ્યો છે અને જે રીતે વિવિધ?સુરક્ષા એજન્સીઓ તથા પોલીસને આ પેકેટસ મળી રહ્યા છે તેમાં હવે પેકેટસ અને તેની કિંમતના આંક તથા કોને મળ્યા તેમાં અસમંજસતા સર્જાઇ છે. માંડવીના ગ્રામીણ દરિયાકાંઠેથી માંડવી પોલીસને માદક પદાર્થ ભરેલો આખે આખો બેરલ મળ્યો હતો જેમાં ચાર બાચકામાંથી 40 ડ્રગ્સના પેકેટ મળ્યા હતા. જખૌ વિસ્તારમાં મરિન કમાન્ડોને 10 ચરસના પેકેટ તો કોટેશ્વર વિસ્તાર, ખિદરત ટાપુ જેવા વિસ્તારમાંથી બીએસએફ, સ્ટેટ આઇબી, જખૌ મરિન પોલીસને બે દિવસમાં ડ્રગ્સના 31 પેકેટ બિનવારસુ હાલતમાં મળ્યા છે . આમ, ફરી ત્રણ દિવસમાં જ 100 ડ્રગ્સના પેકેટ જેની કિં . રૂૂા . 50 કરોડ થવા જાય છે તે મળી આવતાં સુરક્ષા એજન્સીઓ અને પોલીસની દોડધામ વધી છે. આજે માંડવી પોલીસ ગ્રામ્ય વિસ્તારના સમુદ્ર ક્ષેત્રે પેટ્રોલીંગમાં હતી ત્યારે બાંભડાઇની સીમના દરિયાકાંઠેથી બ્લુ કલરનો બેરલ મળી આવ્યો હતો જે શંકાસ્પદ લાગતાં તેને તોડતાં તેમાંથી ચાર બાચકા મળ્યા હતા અને તેને ખોલતાં અગાઉ મળેલા મોંઘેરા ચરસની પેકેજિંગવાળા જ ચરસના 40 પેકેટ મળી આવ્યા હતા. આ મોંઘેરા ચરસની એક કિલોના એક પેકેટની કિંમત 50 લાખ રૂપિયા થાય છે.
મરિન કમાન્ડોની ટીમ દરિયાઇ વિસ્તારમાં પેટ્રોલીંગમાં હતી ત્યારે શંકાસ્પદ હાલતમાં માદક પદાર્થ ચરસના 10 પેકેટ બિનવારસુ હાલતમાં મળ્યા હતા. બીજીતરફ આજે કોટેશ્વર ક્ષેત્રની ક્રીકમાંથી બીએસએફની 18 બટાલિયનના સર્ચ ઓપરેશન દરમ્યાન વધુ 19 ડ્રગ્સના પેકેટ મળી આવ્યા હતા. છેલ્લા ચાર દિવસમાં બીએસએફે ડ્રગ્સના 50 પેકેટ કબજે કર્યાનું સામે આવ્યું છે. હજુ પણ બીએસએફના જવાનો દ્વારા નિર્જન ટાપુ અને ક્રીકમાં આ સર્ચ ઓપરેશન જારી છે. જ્યારે ગઇકાલે ખિદરત ટાપુ પરથી 10 અને કોટેશ્વર લાઇટ હાઉસ પાસેથી એક ચરસનો પેકેટ જખૌ મરિન પોલીસ, સ્ટેટ આઇ. બી. અને બીએસએફના જવાનો સંયુક્ત પેટ્રોલીંગ કરી રહ્યા હતા ત્યારે મળ્યા હતા . જ્યારે આજે જખૌ અને જખૌ મરિન પોલીસને 10-10 ચરસના પેકેટ મળ્યા હતા.
બીજી બાજુ દ્વારકાના દરિકાયાકાંઠેથી છેલ્લા 9 દિવસમાં 6 સ્થળેથી રૂા. 61.86 કરોડની કિંમતના ડ્રગ્સના 115 પેકેટ મળી આવ્યા હતા જેમાં ગઈકાલે દ્વારકાના દરિયાઈ કાંઠેથી ડ્રગ્સના 64 પેકેટ મળી આવ્યા છે. જ્યારે જખૌ નજીક દરિયાકાંઠેથી ડ્રગ્સના 80 પેકેટ મળી આવ્યા હતાં. આ ઉપરાંત પોરબંદર નજીક દરિયાકાંઠેથી પણ ડ્રગ્સના 6 પેકેટ મળી આવતા એક જ દિવસમાં 75 કરોડની કિંમતના ડ્રગ્સના 150 પેકેટ કબ્જે કરવામાં આવ્યા છે.
પોલીસ અને સુરક્ષા એજન્સીનું દિવસ-રાત સર્ચ ઓપરેશન
સૌરાષ્ટ્ર-કચ્છના દરિયા કાંઠેથી છેલ્લા 10 દિવસથી ડ્રગ્સના પેકેટ બિનવારસી હાલતમાં મળી રહ્યા છે. ત્યારે આ ડ્રગ્સના પેકેટ કોઈ ડ્રગ્સ ડિલરના હાથમાં ન આવે તે માટે દિવસ રાત જોયા વગર મરીન પોલીસ, સ્થાનિક પોલીસ, એસઓજી, બીએસએફ અને સ્ટેટ આઈબી સહિતનો કાફલો સતત સર્ચ ઓપરેશન કરી રહ્યો છે.
કચ્છ
બૂટલેગર અને મહિલા કોન્સ્ટેબલે પોલીસ પર કાર ચડાવવા કર્યો પ્રયાસ
![](https://gujaratmirror.in/wp-content/uploads/2024/07/j5.jpg)
ભચાઉ પાસે સમીસાંજે સર્જાયા ફિલ્મી દ્દશ્યો : થારમાં દારૂની મહેફિલ માણતા બૂટલેગર અને મહિલા કોન્સ્ટેબલને પકડવા જતાં પોલીસ પાર્ટી પર કાર ચડાવી દઈ હત્યાની પ્રયાસ
પોલીસે બૂટલેગરને પકડવા કર્યું ફાયરિંગ : બૂટલેગર અને મહિલા કોન્સ્ટેબલની ધરપકડ : થારમાંથી બીયરના ટીન મળ્યાં : હત્યાનો પ્રયાસ અને પ્રોહિબિશન ભંગનો નોંધાતો ગુનો
કચ્છના ભચાઉ પાસે ગઈકાલે સમીસાંજે દારૂના ગુનામાં વોન્ટેડ ચિરઈના કુખ્યાત બુટલેગરને પકડવા ગયેલી પોલીસ પાર્ટી પર થાર ચડાવી દઈ હત્યાનો પ્રયાસ કરવામાં આવ્યો હતો. પરંતુ પોલીસે થાર ગાડી લઈ નાશી રહેલા કુખ્યાત શખ્સ પર એક રાઉન્ડ ફાયરીંગ કરી ઝડપી લીધા બાદ કારની તલાશી લેતા તેમાંથી 18 બિયરના ટીન મળી આવ્યા હતા અને મહિલા કોન્સ્ટેબલ પણ બુટલેગરની સાથે હોય પોલીસે તેની પણ ધરપકડ કરી બે અલગ અલગ ગુના દાખલ કર્યા છે.
આ બનાવ અંગેની જાણવા મળતી વિગત મુજબ ભચાઉના પીએસઆઈ ડી.જી. ઝાલાએ સરકારપક્ષે નોંધાવેલ ફરિયાદમાં આરોપી તરીકે ચિરઈ ગામના કુખ્યાત શખ્સ યુવરાજસિંહ રાજેન્દ્રસિંહ જાડેજા અને મહિલા કોન્સ્ટેબલ નીતાબેન વશરામભાઈ ચૌધરીનું નામ આપ્યું છે.
પોલીસ ફરિયાદમાં જણાવ્યા પ્રમાણે ચિરઈ ગામના કુખ્યાત શખ્સ યુવરાજસિંહ જાડેજા સામે હત્યાના પ્રયાસ એટ્રોસીટી અને પ્રોહિબીશનના 16 જેટલા ગુના નોંધાયા હોય અને આ સખ્સ દારૂના ગુનામાં વોન્ટેડ હોય અને ગઈકાલે સાંજે આરોપી થાર ગાડીમાં આવી રહ્યો હોવાની માહિતી મળતા ભચાઉ પોલીસ અને એલસીબીના સ્ટાફે ભચાઉ નજીક ગોલ્ડન બ્રીજની નીચે વોચ ગોઠવી હતી. દરમિયાન આરોપી થાર ગાડી લઈ નિકળતા તેને અટકાવવાનો પ્રયાસ કરતા આરોપીએ પોલીસ પાર્ટી પર થાર ગાડી ચડાવી દઈ હત્યાનો પ્રયાસ કર્યો હતો અને કાર લઈ ભાગી છુટ્યો હતો પરંતુ પોલીસે પીછો કરી થાર ઉપર ફાયરીંગ કરતા આરોપી ઉભો રહી ગયો હતો જેની પોલીસે ધરપકડ કરી થારની તલાશીલેતા તેમાંથી 18 બિયરનાટીન મળી આવ્યા હતાં.
કુખ્યાત બુટલેગરની સાથે મહિલા કોન્સ્ટેબલ મીતાબેન ચૌધરી પણ ગુનામાં સાથે હોય જેની સામે પણ હત્યાનો પ્રયાસ અને પ્રોહીબીશનભંગનો ગુનો નોંધી તેની આજે ધરપકડ કરવામાં આવશે તેમ જાણવા મળેલ છે. આ કામગીરી ભચાઉ પોલીસની સાથે એલ સી બીનો સ્ટાફ પણ મદદમાં રહ્યો હતો.
કચ્છ
માંડવી શહેર કોલેરાગ્રસ્ત જાહેર
![](https://gujaratmirror.in/wp-content/uploads/2024/06/bc3494ff-53c2-42c2-8bea-3b86dc72340c.jpg)
પાણીની લાઇનમાં ગંદાપાણી ભળી જતા ઝાડા-ઊલટીનો રોગચાળો
કોરોનાના કકળાટ પછી ગત વર્ષે બિપોરજોયે તાલુકાના જીવ અદ્ધર કરી દીધા તેમાંથી માંડ કળ વળે ત્યાં અપૂર્વ રીતે સમગ્ર શહેરને કોલેરાગ્રસ્ત જાહેર કરાતાં જનતાને ધ્રાસકો પડયો છે તેની સમાંતરે ગઈકાલે નગર સેવા સદન તંત્રે લોહાર ચોક પાસેના રામ મંદિર નજીક ગંદાં પાણીની ભેળસેળવાળા પેયજળને વહન કરતી લાઈનો ફોલ્ટ પોઈન્ટ શોધી અને લાઈન બંધ કરી દીધી હોવાનો દાવો કરાયો હતો.
ગરબી ચોક વિસ્તારમાંથી જૂના સ્વામિનારાયણ મંદિર, હવેલી ચોક, ખુની ચકલો વગેરે વિસ્તારને પાણીનો પુરવઠો પુરો પાડતી 18 ઈંચનો વ્યાસ ધરાવતી એ મુખ્ય લાઈન લોખંડના બંધિયા વડે બંધ કરીને સિમેન્ટ વડે સુરક્ષિત કરાઈ છે. એ સિવાયના શંકાસ્પદ એરિયા સેન્ટ્રલ બેંક પાસે ફોલ્ટ શોધવાનું અભિયાન જારી રખાયું છે. સમાંતરે માંડવી-મસ્કા વચ્ચે રહેણાક વિસ્તાર, સોસાયટી વિસ્તારમાં ગટરલાઈન વ્યવસ્થા નહીં હોવાથી ગંધાતું પાણી ગંદુ જળાશય બિહામણા રોગચાળા વેળાએ જનઆરોગ્ય સામે ખતરાની ઘંટી હોવાનું જાગૃતોએ ભવાં ચડાવતાં દર્શાવ્યું હતું. દરમ્યાન કોલેરા નિયંત્રણ અધિકારી અને મામલતદાર વિનોદભાઈ ગોકલાણીએ પરિસ્થિતિ કાબુમાં હોવાનો સધિયારો આપતાં તંત્રને સહયોગ આપવા અનુરોધ કર્યો હતો.
પાલિકાના ઓ. એસ. ચેતનભાઈ જોશી, પાણી પુરવઠા વિભાગના રાજેશ ગોરે લોહાર ચકલા પાસે મુખ્ય લાઈન પસાર થાય છે ત્યાં મોટી ક્ષતિ શોધી શકાઈ હોવાનો દાવો કરીને શંકાના દાયરામાં આવતા અન્ય વિસ્તારો ઉપર ફોલ્ટ શોધ જારી હોવાનું કહેતા સુપર કલોરીનેશન કામગીરી તેજ બનાવાઈ હોવાનું જણાવ્યું હતું. મળતી વિગતો પ્રમાણે જ્યાંથી પોઝીટીવ કેસ મળી આવ્યા છે અને ઝાડા ઉલ્ટીના કેસો પાધરા થયા છે એવો વિસ્તાર ગરીબ, રંક આબાદીનો છે.
આરોગ્ય કમિશનર દોડી આવ્યા
માંડવીને કોલેરાગ્રસ્ત જાહેર કરાતાં તકેદારી લેવા રાજ્યના આરોગ્ય કમિશનર હર્ષદભાઇ પટેલ સ્થાનિકે દોડી આવ્યા હતા. સરકારી હોસ્પિટલની મુલાકાત લઇ અને સાવચેતીનાં પગલાં લેવા તથા ઝાડા-ઊલટીના કેસોને નિયંત્રણમાં લાવવા અને વધે તો શું શું તૈયારી રાખવી જે અંગે તંત્રને વાકેફ કર્યા હતા. સરકારી હોસ્પિટલમાં આવેલા દર્દીઓ તથા દાખલ થયેલા દર્દીઓના હાલચાલ પૂછ્યા હતા, તે અંગે સ્થિતિ જાણી હતી. તેમજ પૂર્વે મામલતદાર ઓફિસમાં પણ આરોગ્ય વિભાગની ટીમ, મામલતદાર, સુધરાઇની ટીમ અને તંત્ર વચ્ચે બેઠક યોજી જરૂરી સૂચનો કર્યાં હતાં તેમણે જણાવેલ કે, ઝાડા-ઉલ્ટીના કુલ 78 કેસો નોંધાયા છે, જેમાંથી માત્ર એક કેસ કોલેરાગ્રસ્ત નોંધાયો છે. સ્થિતિને નિયંત્રણમાં લાવવા આરોગ્યની 25ટીમ કાર્યરત છે
કચ્છ
નખત્રાણામાં મેઘરાજાનો તાંડવ: આભ ફાટ્યા જેવી સ્થિતિ સર્જાય, બજારોમાં ફરી વળ્યા પાણી, જુઓ વિડીયો
![](https://gujaratmirror.in/wp-content/uploads/2024/06/Untitled-12-10.jpg)
હાલ રાજ્યમાં વરસાદી માહોલ જામ્યો છે. અનેક જીલ્લાઓમાં વરસાદ વરસ્યો છે. ત્યારે કચ્છના નખત્રાણામાં મેઘરાજાનું રોન્દ્ર સવરૂપ જોવા મળ્યું છે. નખત્રાણામાં ધોધમાર વરસાદ વરસતા બજારમાં નદીની માફક પાણી વહેતાં થયાં છે. નખત્રાણાના બજારોમાં પાણી ફરી વળ્યા હતા. નખત્રાણાની મુખ્ય બજારમાં પાણી ફરી વળતા, બસ સ્ટેશન પાસેના વોકળામાં બાઇક તણાઈ હતી. જો કે બાઈક ચાલકને બચાવી લેવામાં આવ્યા હતો.
નખત્રાણામાં ભારે વરસાદ પડતાં મુખ્ય બજારોમાં નદીની જેમ પાણી વહેતાં થયાં છે. બપોરે ત્રણ કલાકે શરૂ થયેલો વરસાદ સતત દોઢ કલાક સુધી અવિરત વરસતાં નખત્રાણા શહેરમાં અંદાજીત દોઢ ઇંચ તેમજ આસપાસના ગ્રામ્ય વિસ્તારમાં ત્રણ ઈંચ જેટલો વરસાદ ખાબક્યો હતો. ભારે વરસાદ ખાબકી પડતા નખત્રાણામાંથી પસાર થતો ભુજ લખપત ધોરીમાર્ગ પર વોકડો વહી નીકળતા બન્ને તરફ વાહનોની રફતાર થંભી ગઈ હતી. તો કેટલાય લોકોના વાહનોમાં પાણી ઘૂસી જતા બંધ પડી ગયા હતા. શહેરમાં જળ બંબાકારની સ્થિતિ નિર્માણ પામતી હોય છે.
-
ગુજરાત7 months ago
વધુ એક યુવકને હૃદય-રોગનો હુમલો ભરખી ગયો, ગોધરામાં 45 વર્ષીય યુવકનું હાર્ટ એટેકથી મોત
-
ગુજરાત2 months ago
હનુમાનમઢી પાસે ગોડાઉનમાંથી થયેલી ચોરીનો ભેદ ઉકેલાયો, એક પકડાયો: બેની શોધખોળ
-
ગુજરાત2 months ago
સર્વર ઠપ્પ, રાજકોટ સહિત રાજ્યભરની RTO સેવા બે દિવસ બંધ
-
ક્રાઇમ6 months ago
ભાણવડ પંથકમાં દેશી દારૂની ધમધમતી ભઠ્ઠીઓ પર પોલીસના દરોડા ; બૂટલેગરો ફરાર
-
પોરબંદર7 months ago
ભાવનગર-જેતલસર ટ્રેનને પોરબંદર સુધી લંબાવતુ તંત્ર
-
પોરબંદર6 months ago
સ્પર્ધાત્મક પરીક્ષામાં નિષ્ફળતા મળતાં ભાણવડ પંથકની યુવતીનો આપઘાત
-
પોરબંદર6 months ago
ભાણવડ પંથકમાંથી દારૂની 202 બોટલ ભરેલી કાર સાથે એક પકડાયો
-
પોરબંદર7 months ago
પોરબંદરમાં ગેરેજમાં અચાનક ભભૂકેલી આગમાં દાઝી ગયેલા વૃદ્ધનું મોત