Connect with us

રાષ્ટ્રીય

વિજ્ઞાન અને આધ્યાત્મના સંગમરૂપ હવન પર અદ્ભુત રિસર્ચ

Published

on

અજમેરના ડો. વિજયલતા રસ્તોગીએ ‘સ્ટડી ઓન એન્ટિ બેક્ટેરિયલ ઈફેક્ટ એન્ડ કેમિકલ કેરેક્ટરાઇઝેશન ઓફ હવન સ્મોક’ વિષય પર કર્યું છે રિસર્ચ

નાનકડા પાત્રમાં છાણાનો ટુકડો, કપૂર, અજમા ,જવ, ઘી વગેરેથી ફક્ત દસ મિનિટ આહુતિ આપવામાં આવે તો પણ ઘરનું વાતાવરણ દિવ્ય અનુભવાય: ડો.વિજયલતા રસ્તોગી

‘મેડિકલ ફિલ્ડમાં હોવા છતાં હર હંમેશ વિચાર આવતો કે વિજ્ઞાનથી પણ આગળ કંઈક છે. બાળપણથી જ વનસ્પતિ,વૃક્ષો,ફૂલો વગેરેમાં રસ હતો.બ્રાહ્મણ પરિવારમાં જન્મ હોવાથી પૂજા, પાઠ અને હવન નજર સમક્ષ જોયા હતા અને અનુભવ્યા હતા.2011ની સાલમાં ચૈત્રી નવરાત્રી દરમિયાન સાસુ સાથે હવન કરતી વખતે જળના છંટકાવ સમયે જે પરમાણુઓ ઉત્પન્ન થાય છે તેની શું અસર થતી હશે તેવો વિચાર આવ્યો.શા માટે આવો વિચાર આવ્યો તે ખબર નથી પરંતુ આ વિષયમાં કંઈક કરવું જોઈએ કેવી લાગણી અંદરથી થવા લાગી. એ દરમિયાન કુદરતી હવનના રિસર્ચ માટે સંજોગો ઊભા થયા અને એક પછી એક ન ધારી હોય તેવી ઘટના બનતા હવન અંગેના રિસર્ચ પર કામ શરૂ થયું.’ આ શબ્દો છે અજમેર મેડિકલ કોલેજના હેડ ઓફ ધ ડિપાર્ટમેન્ટ ડો. વિજયલતા રસ્તોગીના. જેમણે ‘સ્ટડી ઓન એન્ટિ બેક્ટેરિયલ ઈફેક્ટ એન્ડ કેમિકલ કેરેક્ટરાઇઝેશન ઓફ હવન સ્મોક’ એ વિષય પર રિસર્ચ કર્યું છે. હવન વિશે મેડિકલ ફિલ્ડમાંથી રિસર્ચ કરનાર તેઓ પ્રથમ છે.


તામિલનાડુના ત્રીચીમાં જન્મ અને ચેન્નઈમાં અભ્યાસ કર્યો.ધોરણ 10 બાદ અજમેર આવવાનું થયું. એમબીબીએસ કર્યા બાદ લગ્ન થયા. લગ્ન બાદ અનેક બદલાવ આવ્યા પરંતુ અંદર કંઈક ને કંઈક ચાલતું હોવાનું અનુભવ્યું. એક દીકરા અને દીકરીનો જન્મ થયો. મેડિકલ ફિલ્ડમાં કામગીરી ચાલુ જ હતી એ દરમિયાન આર્ય સમાજમાંથી એક સંન્યાસીને હવનના રિસર્ચ માટે મદદ કરવાનો પ્રસ્તાવ આવે છે જે તેઓ સહર્ષ સ્વીકારી લે છે આ બાબત તેઓ જણાવે છે કે, આ માટેના પ્લાન લખતી વખતે કોઈ લખાવતું હોય તેવો અનુભવ થયો. આ બધું એટલું જલદી થયું કે કોઈ અજ્ઞાત શક્તિ આ બધું કરાવી રહી હોય એવું લાગ્યું. શરૂઆત તો થઈ ગઈ પરંતુ લોકોને સમજાવવું અઘરું હતું કારણ કે હવન ધાર્મિક, આધ્યાત્મિક બાબત છે આમ છતાં હું તે કરવા મક્કમ હતી. રિસર્ચ વર્ક દરમિયાન હવન સામગ્રીના ઉપયોગ વિશે સ્વામીજીએ સમજાવ્યું આ ઉપરાંત બેક્ટેરિયા પર હવનના પરમાણુનો પ્રભાવ એ વિશે પણ અનેક ચર્ચા વિચારણા કરી એ સમયે પ્રયોગ પરથી સમજાયું કે હવનના કારણે નુકસાનકારક બેક્ટેરિયાની સંખ્યામાં અનેક ગણો ઘટાડો થાય છે. સામાન્ય રીતે મનુષ્યના શરીરનું સંતુલન બગડે છે ત્યારે બહારથી બેક્ટેરિયાનો હુમલો થાય છે જે બીમારી ઊભી કરે છે. જુદા-જુદા બેક્ટેરિયા શરીરમાં બીમારીને ફેલાવે છે. હવનમાંથી જે ધુમાડો નીકળે છે તે આ બીમારીમાં અનેક રીતે ફાયદાકારક હોય છે અને આ બાબત તેઓએ આયુષ મંત્રાલયને પણ પ્રપોઝલ મોકલી હતી. ‘ઇન્ડિયન કાઉન્સિલ ઓફ મેડિકલ રિસર્ચના ડાયરેક્ટર જનરલ ડો. વિશ્વ મોહન કટોતચેને આ વિષય ગમ્યો તેઓએ આ બાબત માર્ગદર્શન આપ્યું અને મદદ પણ કરી.’


રિસર્ચની વાત કરતા તેણીએ જણાવ્યું કે, ‘રિસર્ચ માટે રાજસ્થાન ગવર્મેન્ટ દ્વારા 35થી 40 લાખ રૂપિયાનું ફંડ મળ્યું . આ રિસર્ચમાં કોપરવાળો હવન કુંડ તથા બીજી ચેમ્બર સ્મોક માટેની બનાવી બે વર્ષ સુધી સતત કામગીરી કરવામાં આવી હવનના ધુમાડાના સેમ્પલ લેવામાં આવ્યા તેને ટેસ્ટિંગ કરવામાં આવ્યું તેમાંથી વોટર એબસ્ટ્રેક, ઈથેનોલ એબસ્ટ્રેક વગેરે કાઢી 10 જુદા-જુદા બેક્ટેરિયા પર પ્રયોગ કર્યા જેમાં બેક્ટેરિયાની સંખ્યામાં 90%થી પણ વધારે ઘટાડો મળ્યો. ટીબી જેવી બીમારી પર પણ તેની ખૂબ સારી અસર થઈ છે. 2015માં તેમણે તેમના રીસર્ચની પેટન્ટ પણ લઇ લીધી છે. કારણ કે આ આપણા ઋષિમુનિઓની પરંપરા આપણી પાસે રહેવી જોઈએ.’

સમર્પણ ધ્યાન સંસ્કારમાં ચિત્તશુદ્ધિ માટે હવન થાય છે
પોતાની આધ્યાત્મિક યાત્રા બાબત જણાવ્યું કે, ‘હું 2008થી સમર્પણ ધ્યાન સંસ્કાર સાથે જોડાયેલી છું.સમર્પણ અને તેના પ્રણેતા પૂ.શ્રી શિવકૃપાનંદજી સાથે કંઈક પ્રારબ્ધ લખાયેલું છે. તેમની કૃપાથી અનેક પ્રકારની અનુભૂતિઓ થઈ છે. જે વિચાર આવે તે તરત જ થવા લાગે તેનો અનુભવ પણ કર્યો છે. સમર્પણ ધ્યાન સંસ્કારના આશ્રમ સમગ્ર વિશ્વમાં ફેલાયેલ છે જ્યાં દરરોજ સવાર,સાંજ નિયમિત રીતે ચિત્તશુદ્ધિ હવન થાય છે, જે અંદરથી તમને શુદ્ધ કરે છે અને ધ્યાન સાધના માટે શરીર અને આત્માને તૈયાર કરે છે.’

હવન કરવાના ફાયદા
હવનના ફાયદા જણાવતા તેઓએ કહ્યું કે, ‘હવનના પરમાણુઓ બીમારીના કીટાણુંને મારી ઇમ્યુનિટી વધારે છે. ભારતીય સંસ્કૃતિમાં ઋષિમુનિઓએ આપેલ આ અદ્દભુત વિજ્ઞાન છે. જેનાથી બીમારી ઠીક થાય તેવી ઔષધિની જો અગ્નિમાં આહુતિ આપવામાં આવે તો તે અનેક લોકોને લાભાન્વિત કરે છે.’ હવન સાથે જે મંત્રોચ્ચાર કરવામાં આવે છે તેનાથી સાત ચક્ર પર અસર થાય છે.એક એક નાડી ખુલે છે અને સ્વાસ્થ્યલક્ષી લાભ થાય છે. પર્યાવરણ પર તેની ખૂબ સારી અસર થાય છે. હવનમાં ફક્ત સામગ્રી અને મંત્રોચ્ચારનું મહત્ત્વ નથી સાથે બેસીએ છીએ ત્યારે એકતા આવે છે, હવનમાં હોમ કરીએ છીએ ત્યારે ત્યાગનો ભાવ આવે છે,આંતરિક શુદ્ધિ પણ થાય છે. હવનની રાખમાંથી પ્યોર ફર્ટિલાઇઝર બને છે તે વૃક્ષ-છોડમાં ઉપયોગી છે તેમજ કોઈને વાગ્યું હોય તેમાં પણ વાપરી શકાય છે. તે પ્યોર ઇકો ફ્રેન્ડલી છે.

બહેનો દરરોજ નાનકડો હવન કરે તે ફાયદાકારક
બહેનોને હવન બાબત તેઓએ જણાવ્યું કે, ‘સામાન્ય રીતે બહેનો ઘરમાં ધૂપ,દીપ,પૂજન,અર્ચન કરતા હોય છે જો તેઓ નિયમિત રીતે નાનકડો હવન કરે તો સમગ્ર ઘરનું વાતાવરણ બદલાઈ જાય છે. આ હવનમાં ભાવ ખૂબ જ મહત્ત્વનો છે અને બહેનોમાં ભાવનાત્મક પાસુ મજબૂત હોય છે તેથી જો બહેનો ઘરમાં નિયમિત હવન કરે તો ચોક્કસ ઘરનું વાતાવરણ દિવ્ય અને તેજસ્વી થઈ શકે. આ હવન માટે નાનકડા પાત્રમાં ફક્ત છાણાનો ટુકડો, કપૂર, અજમા ,જવ, ઘી વગેરેથી ફક્ત દસ મિનિટ આહુતિ આપવામાં આવે તો પણ અદ્દભુત પરિણામ મળે છે.’

written by: Bhavna Doshi

રાષ્ટ્રીય

પેટ્રોલ-ડીઝલ GSTના દાયરામાં આવશે કે નહીં?

Published

on

By

તિજોરી છલકાવતી આવક ગુમાવવાના ડરે કેન્દ્ર અને રાજ્યોની એકબીજા ઉપર ખો


જ્યારે જ્યારે GSTકાઉન્સિલની બેઠક થાય ત્યારે મોટેભાગે ચર્ચાના કેન્દ્રમાં પેટ્રોલ-ડીઝલ GSTઅંતર્ગત આવશે કે નહીં એ મુદ્દો જ હોય. આ વખતની GSTકાઉન્સિલની બેઠકમાં નાણામંત્રીએ ફરી પેટ્રોલ-ડીઝલ GSTઅંતર્ગત આવે એવા સંકેત આપ્યા. જો કે આ વાત સંકેતથી આગળ વધતી નથી. કારણ કે પેટ્રોલ-ડીઝલને GSTઅંતર્ગત લાવવાનો નિર્ણય કેન્દ્ર સરકારે રાજ્યો ઉપર ખો દીધી છે.
જો આવું કરવું હોય તો રાજ્યોએ પેટ્રોલ-ડીઝલ ઉપર એકસમાન દર લાગુ કરવા સહમત થવું પડે. રાજ્યોની પોતાની મુશ્કેલીઓ છે કારણ કે GSTલાગુ થયા પછી રાજ્યોની આવકના સાધનમાં પેટ્રોલ-ડીઝલ અને દારૂૂ ઉપરનો કર જ છે. સરકાર રાજ્યો ઉપર ઢોળે છે અને એકંદરે રાજ્યો આ બાબતે મચક આપતા નથી એટલે છેલ્લું તારણ એવું જ નિકળે છે કે સામાન્ય માણસ માટે હજુ પણ સસ્તા પેટ્રોલ-ડીઝલની રાહ લંબાવાની જ છે.
સરકારની તિજોરી ઉપરનું ભારણ ચોક્કસ મુદ્દો હોય જ શકે પરંતુ 140 કરોડની જનતામાંથી બહુધા વર્ગ જ્યારે પેટ્રોલ-ડીઝલનો ઉપયોગ કરતો જ હોય તો તેના ફાયદાને અગ્રતાક્રમમાં આગળ મુકવો એ દરેક સરકારની નૈતિક ફરજ આવે છે. પેટ્રોલ-ડીઝલ GSTઅંતર્ગત આવે
તો ભાવમાં ફાયદો ચોકક્સ થવાનો જ છે અને એ ફાયદો પણ નજીવો બિલકુલ નથી. જો એવુ નહીં થાય તો પછી જનસામાન્યએ બે-ચાર મહિનાના અંતરે અથવા તો કોઈ રાજ્યની કે પછી લોકસભાની ચૂંટણી આવતી હોય ત્યારે પેટ્રોલ-ડીઝલમાં એક કે બે રૂૂપિયાના ભાવ ઘટાડાથી સંતોષ માનવો પડે. તાજેતરમાં જ માર્ચ મહિનામાં એટલે કે ચૂંટણીના બરાબર પહેલા સરકારે પેટ્રોલ ડીઝલમાં લીટર દીઠ 2 રૂૂપિયાનો ભાવ ઘટાડ્યો હતો. કેન્દ્ર સરકાર મોટેભાગે રાજ્યો ઉપર વાત છોડી દે છે ત્યારે પેટ્રોલ-ડીઝલના મુદ્દે તમામ રાજ્યો અને કેન્દ્ર સરકાર એકમત કેમ થતા નથી?. સસ્તું-પેટ્રોલ ડીઝલ સામાન્ય માણસ માટે હજુ કેટલું દૂર છે?
પેટ્રોલ-ડીઝલને ૠજઝમાં લાવવા અંગે GSTકાઉન્સિલની બેઠકમાં ચર્ચા થઈ છે. પેટ્રોલ-ડીઝલ ૠજઝમાં લાવવાનો નિર્ણય રાજ્યો ઉપર છોડાયો હતો. રાજ્યોને એકમત થવા કેન્દ્રની અપીલ કરી છે. નાણામંત્રીએ કહ્યું રાજ્યો એકસમાન દર ઉપર સહમત થાય. સવાલ એ છે કે જનતાથી સસ્તું પેટ્રોલ-ડીઝલ હજુ કેટલું દૂર છે? રાજ્યો પેટ્રોલ-ડીઝલને ૠજઝમાં લાવવા સહમત થશે કે કેમ? પેટ્રોલ-ડીઝલ ઉપર ૠજઝના સમાન દર માટે રાજ્યોની તૈયારી શું?

Continue Reading

રાષ્ટ્રીય

દેશના અડધાથી વધુ વિસ્તારમાં ચોમાસું છવાયું, ઉત્તર ભારતમાં ત્રણ દિવસ ભારે વરસાદની આગાહી

Published

on

By

ગઇકાલે મધ્યપ્રદેશ, છત્તીસગઢ, ઓડિશા, ગુજરાત અને બિહારમાં ચોમાસું આગળ વધ્યા બાદ રાજસ્થાન- પૂર્વ ઉત્તરપ્રદેશમાં સાનુકુળ પરિસ્થિતિ

ગરમીમાંથી મળતી રાહત વચ્ચે હવામાન વિભાગે આજે ઉત્તર ભારતમાં ત્રણથી પાંચ દિવસ વરસાદની આગાહી કરી છે. રાજધાની દિલ્હી સહિત નેશનલ કેપિટલ રિજનમાં પારો 40 ડિગ્રીથી નીચે ગયો છે. ચોમાસા માટે સ્થિતિ અનુકૂળ છે અને જમ્મુ અને કાશ્મીર, લદ્દાખ, ઉત્તરાખંડ, હિમાચલ અને હરિયાણામાં વરસાદની સંભાવના છે.
રાષ્ટ્રીય રાજધાનીમાં ચોમાસાના આગમન પહેલા વરસાદે આકરી ગરમીમાંથી રાહત મેળવી છે. હવામાન વિભાગે સોમવારે અને મંગળવારે પણ દિલ્હીમાં વાવાઝોડા સાથે વરસાદની આગાહી કરી છે. દક્ષિણ પશ્ચિમ ચોમાસું દેશના અડધાથી વધુ વિસ્તારમાં પહોંચી ગયું છે. રવિવારે, ચોમાસું લગભગ સમગ્ર મધ્યપ્રદેશ, છત્તીસગઢ, ઓડિશા, ગુજરાત, બિહાર અને ઝારખંડના ભાગોમાં આગળ વધ્યું હતું. આગામી થોડા દિવસોમાં બિહાર, ઝારખંડ, ગુજરાતના બાકીના ભાગો, રાજસ્થાન અને પૂર્વ ઉત્તર પ્રદેશમાં તેના આગળ વધવા માટે સ્થિતિઓ અનુકૂળ છે.


રવિવારે દિલ્હીના કેટલાક વિસ્તારોમાં હળવો વરસાદ થયો હતો અને દિવસભર આકાશ વાદળછાયું રહ્યું હતું. જેના કારણે તાપમાનનો પારો 40 ડિગ્રીથી નીચે ગયો હતો. રાજધાનીમાં મહત્તમ તાપમાન 39.8 ડિગ્રી અને લઘુત્તમ તાપમાન 29.6 ડિગ્રી નોંધાયું હતું. હવામાન વિભાગના જણાવ્યા અનુસાર, ગંગા બંગાળ ક્ષેત્ર અને ઉત્તર પ્રદેશમાં 25-27 જૂને વાવાઝોડા સાથે હળવોથી મધ્યમ વરસાદ થઈ શકે છે, ઉપ-હિમાલયન બંગાળ અને સિક્કિમમાં 24 જૂને અને બિહાર, ઝારખંડ અને ઓડિશામાં આગામી પાંચ સુધી વરસાદ પડી શકે છે. દિવસો છે.

Continue Reading

રાષ્ટ્રીય

‘દેશ ચલાવવા માટે દરેકની સહમતિ જરૂરી..’ સંસદ સત્રના પહેલાં બોલ્યા PM મોદી

Published

on

By

18મી લોકસભાનું પ્રથમ વિશેષ સત્ર આજથી શરૂ થઈ રહ્યું છે. આજે અને કાલે નવા ચૂંટાયેલા સાંસદો શપથ લેશે. પહેલા દિવસે વડાપ્રધાન નરેન્દ્ર મોદી, રાજનાથ સિંહ, અમિત શાહ, નીતિન ગડકરી, શિવરાજ ચૌહાણ, મનોહર લાલ ખટ્ટર, અન્ય કેન્દ્રીય મંત્રીઓ સહિત 280 સાંસદો શપથ લેશે અને મંગળવારે 264 નવા ચૂંટાયેલા સાંસદો શપથ લેશે. આ શપથ રાજ્યવાર સાંસદોને અપાશે. પ્રોટેમ સ્પીકર ભર્તૃહરિ મહતાબ સાંસદોને શપથ લેવડાવશે. તે જ સમયે રાષ્ટ્રપતિ દ્રૌપદી મુર્મુએ પ્રોટેમ સ્પીકર તરીકે શપથ લેવડાવ્યા હતા. એવું કહેવામાં આવી રહ્યું છે કે NEET-NET મુદ્દે સંસદમાં હંગામો થવાની સંભાવના છે.

લોકસભા સત્રની શરૂઆત પહેલા વડાપ્રધાન નરેન્દ્ર મોદીએ રાષ્ટ્રને સંબોધન કર્યું હતું. આ દરમિયાન પીએમ મોદીએ કહ્યું કે વિકસિત ભારતના લક્ષ્ય સાથે 18મી લોકસભા આજથી શરૂ થઈ રહી છે. ભવ્ય રીતે ચૂંટણી યોજવી એ ભારતીયો માટે ગર્વની વાત છે. આઝાદી બાદ બીજી વખત દેશની જનતાએ સતત ત્રીજી વખત સરકારની સેવા કરવાની તક આપી છે, જે 60 વર્ષ પછી આવી છે. આ માટે હું હૃદયપૂર્વક આભાર વ્યક્ત કરું છું.

સંસદ સત્ર પહેલા પીએમ મોદીએ કહ્યું કે આ સંસદીય લોકશાહી માટે ગર્વનો દિવસ છે. આઝાદી પછી પહેલીવાર સંસદનું સત્ર નવા સંસદભવનમાં યોજાઈ રહ્યું છે. હું ચૂંટાયેલા તમામ સાંસદોનું સ્વાગત કરું છું.

Continue Reading

Trending