Connect with us

ગુજરાત

લક્ષ્મીવાડીમાં ટ્રાવેલ્સના ધંધાર્થીના પત્નીનો ઝેરી દવા પી લઇ આપઘાત

Published

on

ત્રણ સંતાનોએ માતાની છત્રછાયા ગુમાવી: કારણ અંગે પરિવારજનો અજાણ


શહેરના લક્ષ્મીવાડીમાં રહેતા મોન્ટુરાજા ટ્રાવેલ્સના ધંધાર્થીની પત્નીએ બે દિવસ પહેલા ઝેરી દવા પી લઇ આપઘાતનો પ્રયાસ કરતા તેમનું સારવારમાં મોત નિપજયું હતું. પરિણીતાના આપઘાતથી ત્રણ સંતાનોએ માતાની છત્રછાયા ગુમાવી છે.


બનાવની વધુ વિગતો અનુસાર લક્ષ્મીવાડીમાં શેરી નં.7/16માં રહેતા પ્રિયાબા સંજયસિંહ ઝાલા (ઉ.વ.28)એ તા.7ના રોજ સાંજના સમયે પોતાના ઘરે કોઇ કારણોસર ઝેરી દવા પી જતા તેમને સારવાર અર્થે ખાનગી હોસ્પીટલમાં ખસેડાઇ હતી ત્યાં ફરજ પરના ડો.મિલાપ મશરૂએ જોઇ તપાસી મૃત જાહેર કર્યા હતા.


પ્રિયાબાના પતિ મોન્ટુ રાજા નામે ટ્રાવેલ્સનો ધંધો કરે છે. તેમના લગ્નને આઠ વર્ષ થયા છે. તેમને સંતાનમાં બે દીકરી અને એક દીકરો છે. પ્રિયાબાના આપઘાતનું કારણ જાણવા ભક્તિનગર પોલીસનાં હેડકોન્સ્ટેબલ પ્રશાંતસિંહ સહીતનાં સ્ટાફે તપાસ શરૂ કરી છે.

ગુજરાત

અમદાવાદ એરપોર્ટને ફરી મળી બોમ્બથી ઉડાવી દેવાની ધમકી, સુરક્ષા એજન્સી થઇ દોડતી

Published

on

By

અમદાવાદ એરપોર્ટને બોમ્બથી ઉડાડી દેવાની ધમકીનો ઈમેઇલ મળ્યો છે. ઈમેઇલ મળતા સુરક્ષા એજન્સી દોડતી થઈ છે. એરપોર્ટ પર ચેકીંગ કરવામાં આવ્યુ. ઈમેઇલ કોણે મોકલ્યો તેને લઇને સુરક્ષા એજન્સીઓ દ્વારા તપાસ શરૂ કરવામાં આવી છે.એરપોર્ટ પરથી કોઈ વાંધાજનક વસ્તુઓ ન મળી હોવાનું સામે આવ્યું છે.

કર્ણાટકના કલબુર્ગી એરપોર્ટને બોમ્બથી ઉડાવી દેવાની ધમકી મળી છે. આ ધમકી પણ ઈમેલ દ્વારા મોકલવામાં આવી છે. આ ઘટનાની જાણ એરપોર્ટ ડાયરેક્ટરે સ્થાનિક પોલીસને કરી, ત્યારબાદ પોલીસ અને બોમ્બ સ્કવોડ એરપોર્ટ પર પહોંચી ગયા છે અને એરપોર્ટને સેનિટાઈઝ કરવામાં આવી રહ્યું છે.

દર 10 થી 15 દિવસે ઈ-મેલ દ્વારા દેશના વિવિધ એરપોર્ટને ઉડાવી દેવાની ધમકી મળી રહી છે.આ પહેલા ગત 12 મે, 2024ના રોજ પણ અમદાવાદ એરપોર્ટને બોમ્બથી ઉડાવી દેવાની ધમકી મળી હતી.

Continue Reading

ગુજરાત

ગોંડલના ઘોઘાવદર નજીકથી નવ પશુ ભરેલો ટ્રક ઝડપાયો

Published

on

By

રૂા. 6.80 લાખના મુદ્દામાલ સાથે બેની અટકાયત

ગોંડલના ઘોઘાવદર પાસેથી જીવદયા પ્રેમીઓએ પશુ ભરેલ ટ્રક ઝડપી ગોંડલ તાલુકા પોલીસને ફરિયાદ કરી હતી. રાજકોટના જીવદયા પ્રેમી ભાવિનભાઈ ધિયાડ અને તેમના મિત્રોને માહિતી મળી હતી કે ધોરાજીથી એક ટ્રક ભેંસો ભરીને નીકળવાનો છે જે ગેરકાયદેસર હોઈ શકે જેના આધારે તેમણે ગોંડલ આવી ત્યાંથી ટ્રકનો પીછો કરતા ઘોઘાવદર પાસે ટ્રક રોકાવીને જોતા ટ્રકમાં 9 જેટલા પશુઓને હલનચલન ન કરી શકે તેમ બાંધીને રાખવામાં આવ્યા હતા.


જીવદયા પ્રેમી ભાવિનભાઈ અને તેમના મિત્રોએ ટ્રકમાં ભેંસોની હાલત જોતા પોલીસ ને જાણ કરી હતી. જોકે ટ્રક ચાલક ભરત ગરચર અને ક્લિનર મુસ્તાક અલી સેતાને પરમિટ અંગે સવાલ કરતા તેમણે જણાવ્યુ હતું કે ભેંસો કાયદેસર તબેલાની છે અને તેમની પાસે પરમિટ છે પરંતુ તેઓ પરમિટ રજૂ કરી શકયા ના હોય બન્ને વિરુદ્ધ પશુ ક્રૂરતા નિવારણ અધિનિયમ કલમ 11(1), ડી, ઇ, એફ, એચ, તથા સેન્ટ્રલ મોટર વ્હીકલ 125(ઇ) તથા આઈ.પી.સી. 114 મુજબ અને એક બીજાને મદદગારી કરવા બાબતે ગુન્હો નોંધવામાં આવ્યો હતો.


પોલીસે પણ બંને શખસોની અટકાયત કરી તેમજ 8 મોટી ભેંસો એક પાડો અને ટ્રક મળી કુલ 6,80,000નો મુદ્દામાલ કબજે લઇ કાયદેસરની તપાસ અને કાર્યવાહી શરૂૂ કરી હતી. અને પશુઓને રાજકોટ ની ગૌ શાળા માં ઉતારવામાં આવ્યા હતા.

Continue Reading

ગુજરાત

ખંભાળિયામાં અનરાધાર પોણા ચાર ઈંચ વરસાદ ખાબક્યો

Published

on

By


દેવભૂમિ દ્વારકા જિલ્લામાં એક સપ્તાહના મેઘ વિરામ બાદ ગઈકાલથી પુન: મેઘરાજાના મંડાણ થયા છે અને ગઈકાલે રાત્રે ખંભાળિયામાં ધોધમાર ત્રણ ઈંચ સુધી વરસાદ વરસી ગયો હતો. આ સાથે આજે પણ વધુ પણ કેટલો વરસાદ વરસતા ખંભાળિયામાં કુલ પોણા ચાર ઈંચ વરસાદ તેમજ ભાણવડમાં દોઢ ઇંચ વરસાદ થવા પામ્યો છે. ત્યારે અન્યત્ર હળવા તથા ભારે ઝાપટા જ વરસ્યા હતા.
ખંભાળિયા સહિત સમગ્ર જિલ્લામાં છેલ્લા બે-ત્રણ દિવસથી અસહ્ય ઉકળાટ ભર્યો માહોલ બની રહ્યો છે. આ વચ્ચે ગઈકાલે રવિવારે સાંજે અહીંના વાતાવરણમાં પલટો આવ્યો હતો. રાત્રીના નવેક વાગ્યાથી છવાયેલા ઘટાટોપ વરસાદી વાદળો અને વીજળીના ગડગડાટ સાથે ધોધમાર વરસાદ શરૂૂ થયો હતો અને માત્ર એકાદ કલાકના સમયગાળા દરમિયાન બે ઈંચ જેટલું પાણી પડી ગયું હતું. આ પછી પણ અવિરત રીતે ઝાપટા ચાલુ રહેતા ગતરાત્રિના ખંભાળિયા તાલુકામાં કુલ 71 મિલીમીટર પાણી પડી ગયું હતું. આ પછી આજરોજ સવારે પણ સવારે 9 થી 10 દરમિયાન વધુ 21 મિલીમીટર સાથે કુલ 92 મિલીમીટર વરસાદ વરસી ચુક્યો છે.
આ સાથે ગત રાત્રિના ભાણવડ તાલુકામાં 7 તેમજ આજે સવારે પણ વધુ 31 મિલીમીટર સાથે કુલ 38 મિલીમીટર અને કલ્યાણપુર તાલુકામાં કુલ 11 મિલીમીટર વરસાદ નોંધાયો છે. જ્યારે દ્વારકા પંથકમાં માત્ર ઝાપટા સ્વરૂૂપે 2 મિલીમીટર પાણી પડી ગયું હતું.
ખંભાળિયા તાલુકામાં ગતરાત્રે વરસાદના પગલે અનેક વિસ્તારોમાં વીજ પુરવઠો લાંબો સમય ખોવાઈ જતા કાળઝાળ ગરમીમાં લોકો ત્રાહિમામ પોકારી ગયા હતા. આજે સવારથી પણ ખંભાળિયા પંથકમાં વરસાદી વાદળોની જમાવટ રહી હતી. અને સૂર્યનારાયણના દર્શન થયા ન હતા. હવામાન વિભાગની આગાહી સાથે આજે પણ મેઘરાજા જોરદાર વરસે તેવી સંભાવનાઓ પણ વ્યક્ત કરવામાં આવી રહી છે.
આજે સવારે 10 વાગ્યા સુધીમાં ખંભાળિયા તાલુકામાં સૌથી વધુ 333 મિલીમીટર, ભાણવડ તાલુકામાં 98 મિલીમીટર, દ્વારકા તાલુકામાં 39 મિલીમીટર અને કલ્યાણપુર તાલુકામાં 16 મિલીમીટર મોસમનો કુલ વરસાદ નોંધાયો છે.
ગઈકાલે રાત્રે ખંભાળિયા પંથકમાં સાર્વત્રિક વરસાદ હતો. જેમાં અહીંના ધરમપુર, હર્ષદપુર, શક્તિનગર, હરીપર, સિંહણ, કેશોદ, વિંઝલપર, ભાડથર, શેરડી, વિસોત્રી, કુવાડીયા, હંસ્થળ, વિરમદળ, રામનગર વિગેરે ગામોમાં 2 થી 4 ઈંચ જેટલો વરસાદ વરસતા સ્થાનિક જળસ્ત્રોતોમાં નવા નીરની આવક થવા પામી છે. આજે સવારેથી ઘટાટોપ વરસાદી વાતાવરણ અને બફારો હોવાથી હજુ વધુ વરસાદ વરસે તેવી સંભાવનાઓ પણ વ્યક્ત કરવામાં આવી રહી છે.

Continue Reading

Trending