ક્રાઇમ
રાજકોટમાં પ્રેમપ્રકરણમાં યુવકનું અપહરણ બાદ ગોંડલ પાસે મુક્તિ
યુવતીના પરિવારજનોએ હવાલો આપતા સાત શખ્સો કારમાં ઉઠાવી ગયા બાદ ગોંડલ આશાપુરા ડેમ પાસે માર મારી ફેંકી દીધો
રાજકોટના ગોકુલધામ કવાર્ટસમાં રહેતા કોળી યુવાનનું તેનાં ભાઈની નજર સામે સાત શખ્સોએ ફોર્ચ્યુનર કારમાં અપહરણ કર્યુ હતું અને તેને ગોંડલ નજીક આશાપુરા ડેમ પાસે માર મારી ફેંકી દીધો હતો. જે બાબતે માલવીયાનગર પોલીસ મથકમાં ફરિયાદ નોંધાતાં સાત શખ્સો વિરૂધ્ધ પોલીસે ગુનો નોંધી ધરપકડ માટે તજવીજ હાથ ધરી છે. પ્રેમ પ્રેકરણમાં યુવતીના પરિવારજનોએ હવાલો આપતાં અપહરણ કરાયાનું અપહ્ત યુવાને જણાવ્યું હતું.
મળતી વિગતો મુજબ, રાજકોટના ગોકુલધામ કવાર્ટસ નં.11માં રહેતા અને ગેરેજ ચલાવતાં ભૌમિક પ્રવિણભાઈ સોલંકીએ નોંધાવેલી ફરિયાદમાં માલવીયાનગર પોલીસે પુનિતનગર પાસે ટાંકા નજીક રહેતા પરીયો ગઢવી, મેટીયો, અમરદીપ ઝાલા, જયલો તથા રાધે કોળી તથા તેની સાથેના બે અજાણ્યા શખ્સોના નામ આપ્યા છે. ફરિયાદમાં જણાવ્યા મુજબ, ગેરેજ ચલાવતો ભૌમિક ગઈકાલે પોતાના ગેરેજે હતો ત્યારે રાત્રિનાં આઠ વાગ્યે ઘરે ગયો ત્યારે હાર્દિક તેના કવાર્ટસ નીચે ઉભો હતો અને એક સફેદ કલરની ફોર્ચ્યુનર કારમાં આવેલા આ સાતેય શખ્સોએ તેના ભાઈ હાર્દિક સાથે ઝઘડો કરી ફોર્ચ્યુનર કારમાં ધરાર બેસાડવાનો પ્રયાસ કરતાં હતાં. ધોકા હાથમાં લઈને આ ટોળકીએ હાર્દિકને ફોર્ચ્યુનર કારમાં બેસાડવા બળજબરી કરતાં હતાં ત્યારે હાર્દિકે આ ટોળકીના પરીયો અને તેના સાથેના શખ્સોને કહ્યું કે ‘તમે મને મારવા આવો છો, મારી જ લેજો’ તેવું કહેતો હતો. આ ટોળકીએ ધરાર ફોર્ચ્યુનર કારમાં હાર્દિકનું અપહરણ કરી લીધું હતું.
આ ઘટના વખતે હાર્દિકનો ભાઈ ભૌમિક ત્યાં પહોંચ્યો ત્યારે હાર્દિકને છોડાવવાનો પ્રયાસ કર્યો પરંતુ પરીયા ગઢવીએ ધોકા મારી તેને પછાડી દીધો હતો. પરેશ ગઢવીએ ‘જો તું વચ્ચે આવીશ તો તને પણ મારી નાખીશ’ તેવી ધમકી આપી હતી. હાર્દિકનું અપહરણ કરી આ ટોળકી તેને ગોંડલ રોડ તરફ લઈ ગઈ હતી. બીજી તરફ આ બાબતે માતા જયોત્સનાબેન અને મિત્ર સુરજને જાણ કરતાં ભૌમિક માલવીયાનગર પોલીસ મથકે પહોંચ્યો હતો. આ ઘટના અંગે પોલીસ ફરિયાદ માટે તજવીજ કરતાં હતાં. પોલીસ ફરિયાદ નોંધાઈ હોવાનું જાણવા મળતાં જ અપહરણકારો હાર્દિકને મુકી ભાગી ગયા હતાં. હાર્દિકે જણાવ્યું કે તેને મેટોડામાં રહેતી એક યુવતી સાથે પ્રેમ સંબંધ હોય જેના પરિવારજનોના કહેવાથી હવાલો લઈ આ સાત શખ્સોએ તેનું અપહરણ કર્યુ હતું.
ક્રાઇમ
વાહન ધીમું ચલાવવા મામલે માથાકૂટ કરી યુવાન પર ચાર શખ્સોની ધોકાવાળી
શહેરના નાણાવટી ચોકની પાછળ પરમેશ્ર્વર સોસાયટીમાં રીક્ષાચાલકને વાહન ધીમુ ચલાવવા મામલે ચાર શખ્સોએ પાઇપ અને ધોકા વડે હુમલો કર્યો હતો. આ મામલે ચારેય શખ્સો સામે ફરિયાદ નોંધાઇ છે.
બનાવની મળતી વિગતો અનુસાર, નાણાવટી ચોક પાસે પરમેશ્ર્વર સોસાયટીમાં રહેતા ઇબ્રાહીમભાઇ ઇદરીસભાઇ આમરોણીયા નામના યુવાને ફરિયાદમાં સાહીલ, અકબર, રોનક, ફિરોજભાઇ અને રસીદાબેનનું નામ આપતા ફરિયાદ નોંધાઇ છે. ઇબ્રાહીમભાઇએ ફરિયાદમાં જણાવ્યુ હતુ કે, પોતે રીક્ષા ચલાવી પરિવારનું ગુજરાન ચલાવે છે.
ગઇકાલે શેરીના નાકે દુધની ડેરીએ દહીં લેવા જતા હતા ત્યારે શેરીમાં રહેતો સાહિલ તેનું એકટિવા સ્પિડમાંથી નીકળતા તેમને શેરીમાં બાળકોને વાગી જસે વાહન ધીમુ ચલાવવાનું કહેતા સાહિલે બોલાચાલી કરી અને તેમના પિતા અકબરભાઇ પાઇપ લઇ આવ્યા અને તુ મારા દીકરાને દબાવશ કહી પાઇપનો ઘા ઝીંક્યો હતો. બાદમાં અકબરભાઇનો ભત્રીજો રોનક ધીરજ ધોકો લઇ આવી માથામાં ઘા ઝીંક્યો હતો અને રસીદાબેને પણ ઢીકાપાટુનો માર માર્યો હતો. ત્યાર બાદ આજુબાજુના લોકો એકઠા થઇ જતા આરોપી નાસી ગયા હતાં. આ અંગે પિતા-પુત્ર સહિત ચાર શખ્સો સામે ફરિયાદ નોંધાઇ હતી.
ક્રાઇમ
યાજ્ઞિક રોડ પર લૂંટના ઇરાદે ટોળકીનો આતંક, વેપારીને ધોકાવાળી
વેપારીએ કારનો દરવાજો ખોલતા એકસેસમાં આવેલા બે શખ્સો પાઇપ લઇ તૂટી પડયા
સમગ્ર ઘટના સીસીટીવીમાં કેદ: ત્રણ દિવસ થયા છતાં આરોપીઓ પોલીસ પકડથી દૂર
શહેરના યાજ્ઞિક રોડ પર ઇમ્પિરિયલ પેલેસની સામે રમકડાની દુકાન ધરાવતા વેપારીએ પોતાની દુકાન ખોલવા જતા એકસેસમાં આવેલા બે શખ્સોએ પાઇપ વડે હુમલો કરી નાસી ગયાની ફરીયાદ એ ડીવીઝન પોલીસમાં ફરીયાદ નોંધાઇ છે.
આ બનાવ લુંટના ઇરાદે થઇ હોવાનું પોલીસ સુત્રોમાંથી જાણવા મળ્યું છે. આ ઘટના અંગેની વધુ વિગતો અનુસાર, જાગનાથ શેરી નં.21માં એમ્પાયર એપાર્ટમેન્ટમાં રહેતા જનકભાઇ નવનીતરાય ઓધીયાએ ફરીયાદમાં જણાવ્યું હતું કે તેઓ ઇમ્પિરીયરલ પેલેસની સામે માધવ કોમ્પલેક્ષમાં ઉતમ ટોયઝ નામની દુકાન ધરાવે છે.
તેઓ ગઇ તા.27ના રોજ રાત્રીના અગીયારેક વાગ્યે દુકાન બંધ કરી સામે પાર્ક કરેલી કારમાં ડ્રાઇવર સાઇડનો દરવાજો ખોલીને દુકાનની ચાવી અને પર્સ કારમાં મુકયા હતા. ત્યારબાદ કારમાંથી બહાર નીકળતા જ એકસેસમાન આવેલા બે શખ્સોએ અચાનક પાઇપ વડે હુમલો કર્યો હતો.
ત્યારબાદ ત્યાં માણસો ભેગા થઇ જતા બન્ને શખ્સો ત્યાંથી ભાગી ગયા હતા.આ મામલે તા.27ના પોલીસમાં અરજી કરી હતી. ફરીયાદી જનકભાઇએ આક્ષેપ સાથે જણાવ્યું હતું કે પોલીસે ફરીયાદ ન નોંધતા પોલીસ કમિશનરને રજુઆત કર્યા બાદ એ ડીવીઝન પોલીસે આ ફરીયાદ નોંધાઇ હતી. બનાવને ત્રણ દિવસ થયા છતા હજુ સુધી કોઇ કાર્યવાહી કરાઇ નથી.આ સમગ્ર ઘટના સીસીટીવી ફુટેજમાં કેદ થઇ હતી. રાજકોટના પોષ વિસ્તાર યાજ્ઞીક રોડ પર સરાજાહેર વેપારી પર હુમલાની ઘટનાથી આજુબાજુના લોકોમાં ફફડાટ ફેલાયો છ.
ક્રાઇમ
યાજ્ઞિક રોડ પર અકસ્માત મામલે ઝઘડો કરી માતા-પુત્રને કારચાલકે બેફામ માર માર્યો
શહેરમાં રોજબરોજમાં ઘણા અકસ્માત સર્જાય છે. ત્યારે ગઇકાલે મોડીરાત્રે યાજ્ઞિક રોડ પર રિવર્સ લેવામાં કારના ચાલકે અન્ય એક પાર્ક કરેલી કારમાં નુકસાન કરતા યુવાને જોઇને ચલાવવાનુ કહેતા ઉશ્કેરાયેલા કારના ચાલકે યુવક સાથે માથાકુટ કરી મારમાર્યો હતો અને વચ્ચે પડેલા તેમના માતાન. પણ ઢીકાપાટુનો મારમાર્યો હતો બાદમાં ઘમકી આપી પાંચવર્ષની પુત્રીને ઘક્કો મારી પછાડી ભાગવા જતા પોલીસ તેમને પકડી ગુનો નોંધ્યો હતો.
કોઠારીયાકોલીનીમાં રહેતા કાર્તીક ભુપતભાઇ રાઠોડ (ઉ.વ.28)એ ફરિયાદમાં જણાવ્યુ હતુ કે, પોતે કલરકામ કમરે છે. ગઇકાલે રાત્રીના તેમના પરિવાર સાથે રેષકોર્સ થી કાર પાર્ક કરી કોલ્ડ્રીશસની દૂકાને ગયા હતા. બાદમાં એક કિઆ કારના ચાલકે રિવર્સ લેતા કાર્તિકભાઇની ગાડીમાં નુકસાન થયુ હતુ જેથી તે કારના ચાલકને કાર જોઇને ચલાવવાનુ કહેતા તેમણે કાર નીચે ઉતરી તુ કોને કહે છે કહી માથાકુટ કરી હતી તેમજ મારમાર્યો હતો તેમજ માતા ઉષાબેન વચ્ચે પડતા તેમને પણ આરોણીએ મારમાર્યો હતો. બાદમાં 100 નંબરમાં કોલ કરતા આરોપી પાંચ વર્ષની દીકરીને ઘક્કો મારી ભાગવા જતા આરોપીને પક્ડી પોલીસે ગુનો નોંધ્યો હતો આરોપી નાનામવા રોડ રાજનગર શેરી.2માં રહેતો અભિષેક ચંદુ ઠુંમર હોવાનુ જાણવા મળ્યુ હતુ.
-
ગુજરાત7 months ago
વધુ એક યુવકને હૃદય-રોગનો હુમલો ભરખી ગયો, ગોધરામાં 45 વર્ષીય યુવકનું હાર્ટ એટેકથી મોત
-
ગુજરાત1 month ago
હનુમાનમઢી પાસે ગોડાઉનમાંથી થયેલી ચોરીનો ભેદ ઉકેલાયો, એક પકડાયો: બેની શોધખોળ
-
ગુજરાત1 month ago
સર્વર ઠપ્પ, રાજકોટ સહિત રાજ્યભરની RTO સેવા બે દિવસ બંધ
-
ક્રાઇમ6 months ago
ભાણવડ પંથકમાં દેશી દારૂની ધમધમતી ભઠ્ઠીઓ પર પોલીસના દરોડા ; બૂટલેગરો ફરાર
-
પોરબંદર7 months ago
ભાવનગર-જેતલસર ટ્રેનને પોરબંદર સુધી લંબાવતુ તંત્ર
-
પોરબંદર6 months ago
સ્પર્ધાત્મક પરીક્ષામાં નિષ્ફળતા મળતાં ભાણવડ પંથકની યુવતીનો આપઘાત
-
પોરબંદર6 months ago
ભાણવડ પંથકમાંથી દારૂની 202 બોટલ ભરેલી કાર સાથે એક પકડાયો
-
પોરબંદર6 months ago
પોરબંદરમાં ગેરેજમાં અચાનક ભભૂકેલી આગમાં દાઝી ગયેલા વૃદ્ધનું મોત