થોડાં દિવસો પૂર્વે સુરતના નકલી પીએસઆઈ તરીકેની ઓળખ આપી સોની વેપારી સાથે છેતરપિંડી આચર્યાંની ઘટના બન્યા બાદ જિલ્લામાંથી વધુ એક નકલી પીએસઆઈ ઝડપાયો છે. દિવાળી પર્વ દરમિયાન ગારિયાધાર માધવ ગૌશાળા રોડ પાસે નકલી પોલીસ બની ચેકિંગ કરનારા શખ્સોનો વીડિયો વાયરલ થયો હતો. જે અંગે નકલી પોલીસ બની રૌફ જમાવનાર સહિતના બે વિરૂૂદ્ધ ગારિયાધાર પોલીસ મથકમાં ફરિયાદ નોંધાતા પોલીસે તપાસ હાથ ધરી છે.

મૂળ ગારિયાધાર તાલુકાના પરવડી ગામના વતની અને સુરતના કમલપાર્ક વિસ્તારમાં રહેતા પિયુષભાઈ રમેશભાઈ પાળેધરાએ ગારિયાધાર પોલીસ મથકમાં ઈમ્તિયાઝ ઉર્ફે કડી દીલાવરભાઈ બેલીમ (રહે.પાલિતાણા રોડ, ધામેલીયાવાડી, ગારિયાધાર) અને અરમાન ઉર્ફે જુનેદ હનીફભાઈ સૈયદ (રહે.ઘાંચીવાડ, ગારિયાધાર) વિરૂૂદ્ધ ફરિયાદ નોંધાવી હતી કે, તેઓ તેમના મિત્ર સાથે ગારિયાધાર ગુરૂૂકુળ ગૌશાળા રોડ પર ફોટો પડાવવા ગયા હતા ત્યાંથી સાંજે સાડા ચારેક વાગ્યે પરવડી પરત ફરી રહ્યાં હતા ત્યારે ગુરૂૂકુળ રોડ પર જીજે-14-ઝેડ-1136 નંબરની કાર સાથે બે શખ્સો ઉભા હતા જેમણે તેમની બાઈકને સાઈડમાં ઉભી રખાવી પોલીસ તરીકેની ઓળખ આપી જણાવ્યું હતું કે, ભાવનગરથી પીએસઆઈ સાહેબ આવેલા છે અને તમને ચેક કરવાના છે.

જે બાદ પોલીસ તરીકેની ઓળખ આપનારા શખ્સોએ બંને મિત્રોને ચેક કરી લાઈસન્સ માંગ્યુ પરંતુ તેમની પાસે લાઈસન્સ નહી હોવાથી પોલીસ તરીકે ઓળખ આપનારા શખ્સોએ ખોટા કેસમાં ફીટ કરી બાઈક પુરી દેવાનું કહી બંને મિત્રોને ડરાવવાનો પ્રયાસ કર્યો હતો. પરંતુ તેમને આ બંને નકલી પોલીસ અધિકારી હોવાની શંકા જતા તેઓનો વીડિયો ઉતારી લીધો હતો અને બાદમાં જાણવા મળેલ કે, પીએસઆઈ તરીકે ઓળખ આપનારા શખ્સ અને તેની સાથેના શખ્સ ગારિયાધારના છે અને બંને પોલીસ નહી હોવા છતાં પોલીસ તરીકેનો રૌફ જમાવતા હતા. આ અંગે ગારિયાધાર પોલીસે પિષુષભાઈની ફરિયાદના આધારે ઉક્ત બંને શખ્સો વિરૂૂદ્ધ ગુનો નોંધી આગળની તપાસ હાથ ધરી છે.

ભાવનગર શહેરના સોની વેપારીને સુરતના પીએસઆઈ તરીકેની ઓળખ આપી, છેતરપિંડી આચરનારા નકલી પીએસઆઈ સામે ગત 23મી ઓક્ટોબરના રોજ શહેરના ગંગાજળિયા પોલીસ મથકમાં ગુનો નોંધાયો હતો. જે બાદ દિવાળીના દિવસોમાં વધુ એક નકલી પીએસઆઈ સામે ગારિયાધાર પોલીસમાં ફરિયાદ થઈ છે. આમ, ભાવનગરમાં છેલ્લા 15 દિવસના સમયગાળામાં બે નકલી પીએસઆઈ સામે ફરિયાદ નોંધાઈ છે.

શહેરના ભુપેન્દ્ર રોડ પર પાર્કવ્યુ હોટલ સંચાલક પાસે ગેરકાયદે નાણા કઢાવવા હવાલો લઈ હુમલો કરી છરી થી ઈજા પહોંચાડતા ખુની હુમલો કરવાના ગુનામાં જેલ હવાલે રહેલા દિનેશ મુછડી તથા રમેશ બોરીચાની રેગ્યુલર જામીન અરજી રદ કરતો હુકમ છે.વધુ વિગત મુજબ શહેરમાં રહેતા અને રજપૂત કરવામાં પાર્ક વ્યુ હોટલ ધરાવતા કાળુભાઈ પાનસુરીયાએ દિનેશ ઉર્ફે મુછડી રતિભાઈ ચાવલા અને રમેશ જીવાભાઇ સબાળ નામના અશોકસોએ રસ્તામાં આંતરિક લોખંડના પાઇપથી માર માર્યા અંગેની એ ડિવિઝન પોલીસ મથકમાં ફરિયાદ નોંધાવી હતી. પોલીસે બે આરોપીઓની ધરપકડ કરી પ્રાથમિક તપાસમાં દિનેશ ઉર્ફે મુછડી રતીભાઈ ચાવડા તથા રમેશ જીવાભાઈ સબાળ પફુલ ગોસ્વામી પાસે રૂૂા.35 લાખ માગતા હોય તે જતા કરતા ન હોય તેથી પફુલ ગોસ્વામીએ આ બંને આરોપીઓને હવાલો આપી સામા રૂૂા.71 લાખ બળજબરી થી ખુનની કોશીસ કરેલ હોવાનુ જણાવ્યું હતું બાદ તપાસ પૂર્ણ થતા બંને શખ્સોને જેલવાલે કરવામાં આવ્યા હતા હાલ જેલ વાલે રહેલા બંને શખ્સોએ જામીન પર છૂટવા અદાલતમાં અરજી કરી હતી તે જામીન અરજીની સુનાવણી ચાલવા પર આવતા જેમાં બંને પક્ષોની રજૂઆત બાદ બંને આરોપીઓના જામીન નામંજુર કરતો હુકમ ફરમાવવામાં આવેલો છે.ઉપરોક્ત કામમાં મુળ ફરીયાદી કાળુભાઈ પાનસુરીયા વતી રાજકોટના એડવોકેટ સુરેશ ફળદુ, ભુવનેશ શાહી, કુણાલ શાહી,રિપલ ગેવરીયા, પાર્થ સંધાણી, જય પીઠવા, જસ્મીન દુધાગરા તથા મદદમા પુવરાજ વેકરીયા, નીરવ દોંગા, પીન્સ રામાણી, આર્યન કોરાટ, ભાવીન ખુંટ તથા સરકાર તરફે એ.જી.ઝાલા રોકાયેલ હતા.

શહેરના જૂના મોરબી રોડ પર ગણેશનગરમાં રહેતા નામચીન ઈભલાની પત્ની અને બહેન વચ્ચે મારામારી થઈ હતી. ઈભલા વિરુદ્ધ થયેલી એટ્રોસીટીની ફરિયાદમાં તેની પત્ની ફરિયાદી સાથે સમાધાન કરવા જતાં ડખ્ખો થયો હતો. જેમાં બન્ને પક્ષોની સામસામી ફરિયાદ પરથી ગુનો નોંધી પોલીસે તપાસ હાથ ધરી છે.

જાણવા મલતી વિગત મુજબ જૂના મોરબી રોડ પર લાતી પ્લોટ પાસે ગણેશનગર શેરી નં. 10માં રહેતા નુરીબેન ઈબ્રાહીમભાઈ કાથરોટિયા (ઉ.વ.36)એ નોંધાવેલી ફરિયાદમાં આરોપી તરીકે મોરબી રોડ પર રહેતા તેના સગા મોટાભાઈ યુસુબ ગફારભાઈ કટારિયા, યાસ્મિન યુસુબભાઈ કટારિયા, સલીમ ઉર્ફે દોલિયો અને સગીર વયના પુત્રનું નામ આપ્યું છે. ફરિયાદમાં જણાવ્યા મુજબ તેના પતિ ઈબ્રાહીમ ઉર્ફે ઈભલા સામે પાડોશમાં રહેતા યોગેશ મકવાણાએ એટ્રોસીટી ફરિયાદ કરી હોય જે ગુનામાં પતિ જેલમાંથી પેરોલ મેળવી ઘરે આવ્યો હતો. દરમિયાન ગઈ કાલે એટ્રોસીટીની ફરિયાદ કરનાર યોગેશના માતા લીલાબેન ફરિયાદમાં સમાધાન કરવા ઘરે બોલાવતા તેઓ તેના ઘરેથી પરત આવતા હતા ત્યારે આરોપીઓએ શેરીમાં રોકી તુ કેમ આ લોકો સાથે સમાધાન કરવા આવી છો, તમારે સમાધાન કરવાનું થતુ નથી તેમ કહી ઢીકાપાટુનો માર મારી છૂટા પથ્થરના ઘા કરી માર માર્યો હોવાનું જણાવ્યું હતું.

જ્યારે સામાપક્ષે યાસ્મીનબેન યુસુફભાઈ કટારિયા (ઉ.વ.34)એ નોંધાવેલી વળતી ફરિયાદમાં આરોપી તરીકે તેની સગી નણંદ અને ભાભી થતી નુરી ઈબ્રાહીમ ભાઈ કાથરોટિયાનું નામ આપ્યું છે. જેમાં જણાવ્યા મુજબ ફરિયાદીને આરોપી નુરીબેન તુ કેમ આ લોકો સાથે મારા પતિનું સમાધાન થવા દેતી નથી તેમ કહી માર માર્યો હતો.
આ અંગે બીડીવીઝન પોલીસે બંને પક્ષોની સામસામી ફરિયાદ નોંધી પીએસઆઈ ચૌધરીએ વધુ તપાસ હાથ ધરી છે.