આર્યનગરમાં બનેલી ઘટના: બે માસ પૂર્વે ફિનાઇલ પી લેનાર પત્નીએ અલગ રહેવાની જીદ કરતા પતિએ ફોન કટ કર્યા બાદ માતા-પિતા સાથે ઝેર ગટગટાવ્યું’તું

શહેરમાં સામાકાંઠા વિસ્તારમાં આર્યનગરમાં રહેતા યુવક અને તેના માતા-પિતાએ સજોડે ઝેરી દવા પી આપઘાતનો પ્રયાસ કરતા તેને સારવાર માટે સિવિલ હોસ્પિટલમાં ખસેડાયા હતા. જેમાં સારવાર દરમિયાન વૃદ્ધનું મોત નીપજ્યું હતું. બનાવને પગલે બી-ડિવિઝન પોલીસે તપાસ કરતા યુવકની પત્નીને તેની સાસુ સાથે ચડભડ થઇ હતી જેથી અલગ રહેવાની માંગ સાથે પત્ની તેના માવતરે ચાલી ગઇ હોય આજે પત્નીએ ફોન કરી વાત કરતા પતિએ ઝેર પીવાની વાત કરી ફોન કટ કરી નાખતા પત્ની ઘેર આવી સાસુ, સસરા અને પતિને ઝેરી દવા પીધેલા જોઇ સારવારમાં ખસેડાયા હોવાનું પ્રાથમિક તપાસમાં બહાર આવ્યું હતું તેમજ પોલીસને એક સ્યૂસાઇડ નોટ મળી આવી હતી જે પોલીસે કબજે કરી વિશેષ કાર્યવાહી કરી છે.

પોલીસ સૂત્રોના જણાવ્યા મુજબ સંત કબીર રોડ પર આર્યનગરમાં રહેતા ગૌરવ ભરતભાઇ કોટેચા (ઉ.35) તેની માતા સરલાબેન (ઉ.70) પિતા ભરતભાઇ શાંતિલાલ કોટેચા (ઉ.71) એ પોતાના ઘેર સજોડે ઝેરી દવા પી જતા તેને સારવાર માટે સિવિલ હોસ્પિટલમાં ખસેડાયા હતા. જેમાં ભરતભાઇનું સારવાર દરમિયાન મોત નીપજ્યું હતું. બનાવની જાણ થતા બી-ડિવિઝન પોલીસ મથકના પીએસઆઇ પીઠિયા સહિતે તપાસ હાથ ધરી હતી.

પોલીસની તપાસમાં ગૌરવભાઇ કુવાડવા રોડ પર સાત હનુમાન મંદિર પાસે એલઇડીના શોરૂૂમમાં નોકરી કરતા હોવાનું અને તેને સંતાનમાં એક પુત્ર અને બે પુત્રી છે. પોલીસની પૂછતાછમાં ગૌરવભાઇની પત્ની રાધિકાબેનને સાસુ સાથે ધનતેરસના દિવસે સામાન્ય વાતમાં ચડભડ થઇ હતી જેથી તેના માવતર રેસકોર્સ પાર્કમાં જતી રહી હતી.દરમિયાન આજે રાધિકાબેને પતિ ગૌરવ સાથે ફોનમાં વાત કરી હતી જેમાં તેને એકાદ માસ અલગ રહેવા જવાની જેથી ક્લેશ શાંત થઇ જાય તેવી વાત કરતા બન્ને વચ્ચે ચડભડ થઇ હતી અને પતિએ બે કલાકમાં તું હવે રિઝલ્ટ જોઇ લેજે કહી ફોન કટ કરી નાખ્યો હતો.

બનાવને પગલે પત્ની ઘેર આવી તપાસ કરતા પતિ, સાસુ અને સસરાએ ઝેરી દવા પી લીધી હોય તેને સારવાર માટે ખસેડાયા હોવાનું તેમજ બે માસ પહેલાં સાસુ સાથે ઝઘડો થતા રાધિકાબેને ફિનાઇલ પી લીધું હોવાનું બહાર આવ્યું હતું. તેમજ પોલીસને એક સ્યૂસાઇડ નોટ મળી આવી હતી. જેમાં ગૌરવના પિતાએ સ્યૂસાઇડ નોટમાં જણાવ્યું હતું કે, અમારે કોઇ સાથે લેણું-દેણું ન હોવાનું અને ઘરકંકાસથી કંટાળી આ પગલું ભરી લઇએ છીએ. પોલીસે નોટ કબજે કરી વધુ કાર્યવાહી કરી છે.

મોરબીમાં યુવકને શેરબજારમાં રોકાણ કરાવી સારો નફો કમાવવાની લોભામણી લાલચ આપી યુવકનો વિશ્વાસ કેળવી શેરબજારમાં રોકાણ કરવાના બહાને યુવક પાસેથી રૂૂ. 50 લાખ મેળવી લઈ યુવકને આજદિન સુધી પરત નહીં આપી યુવક સાથે છેતરપીંડી કરી હોવાની ફરીયાદ નોંધાઈ છે.

મળતી માહિતી મુજબ મોરબીમાં ક્ધયા છાત્રાલય રોડ પર શ્રીકુંજ સોસાયટી પ્લોટ નં -17 શેરી નં -02 માં રહેતા ભરતભાઇ ગોરધનભાઈ પાંચોટીયા (ઉ.વ.43) એ આરોપી (1)7751065932 (2)8975344637 (3)9235197878 (4)98635 46713 (5) 84578 44521 (6) 84568 76285 (7) 9178179885 ના ધારક તથા (8) બંધન બેંક એકાઉન્ટ નંબર 20100027757602 (9) બંધન બેંક એકાઉન્ટ નંબર 20100028167985 (10) એકસીસ બેંક એકાઉન્ટ નંબર 923020048020873 (11) એસબીઆઇ બેંક એકાઉન્ટ નંબર 43069607063 (12) પંજાબ નેશનલ બેંક એકાઉન્ટ નંબર 1403102100000374 (13) એસબીઆઇ બેંક એકાઉન્ટ નંબર 43059453158 ના ધારક વિરુદ્ધ મોરબી સાયબર ક્રાઇમ પોલીસ સ્ટેશનમાં ફરીયાદ નોંધાવતા જણાવ્યું હતું કે આરોપીઓએ ફરીયાદીના વાટસએપ નંબર પર આરોપીના વોટસએપ નંબર 84578 44521 તથા 84568 76285 પરથી લીંક મોકલેલ હતી અને આ બન્ને વોટ્સએપ નંબરની પ્રોફાઇલ ચેક કરતા તેઓનુ નામ પ્રિયંકા કુમારી તથા શૈાર્યમ ગુપ્તા જાણવા મળેલ. બાદ આ બંન્ને વોટસએપ નંબર પરથી યુવકને શેરબજારમા રોકાણ અંગેની ટીપ્સ મોકલતા બાદ શેરબજારમા રોકાણ કરવા સારૂૂ Astha application નવાર શેરબજારમાં રોકાણ કરતો હોવાથી આ એપ્લીકેશનમાં જુદી-જુદી કંપનીના નવા આઇપીઓ શેર લાગેલ હોવાની વાત કરેલ અને યુવકે રોકાણ કરેલ અને યુવકને લાગેલ આઇપીઓના રૂૂપીયા પરત લેવા માટે મેસેજ કરેલ તો આ આરોપીઓએ ફરીયાદીનુ એપ્લીકેશન લોગીંન આઇ.ડી. લોક કરી દીધેલ બાદ વોટસએપ ગૃપમાંથી એકઝીટ કરી દીધેલ અને ફરીયાદિને શેર બજારમાં ઓન લાઇન રોકાણ કરાવી સારો નફો કમાવવાની લોભામણી લાલચ આપી ફરીયાદિનો વિશ્વાસ અને ભરોસો કેળવી ખોટુ નામ ધારણ કરી શેરબજારમાં રોકાણ કરવાના બહાને ફરીયાદિના કુલ રૂૂ 50,00,000/- જુદા જુદા બેંક એકાઉન્ટમાં આરોપીઓએ મેળવી લઇ ફરીયાદિના ભરેલ નાણા આજદીન સુધી પરત નહી આપી ફરીયાદી સાથે છેતરપિંડી કરી હોવાની મોરબી સાયબર ક્રાઇમ પોલીસ સ્ટેશનમાં ફરીયાદ નોંધાવતા પોલીસે ફરીયાદના આધારે આગળ તપાસ હાથ ધરી છે.

શહેરના જી.આઈ.ડી.સી. ખાતે આવેલી ચાંદી રિફાઈનરીંગની દુકાનની બારી તોડી તેમાંથી આશરે 25 કિલો કાચી ચાંદી કિંમત રૂૂા. 16,70,000ની ચોરી થતા અને હિમાચલ પ્રદેશના નવા બે કામદારો ગુમ થતા તેની સામે ફરિયાદ નોંધાઈ છે. આ અંગે બી-ડિવિઝન પોલીસ મથકે રામચંદ્ર કાકા સાળુંખેએ વિગતવાર નોંધાવેલી ફરિયાદ મુજબ તેઓ મૂળ મહારાષ્ટ્રના છે અને છેલ્લા પાંત્રીસ વર્ષથી પરિવાર સાથે ભુજ સ્થાઈ થઈ ચાંદી કામનો વેપાર કરે છે. ભુજના જીઆઈડીસીમાં ચાંદી રિફાઈનરીંગની તેમની દુકાન છે.

બીજી દૂકાન કંસારા બજારમાં છે. જીઆઈડીસીની દુકાનનું કામ છેલ્લા બાર વર્ષથી પવનકુમાર ઠાકુર અને પ્રિતમચંદ ઠાકુર (રહે. હિમાચલ પ્રદેશ) સંભાળતા હતા. પરંતુ સપ્ટેમ્બર બન્ને સામાજીક પ્રસંગોને લઈ એક મહિના માટે વતન જવાના હોવાથી તેની અવેજીમાં પ્રિતમચંદનો સાળો અજયકુમાર લચ્છુરામ ઠાકુર અને પવનકુમારના ઓળખીતા રમેશચંદ ત્રિલોકચંદ ઠાકુર (રહે. બન્ને હિમાચલ પ્રદેશવાળા) ભુજ આવી દુકાનનું ચાંદી રિફાઈનરીંગનું કામકાજ સંભાળી દુકાનની ઉપર આવેલા રૂૂમ પર રહેતા હતા.

નવા કામદારો હોવાથી આ દુકાનની ચાવી રોહિત સાંવત પાસે રહેતી હતી તે સવારે દુકાન ખોલતા અને સાંજે બંધ કરતા હતા. તા. 13/10ના સવારે રોહિત દુકાન ખોલી જોતા દુકાનની બારી તૂટેલી હતી અને દુકાનમાં કામ કરતા નવા કામદારો અજયકુમાર અને રમેશચંદ હાજર ન હતા. દુકાનમાં રિફાઈનરીંગ માટે આવેલી કાચી ચાંદી આશરે 25 કિ.ગ્રા. કિ. રૂૂા. 16,70,000 જોવામાં આવી નહી. બીજો સામાન અને મશીનરી તે જ હાલતમાં હતા. આ બાદ બન્નેનો ફોનથી સંપર્ક સાધવા પ્રયાસ કરતા બન્નેના ફોન બંધ હાલતમાં હતા. જુના માણસોને ફોન કરી બનાવની જાણ કરતા તેઓએ પણ આરોપીઓના પરિવારનો સંપર્ક કરતા બન્ને હજુ સુધી ઘરે ન પહોંચયાની વિગતો મળતા અંતે આ ચોરી અંગે બન્ને પર શક હોવા સાથે ફરિયાદ નોંધાવી છે.