ભચાઉનાં ચોપડા બ્રિજ નીચે પૂર્વ કચ્છ એલસીબી પોલીસની ટીમ અને ભચાઉ પોલીસની ટીમે ફિલ્મી ઢબે ભચાઉનો રીઢો બુટલેગર સાથે તેની મહિલા પોલીસ કોન્સ્ટેબલને ઝડપી પાડયા હતા. રીઢા બુટલેગરે પોલીસ કર્મચારીઓને મારી નાંખવાના ઇરાદે પોતાની કાર ચડાવવાનો પણ પ્રયાસ કર્યો હતો. જેના બીજા દિવસે મહિલાને કોર્ટે જામીન પણ આપી દીધા હતા. જોકે બુટલેગરને જેલ હવાલે કરવામાં આવ્યો હતો. નિતાને જામીન મળી ગયા બાદ પોલીસે તેની દારૂૂના કેસમાં ધરપકડ બતાવતા હવે ગુરુવારે ફરી તેને કોર્ટ સમક્ષ રજૂ કરાશે.

અંગે મળતી માહિતી મુજબ સોમવારનાં સાંજે પૂર્વ કચ્છના રીઢા બુટલેગર યુવરાજસિંહ જાડેજાને ભચાઉ પોલીસનાં પીએસઆઈ ડી.જે. ઝાલા તેમની ટીમની મદદથી ચોપડવાના ઓવરબ્રિજ નીચે ઝડપી પાડયો હતો. જે બાદ પોલીસે કારમાં તપાસ કરતાં ગાંધીધામ સીઆઇડી ક્રાઇમમાં ફરજ બજાવતી હેડ કોન્સ્ટેબલ 34 વર્ષીય નીતા વશરામભાઈ ચૌધરી મળી આવી હતી.જેથી પોલીસે થાર કાર સાથે શરાબની 18 બોટલ કબ્જે કરી હતી. તેમજ બંને આરોપી વિરુદ્ધ હત્યા કરવાનાં પ્રયાસ તેમજ દારૂૂની બે અલગ અલગ ભચાઉ પોલીસ મથકે ગુના નોંધ્યા હતા. જેમાં પોલીસે બુટલેગર યુવરાજસિંહ અને મહિલા પોલીસ કોન્સ્ટેબલ નીતા ચૌધરીનાં રિમાન્ડ મેળવવાં ભચાઉ કોર્ટમાં અલગ અલગ 10 મુદ્દા સામે તેમના 7 દિવસનાં રિમાન્ડની માંગણી કરી હતી. પરંતુ કોર્ટે રિમાન્ડની અરજી ફગાવી દીધી હતી. જેના બીજા દિવસે કોર્ટે આરોપી નીતા ચૌધરીને જામીન આપી દીધા હતા. જેથી પોલીસે દારૂૂના કેસમાં નીતા ચૌધરીની અટક બતાવતા હવે ગુરુવારે ફરી તેને કોર્ટ સમક્ષ રજૂ કરાશે. જોકે કોર્ટે રીઢા બુટલેગર યુવરાજસિંહને જેલ હવાલે કર્યો હતો. નીતા ચૌધરીને નીચલી કોર્ટે જામીન આપી દેતા ભચાઉ પોલીસ સેશન્સ કોર્ટમાં અપીલ કરશે તેવું પણ પોલીસ સૂત્રોએ જણાવ્યું હતું.

ગુજરાત ATSને મોટી સફળતા મળી છે. ATSએ કચ્છના મુન્દ્રાના ધ્રબ ગામમાંથી તુર્કી નાગરીકને દબોચી લીધો છે. ઘડુલી અને ફુલરામાંથી પણ બે ભારતીય નાગરિકોની પણ ધરપકડ કરવામાં આવી છે. આ શક્સની પૂછપરછ કરવામાં આવી રહી છે.

પાકિસ્તાનમાં કરવામાં આવેલા કોલને લઈને આ શખ્સો લાંબા સમયથી ગુપ્તચર એજન્સીઓના રડાર પર હતા. અલગ અલગ એજન્સીઓ દ્વારા ઝડપાયેલા શખ્સોની સખ્ત પૂછ પરછ કરવાં આવી રહી છે.

ભાગ્યલક્ષ્મી ઈન્ફ્રા પ્રોજેક્ટ નામથી સ્ટોન ક્રશર પ્લાન્ટ પાસે બનાવ: અવારનવાર થતાં ઝઘડામાં હત્યાને અંજામ આપ્યો

અંજારના સિનુગ્રા ગામની સીમમાં આવેલા સ્ટોન ક્રશર પ્લાન્ટ (ભેડિયા)માં કામ કરતાં બે પરપ્રાંતીય મજૂરે ભેગા મળીને સહમજૂરને માથામાં મોટો પથ્થર ઝીંકી મારી નાખ્યો હોવાનો બનાવ બહાર આવ્યો છે.

સિનુગ્રાના સીમાડે ભાગ્યલક્ષ્મી ઈન્ફ્રા પ્રોજેક્ટ નામથી સ્ટોન ક્રશર પ્લાન્ટ આવેલો છે. તેમાં દસ મજૂરો કામ કરે છે અને ત્યાં જ બનાવેલી ઓરડીઓમાં વસવાટ કરે છે. મરણજનાર ચરકુનાગ ઈન્દ્રો સાહુને સાથે કામ કરતાં ભીમસિંગ અને સાગર ઊર્ફે બહેરા સાથે મનમેળ નહોતો. છેલ્લાં છ માસમાં ચરકુનાગની અવારનવાર બેઉ સાથે બોલાચાલી થયેલી. ગત રાત્રિના ચરકુનાગ પ્લાન્ટ બહાર જતો હતો ત્યારે ભીમસિંગ અને બહેરો બેઉ તેની પાછળ ગયા હતા. પ્લાન્ટ બહાર જ તેમની વચ્ચે ઝઘડો થયો હતો. જ્યાં બંનેએ ભેગા મળી ચરકુનાગને ધક્કો મારી નીચે પાડી દીધો હતો. ત્યાર બાદ ભીમસિંગે તેને પકડી રાખ્યો હતો અને બહેરાએ ચરકુનાગના માથામાં મોટો પથ્થર ઝીંકી દીધો હતો. બબાલના પગલે અન્ય મજૂરો બહાર દોડી આવતાં બેઉ જણ ત્યાંથી નાસી ગયાં હતાં.

ઘટના અંગે જાણ થતાં પ્લાન્ટ સંચાલક જતીન સોરઠીયા સ્થળ પર દોડી આવ્યા હતા અને જમીન પર લોહી નીંગળતી હાલતમાં પડેલાં ચરકુનાગને અંજાર સરકારી હોસ્પિટલ લઈ ગયા હતા. જ્યાં તબીબે તેને મૃત જાહેર કર્યો હતો. હત્યાના બનાવ અંગે પોલીસે 1 જૂલાઈથી ઈન્ડિયન પીનલ કોડના સ્થાને અમલી બનેલી ભારતીય ન્યાય સંહિતાની કલમ 103 (1), 3 (5) હેઠળ બંને વિરુધ્ધ જતીન સોરઠીયાએ આપેલી ફરિયાદ નોંધી પોલીસે આરોપીને ઝડપી પાડ્યા હતા.