ગુજરાત
માત્ર 14 વર્ષની ઉંમરે ભૌતિક સુખનો ત્યાગ કરી સંયમના પંથે પ્રયાણ
સત્યપુનધામ શ્રી ગાંધીગ્રામ શ્ર્વેતાંબર મૂર્તિપૂજક જૈન સંઘના આંગણે યોજાશે રૂડા અવસર…
રાજકોટના બાળ મુમુક્ષુ તીર્થકુમારનો યોજાશે દીક્ષા મહોત્સવ
11 ડિસેમ્બરના સવારે 4.35 ક્લાકે પ્રવજ્યા મહોત્સવનો પ્રારંભ
સંયમ સ્વીકારની સાધના ઉત્સવમાં જૈન-જૈનેતરની ઉપસ્થિતિ
જૈન સંઘ-શેઠ પરિવાર દ્વારા પાંચ દિવસના ધાર્મિક અનુષ્ઠાન
શ્રી ગાંધીગ્રામ શ્ર્વેતાંબર મૂર્તિપૂજક જૈન સંઘ, રાજકોટ ખાતે છેલ્લા 25થી વધુ વર્ષોથી ધાર્મિક આરાધનાઓ ખુબ જ ભક્તિ ભાવથી થઇ રહી છે. ત્યારે છેલ્લા 8 વર્ષ પહેલા શ્રી સંઘના ઉપકારી ગુરુદેવ પન્યાસ પ્રવર વજ્સેનવિજયજી ગણીવર્યની કૃપા તેમજ આચાર્ય ભગવંત મનમોહન સુરીશ્ર્વરજી મહારાજાના, આચાર્ય ભગવંત હેમપ્રભ સુરીશ્ર્વરજી મહારાજા આદી શ્રમણ શ્રમણી ગુરુ ભગવંતોના આશીર્વાદ અને માર્ગદર્શન હેઠળ શ્રી સત્યપુન પરિવારના ઉત્કૃષ્ઠ બાવો અને દ્રવ્યોથી સંઘમાં શિખરબંધ જીનાલયનું નિર્માણ થયું તેમજ સત્યપુન ધામ ભવ્ય ઉપાશ્રયનું નિર્માણ થયેલ છે.
જૈન શાશનને જયવંતુ કરતો અત્યંત મહત્વનો તેમજ તમામ ભૌતીક સુખનો ત્યાગ કરીને સંયમ સુખ મેળવવા રજોહરણ પ્રાપ્ત કરવાનો આ સુનહરો અવસર શ્રી સત્યપુનધામ શ્રી ગાંધીગ્રામ જૈન સંઘ રાજકોટ ખાતે આવી રહ્યો છે આ ‘સંયમ સ્વીકાર ની સાધના ઉત્સવ’માં ભક્તિના રંગે રંગાવા માટે રાજકોટ ખાતે તા. 8 ડીસેમ્બરથી 11 ડીસેમ્બર ના રોજ ભવ્યાતિભવ્ય ધાર્મિક કાર્યક્રમોની વણજાર આયોજવામાં આવી છે.
તા. 8 ડીસેમ્બર માગસર સુદ 7ને રવિવારના રોજ બપોરે 2 કલાકે મુમુક્ષુના સંયમવેશને કેસરના છાટણા ત્યાર બાદ બપોરે 3 કલાકે ગુરુભગવંતોનો શ્રી ગાંધીગ્રામ શ્વેતામ્બર મૂર્તિપૂજક જૈન સંઘમાં દીક્ષા પ્રશંગ નિમિતે શુભ આગમન થશે ત્યારબાદ ગુરુ ભગવંતોનું પ્રવચન, ત્યારબાદ ગાંધીગ્રામ શ્રી શામળા પાર્શ્વનાથ ભગવાન જીનાલય સત્યપુન ધામ ખાતે ભક્તિ ભાવના અને સમૂહ આરતીનું આયોજન કરેલ છે.
તા. 9 ડીસેમ્બર માગસર સુદ 8/9 ને સોમવારના રોજ સવારે સંયમ ના ભાવ જાગે તેવી સુરાવલી સાથે 108 પાર્શ્વનાથ પૂજન, બપોરે પ્રવચન તેમજ છાબ ભરવાની વિધિ અને રાત્રીના 8 કલાકે મુમુક્ષુ તીર્થ ભાઈના સંયમ રંગરાસનું આયોજન કરેલ છે જેમાં દિનેશભાઈ શાહની સંગીત સુરાવલી અને પૂજનમાં વિધિકાર જીતુભાઈ વિછીયાવાળાનો સહયોગ સાપડેલ છે.
તા. 10 ડીસેમ્બર માગસર સુદ 10ને મંગળવારના રોજ સવારે 9 કલાકથી મુમુક્ષુ તીર્થ કુમારનો રાજકોટના રાજમાર્ગ પર શાશન પ્રભાવના વધારતો વર્ષીદાનનો વરઘોડો જેમાં ધર્મ ધ્વજ, અલગ અલગ રાસ મંડળી ભગવાનનો રથ, પૂજ્ય સાધુ ભગવતો, મુમુક્ષુ તીર્થ કુમાર અને પરિવારના શણગારેલા રથ, અનુકંપા રથ તેમજ બેઠું વર્ષીદાન રાખેલ છે. બપોરે 2.30 કલાકે શ્રી શામળા પાર્શ્વનાથ ભગવાનને શ્રી શકસ્તવ અભિષેકનું અનુષ્ઠાન રાખેલ છે ત્યાર બાદ સાંજે 4 કલાકે મુમુક્ષુ તીર્થ કુમારને ઘર આંગણે અંતિમ વાયણું રાખેલ છે. રાત્રે 8 કલાકે સંસારના ત્યાગની અનુમોદના કરતો ભવ્ય વિદાય ઉત્સવ માં ભાવભીના બનાવવા મુંબઈના સંજયભાઈ ભાઉ અને પાટણવાળા અંકુરભાઇ શાહના સથવારે આત્મ સ્પર્શ નો હર્ષોત્સવ આયોજવામાં આવેલ છે.
બહુમુલ્ય દિવસ માગસર સુદ-11ને (મૌન અગિયારશ) બુધવાર તા.11 ડિસેમ્બરના આત્મસ્પર્શના શ્રેષ્ઠ દિવસે શ્રી ભદ્રંકર ક્રિયા મંડપમાં રાજકોટમાં પધારેલ તમામ ગુરુ ભગવંતોની નીશ્રા તેમજ રાજકોટના તમામ સંઘ શ્રેષ્ઠીઓની હાજરીમાં બાળ મુમુક્ષુ તીર્થી કુમારનો વહેલી સવારે 4 કલાકે પ્રવેશ થશે ત્યાર બાદ 4:35થી પ્રવજ્યા ક્રિયાનો પ્રારંભ થશે શુભ મુહર્ત રજોહરણ પ્રાપ્ત થશે, શુભ મુહતે કેશ લોચન પ્રક્રિયા કરવામાં આવશે. ત્યાર બાદ શ્રી મુદુલાબેન નરેન્દ્રભાઇ શેઠ પરિવારનો પુત્ર રત્ન દાતા પુત્ર સુ-શ્રાવક કમલેશભાઇ અને રત્નકુક્ષી માતા સુ-શ્રાવિકા સોનલબેનનો પુત્ર અને મોટાભાઇ દર્શનનો ભાઇ બાળ મુમુક્ષુ તીર્થનું નવું નામ ગુરુજી દ્વારા જણાવવામાં આવશે.
આ સમગ્ર દીક્ષા મહોત્સવના રત્ન સ્થંભ સતીષભાઇ તથા પૂનમંબેન માલદે (સત્યપુન પરિવાર) દર્શનભાઇ તથા રીટાબેન નંદાણી (મોન્જીનીશ પરિવાર), ડી.કે.સખીયા પરિવાર, જીતુભાઇ તથા દિપ્તીબેન કોઠારી પરિવાર, નૈમીષભાઇ તથા ખુશ્બુબેન મહેતા (બિલ્ડર ટાઇટેનીયમ વન,) પરેશભાઇ ઠાકર, રાજકોટ વિહાર ગ્રુપ વિગેરેઓનો ઉત્કૃષ્ટ સહયોગ સાંપડેલ છે.
આ દિક્ષા મહોત્સવ પૂર્ણ થયે નુતન દિક્ષિત પોતાની સંયમ યાત્રા અને ગુરુભગવંતોનો વિહાર સાંજે તે જ દિવસે 4:30 ક્લાકે રાજકોટ શહેરમાંથી શરુ થશે રાજકોટના દરેક સંઘના શ્રાવક-શ્રાવિકાઓએ ખાસ બાળકોને પધારવા નિમંત્રણ સંઘના ટ્રસ્ટીઓની તેમજ દિક્ષાર્થી પરિવાર તરફથી આમંત્રણ આપવામાં આવેલ છે.
શહેરના માધાપર ચોકડી પાસે રહેતા પરપ્રાંતિય પરિવારના દોઢ વર્ષના માસુમ બાળક રમતા-રમતા પાણીની ડોલમાં પડી જતાંતેનું મોત નિપજ્યું હતું. એકના એક પુત્રના મોતથી પરિવારમાં શોકની લાગણી છવાઈ જવા પામી છે.
જાણવા મળતી વિગત મુજબ મુળ મધ્યપ્રદેશનો વતની અને હાલ જામનગર રોડ પર માધાપર ચોકડી પાસે રઘુવીર ઈન્ડસ્ટ્રીયલ એરિયામાં ઝુપડપટ્ટીમાં રહેતા શ્રમિક પરિવારનો દોઢ વર્ષનો પુત્ર અક્ષિત શૈલેષભાઈ શિંગડિયા આજે સવારે રમતો હતો ત્યારે રમતા-રમતા પાણીની ડોલમાં પડી જતાં ડૂબી ગયો હતો. પરિવારજનોને જાણ થતાં બાળકને બેભાન હાલતમાં સારવાર માટે સિવિલ હોસ્પિટલમાં ખસેડાયો હતો. પરંતુ સારવાર મળે તે પહેલા જ તેનું મોત નિપજ્યું હતું. એકના એક પુત્રના મોતથી પરિવારજનોમાં શોકની લાગણી છવાઈ જવા પામી છે. આ અંગે ગાંધીગ્રામ પોલીસે જરૂરી કાર્યવાહી કરી વધુ તપાસ હાથ ધરી છે.
સ્ટેન્ડિંગની સંકલન બેઠકમાં નવા કમિશનરે હાજરી આપી કોર્પોરેટરો સાથે પરિચય કેળવી સંકલનથી કામ કરવા અંગે ચર્ચા કરી
મહાનગરપાલિકાની સ્ટેન્ડીંગ કમિટીની બેઠક આજરોજ મળેલ શાસકપક્ષના કોર્પોરેટરો દ્વારા આવેલ દરખાસ્તોની ચર્ચાને સંકલનની કામગીરી શરૂ થયે તે દરમિયાન નવા મ્યુનિસિપલ કમિશનર તુષાર સુમેરાએ સંકલન વેળાએ હાજરી આપતા તેમને તમામ સભ્યોએ આવકારી વેલકમ સાથે અનેક મુદ્દે ચર્ચા કરી હતી. તેમજ કોર્પોરેટરો સાથે કમિશનરે પરિચય કેળવી સંકલનથી કામ કરવા સહિતના મુદ્દે ચર્ચા કરી હોવાનું અને અમુક પ્રજાલક્ષી નિર્ણયો લીધા હોવાનું સુત્રોમાંથી જાણવા મળેલ છે.
મનપાની સ્ટેન્ડીંગ કમિટીનીબેઠકમાં આજે શાસકપક્ષના સભ્યો દ્વારા સંકલનની કાર્યવાહી હાથ ધરવામાં આવેલ કમિશનર વિભાગમાંથી રજૂ થયેલ દરખાસ્તોની ચર્ચા દરમિયાન નવા કમિશનર તુષાર સુમેરાને પણ વેલકમ કરવામાં આવેલ અને સાથે બેસી સંકલન કરવામાં આવ્યું હતું. સંકલન દરમિયાન મ્યુનિસિપલ કમિશનરે જણાવેલ કે, શહેરનો દરેક નાગરિક પોતાની ફરિયાદ કમિશનર સુધી અને શાસક પક્ષ સુધી પહોંચાડી શકે તે માટે હવે મનપામાં અરજદારો માટે ડેશબોર્ડ મુકવામાં આવશે. જેના દ્વારા દરેક નાગરિક પોતાની ફરિયાદ સરળતાથી કરી શકશે. કમિશનરે વધુમાં જણાવેલ કે, આ પ્રકારની વ્યવસ્થા ભરૂચ મહાપાલિકામાં કાર્યરત છે.
જેને સારો પ્રતિસાદ સાપડ્યો છે અને લોકોના કામ પણ સરળતાથી થઈ રહ્યા હોવાથી આ નિમય રાજકોટ મહાનગરપાલિકામાં લાગુ કરવામાં આવશે તેમજ દરરોજ મુલાકાતીઓ માટે પણ સમયની ફાળવણી કરવામાં આવશે. આજની સંકલન સમિતિની બેઠકમાં કમિશનર દ્વારા અનેક નવા નિયમો અમલમાં મુકવા માટે શાસકપક્ષના સભ્યો સાથે ચર્ચા કરી હોવાનું જાણવા મળેલ છે.
ભાજપ સંકલનમાં કમિશનરનું વેલકમ કર્યા બાદ તમામ કોર્પોરેટરો સાથે પરિચય કરાવવામાં આવ્યો હતો. પ્રજાલક્ષી કામગીરી ઉપરાંત લોકોએ ચુંટીને મોકલેલા પ્રજાના પ્રતિનિધિઓ એટલે કે કોર્પોરેટરો પણ પોતાના પ્રશ્ર્નો તેમજ વિકાસના કામો સહિતની ચર્ચા કમિશનર સાથે કરી શકે અથવા તેની વિગતો કમિશનરને સરળતાથી આપી શખે અને પ્રોજેક્ટો અંગેની માહિતી પણ મેળવી શકે તેવી વ્યવસ્થા માટે મ્યુનિસિપલક મિશનરે જણાવેલ કે, કોર્પોરેટરો તમામ કામનું ફોલોઅપ જાણી શકે તે માટે તેમજ દરેક કોર્પોરેટર સાથે કનેક્ટ રહી શકાય તેવી વ્યવસ્થા ઉભી કરવામાં આવશે. તેવી જ રીતે મોબાઈલ એપ લીંકથી સોફ્ટવેર મારફત ભાજપના કોર્પોરેટર સાથે સંકલમાં રહી તમામ પ્રકારની સારામા સારી કામગીરી કરવામાં આવશે.
રાજકોટ મહાનગરપાલિકાના નવા કમિશનર તરીકે તુષાર સુમેરાએ સોમવારના રોજ ચાર્જ સંભાળી પ્રથમ બે દિવસ અધિકારીઓ સાથે પરિચય અને કામ અંગેની માહિતી મેળવી રિવ્યુ મીટીંગો યોજી હતી તેમજ હાલના ચાલુ પ્રોજેક્ટો અને આગામી દિવસોમાં શરૂ થનાર નવા પ્રોજેક્ટો સહિતના કામોની વિગત અધિકારીઓ પાસેથી મેળવી હોવાનું જાણવા મળેલ છે. આજે કમિશનરને ચાર્જ સંભાળ્યાને બે દિવસ થયા છે. ત્યારે જ તેઓએ આજે સ્ટેન્ડીંગ કમિટીની બેઠકમાં પણ હાજરી આપી કોર્પોરેટરો અને ચેરમેન સાથે પરિચય કેળવી સાથે મળીને પ્રજાલક્ષી કામો કરવા માટેની તૈયારી દર્શાવી હતી.
સ્ટેન્ડિંગ કમિટીમાં 7.97 લાખના ખર્ચને બહાલી
મનપાના સ્ટેન્ડીંગ કમિટીની બેઠક આજરોજ મળેલ પરંતુ કમિટિની બેઠકમાં આજે રજૂ થયેલ 9 દરખાસ્તો પૈકી સાત દરખાસ્ત કર્મચારીઓને બિમારી સબબ સારવાર ખર્ચ પેટે આર્થિક તબીબી સહાયની રજૂ કરવામાં આવેલ જે તમામ સર્વાનુમતે મંજુર કરાઈ હતી. અને રૂા. 7,81,144 નો ખર્ચ મંજુર કરી અને મેયર એવોર્ડ કાર્યક્રમ દરમિયાન કરવામાં આવેલ વદારાનો રૂા. 16,200નો ખર્ચની મંજુરી સાથે કુલ રૂા. 7,97,344 મંજુર કરવામાં આવ્યા હતાં.
રાજકોટ-મેટોડા-કાલાવડ-જામનગર સહિતના સ્થળોએ ફાયર ફાઈટરો બોલાવાયા, ઓઈલ ટેન્કો બચાવવા પ્રયાસ
રાજકોટ શહેરની ભાગોળે કાલાવડ રોડ ઉપર મેટોડા જીઆઈડીસીમાં આવેલ ગોપાલ નમકીનના પ્લાન્ટમાં આજે બપોેરે અચાનક આગ ફાટી નિકળતા ભારે દોડધામ મચી જવા પામી છે અને આગને કાબુમાં લેવા માટે મેેટોડા ઉપરાંત રાજકોટ, કાલાવડ, જામનગર સહિતના સ્થળોએથી ફાયર બ્રિગેડનો કાફલો બોલાવી મેજરકોલ જાહેર કરવામાં આવ્યો છે. ફેકટરીમાં શોર્ટ સર્કિટના કારણે આ આગ લાગી હોવાનું પ્રાથમિક દ્રષ્ટીએ બહાર આવ્યું છે. પરંતુ મેટોડા જીઆઈડીસીના પ્રમુખ નરેન્દ્રસિંહ જાડેજાનો સંપર્ક સાધતા તેમણે જણાવ્યું હતું કે, ગોપાલ નમકીનમાં ભયાનક આગ ફાટી નિકળી છે અને આ આગ ઓઈલ ટેન્કો સુધી પહોંચે નહીં તે માટે પ્રયાસો કરવામાં આવી રહ્યા છે. અલગ અલગ શહેરોમાંથી ફાયર બ્રિગેડની મદદ મેળવવામાં આવી રહી છે. આ આગ લાગવા પાછળનું કારણ હજુ જાહેર થયું નથી ઉચ્ચ અધિકારીઓ અને પોલીસ કાફલો ઘટના સ્થળે દોડી ગયેલ છે. આગના ધુમાડાના ગોટા દૂર દૂર સુધી નજરે પડીરહ્યા છે. મેટોડામાં ગોપાલ નમકીનની આસપાસનો વિસ્તાર ખાલી કરાવવામાં આવ્યો છે. સમગ્ર વિસ્તાર પોલીસ દ્વારા કોર્ડન કરી માત્ર ફાયર બ્રિગેડને જ પ્રવેશ આપવામાં આવ્યો છે. આગના ધુમાડાના ગોટા એક કિલો મીટર વિસ્તારમાં પ્રસરી જતાં ચોતરફ ધુમાડો દેખાઈ રહ્યો છે અને ભયાનક દ્રશ્યો જોવા મળી રહ્યા છે.
અફઘાનિસ્તાનના કાબુલમાં બ્લાસ્ટ, તાલિબાન સરકારના મંત્રી હક્કાની સહિત 12ના મોત
42 દિવસના બદલે 3 વર્ષે મુકામે પહોંચી ટ્રેન
ધરપકડ પહેલાં દક્ષિણ કોરિયાના સંરક્ષણ મંત્રીનો આપઘાતનો પ્રયાસ
દિલ્હીમાં એકલા હાથે ચૂંટણી લડવા કેજરીવાલનો પુનરોચ્ચાર
મુંબઇ બેસ્ટ બસ અકસ્માતમાં કાવતરાંની, વાહનનો ઉપયોગ શસ્ત્ર તરીકે કરાયાની શંકા
ઓનલાઇન કોમર્સ પ્લેટફોર્મ Myntraને પણ નકલી ઓર્ડર દ્વારા 50 કરોડનો ચૂનો લાગ્યો
બાંગ્લાદેશે હિંદુઓ પર 88 હુમલા થયાનું સ્વીકાર્યું
દોઢ વર્ષના માસૂમ બાળકનું રમતાં રમતાં પાણીની ડોલમાં પડી જતાં મોત
મનપામાં અરજદારો માટે મુકાશે ડેશ બોર્ડ: લોકો ફરિયાદ કરી શકશે
મેટોડામાં ગોપાલ નમકીનના પ્લાન્ટમાં વિકરાળ આગ
બસપોર્ટમાં ચાલતી લાલિયાવાડી અને અધિકારીઓના વર્તનની મુખ્યમંત્રીને ફરિયાદ
દોઢ વર્ષના માસૂમ બાળકનું રમતાં રમતાં પાણીની ડોલમાં પડી જતાં મોત
મનપામાં અરજદારો માટે મુકાશે ડેશ બોર્ડ: લોકો ફરિયાદ કરી શકશે
અશાંતધારાના ભંગની રજૂઆત બાદ સિટી પ્રાંત દ્વારા નિવેદન નોંધવાનું શરૂ
હૃદયરોગનો હુમલો વધુ ત્રણ માનવ જિંદગી ભરખી ગયો
શુક્ર-શનિ જેમીનીડ્સ ઉલ્કાવર્ષાનો નજારો
અમુક વિસ્તારોનો જંત્રી દર ખૂબ જ વધારે, રાજ્ય સરકારમાં રિપોર્ટ રજૂ
મેટોડામાં ગોપાલ નમકીનના પ્લાન્ટમાં વિકરાળ આગ
પ્રતિબંધિત પ્લાસ્ટિક અને ગંદકી કરતા વધુ 78 વેપારીઓ દંડાયા
ઠંડીનું જોર વધતા શાળાનો સમય 9 વાગ્યાનો કરવા માંગ
-
ગુજરાત1 day agoબસપોર્ટમાં ચાલતી લાલિયાવાડી અને અધિકારીઓના વર્તનની મુખ્યમંત્રીને ફરિયાદ
-
ગુજરાત1 day agoદોઢ વર્ષના માસૂમ બાળકનું રમતાં રમતાં પાણીની ડોલમાં પડી જતાં મોત
-
ગુજરાત1 day agoમનપામાં અરજદારો માટે મુકાશે ડેશ બોર્ડ: લોકો ફરિયાદ કરી શકશે
-
ગુજરાત1 day ago
અશાંતધારાના ભંગની રજૂઆત બાદ સિટી પ્રાંત દ્વારા નિવેદન નોંધવાનું શરૂ
-
ગુજરાત1 day agoહૃદયરોગનો હુમલો વધુ ત્રણ માનવ જિંદગી ભરખી ગયો
-
ગુજરાત1 day agoશુક્ર-શનિ જેમીનીડ્સ ઉલ્કાવર્ષાનો નજારો
-
ગુજરાત1 day agoઅમુક વિસ્તારોનો જંત્રી દર ખૂબ જ વધારે, રાજ્ય સરકારમાં રિપોર્ટ રજૂ
-
ગુજરાત1 day agoમેટોડામાં ગોપાલ નમકીનના પ્લાન્ટમાં વિકરાળ આગ