Connect with us

ગુજરાત

ત્રાપજ પાસે ટ્રેકટર-એસટી બસ ટકરાતાં યુવાનનું મોત

Published

on


તળાજા તાલુકાના ત્રાપજ ગામ પાસે એસ.ટી. બસના ચાલકે ટ્રેક્ટર સાથે અકસ્માત સર્જતા મોરચંદ ગામના એક યુવાનનું કરૂૂણ મોત નીપજ્યું હતું. જ્યારે અન્ય એક યુવકને ગંભીર ઈજા થતાં સારવાર માટે હોસ્પિટલ લઈ જવામાં આવ્યો હતો.


મળતી વિગત અનુસાર, ઘોઘા તાલુકાના મોરચંદ ગામે રહેતા પૃથ્વીરાજસિંહ ભોજુભા ગોહિલ અને તે જ ગામના ઘુસાભાઈ સવજીભાઈ બારૈયા આજે બુધવારે સવારના સમયે ટ્રેક્ટર લઈને મોરચંદથી તળાજા આવી રહ્યા હતા. ત્યારે ત્રાપજ ગામે જીઈબી ઓફિસની સામે પહોંચતા એસ.ટી. બસ નં.જીજે.18.ઝેડ. 2631ના ચાલકે ટ્રેક્ટરની પાછળના ભાગે રહેલ કટર સાથે બસ ભટકાડતા ટ્રેક્ટર પલટી મારી જતાં પૃથ્વીરાજસિંહ ભોજુભા ગોહિલનું સ્થળ પર જ મોત થયું હતું.


તેમજ ઘુસાભાઈ બારૈયાને ગંભીર ઈજા થતાં વધુ સારવાર માટે ભાવનગર રિફર કરવામાં આવ્યા હતા.બનાવ અનુસંધાને મૃતકના કુટુંબી ભાઈ ભરતસિંહ દાનુભા ગોહિલ (ઉ.વ.35)એ એસ.ટી. બસના ચાલક સામે અલંગ પોલીસમાં ફરિયાદ નોંધાવી છે.જેના આધારે પોલીસે આઈપીસી 304એ, 279, 337, 338, એમ. વી. એક્ટની કલમ 177, 184 મુજબ ગુનો દાખલ કરી વધુ તપાસ હાથ ધરી છે.

ગુજરાત

પડધરીમાં રિક્ષાચાલક યુવાનનો ઝેરી દવા પી આપઘાતનો પ્રયાસ

Published

on

By

પડધરીમાં રીક્ષા ચાલક યુવાન ભાડુ કરવા ગયો ત્યારે કોઈએ ફોનમાં ધમકી આપતાં લાગી આવવાથી તેણે ઝેરી દવા પી આપઘાતનો પ્રયાસ કરતાં સારવાર માટે સિવિલ હોસ્પિલટમાં ખસેડવામાં આવ્યો છે આ અંગે પોલીસે યુવાનનું નિવેદન નોંધવા તજવીજ હાથ ધરી છે.


જાણવા મળતી વિગત મુજબ પડધરીમાં ગીતાનગર વિસ્તારમાં રહેતો અને રીક્ષા ચલાવી ગુજરાન ચલાવતો મયુર સોમાભાઈ રાઠોડ (ઉ.21) નામના યુવાને આજે સવારે પોતાના ઘરે ઝેરી દવા પી જતાં તેને સારવાર માટે પ્રથમ પડધરી બાદ વધુ સારવાર માટે રાજકોટ સિવિલ હોસ્પિટલમાં ખસેડવામાં આવ્યો છે. પ્રાથમિક તપાસમાં મૃતક બે ભાઈ એક બહેનમાં નાનો અને બે મહિના પહેલા જ તેના લગ્ન થયા હતાં તે રિક્ષા ચલાવતો હોય આજે સવારે રીક્ષા લઈ એસ.ટી.બસ સ્ટેશન પાસે ભાડુ કરવા ગયો હતો ત્યારે કોઈએ ફોનમાં ધમકી આપતાં લાગી આવવાથી ઘરે આવી આ પગલું ભરી લીધાનું જાણવા મળ્યું છે. આ અંગે પડધરી પોલીસે વધુ તપાસ હાથ ધરી છે.

Continue Reading

ગુજરાત

ગોલ્ડન ટેમ્પલમાં શીર્ષાસન કરનાર વડોદરાની ફેશન ડિઝાઇનર સામે ફરિયાદ

Published

on

By

માફી માગવા છતાંય ઘમકી મળતા પોલીસ રક્ષણ અપાયું


સમગ્ર દેશમાં 21 જૂનના રોજ આંતરાષ્ટ્રીય યોગ દિવસની ઉજવણી કરવામાં આવી રહીં હતી. તેવામાં વડોદરાની ફેશન ડીઝાઇનરે ગોલ્ડન ટેમ્પલ ખાતે યોગને પ્રોત્સાહન આપવાના હેતુંથી ગોલ્ડન ટેમ્પલ ખાતે યોગા કર્યા હતા. જેમાં શિર્ષાસન કરતી એક તસ્વીર તેને પોતાના સોશીયલ મીડિયા હેન્ડલ પર શેર કરતા ભારે વિવાદ સર્જાયો અને તેની સામે અમૃતસરમાં શિરોમણી ગુરૂૂદ્વારા પ્રબંધક કમિટીએ પોલીસ ફરીયાદ નોંધાવી છે.વડોદરા શહેરની ફેશન ડીઝાઇનર અર્ચના મકવાણા ગત તા. 19ના રોજ દિલ્હી ખાતે આયોજીત એક કાર્યક્રમમાં ભાગ લેવા માટે પહોંચી હતી. ત્યારબાદ તે અમૃતસર સ્થિત ગોલ્ડન ટેમ્પલ ખાતે દર્શન કરવા માટે પહોંચી હતી. જ્યાં તેને યોગને પ્રોત્સાહન આપવા માટે યોગ કર્યા હતા. આ દરમિયાન તેને શિર્ષાસન કરતી એક તસ્વીર તેના સોશીયલ મીડિયા એકાઉન્ટ પર પોસ્ટ કરી હતી. જેને લઇને ભારે વિવાદ સર્જાયો અને અમૃતસર શિરોમણી ગુરૂૂદ્વારા પ્રબંધક કમિટીએ આ પોસ્ટને લઇ ગંભીર ટીકા કરી તેની સામે પોલીસ ફરીયાદ નોંધાવી છે.
આ ઘટના બાદ અર્ચના દ્વારા તેને કરેલા યોગ અંગે કમિટીની માફી માગતો એક વીડિયો પોતાના સોશ્યલ મીડિયા એકાઉન્ટ પર પોસ્ટ કર્યો છે અને તે બે હાથ જોડીને કહે છે કે, યોગને પ્રોત્સાહન આપવા માટે મેં આ કર્યું હતુ, કોઇ પણ ધર્મની કે વ્યક્તિની લાગણી દુભાઇ તેવો મારો કોઇ આશ્ય ન્હોતો અને જો તેમ છતાં કોઇની લાગણી દુભાઇ હોય તો હું માફી માંગુ છું. આ સાથે તેને પોસ્ટ કરેલી તસ્વીર પર હટાવી દીધી હતી. જોકે અર્ચનાની આ પોસ્ટ અને વિવાદ બાદ તેને ફોન પર ધમકી મળી રહીં હોવાનુ તેનું કહેવું છે. તે વિડિયોમાં જણાવે છે કે, મેં માફી માગી લીધી છતાં મને ફોન પર ધમકી મળી રહીં, મને જાનથી મારી નાખવાની ધમકી આપવામાં આવી રહીં છે. આ બાબતની જાણ વડોદરા શહેર પોલીસને થતાં તેને પોલીસ રક્ષણ આપવમાં આવ્યું હોવાનુ પણ તે વીડિયોમાં જણાવી રહીં છે.

Continue Reading

ગુજરાત

હાર્ટફેઇલ: વધુ ત્રણ જિંદગી ધબકારા ચૂકી ગઇ

Published

on

By

રાજકોટમાં યુવક અને વૃદ્ધ તેમજ ટંકારાના વાછકપરમાં પરિણીતાનું હૃદયરોગના હુમલાથી મોત


રાજકોટ સહિત રાજ્યભરમાં હાર્ટએટેકના કેસોમાં સતત વધારો થઈ રહ્યો છે ત્યારે રાજકોટમાં યુવાન અને વૃદ્ધ તેમજ ટંકારાના વાછકપરમાં પરિણીતાનું શ્વાસ થંભી જતાં મોત નિપજ્યું હતું. યુવક, વૃદ્ધ અને પરિણીતાના મોતથી બંને પરિવારમાં શોકની લાગણી પ્રસરી છે.
આ બનાવ અંગે પોલીસમાંથી જાણવા મળતી વિગત મુજબ મૂળ સોમનાથ વેરાવળના વતની અને હાલ રાજકોટમાં થરાદ નગરમાં રહેતા વિજય મોહનભાઈ પરમાર નામનું 38 વર્ષનો યુવાન પોતાના ઘરે હતો ત્યારે વહેલી સવારના છએક વાગ્યાના અરસામાં અચાનક બેભાન હાલતમાં ઢળી પડ્યો હતો. યુવકને તાત્કાલિક સારવાર માટે રાજકોટ સિવિલ હોસ્પિટલમાં દાખલ કરવામાં આવ્યો હતો. જયા યુવકનું હૃદયરોગના હુમલાથી મોત નીપજ્યું હોવાનું તબીબોએ જાહેર કરતા પરિવારમાં અરેરાટી સાથે કરૂૂણ કલ્પાંત સર્જાયો હતો. પ્રાથમિક પૂછપરછમાં મૃતક વિજયભાઈ પરમારને સંતાનમાં એક પુત્ર અને બે પુત્રી છે અને વિજયભાઈ પરમાર કારખાનામાં કામ કરી પરિવારનું ગુજરાન ચલાવતા હોવાનું જાણવા મળ્યું છે
બીજા બનાવમાં રેલનગર વિસ્તારમાં આવેલી મહર્ષિ અરવિંદ ટાઉનશિપમાં રહેતા અને જવાહર રોડ ઉપર રાણી સીંગતેલના ડેપોમાં નોકરી કરતા હરેશભાઈ જગજીવનદાસ સેજપાલ નામના 65 વર્ષના વૃદ્ધ આજે રાણી સીંગતેલના ડેપોમાં નોકરી ઉપર હતા ત્યારે સવારના સાડા નવેક વાગ્યાના અરસામાં હૃદયરોગનો હુમલો આવતા બેભાન હાલતમાં ઢળી પડ્યા હતા. વૃદ્ધને તાત્કાલિક સારવાર માટે સિવિલ હોસ્પિટલમાં ખસેડવામાં આવ્યા હતા જ્યાં તેમની સારવાર કારગત નીવડે તે પૂર્વે જ મોત નિપજતા પરિવારમાં શોકની લાગણી પ્રસરી હતી. પ્રાથમિક પૂછપરછમાં મૃતક હરેશભાઈ સેજપાલ બે ભાઈ પાંચ બહેનમાં મોટા હતા અને તેમને સંતાનમાં બે પુત્ર અને એક પુત્રી હોવાનું જાણવા મળ્યું છે.
આ ઉપરાંત અન્ય ત્રીજી ઘટનામાં ટંકારા તાલુકાના વાછકપર ગામે રહેતી કંચનબેન અશોકભાઈ અગ્રાવત નામની 46 વર્ષની પરિણીતા પોતાના ઘરે હતી ત્યારે વહેલી સવારે સાડા પાંચેક વાગ્યાના અરસામાં હદયરોગનો હુમલો આવતા બેભાન થઈ જતાં તેમને સારવાર માટે રાજકોટ સિવિલ હોસ્પિટલમાં ખસેડવામાં આવી હતી. જ્યાં ફરજ પરના તબીબે જોઈ તપાસી મૃત જાહેર કરતા પરિવાર શોકમાં ગરકાવ થઈ ગયો હતો. પ્રાથમિક તપાસમાં મૃતક કંચનબેનને સંતાનમાં બે પુત્ર હોવાનું જાણવા મળ્યું છે. ઉપરોક્ત બંને બનાવ અંગે પોલીસે નોંધ કરી વધુ તપાસ હાથ ધરી છે.

Continue Reading

Trending