ક્રાઇમ
ભાવનગરમાં ચોકીદારને બંધક બનાવી લૂંટનો પ્રયાસ કરનાર ગેંગ પકડાઇ
![](https://gujaratmirror.in/wp-content/uploads/2024/06/113-1.jpg)
બે શખ્સોને પકડી સઘન પૂછપરછ કરતા બીજા છ ના નામ ખૂલતાં આખી ટોળકીને એલસીબીએ દબોચી લીધી
ટોળકીના શખ્સો રીઢા ગુનેગાર, નવ મોબાઇલ કાર સહિત રૂા.6.20 લાખનો મુદ્દામાલ જપ્ત
ભાવનગરના કુંભારવાડા વિસ્તારમાં થોડા દિવસ પહેલા થયેલ લૂંટના બનાવ માં સંડોવાયેલા આઠ આરોપીઓને પોલીસે ઝડપી લીધા છે.આ બનાવ ની વિગત એવી છે કે ગઇ તા.20/6/2024ના રોજ રાત્રીના ઝઈં ટ્રેડર્સ પ્લોટ નં.ઋ-8,ઋ-9 માઢીયા રોડ, વિકટર રોલીંગ મીલ પાસે,ભાવનગરના ચોકીદારોના હાથ-પગ બાંધી દઇને ચોકીદારના ગળા ઉપર છરી રાખી ડેલાની ચાવી તથા ચોકીદારોના મોબાઇલ ફોન લુંટી લઇને ટ્રક રજી.નંબર-ઇંછ-74-ઇ 8129 ડેલામાં લાવી ડેલામાં પડેલ કોપર વજન આશરે 1 ટન જેટલો ભરેલ. આ દરમિયાન ડેલા બહાર મજુર આવતાં લુંટ કરવા માટે આવેલ માણસો જેમનો તેમ ટ્રક મુકીને ભાગી ગયેલ. ત્યાર બાદ બંધક બનાવેલ ચોકીદારોને છોડાવવામાં આવેલ. જે અંગે બોરતળાવ પોલીસ સ્ટેશનમાં લુંટ ના પ્રયાસ અંગેનો ગુન્હો દાખલ કરવામાં આવેલ.
આ ગુન્હાની તપાસ દરમિયાન એલ.સી.બી.સ્ટાફ દ્વારા હ્યુમન સોર્સ તથા ટેકનીકલ સોર્સનો ઉપયોગ કરી તેમજ અગાઉ આ પ્રકારના ગુન્હાઓમાં પકડાયેલ ઇસમોની પુછપરછ કરવામાં આવેલ. આ ગુન્હાના કામે લુંટમાં ઉપયોગમાં આવેલ ટ્રક ડ્રાયવર મળી આવેલ.જે ટ્રક ડ્રાયવરની પુછપરછ દરમિયાન આ ગુન્હાના કામે લુંટ કરવાવાળા માણસોએ ટ્રક ડ્રાયવર સલીમ સમી ખાન રહે.ટીગાંવ, મેવાત, હરિયાણાવાળાને જયપુરનું ભાડું કરવાનું કહી કુંભારવાડા બોલાવી તેનું અપહરણ કરી એક મકાને ગોંધી રાખી ડ્રાયવરનો મોબાઇલ, રૂૂ.3,000/- તથા ટ્રકની લુંટ કરી ઉપરોકત ડેલામાં લુંટ કરેલ ટ્રક લઇને ગયેલ હોવાની હકિકત જણાય આવી હતી.
આ તપાસ દરમિયાન એલ.સી.બી. પોલીસને આ લુંટમાં સંડોવાયેલ બે ઇસમો અંગે માહિતી મળી આવતાં ગઇકાલે આરીફ ધોળીયા તથા યુસુફ ધોળીયા રહે.ભાવનગરવાળાની પુછપરછ કરતાં તેઓ તથા તેઓના મિત્રોએ મળી આ લુંટને અંજામ આપેલ હોવાની કબુલાત કરેલ.જેથી એલ.સી.બી. સ્ટાફ દ્વારા આ લુંટમાં સંડોવાયેલ અન્ય ઇસમોની ભાળ મેળવી તેઓની આ ગુન્હાના કામે ધોરણસર અટકાયત કરવામાં આવેલ.
આ બનાવમાં પોલીસે કુલ આઠ આરોપીઓને ઝડપી લીધા છે જેમાં આશીફ યુસુફભાઇ ધોળીયા ઉ.વ.33 રહે.વકીલના ડેલા સામે, લીમડીવાળી સડક, રાણીકા, ભાવનગર,આરીફ યુસુફભાઇ ધોળીયા ઉ.વ.32 રહે.ઇબ્રાહીમ મસ્જીદ બાજુમાં, શિશુવિહાર સર્કલ પાસે, ભાવનગર,હનીફ યુસુફભાઇ ધોળીયા ઉ.વ.36 રહે.વકીલના ડેલા સામે, લીમડીવાળી સડક, રાણીકા, ભાવનગર,યુનુસભાઇ રહીમભાઇ ગલઢેરા ઉ.વ.37 રહે.વિરસિંગની ડેલી, વકીલના ડેલા સામે, લીમડીવાળી સડક, રાણીકા,ભાવનગર, યાસીન હારૂૂનભાઇ લાખાણી ઉ.વ.30 રહે. કે.જી.એન મસ્જીદ પાસે, સાંઢીયાવાડ, ભાવનગર,મીહીર ઉર્ફે બાડો મુકેશભાઇ ટાંક ઉ.વ.20 રહે.મેરૂૂ વિઠ્ઠલનો ડેલો, તાલુકા શાળા નં.06ની સામે,વડવા તલાવડી, ભાવનગર મુળ-ત્રણ માળીયા ભાડેથી,વિઠ્ઠલવાડી,ભાવનગર,સમીર મુકેશભાઇ ટાંક ઉ.વ.18 રહે. મેરૂૂ વિઠ્ઠલનો ડેલો, તાલુકા શાળા નં.06ની સામે,વડવા તલાવડી, ભાવનગર મુળ-ત્રણ માળીયા ભાડેથી,વિઠ્ઠલવાડી,ભાવનગર તથાઇમરાન અહેમદભાઇ મહેતર ઉ.વ.34 રહે.14 નાળા,મફતનગર, લંબે હનુમાન સામે, ઘોઘા જકાતનાકા, ભાવનગર નો સમાવેશ થાય છે.
પોલીસે આ શખ્સો પાસેથી મોબાઇલ નંગ-9 કિ.રૂૂ.1,20,500/-, ભુરા કલરની મારૂૂતિ કંપનીની સ્વીફટ કાર કિ.રૂૂ.5,00,000/-, આર.સી.બુક તથા પહોંચ મળી કુલ રૂૂ.6,20,500/-નો મુદ્દામાલ કબજે કરેલ છે.
રેકી કરી ગુનાને આપતા અંજામ
આ ગુન્હાના આરોપી મિહીરે અમીનભાઇના ડેલામાં કોપર પડેલ હોવાની હનિફને જાણ કરેલ.ત્યાર પછી આ તમામ આરોપીઓએ ભેગાં મળીને ગુન્હાહિત કાવતરૂૂં રચી, ટ્રક ભાડે લેવાના બહાને ડ્રાયવરનું અપહરણ કરી તેની પાસેથી રોકડ રૂૂ.3,000/-, મોબાઇલ ફોન તથા ટ્રકની લુંટ કરી તે ટ્રકનો ડેલામાંથી કોપર લુંટવા માટે ઉપયોગ કરી ચોકીદારોને બાંધવા માટે દોરડા, પ્લાસ્ટીક લોક, માસ્ક વિગેરે લઇને લુંટને અંજામ આપેલ.
આરોપીઓને ઝડપી લેવાની કામગીરીમાં પોલીસ ઇન્સ. એ.આર.વાળાના માર્ગદર્શન હેઠળ પો.સબ ઇન્સ. પી.બી.જેબલીયા તથા સ્ટાફના ઘનશ્યામભાઇ ગોહિલ, વિઠ્ઠલભાઇ બારૈયા, બાબાભાઇ હરકટ સંજયભાઇ ચુડાસમા, લગ્ધીરસિંહ ગોહિલ, પ્રજ્ઞેશભાઇ પંડયા, હસમુખભાઇ પરમાર, અનિલભાઇ સોલંકી, એજાજખાન પઠાણ, હરિચંદ્દસિંહ દિલુભા તથા નેત્રમ કંટ્રોલ નો સ્ટાફ જોડાયો હતો.
ક્રાઇમ
વાહન ધીમું ચલાવવા મામલે માથાકૂટ કરી યુવાન પર ચાર શખ્સોની ધોકાવાળી
![](https://gujaratmirror.in/wp-content/uploads/2024/06/1200-675-18084714-thumbnail-16x9-amroli.jpeg)
શહેરના નાણાવટી ચોકની પાછળ પરમેશ્ર્વર સોસાયટીમાં રીક્ષાચાલકને વાહન ધીમુ ચલાવવા મામલે ચાર શખ્સોએ પાઇપ અને ધોકા વડે હુમલો કર્યો હતો. આ મામલે ચારેય શખ્સો સામે ફરિયાદ નોંધાઇ છે.
બનાવની મળતી વિગતો અનુસાર, નાણાવટી ચોક પાસે પરમેશ્ર્વર સોસાયટીમાં રહેતા ઇબ્રાહીમભાઇ ઇદરીસભાઇ આમરોણીયા નામના યુવાને ફરિયાદમાં સાહીલ, અકબર, રોનક, ફિરોજભાઇ અને રસીદાબેનનું નામ આપતા ફરિયાદ નોંધાઇ છે. ઇબ્રાહીમભાઇએ ફરિયાદમાં જણાવ્યુ હતુ કે, પોતે રીક્ષા ચલાવી પરિવારનું ગુજરાન ચલાવે છે.
ગઇકાલે શેરીના નાકે દુધની ડેરીએ દહીં લેવા જતા હતા ત્યારે શેરીમાં રહેતો સાહિલ તેનું એકટિવા સ્પિડમાંથી નીકળતા તેમને શેરીમાં બાળકોને વાગી જસે વાહન ધીમુ ચલાવવાનું કહેતા સાહિલે બોલાચાલી કરી અને તેમના પિતા અકબરભાઇ પાઇપ લઇ આવ્યા અને તુ મારા દીકરાને દબાવશ કહી પાઇપનો ઘા ઝીંક્યો હતો. બાદમાં અકબરભાઇનો ભત્રીજો રોનક ધીરજ ધોકો લઇ આવી માથામાં ઘા ઝીંક્યો હતો અને રસીદાબેને પણ ઢીકાપાટુનો માર માર્યો હતો. ત્યાર બાદ આજુબાજુના લોકો એકઠા થઇ જતા આરોપી નાસી ગયા હતાં. આ અંગે પિતા-પુત્ર સહિત ચાર શખ્સો સામે ફરિયાદ નોંધાઇ હતી.
ક્રાઇમ
યાજ્ઞિક રોડ પર લૂંટના ઇરાદે ટોળકીનો આતંક, વેપારીને ધોકાવાળી
![](https://gujaratmirror.in/wp-content/uploads/2024/06/C1.jpg)
વેપારીએ કારનો દરવાજો ખોલતા એકસેસમાં આવેલા બે શખ્સો પાઇપ લઇ તૂટી પડયા
સમગ્ર ઘટના સીસીટીવીમાં કેદ: ત્રણ દિવસ થયા છતાં આરોપીઓ પોલીસ પકડથી દૂર
શહેરના યાજ્ઞિક રોડ પર ઇમ્પિરિયલ પેલેસની સામે રમકડાની દુકાન ધરાવતા વેપારીએ પોતાની દુકાન ખોલવા જતા એકસેસમાં આવેલા બે શખ્સોએ પાઇપ વડે હુમલો કરી નાસી ગયાની ફરીયાદ એ ડીવીઝન પોલીસમાં ફરીયાદ નોંધાઇ છે.
આ બનાવ લુંટના ઇરાદે થઇ હોવાનું પોલીસ સુત્રોમાંથી જાણવા મળ્યું છે. આ ઘટના અંગેની વધુ વિગતો અનુસાર, જાગનાથ શેરી નં.21માં એમ્પાયર એપાર્ટમેન્ટમાં રહેતા જનકભાઇ નવનીતરાય ઓધીયાએ ફરીયાદમાં જણાવ્યું હતું કે તેઓ ઇમ્પિરીયરલ પેલેસની સામે માધવ કોમ્પલેક્ષમાં ઉતમ ટોયઝ નામની દુકાન ધરાવે છે.
તેઓ ગઇ તા.27ના રોજ રાત્રીના અગીયારેક વાગ્યે દુકાન બંધ કરી સામે પાર્ક કરેલી કારમાં ડ્રાઇવર સાઇડનો દરવાજો ખોલીને દુકાનની ચાવી અને પર્સ કારમાં મુકયા હતા. ત્યારબાદ કારમાંથી બહાર નીકળતા જ એકસેસમાન આવેલા બે શખ્સોએ અચાનક પાઇપ વડે હુમલો કર્યો હતો.
ત્યારબાદ ત્યાં માણસો ભેગા થઇ જતા બન્ને શખ્સો ત્યાંથી ભાગી ગયા હતા.આ મામલે તા.27ના પોલીસમાં અરજી કરી હતી. ફરીયાદી જનકભાઇએ આક્ષેપ સાથે જણાવ્યું હતું કે પોલીસે ફરીયાદ ન નોંધતા પોલીસ કમિશનરને રજુઆત કર્યા બાદ એ ડીવીઝન પોલીસે આ ફરીયાદ નોંધાઇ હતી. બનાવને ત્રણ દિવસ થયા છતા હજુ સુધી કોઇ કાર્યવાહી કરાઇ નથી.આ સમગ્ર ઘટના સીસીટીવી ફુટેજમાં કેદ થઇ હતી. રાજકોટના પોષ વિસ્તાર યાજ્ઞીક રોડ પર સરાજાહેર વેપારી પર હુમલાની ઘટનાથી આજુબાજુના લોકોમાં ફફડાટ ફેલાયો છ.
ક્રાઇમ
યાજ્ઞિક રોડ પર અકસ્માત મામલે ઝઘડો કરી માતા-પુત્રને કારચાલકે બેફામ માર માર્યો
![](https://gujaratmirror.in/wp-content/uploads/2024/06/image_1588653050.jpg)
શહેરમાં રોજબરોજમાં ઘણા અકસ્માત સર્જાય છે. ત્યારે ગઇકાલે મોડીરાત્રે યાજ્ઞિક રોડ પર રિવર્સ લેવામાં કારના ચાલકે અન્ય એક પાર્ક કરેલી કારમાં નુકસાન કરતા યુવાને જોઇને ચલાવવાનુ કહેતા ઉશ્કેરાયેલા કારના ચાલકે યુવક સાથે માથાકુટ કરી મારમાર્યો હતો અને વચ્ચે પડેલા તેમના માતાન. પણ ઢીકાપાટુનો મારમાર્યો હતો બાદમાં ઘમકી આપી પાંચવર્ષની પુત્રીને ઘક્કો મારી પછાડી ભાગવા જતા પોલીસ તેમને પકડી ગુનો નોંધ્યો હતો.
કોઠારીયાકોલીનીમાં રહેતા કાર્તીક ભુપતભાઇ રાઠોડ (ઉ.વ.28)એ ફરિયાદમાં જણાવ્યુ હતુ કે, પોતે કલરકામ કમરે છે. ગઇકાલે રાત્રીના તેમના પરિવાર સાથે રેષકોર્સ થી કાર પાર્ક કરી કોલ્ડ્રીશસની દૂકાને ગયા હતા. બાદમાં એક કિઆ કારના ચાલકે રિવર્સ લેતા કાર્તિકભાઇની ગાડીમાં નુકસાન થયુ હતુ જેથી તે કારના ચાલકને કાર જોઇને ચલાવવાનુ કહેતા તેમણે કાર નીચે ઉતરી તુ કોને કહે છે કહી માથાકુટ કરી હતી તેમજ મારમાર્યો હતો તેમજ માતા ઉષાબેન વચ્ચે પડતા તેમને પણ આરોણીએ મારમાર્યો હતો. બાદમાં 100 નંબરમાં કોલ કરતા આરોપી પાંચ વર્ષની દીકરીને ઘક્કો મારી ભાગવા જતા આરોપીને પક્ડી પોલીસે ગુનો નોંધ્યો હતો આરોપી નાનામવા રોડ રાજનગર શેરી.2માં રહેતો અભિષેક ચંદુ ઠુંમર હોવાનુ જાણવા મળ્યુ હતુ.
-
ગુજરાત7 months ago
વધુ એક યુવકને હૃદય-રોગનો હુમલો ભરખી ગયો, ગોધરામાં 45 વર્ષીય યુવકનું હાર્ટ એટેકથી મોત
-
ગુજરાત1 month ago
હનુમાનમઢી પાસે ગોડાઉનમાંથી થયેલી ચોરીનો ભેદ ઉકેલાયો, એક પકડાયો: બેની શોધખોળ
-
ગુજરાત1 month ago
સર્વર ઠપ્પ, રાજકોટ સહિત રાજ્યભરની RTO સેવા બે દિવસ બંધ
-
ક્રાઇમ6 months ago
ભાણવડ પંથકમાં દેશી દારૂની ધમધમતી ભઠ્ઠીઓ પર પોલીસના દરોડા ; બૂટલેગરો ફરાર
-
પોરબંદર7 months ago
ભાવનગર-જેતલસર ટ્રેનને પોરબંદર સુધી લંબાવતુ તંત્ર
-
પોરબંદર6 months ago
સ્પર્ધાત્મક પરીક્ષામાં નિષ્ફળતા મળતાં ભાણવડ પંથકની યુવતીનો આપઘાત
-
પોરબંદર6 months ago
ભાણવડ પંથકમાંથી દારૂની 202 બોટલ ભરેલી કાર સાથે એક પકડાયો
-
પોરબંદર6 months ago
પોરબંદરમાં ગેરેજમાં અચાનક ભભૂકેલી આગમાં દાઝી ગયેલા વૃદ્ધનું મોત