ક્રાઇમ
રાજકોટના ત્રણ ગઠિયાની શેર દલાલ સાથે 18 લાખની ઠગાઇ
પૈસાના બંડલનો વોટસએપમાં ફોટો મોકલી ડિજિટલ કરન્સી ટ્રાન્સફર કરાવી લીધી, 18 લાખ નહીં આપતા પોલીસમાં ફરિયાદ
સુરત જિલ્લાના કામરેજ તાલુકાના ચોર્યાસી ગામની સીમમાં હોટલના કમ્પાઉન્ડમાં રાજકોટથી આવેલા ત્રણ શખ્સોએ રૂૂ. 18 લાખ ભરેલી બેગ બતાવી 20,339 યુ.એસ.ડી.ટી વોલેટમાં ટ્રાન્સફર કરાવી રૂૂ. 18 લાખની બેગ લઈ છરી બતાવી ભાગી જઈ છેતરપિંડી કરી હતી.ટેન્શનમાં આવેલા શેર દલાલે ફિનાઈલ પી લેતાં સારવાર બાદ કામરેજ પોલીસમાં ત્રણેય શખ્સો વિરૂૂધ્ધ ફરિયાદ નોંધાવી હતી.વધુ વિગતો મુજબ,સુરતના ડભોલી રોડ ઉપર ક્રિષ્ના પાર્ક સોસાયટીમાં હિમાયુ નરેશભાઈ અણધણ (ઉ.વ.29, મૂળ રહે નવા નવડા, જી.બોટાદ) પરિવાર સાથે રહે છે અને શેર દલાલીનું કામ કરે છે.તા.02-09-2024ના બે દિવસ અગાઉ જયરાજ કાઠી નામના વ્યક્તિએ ટેલિગ્રામના માધ્યમથી ઓળખાણ કરીને કરણ વાલજીભાઈ ખરા (રહે.રાજકોટ)ને મોબાઈલ નંબર આપ્યો હતો. બાદમાં કરણ ખરાએ હિમાયુ અણધણને મોબાઈલ ઉપર ફોન કરી રાજકોટથી સુરત આવીએ છીએ.તમારો નંબર જયરાજભાઈએ આપેલો છે, મારે 20,000 યુ.એસ.ડી.ટી ડિજિટલ કરન્સીની જરૂૂર છે.તમારે વેચાણ કરવી હોય તો લેવા તૈયાર છે અને પૈસા રોકડા મળી જશે તેવી વાત કરી હતી.
કરણ ખરાએ વારંવાર હિમાયુને ફોન કરીને મળવા બોલાવતા સરથાણા જકાતનાકા ખાતે ગયા હતા. જ્યાં હિમાયુ મિત્ર હાર્દિક ગોપાણી અને દર્શ માવાણી સાથે કારમાં ગયા હતા અને ગાડીમાં કરણ ખરાને દૂરથી જોતા કામ કરવા યોગ્ય નહીં લાગતા પરત ઘરે જતા રહ્યા હતાં.દરમિયાન રાત્રિના બેગમાં 500, 200 અને 100ના બંડલના ફોટા મોકલી વિશ્વાસ કેળવી કામરેજના ચોર્યાસી ગામની સીમમાં હોટલના કમ્પાઉન્ડમાં મળવા બોલાવ્યા હતાં.
જ્યાં હિમાયુ મિત્ર હાર્દિક ગોપાણી સાથે પહોંચતા પ્રથમ 1000 યુ.એસ.ડી.ટી આપો તેમ કહેતા હિમાયુએ પોતાના યુ.એસ.ડી.ટી વોલેટમાંથી કરણ ખરાના વોર્લેટમાં આપ્યા હતાં. જેના રૂૂ.88,500 રોકડા ચૂકવી આપ્યા હતા.બાદમાં કરણ ખરાએ લાલચ આપી મિત્ર જતીન મીણિયાને ફોન કરી યુ.એસ.ડી.ટી વોલેટમાં 20,339 ટ્રાન્સફર કરાવ્યા હતાં.બાદમાં બીલાલ ઉઠામણા અને કરણ ખરાએ તેઓના વોલેટમાં યુ.એસ.ડી.ટી ટ્રાન્સફર થયા નથી એવા બહાના કાઢી રૂૂ.18 લાખ રોકડા ભરેલી બેગ લઈ તેમની ગાડીમાં બેસવા જતા હતા તે સમયે હાર્દિક ગોપાણીએ મોબાઈલમાં વિડીયો બનાવતા મોબાઈલ ઝૂંટવી લેવાની કોશિષ કરી હતી.જે અંગે સિંગાપોર ડભોલી પોલીસમાં જાણવાજોગ નોંધ કરી હતી.
મકાન પરની લોન ચાલુ હોય અને છેતરપિંડી થતા હુમાયુએ આપઘાતનો પ્રયાસ કર્યો હતો
હુમાયુભાઈ આ બનાવથી આઘાતમાં આવ્યા હતા.મકાન ઉપર લોન ચાલતી હોય ટેન્શનમાં આવી ઘરે ફિનાઈલ પી લીધી હતી.બનાવ અંગે હિમાયુએ કામરેજ પોલીસમાં યુએસડીટી વોલેટ 20,339 એટલે કે ભારતીય ચલણ મુજબ રૂૂ.18 લાખ લઈ જઈ છેતરપિંડી કરવા અંગે કરણ વાલજીભાઈ ખરા, બિલાલ ઉઠમણા અને સુનિલસિંહ રાજપુત વિરૂૂધ્ધ ફરિયાદ નોંધાવતા પોલીસે છેતરપિંડી વિશ્વાસઘાતનો ગુનો નોંધી વધુ તપાસ હાથ ધરી છે.
ક્રાઇમ
નવા રિંગરોડ પર 10મા માળેથી પટકાતા શ્રમિકનાં મોત મામલે સાઇટ સુપરવાઇઝર અને કોન્ટ્રાકટર સામે ગુનો
શહેરના નવા 150 ફુટ રીંગરોડ પર નવી બનતી બિલ્ડીંગના 10માં માળેથી પટકાતા શ્રમીક યુવાનનું મોત નીપજયું હતુન જે બનાવમાં પોલીસે મૃતકના યુવાનના પિતાની ફરીયાદ પરથી સાઇટ સુપરવાઇઝર અને કોન્ટ્રાકટર વિરૂધ્ધ ગુનો નોંધી તપાસ હાથ ધરી છે. આરોપીઓએ સાઇટ ઉપર સેફટીના સાધનો કે નેટની વ્યવસ્થા કરી ન હતી અને બનાવ બાદ મૃતકની લાશને સેફટી બેલ્ટ પહેરાવી પુરાવાનો નાશ કર્યો હતો.જાણવા મળતી વિગત મુજબ રામનાથપરામાં ભવાનીનગર શેરી નં.7માં રહેતો મહેશ રણછોડભાઇ ચાવડા (ઉ.વ.25) નામનો યુવાન નવા 150 ફુટ રીગરોડ પર ઓરીયન્ટ નામની ક્ધટ્રકશન સાઇટ ઉપર કામ કરતો હતો.
દરમિયાન ગઇકાલે બપોરના સમયે તે 10માં માળે લાદી કામ કરતો હતો ત્યારે 10માં માળેથી નીચે પટકાતા તેનું ઘટના સ્થળે જ કમકમાટી ભર્યું મોત નિપજયું હતું.આ અંગે તાલુકા પોલીસે ઘટના સ્થળે દોડી જઇ જરૂરી કાર્યવાહી કરી મૃતકના પિતા રણછોડભાઇ ઓઘડભાઇ ચાવડાની ફરીયાદ પરથી ઓરીયન્ટ ક્ધસ્ટ્રકશન સાઇટના કોન્ટ્રાકટર અને સુપરવાઇઝર વિરૂધ્ધ ગુનો નોંધ્યો છે. ફરીયાદમાં જણાવ્યા મુજબ સાઇટ સુપરવાઇઝર અનીલભાઇએ સાઇટ ઉપર સેફટી સાધનો કે નેટ (જાળી)ની વ્યવસ્થા કરેલી ન હતી. આ ઉપરાંત 10માં માળેથી પટકાતા મહેશનું મોત થયા બાદ સુપરવાઇઝર અનીલભાઇએ મહેશના મૃતદેહને સેફટી બેલ્ટ પહેરાવેલો અને 10માં માળે જઇ લોખંડના જેકમાં સેફટી બેલ્ટનો રસ્સો તુટેલી હાલતમાં બાંધી પુરાવાનો નાશ કર્યો હતો. જેથી પોલીસે આરોપીઓ વિરૂધ્ધ ગુનો નોંધી વધુ તપાસ હાથ ધરી છે.
ક્રાઇમ
મોરબીમાં SMCનો દરોડો: ફેક્ટરીમાંથી ડુપ્લિકેટ ઓઇલનો જથ્થો મળી આવ્યો
મોરબી જિલ્લામાં છેલ્લા ઘણા સમયથી સ્ટેટ મોનિટરીંગ સેલ દ્વારા દરોડા પાડવામાં આવે છે. એકથી બે દરોડામાં મોટા પ્રમાણમાં દારૂનોે જથ્થો પકડાઇ ચૂક્યો છે. ત્યારે આજે સવારે મોરબી જિલ્લામાં ટંકારા પંથકમાં ગાંધીનગર સ્ટેટ મોનિટરીંગ સેલની ટીમે દરોડો પાડી શંકાસ્પદ ઓઇલ બનાવતી ફેક્ટરી ઝડપી પાડી હતી.
આ ફેક્ટરીમાંથી લાખો લીટરમાં ડુપ્લીકેટ ઓઇલનો જથ્થો તેમજ મશીનરી સહિતનો લાખોનો મુદ્દામાલ કબ્જે કરવામાં આવ્યો હતો.ગાંધીનગર સ્ટેટ મોનિટરીંગ સેલ વડા નિર્લિપ્ત રાય, ડીવાયએસપી કે.ટી.કામરીયાની રાહબરીમાં સ્ટેટ મોનિટરીંગ સેલની એક ટીમને આજે સવારે મળેલી ચોક્કસ બાતમીને આધારે મોરબી જિલ્લાના ટંકારા પંથકમાં એક ફેક્ટરીમાં ડુપ્લીકેટ ઓઇલ બનાવી સૌરાષ્ટ્ર ભરમાં વેચાણ કરાતું હોવાનું જાણવા મળ્યું હતું. ત્યાર બાદ સ્ટેટ મોનિટરીંગ સેલ દ્વારા ટંકારા પંથકમાં આવેલી ફેક્ટરી પર દરોડો પાડતા ત્યાં હાજર શખ્સો ડુપ્લીકેટ ઓઇલના અલગ-અલગ ડબ્બાઓ પર કંપનીના સ્ટીકર લગાવતા હોવાનું જાણવા મળ્યું હતું.
પોલીસે ફેક્ટરીમાં તપાસ કરતા અલગ-અલગ પચાસ ઓઇલના બેરલ મળી આવ્યા હતા. આ ઓઇલ ઓટો મોબાઇલમાં વપરાતું હોવાનું જાણવા મળ્યું હતું. પોલીસના સુત્રોમાંથી મળતી માહિતી મુજબ, અન્ય નામાકિંત કંપનીઓના ઓટો મોબાઇલમાં વપરાતા એન્જીંન ઓઇલના નામે હલકા પ્રકારની ગુણવતા વાળા ઓઇલમાં કેમીક્લ, બેઇઝ ઓઇલ, વગેરે જેવું રો મટીરીયલનો ઉપયોગ કરવામાં આવતો હતો. સ્ટેટ મોનિટરીંગ સેલ દ્વારા સ્થાનિક પોલીસને ઉંઘતી રાખી ફેક્ટરીમાંથી શંકાસ્પદ ઓઇલના બેરલ, રો મટીરીયલ અને મશીનરી સહિત લાખોનો મુદ્દામાલ કબ્જે કરવામાં આવ્યો છે.
ક્રાઇમ
રાજકોટમાં રાત્રે જૂથ અથડામણ, વાહનોમાં તોડફોડ
સોડા-બોટલના ઘા, બે લોકો ઘાયલ: મોડી રાત્રે પોલીસ કાફલો ઘટનાસ્થળે દોડી ગયો
રાજકોટ શહેરમાં જાહેરમાં મારામારી અને હુમલાના ઘટનાઓના વીડિયો અનેકવાર સોશ્યલ મીડિયામાં વાઇરલ થતા હોય છે. ગઇકાલે ભુપેન્દ્ર રોડ પર આવેલી રાજેશ્રી સિનેમા પાસે 20થી 25 લોકોનું ટોળું અલગ-અલગ બાઇક પર ધસી આવ્યું હતું અને તેઓ પાસે સોડા-બોટલ અને ધોકા-પાઇપ હતા. મુખ્ય માર્ગ પર રીતસરનો આંતક મચાવતો વીડિયો સોશ્યલ મીડિયામાં વાઇરલ થતા પોલીસ કાફલો ઘટના સ્થળે પહોંચી ગયો હતો. ઘટના સ્થળે પહોંચી તપાસ કરતા ત્યાં પડેલા વાહનોમાં તોડફોડ થઇ હતી અને આરોપીઓએ સોડા-બોટલના ઘા ર્ક્યા હોય જાહેર રસ્તા પર સોડા બોટલના તુટેલા કાચ નજરે પડ્યા હતા. આ મામલે એ ડીવીઝન પોલીસ મથકમાંથી જાણવા મળ્યું હતુ કે, આ મામલે હાલ કોઇ ફરિયાદ નોંધાઇ નથી પોલીસ ચોપડે જાણવા જોગ નોંધવામાં આવી છે. આ ઘટનામાં બે લોકોને ઇજા પહોંચતા તેઓને સરકારી હોસ્પિટલે સારવાર માટે ખસેડાયા હોવાનું પોલીસમાંથી જાણવા મળ્યું છે.
બનાવની વધુ વિગતો મુજબ ગઇકાલે મોડી રાત્રીના સમયે ભુપેન્દ્રરોડ પર રાજેશ્રી સિનેમા પાસે 20થી 25 લોકોનું ટોળુ ધસી આવ્યું હતું. તેઓએ આંતક મચાવી સોડા-બોટલના ઘા ર્ક્યા હતા અને ત્યાં પડેલા વાહનોમાં તોડ ફોડ કરી હતી. આ ઘટનામાં બે લોકોને ઇજા પહોંચતા તેઓને સારવાર માટે હોસ્પિટલે ખસેડવામાં આવ્યા હતા. આ ઘટનાની જાણ થતા એ ડીવીઝન પોલીસ મથક તેમજ પોલીસ અધિકારીનો કાફલો ઘટના સ્થળે પહોંચી ગયો હતો. આ મામલે એ ડીવીઝન પોલીસમાંથી જાણવા મળી રહ્યું હતુ કે, રાત્રીના અગ્યાર વાગ્યે કોટક શેરીમાં રહેતો સુનિલ મસરૂભાઇ ગમારા રાજશ્રી સિનેમા પાસે બેઠો હતો. ત્યારે તેમની સાથે તેમના મિત્રો ગોપાલભાઇ, મનોજભાઇ, કાર્તિકભાઇ, પરેશભાઇ અને હીરો તમામ ત્યાં તેમની સાથે બેઠા હતા. ત્યારે આરોપીઓ સલમાન, સેજાદ, ભુરો અને તેમની સાથે એક અજાણ્યો માણસ ડબલ સવારીમાં અલગ-અલગ બાઇકમાં ધસી આવ્યા હતા અને સુનિલભાઇને તેમજ તેમના મિત્રોને ગાળો આપી ભાગી ગયા હતા.
જેથી સુનિલભાઇ ગમારા અને તેમના મિત્રો તમામ આરોપીઓની પાછળ જતા સલમાન, સેજાદ અને ભુરો એમ ત્રણેય ભગવા જતા એક અજાણ્યો માણસ ચાલુ બાઇકે નીચે પડી ગયો હતો અને તેમના પગે ઇજા પહોંચી હતી. ઇજાગ્રસ્તને પોલીસ મથકે લાવતા તેમનું નામ રૂદ્ર ગઢવી હોવાનું સામે આવ્યું હતું. તેમને સારવાર માટે સરકારી હોસ્પિટલ લઇ જવામાં આવ્યો હતો. ત્યાર બાદ તેમના પિતા અલાભાઇ નારણભા ગઢવીનો સંપર્ક કરી તેમને સોંપી દીધો હતો. આ મામલે બન્ને પક્ષના નિવેદન લેતા બન્ને પક્ષે કોઇને ફરિયાદ કરવી ન હોય જેથી એ ડીવીઝન પોલીસના પી.આઇ. આર.જી બારોટની રાહબરીમાં હોડ.કોન્સ્ટેબલ રમેશભાઇ ચૌહાણ અને સ્ટાફે જાણવા જોગ દાખલ કરી બન્ને પક્ષના નિવેદન નોંધયા હતા.
-
આંતરરાષ્ટ્રીય16 hours ago
McDonald બર્ગર ખાવાથી ફેલાયો આ ખતરનાખ વાયરસ, એકે જીવ ગુમાવ્યો-અનેક લોકો થયાં બીમાર
-
રાષ્ટ્રીય2 days ago
શેરબજારમાં સતત કડાકા, સેન્સેક્સ 1300 અંક તૂટ્યો
-
આંતરરાષ્ટ્રીય2 days ago
સમજૂતી બાદ આર્મી ચીફનું પહેલું નિવેદન, જાણો ચીને શું કર્યું
-
આંતરરાષ્ટ્રીય2 days ago
અમેરિકાના સિએટલમાં ગોળીબાર, પાંચનાં મોત, કિશોરની ધરપકડ
-
ગુજરાત2 days ago
શહેરના 87 હોકર્સઝોન માટે સ્ટ્રીટ વેન્ડિંગ કમિટી બનાવાશે
-
ગુજરાત2 days ago
દંડ ભલે ભરવો પડે પણ પ્રતિબંધિત પ્લાસ્ટિક વાપરશું: વધુ 53 પકડાયા
-
રાષ્ટ્રીય20 hours ago
ચેઈન સ્નેચિંગનો ચોંકાવનારો કિસ્સો!!! બાઈક સવાર 2 શખ્સોએ ચેઈન ન તૂટતા મહિલાને કેટલાય મીટર સુધી ઢસડી, જુઓ VIDEO
-
ગુજરાત13 hours ago
OPS સહિતના પ્રશ્ર્નોનું દિવાળી પહેલાં નિરાકરણ લાવવા શિક્ષકો સરકારને ઘેરશે