ભગવતીપરામાં બનેલી ઘટના: ઘરે પરત ફરતી વખતે બાઇક સ્લીપ થતા સર્જાઇ કરૂણાંતિકા

શહેરમાં ભગવતીપરા વિસ્તારમાં રહેતા બે મિત્રો રાત્રીના સમયે બાઈક લઈને પાન ખાવા ગયા હતા અને ઘરે પરત ફરી રહ્યા હતા ત્યારે બાઈક સ્લીપ થતા અકસ્માત સર્જાયો હતો. જેમાં એક યુવકનું મિત્રની નજર સામે જ મોત નીપજ્યું હતું જ્યારે એક યુવકને ઇજા પહોંચતા સારવાર માટે ખસેડવામાં આવ્યો હતો. યુવકના મોતથી પરિવારમાં ગમગીની છવાઈ જવા પામી છે.

આ બનાવ અંગે પોલીસમાંથી જાણવા મળતી વિગત મુજબ ભગવતીપરા વિસ્તારમાં રહેતા સુનિલ બચુભાઈ ઝાલા (ઉ.વ.25) અને તેનો મિત્ર કૌશિક નવીનભાઈ પરમાર (ઉ.વ.39) ભગવતીપરા વિસ્તારમાં ઇજાગ્રસ્ત હાલતમાં મળી આવતા બંનેને સારવાર માટે સિવિલ હોસ્પિટલમાં ખસેડવામાં આવ્યા હતા જ્યાં ફરજ ફરના તબીબે સુનિલ ઝાલાને મૃત જાહેર કરતા પરિવારમાં અરેરાટી સાથે ગમગીની છવાઈ જવા પામી હતી. પ્રાથમિક પૂછપરછમાં ઇજાગ્રસ્ત કૌશિક પરમારની બાજુમાં સુનિલ ઝાલા એક માસ પૂર્વે જ રહેવા માટે આવ્યો હતો અને સુનિલ ઝાલા ત્રણ બહેનોનો એકનો એક ભાઈ હતો અને સર્વિસ સ્ટેશનમાં કામ કરી પરિવારનું ગુજરાન ચલાવતો હતો રાત્રીના સમયે બંને મિત્રો પાન ખાવા ગયા હતા અને પાન ખાઈને પરત ફરતા હતા ત્યારે બાઈક સ્લીપ થતા સર્જાયેલા અકસ્માતમાં સુનિલ ઝાલાનું મોત નીપજયુ હોવાનું જાણવા મળ્યું છે. આ બનાવ અંગે પોલીસે નોંધ કરી વધુ તપાસ હાથ ધરી છે.

મગફળીની રૂા. 1250 અને કપાસમાં રૂા.1100 સુધીની જ હરાજી થતાં ખેડૂતો નારાજ: મગફળી એક લાખથી વધુ ગુણી અને કપાસની 20 હજાર ભારી સહિતની જણસીથી યાર્ડ છલકાયું

નવા વર્ષના તહેવાર બાદ લાભપાંચમથી યાર્ડમાં જણસીની આવક થઈ હતી. મગફળી અને કપાસથી રાજકોટનું બેડી યાર્ડ છલકાયુ હતું. યાર્ડમાં મુહુર્તના સોદામાં જ મગફળી અને કપાસના ભાવ નબળા મળ્યા હતા. યાર્ડમાં મગફળીની રૂા. 1250 અને કપાસની રૂા. 1100 સુધીમાં જ હરરાજી થતાં પુરતા ભાવ નહીં મળતા ખેડુતો નારાજ થયા હતાં. અને આર્થિક ભારણ વધી ગયું હોવાની વ્યથા ટાલવી હતી. યાર્ડમાં એક લાખતી વધુ મગફળીની આવક થતાં હાલ પુરતી મગફળીની આવક બંધ કરાઈ છે.

આજે વહેલી સવારે જ રાજકોટ બેડી માર્કેટ યાર્ડ ખાતે ચેરમેન જયેશ બોઘરાએ શ્રીફળ વધારીને એને વેપારીઓના મીઠા મોઢા કરાવી મગફળીની હરાજીના શ્રી ગણેશ કરાવ્યા હતા. મુહૂર્તમાં જ નિકાવાના ખેડૂત કૃપાલસિંહને 1250ના ભાવ મળ્યા હતા. સરેરાશ 1250 થી 1100 સુધીના મગફળીના ભાવ બોલાયા હતા. પરંતુ રાજ્ય સરકાર દ્વારા ટેકાના ભાવે 1350 રૂૂપિયાનો ભાવ જાહેર કર્યો છે. ત્યારે ટેકાના ભાવ કરતા બજાર ભાવ આ વખતે ઓછો જોવા મળ્યા હતાં.

પરંતુ વેપારીઓનું માનવું છે કે આગામી દિવસોમાં ભાવ વધે તેવી શક્યતાઓ જોવાઈ રહી છે. સામાન્ય વર્ષો કરતા આ વર્ષે ભાવ થોડો ઓછો જોવા મળી રહ્યો છે. પરંતુ આગામી અઠવાડિયા 15 દિવસમાં ભાવ વધે તેવી શક્યતાઓ જોવાઈ રહી છે. તેમજ મગફળી સાથે સાથે અન્ય જળસીઓની પણ મોટા પ્રમાણમાં આવક નોંધાઈ હતી માર્કેટિંગ યાર્ડમાં કપાસની પણ ₹25,000 મળ જેટલી આવક નોંધાઈ હતી.

લાભ પાંચમની શરૂૂઆતમાં જ ખેડૂતોને ઓછા ભાવ મળતા ક્યાંક ખેડૂતો પણ નિરાશ જોવા મળ્યા હતા. રાજકોટ બેડી યાર્ડમાં આવેલ જામનગરના ખેડૂતે ખ જણાવ્યું હતું કે આ વખતે એક બાજુ ખેડૂતો રાહત પેકેજ જાહેર કર્યું પરંતુ તેમના રૂૂપિયા આપતી નથી બીજી બાજુ બજારમાં પણ ભાવ ઓછા મળી રહ્યા છે. સામાન્ય રીતે ખેડૂતોને 1500 રૂૂપિયાની આસપાસ મગફળીના ભાવ મળવા જોઈએ પરંતુ તે પણ મળતા નથી હાલ અમારે રૂૂપિયા ની જરૂૂર હોવાના કારણે મગફળી નું વેચાણ કરવું પડી રહ્યું છે. ગમે તે ભાવ હોય તે ભાવમાં રૂૂપિયાની જરૂૂરિયાત હોવાના કારણે મગફળી વેચવા અમે મજબુર બન્યા છે.

ઢેબર કોલોનીમાં યુવતી અને રણછોડનગરમાં યુવાને કર્યો આપઘાતનો પ્રયાસ

શહેરમાં રામનાથપરા વિસ્તારમાં આવેલા ભવાનીનગરમાં રહેતા વૃદ્ધાનું હૃદયરોગના હુમલાથી મોત નીપજયુ હતું વૃદ્ધાના મોતથી પરિવાર શોકમા ગરકાવ થઈ ગયો હતો.

આ બનાવ અંગે પોલીસમાંથી જાણવા મળતી વિગત મુજબ રામનાથપરા વિસ્તારમાં આવેલા ભવાનીનગરમાં રહેતા ગંગાબેન ભીમજીભાઇ ગોહેલ નામના 65 વર્ષના વૃદ્ધા સાંજના છએક વાગ્યાના અરસામાં પોતાના ઘર પાસે ચાલીને જતા હતા ત્યારે હદયરોગનો હુમલો આવતા વૃદ્ધા બેભાન હાલતમાં ઢળી પડ્યા હતા. વૃદ્ધાને તાત્કાલિક સારવાર માટે સિવિલ હોસ્પિટલમાં ખસેડવામાં આવ્યા હતા. જ્યાં તેમની સારવાર કારગત નીવડે તે પૂર્વે જ વૃદ્ધાનું મોત નિપજતા પરિવાર શોકમાં ગરકાવ થઈ ગયો હતો.

આ ઉપરાંત અન્ય બીજા બનાવમાં ઢેબર કોલોની ક્વાર્ટરમાં રહેતી નિકિતાબેન દીપકભાઈ ચૌહાણ નામની 22 વર્ષની યુવતીએ કોઈ અગમ્ય કારણસર પોતાના ઘરે ફીનાઈલ પી લીધું હતું. જ્યારે બીજા બનાવમાં રણછોડનગરમાં રહેતા અરુણ બચુભાઈ પાસવાન નામના 30 વર્ષના યુવાને પોતાના ઘરે ઝેરી દવા પી આપઘાતનો પ્રયાસ કર્યો હતો. આપઘાતનો પ્રયાસ કરનાર યુવતી અને યુવકને સારવાર માટે સિવિલ હોસ્પિટલમાં દાખલ કરાયા હતા ઉપરોક્ત બનાવ અંગે પોલીસે નોંધ કરી વધુ તપાસ હાથ ધરી છે.