ન્યૂટન અને સ્ત્રી 2 જેવી ફિલ્મોથી લોકપ્રિયતા મેળવનાર અભિનેતા રાજકુમાર રાવ બાદ હવે તેનો મોટો ભાઈ અમિત રાવ બોલિવૂડમાં ડેબ્યૂ કરી રહ્યો છે. તે ફિલ્મ ધ ડાયરી ઓફ મણિપુરમાં મુખ્ય ભૂમિકા ભજવશે. તેની સાથે ભજન સમ્રાટ તરીકે પ્રખ્યાત અનુપ જલોટા પણ મહત્ત્વના રોલમાં હશે. અનુપે બિગ બોસ 12માં આવીને પોતાની ઈમેજ બતાવી હતી.

હવે આ ફિલ્મમાં તે પોતાની અલગ સ્ટાઈલ બતાવશે. આ ફિલ્મનું નિર્દેશન સનોજ મિશ્રા કરી રહ્યા છે, જે હાલમાં જ ધ ડાયરી ઓફ વેસ્ટ બંગાળ માટે સમાચારોમાં હતા.ધ ડાયરી ઓફ વેસ્ટ બંગાળનો મામલો હજુ ઠંડો પડ્યો નથી. આ દરમિયાન સનોજ મિશ્રાએ ધ ડાયરી ઓફ મણિપુર પર કામ શરૂૂ કર્યું છે. તેણે મુંબઈમાં પત્રકાર પરિષદમાં અનુભવ સિન્હા પર નિશાન સાધ્યું અને કહ્યું કે તે તેમના જેવી ડાબેરી વિચારસરણીની ફિલ્મો બનાવી શકે નહીં.

કથિત અપહરણકાર સાથે વાત કરતી ઓડિયો ક્લીપ વાઇરલ

ફેમસ કોમેડિયન સુનીલ પાલ પોતાના જ અપહરણ કેસમાં ફસાઈ રહ્યો છે. હવે આ મામલે મોટો ખુલાસો થયો છે. તેનો એક ઓડિયો હાલમાં સોશિયલ મીડિયા પર વાયરલ થઈ રહ્યો છે, જેમાં સુનીલ પાલ કિડનેપર સાથે વાત કરતા જોવા મળે છે. આ ઓડિયો ક્લિપ સામે આવતાં જ ખળભળાટ મચી ગયો છે.

આ ઓડિયો ક્લિપમાં સુનીલ પાલ કિડનેપરને કહે છે – કોઈને કંઈ કહ્યું નથી… અરે, જ્યારે કોઈ પાછળ પડી જાય તો કંઈક તો કહેવુંને ભાઈ. આના પર કિડનેપર કહે છે – હા સાહેબ, વાત એ છે કે તમે કહ્યું તેમ અમે કર્યું, પરંતુ તેમ છતાં તમે આ કરી રહ્યા છો, તો તે ખોટું છે ને? આના પર સુનીલ પાલ કહે છે- ગભરાશો નહીં ગભરાશો નહીં મેં તમારામાંથી કોઈનું નામ નથી લીધું. અને અન્ય કોઈની પાસેથી કંઈ મળી આવ્યું નથી. મેં બસ આજ કહ્યું છે અને પોલીસમાં કોઈ ફરિયાદ નોંધાવી નથી. સુનીલની વાત સાંભળીને કિડનેપર કહે છે – તમે તમારી પત્નીને નથી કહ્યું ભાઈ? શું તમે તેને આના વિશે કંઈ જણાવ્યું ન હતું?

પત્નીએ આ બધું કર્યું? તેના પર સુનીલ પાલ કહે છે- અરે ભાઈ, સોશિયલ મીડિયા અને સાયબર લોકોએ તેને પકડી લીધું ભાઈ. મિત્રો વગેરે તમામે સાયબર ક્રાઈમ પોલીસનો સંપર્ક કર્યો હતો. પછી કંઈક કહેવું પડેને. જેના પર કિડનેપર કહે છે- હા, ઠીક છે! તમે જુઓ અને પછી તમને જે લાગે તે કરો. અમે તમારી પાછળ છીએ, તમે કહેશો તેમ કરીશું. બાય ધ વે, ક્યારે મળીશું? તો સુનીલ પાલ કહે છે – અત્યારે યોગ્ય સમય નથી.

શિલ્પા શેટ્ટીને મળી હતી, ગેહના વશિષ્ઠે ED સમક્ષ ખોલ્યા રાઝ

9 ડિસેમ્બરે ગેહના વશિષ્ઠ ઈડી સમક્ષ હાજર થયા હતા. ઈડીએ તેની પોર્નોગ્રાફી કેસ સંદર્ભે પૂછપરછ કરી હતી. આ સમય દરમિયાન ગેહનાએ ઘણા મોટા રહસ્યો જાહેર કર્યા અને જણાવ્યું કે તે ક્યારે રાજ કુન્દ્રાને પહેલીવાર મળી હતી. પૂછપરછ દરમિયાન તેણે શિલ્પા શેટ્ટીનું નામ પણ લીધું હતું. તેણે એડલ્ટ ફિલ્મો બનાવવાથી લઈને એક્ટ્રેસને મળતી ફી સુધીની ઘણી મોટી વાતો કહી છે.

જો સૂત્રની વાત માનીએ તો ગેહનાએ પૂછપરછ દરમિયાન જણાવ્યું કે આખી ક્રૂ એક એડલ્ટ ફિલ્મ માટે 3 લાખ રૂૂપિયા ફી લેતી હતી. જ્યારે હિરોઈનને 1.5 લાખ રૂૂપિયા મળતા હતા. તેણે કહ્યું કે તેણે આ ફિલ્મોમાંથી 35 લાખ રૂૂપિયાની કમાણી કરી છે. જ્યારે ઈડીએ તેને રાજ કુન્દ્રા વિશે પ્રશ્નો પૂછ્યા ત્યારે તેણે કહ્યું કે તે જાન્યુઆરી 2021માં પહેલીવાર તેને મળી હતી.

ગેહનાએ એમ પણ કહ્યું કે તે એકવાર બોલિવૂડ અભિનેત્રી અને રાજ કુન્દ્રાની પત્ની શિલ્પા શેટ્ટીને મળી હતી. પૂછપરછ દરમિયાન તેણે ખુલાસો કર્યો હતો કે આ એડલ્ટ ફિલ્મોની લિંક વિદેશમાં મોકલવામાં આવી હતી. ગેહનાએ જણાવ્યું કે હોટશોટ કંપનીની એપ લંડનમાં હતી અને અહીંથી ફિલ્મો અપલોડ થતી હતી. ગેહનાએ એ પણ ખુલાસો કર્યો છે કે આ ફિલ્મોમાં કામ કરવા માટે તેને ડોલરમાં ચૂકવણી કરવામાં આવતી હતી અને પછી તે તેને ભારતીય ચલણમાં ફેરવતી હતી.

જ્યારે ગેહનાને પૂછપરછ દરમિયાન પૂછવામાં આવ્યું કે શું તે કંપની રાજ કુન્દ્રાની છે, તો ગેહનાએ કહ્યું કે મેં હંમેશા એક જ વાત કહી છે કે અમારી વાતચીત ઉમેશ કામત સાથે થઈ હતી. ગેહનાએ એક જગ્યાનો ઉલ્લેખ કર્યો અને કહ્યું કે જ્યારે હું ત્યાં જતો હતી ત્યારે રાજ કુન્દ્રાનો ફેમિલી ફોટો હતો અને જ્યારે હું દાખલ થઇ ત્યારે ત્યાં વિયાન ઈન્ડસ્ટ્રીઝ લખેલું હતું, તેથી મને લાગે છે કે તે કંપની રાજ કુન્દ્રાની છે કારણ કે કોઈ તેમના ઘરમાં કોઈને બેસાડતું નથી.