પ્રથમ વખત એવું બનશે કે ભારતમાં ઓલિમ્પિક્સનું આયોજન થશે

ભારતે 2036માં યોજાનારી ઓલિમ્પિક ગેમ્સની યજમાની માટે પોતાનો દાવો રજૂ કર્યો છે. ભારતીય ઓલિમ્પિક સંઘ (ઈંઘઅ)એ આ સંદર્ભમાં આંતરરાષ્ટ્રીય ઓલિમ્પિક સમિતિને એક સત્તાવાર પત્ર સુપરત કર્યો છે, જેમાં ભારતે ઓલિમ્પિકની યજમાની કરવાની ઈચ્છા વ્યક્ત કરી છે. આ મહત્વપૂર્ણ પગલા સાથે ભારતે ઓલિમ્પિકની યજમાની તરફ એક મોટું પગલું ભર્યું છે.

કેન્દ્રીય રમતગમત મંત્રાલયના સૂત્રોએ પુષ્ટિ કરી છે કે ભારત સરકારે આઇઓસીને 1 ઓક્ટોબરના રોજ લેટર ઓફ ઈન્ટેન્ટ દ્વારા ગેમ્સનું આયોજન કરવાની ઈચ્છા વ્યક્ત કરી છે. જો ભારત ઓલિમ્પિક ગેમ્સની યજમાની જીતે છે, તો તે પ્રથમ વખત બનશે કે ભારતીય શહેરમાં ઓલિમ્પિક ગેમ્સનું આયોજન કરવામાં આવશે.

વડાપ્રધાન નરેન્દ્ર મોદીએ 15 ઓગસ્ટે લાલ કિલ્લા પરથી કહ્યું હતું ભારત ઓલિમ્પિક ગેમ્સ-2036ની યજમાની કરશે. 3 મહિના પહેલા પેરિસમાં યોજાયેલી ઓલિમ્પિક ગેમ્સમાં ભારતીય ખેલાડીઓએ એક સિલ્વર સહિત 6 મેડલ જીત્યા હતા.

2032 સુધીના યજમાન નક્કી કરવામાં આવ્યા છે, 2036 માટે બિડિંગ કરવામાં આવશે. 2032 સુધીના ઓલિમ્પિક યજમાનોનો નિર્ણય લેવામાં આવ્યો છે. 2032ની યજમાની ઓસ્ટ્રેલિયાના બ્રિસ્બેન શહેરને આપવામાં આવી છે. જ્યારે, 2028 ઓલિમ્પિક્સ લોસ એન્જલસમાં યોજાવાની છે.

ભારતે અત્યાર સુધીમાં 2 એશિયન અને એક કોમનવેલ્થ ગેમ્સની યજમાની કરી છે. દેશે છેલ્લે 2010માં કોમનવેલ્થ ગેમ્સની યજમાની કરી હતી. આ પહેલા આપણા દેશમાં 1982 અને 1951ની એશિયન ગેમ્સનું પણ આયોજન કરવામાં આવ્યું હતું.

જમ્મુ-કાશ્મીરમાં નેશનલ કોન્ફરન્સના ઉમર અબ્દુલ્લાની સરકારની રચના પછી આતંકવાદી હુમલા વધી ગયા એ સંદર્ભમાં ઉમરના પિતા અને ભૂતપૂર્વ મુખ્યમંત્રી ડો. ફારૂૂક અબ્દુલ્લાએ વિચિત્ર નિવેદન આપ્યું છે. ડો. ફારૂૂકે કાશ્મીરમાં વધેલા આતંકવાદી હુમલા માટે ભારત સરકારની એજન્સીઓ જવાબદાર હોવાનો આક્ષેપ કરીને સવાલ કર્યો છે કે, કોઈ એજન્સી તો આ હુમલા નથી કરાવી રહી ને ? ફારૂૂકે કહ્યું છે કે, મને શંકા છે કે આ હુમલો એવા લોકો દ્વારા કરવામાં આવી રહ્યો છે જેઓ આ સરકારને અસ્થિર કરવાનો પ્રયાસ કરી રહ્યા છે, બાકી આ બધું પહેલા કેમ નહોતું બનતું? ફારૂૂકના કહેવા પ્રમાણે, કેટલીક એજન્સી ઓમર અબ્દલ્લાની તાજેતરમાં ચૂંટાયેલી સરકારને અસ્થિર કરવા માગે છે તેથી આતંકવાદી હુમલાની ઘટનાઓ વધી છે.

ફારૂૂકે પોતે ફોડ પાડીને કઈ એજન્સીની વાત કરી રહ્યા છે એ કહ્યું નથી પણ ફારૂૂકની માનસિકતા જોતાં સ્પષ્ટ છે, તેમણે ભારતીય સુરક્ષા એજન્સીઓ પર સવાલ ઉઠાવ્યા છે. ફારૂૂકના નિવેદન સામે ભાજપે સ્વાભાવિક રીતે જ વાંધો ઉઠાવ્યો છે. ભાજપે કહ્યું કે, ફારુક અબ્દુલ્લા પાસે કોઈ પુરાવા કે માહિતી હોય તો કેન્દ્ર સરકારને આ પુરાવા આપવા જોઈએ, બાકી હવામાં ગોળીબાર કરીને ફેંકાફેંક ના કરવી જોઈએ.

જમ્મુ અને કાશ્મીરમાં સમસ્યાઓ નથી એવું સાવ જૂઠાણું ના ચલાવી શકાય પણ આતંકવાદીઓ સાવ બેફામ નથી તેનું કારણ ભારત સરકારની એજન્સીઓ અને લશ્કર છે, બાકી પાકિસ્તાન અને તેના પીઠ્ઠુ આતંકવાદીઓ તો કાશ્મીરને ભડકે બાળવા માગે છે. લશ્કર ના હોય તો કાશ્મીરની પ્રજાનું જીવવું હરામ થઈ જાય એ જોતાં લશ્કર કે ભારતીય એજન્સીઓ સામે આંગળી ના ચીંધી શકાય. ફારૂૂક સહિતના લોકોના પોતાના રાજકીય એજન્ડા છે એટલે એ લોકો આવી વાતો કરે છે પણ આ વાતોમાં દમ નથી. આ પ્રકારની વાતો કરીને ફારૂૂક પોકતાની માનસિકતા છતી કરી રહ્યા છે. નેશનલ કોન્ફરન્સમાં લોકોએ વિશ્ર્વાસ મૂકીને સ2ત્તા સોંપી છે ત્યારે કાશ્મીરમાં શાંતિ સ્થાપવા માટે એને આતંકવાદને ખતમ કરીને લોકોનાં જીવનને બહેતર બનાવવા માટે મથવાના બદલે ફારૂૂક રાજકીય આક્ષેપબાજી કરે એ શરમજનક કહેવાય.

ફારૂૂકે પોતાના દીકરા ઉમરને કેન્દ્ર સરકાર સાથે મળીને કામ કરવાની સલાહ આપવી જોઈએ પણ તેના બદલે એ વાહિયાત નિવેદનો કરીને પલિતો ચાંપી રહ્યા છે. અત્યારે જે સ્થિતિ છે તેમાં જમ્મુ અને કાશ્મીરની સુરક્ષા લેફ્ટનન્ટ ગવર્નર મનોજ સિંહાના ભરોસે છે. કાયદો અને વ્યવસ્થાની સંપૂર્ણ જવાબદારી લેફ્ટનન્ટ ગવર્નરની છે પણ એ સાવ નિષ્ફળ ગયા છે એ જોતાં સૌથી પહેલાં તેમને ખસેડવા જોઈએ. આદર્શ સ્થિતિ તો એ છે કે, લેફ્ટનન્ટ ગવર્નરે આતંકવાદી હુમલાની જવાબદારી લેવી જોઈએ અને ખસી જવું જોઈએ કેમ સિંહા છેલ્લાં પાંચ વર્ષમાં કાશ્મીરની સ્થિતિમાં કોઈ સુધારો લાવી શક્યા નથી. આવા સાવ નિષ્ફળ શાસકના ભરોસે કાશ્મીરની પ્રજાને છોડી ના શકાય. આ સંજોગોમાં મોદી સરકારે તેમને બદલવા જ જોઈએ ને કોઈ સક્ષમ માણસને લેફ્ટનન્ટ ગવર્નર બનાવવા જોઈએ. કાશ્મીરને સંપૂર્ણ રાજ્યનો દરજ્જો મળે ત્યાં સુધી સિંહાના ભરોસે લોકોને છોડીને મરવા ના દેવાય. કાશ્મીરની સુરક્ષાના મામલે બીજા પણ સવાલો છે.

દરેક વાર હુમલા પછી પાકિસ્તાન પર દોષારોપણ કરીને હાથ ખંખેરી દેવાય છે પણ સવાલ એ છે કે, પાકિસ્તાનથી આતંકવાદીઓ આવી રહ્યા છે તો ઈન્ડિયન આર્મી તેમને કેમ રોકતી નથી? ને આર્મી રોકતી નથી તો મોદી સરકાર શું કરી રહી છે? આતંકવાદીઓને રોકવા અને ઠેકાણે પાડી દેવાની જવાબદારી સરકારની છે પણ એવું થતું નથી. તેનો મતલબ એ થયો કે, આ મોદી સરકારની નિષ્ફળતા કહેવાય કે, આતંકવાદીઓને રોકવામાં સક્ષમ નથી. મોદી સરકારે આ સ્થિતિ બદલવા પણ કમર કસવી જોઈએ, આકરા થવું પડે.

અધ્યક્ષ જગદંબિકા પાલ એક તરફી નિર્ણયો કરતા હોવાની ફરિયાદ

કેન્દ્ર સરકારે વકફ બોર્ડની મિલકતોની તપાસ માટે રચેલી જોઈન્ટ પાર્લામેન્ટરી કમિટમિાં જ આંતરિક વિવાદ ચરમસીમાએ પહોંચ્યો છે અને જે.પી.સી.ના અધ્યક્ષ જગદંબીકા પાલ સામે વિપક્ષી સાંસદીએ મોરચો ખોલી પાલ પક્ષપાતી નિર્ણયો કરતા હોવાનો આક્ષેપ કર્યો છે. અને જે.પી.સી.માંથી નિકળી જવાનીચીમકી આપી છે.
વકફ બિલ માટે વિચારણા કરતી સંસદની સંયુક્ત સમિતિનો ભાગ બનેલા વિપક્ષી સાંસદોથી નારાજ છે. ગઈકાલે વિપક્ષના તમામ સભ્યો લોકસભા અધ્યક્ષ ઘળ ઇશહિફ ને મળ્યા હતા.

તેમનું કહેવું છે કે આ તમામ ભાજપના સાંસદ ઉંફલમફળબશસફ ઙફહ ના કથિત એકતરફી નિર્ણય વિરુદ્ધ છે. તેમણે કહ્યું કે લોકસભા અધ્યક્ષે તેમની વાત ધીરજથી સાંભળી અને શક્ય તેટલી વહેલી તકે નિર્ણય લેવાનું આશ્વાસન આપ્યું.

તૃણમૂલ કોંગ્રેસના સાંસદ અને સમિતિના સભ્ય કલ્યાણ બેનર્જીએ કહ્યું કે ખૂબ જ સારી ચર્ચા થઈ હતી. તેમણે અમારા પ્રત્યે સદ્ભાવના દર્શાવી હતી. લોકસભાના સ્પીકરે અમારી વાત ખૂબ ધીરજથી સાંભળી અને કહ્યું કે તેઓ આ મામલાની તપાસ કરશે.

વિપક્ષી સભ્યોએ સોમવારે ઉંફલમફળબશસફ ઙફહ પર એકપક્ષીય નિર્ણયો લેવાનો અને સમગ્ર પ્રક્રિયાને તોડવાનો આરોપ મૂક્યો હતો અને પોતાને સમિતિથી દૂર કરવાનો સંકેત આપ્યો હતો. તેમણે લોકસભા સ્પીકર ઘળ ઇશહિફ ને સંબોધીને લખેલા પત્રમાં એવો પણ દાવો કર્યો હતો કે સમિતિની કાર્યવાહીમાં તેમની વાત સાંભળવામાં આવી નથી અને આવી સ્થિતિમાં તેમને સમિતિમાંથી નીકાળવાની પણ ફરજ પડી શકે છે.
અનેક મુદ્દાઓ પર વિપક્ષી સભ્યોના સતત વિરોધને કારણે સમિતિની કાર્યવાહી ખોરવાઈ ગઈ છે. જેમાં ભાજપના સભ્યોએ ઈરાદાપૂર્વક તેના કામમાં વિક્ષેપ પાડવાનો પ્રયાસ કરવાનો આરોપ લગાવ્યો હતો. પાલે આ આરોપને ફગાવી દીધો છે કે તેમણે વિપક્ષી સભ્યોને તેમના વિચારો વ્યક્ત કરવા દીધા ન હતા.