એક્ટિવામાં આવેલા ચીટરો સીસીટીવીમાં કેદ, પોલીસે આરોપીને પકડવા ટીમો બનાવી

સોશિયલ મીડીયાના માધ્યમથી અલગઅલગ લોભામણી જાહેરાતો કરી લોકોને છેતરવાના કિસ્સાઓ અવારનવાર સામે આવી રહ્યા છે તેવામાં ઇન્સ્ટાગ્રામના માધ્યમથી એક લાખના દોઢ લાખ કરી આપવાની લાલચ આપી નાસીકના કોન્ટ્રાક્ટરને ભુજમાં બોલાવી એક્ટીવા પર આવેલા બે ચીટરો લોકોની સતત અવરજવર વાળા જ્યુબિલી સર્કલ પરથી રૂૂપિયા 3 લાખ ભરેલી થેલી ઝુંટવી ગયા હોવાનો બનાવ સામે આવ્યો છે.સમગ્ર ઘટનાનો સીસીટીવી ફૂટેજ મેળવી પોલીસે આરોપીઓને ઝડપી લેવા કવાયત હાથ ધરી છે.

પ્રાપ્ત વિગતો મુજબ મુળ નખત્રાણાના નાના કાદીયાના અને હાલ નાસીકમાં રહેતા ફરિયાદી કિશોરભાઈ અરવિંદભાઈ પટેલે ભુજ શહેર બી ડીવીઝન પોલીસ મથકે આરોપી વિવેક પંડ્યા અને એક અજાણ્યા વ્યક્તિ વિરુદ્ધ ગુનો નોધાવ્યો છે.ફરિયાદીના જણાવ્યા મુજબ પંદરેક દિવસ અગાઉ આરોપીની ઇન્સ્ટાગ્રામ આઈડી પર રૂૂપિયા 500 ની નોટોના બંડલ અને એક લાખના દોઢ લાખ કરવાની જાહેરાત જોઈ હતી.લાલચમાં આવેલા ફરિયાદીએ સંપર્ક કરતા આરોપીએ પોતે માધાપરનો હોવાનું કહ્યું હતું.જે બાદ અવારનવાર વોટ્સએપ કોલ પર વાતચીત થતી હતી.એ દરમિયાન આરોપીએ ઓછામાં ઓછા ત્રણ લાખ રૂૂપિયા હોય તો દોઢ ગણા કરી આપવામાં આવશે તેવું કહ્યું હતું.જેથી ફરિયાદીએ આ બાબતે તેના મિત્ર ભૌતિક ઈશ્વરભાઈ ભગતને વાત કરી હતી.

જે બાદ 8 નવેમ્બરના ફરિયાદી પોતાના બે લાખ રૂૂપિયા અને મિત્રના એક લાખ રૂૂપિયા સાથે માધાપર આવવા નીકળ્યા હતા.અને શનિવારે સાંજે માધાપર પહોચ્યા બાદ આરોપીનો સંપર્ક કરતા અલગઅલગ જગ્યાએ ફેરવી અંતે જ્યુબિલી સર્કલ બોલાવ્યા હતા.જ્યાં એક્ટીવા પર આવેલા બન્ને આરોપીઓએ ફરિયાદીને પોતાની રોકડ બતાવવાનું કહ્યું હતું ત્યારે રૂૂપિયા 3 લાખ ભરેલી થેલી બતાવતા જ આરોપીઓ ઝુંટવી લઇ ભાગી છુટ્યા હતા. પીઆઈ વી.બી.પટેલે જણાવ્યું કે,લુંટની ઘટના સીસીટીવીમાં કેદ થઇ છે પોલીસે ચક્રો ગતિમાન કર્યા છે.

કચ્છના ધોરડોના રણમાં આગામી તા. 11 નવેમ્બર સોમવારથી રણ મહોત્સવનો પ્રારંભ થનાર છે. અગાઉ રણ મહોત્સવ યોજતી ખાનગી એજન્સીઓ લલ્લુજી એન્ડ સન્સ અને પ્રવેગ વચ્ચેના કાનુની વિવાદના કારણે આ વર્ષે ખુદ રાજ્ય સરકારે જ રણ મહોત્સવનું આયોજન કર્યુ છે. અને આ માટે પ્રવાસન નિગમને નોડલ તરીકે કામગીરી સોંપવામાં આવી જ્યારે અન્ય તમામ સરકારી વિભાગોને પણ જરૂરી વ્યવસ્થાની જવાબદારી સોંપતી સુચનાઓ આપવામાં આવી છે.

અગાઉ વર્ષથી રણ મહોત્સવનું આયોજન લલ્લુજી એન્ડ સન્સ નામની કંપની સંભાળતી હતી. પરંતુ આ વર્ષનું ટેન્ડર પ્રવેગ કંપનીને મળતા અને સમગ્ર વિવાદ હાઈકોર્ટમાં પહોંચતા ગત સપ્ટેમ્બર માસમાં હાઈકોર્ટે ટેન્ડર રદ કરવા હુકમ કર્યો હતો. જેના કારણે સરકાર પાસે રિ-ટેન્ડરની પ્રક્રિયાનો સમય નહી રહેતા અંતે આ વર્ષે પ્રવાસન નિગમના નેજા હેઠળ સરકારે જ રણ મહોત્સવનું આયોજન કર્યુ હતું.

કચ્છમાં ધોરડો ખાતે રણોત્સવ અંતર્ગત 11 નવેમ્બરથી શરૂૂ ટેન્ટ સિટી અને તે પછી સાંસ્કૃતિક કાર્યક્રમ સહિતની અનેક પ્રવૃતિઓ યોજાશે. છેલ્લા કેટલાક સમયથી રાજ્યમાં વિવિધ સ્થળે બનતા આગના બનાવોમાં સુરક્ષાના સાધનોનો અભાવે દેખાઇ આવ્યો છે અને ખાદ્ય વાનગીઓમાં પણ ભેળસેળની બૂમ પડી છે તેને ધ્યાનમાં રાખતા સરકારે રણ ઉત્સવના વિવિધ સ્થળે ફાયર વિભાગ દ્વારા મોનિટરીંગ અને એનઓસી માટે ખાસ તાકીદ કરી છે. તે સાથે ફૂડની ગુણવત્તાની ચકાસણીની જવાબદારી પણ જિલ્લા વહીવટી તંત્રને સોંપી છે.

કચ્છમાં 2005થી શરૂૂ થયેલા રણોત્સવ નિહાળવા દેશ અને દુનિયામાંથી પ્રવાસી આવતા હોય છે. ધોરડો વિલેજને વર્લ્ડ ટુરિઝમ ઓર્ગેનાઇઝેશન દ્વારા બેસ્ટ ટુરિઝમ વિલેજ તરીકે જાહેર પણ કરાયું છે. રણોત્સવ દરમિયાન પ્રવાસીઓના ધસારાને જોતા વિશેષ સુવિધાનું આયોજન કરાતું હોય છે. 11 નવેમ્બરથી 15 માર્ચ-2025 સુધી ટેન્ટ સિટી અને 1 ડિસેમ્બરથી 28 ફેબ્રુઆરી-2025 સુધી અન્ય પ્રવૃત્તિઓમાં ક્રાફ્ટ સ્ટોલ, ફૂડ સ્ટોલ, સફેદ રણ ખાતે કલ્ચરલ પ્રોગ્રામ વિગેરે પણ યોજાશે. ઉદ્યોગ વિભાગ દ્વારા આ માટે પ્રવાસન નિગમને આયોજન માટે નોડલ તરીકે કામગીરી સોંપાઇ છે. જે તમામ વિભાગો સાથે સંકલનની કામગીરી, ટેન્ડર એજન્સી સાથે આંતર માળખાકીય સુવિધા સહિત સાંસ્કૃતિક કાર્યક્રમો વિગેરેનું આયોજન કરશે.

કચ્છના જિલ્લા વહીવટી તંત્રને રણોત્સવ ખાતે મહાનુભાવોથીપ્રવાસીઓની મુલાકાત દરમિયાન ટ્રાફિક નિયમન, કાયદો-સલામતીની જાળવણી, ધોરડો અને સફેદ રણ માટે લેન્ડ યુઝ સહિતની જરૂૂરી મંજૂરી આપવા અને તબીબી ટીમ અને ફાયર ફાઇટની સુવિધા પણ સતત રાખવા જણાવાયું છે. રણોત્સવના સ્થળે ફાયર વિભાગ દ્વારા મોનિટરીંગ અને તે માટેનું એનઓસી આપવા ખાસ તાકીદ કરાઇ છે. બીએસએફ ચેક પોસ્ટથી સફેદ રણ સુધી જવા માટે સ્થાનિકો દ્વારા ઉંટ લારીની વ્યવસ્થા કરાવવા તંત્રને જણાવાયું છે.

સેમ્પલ એફએસએલમાં મોકલ્યા બાદ 24 દિવસે પોલીસમાં ફરિયાદ

અંજારના લાખાપરમાં તા.14/10 ના ખેડૂતોએ સરકારી સબસડી વાળો યુરીયા ખાતરનો જથ્થો જે ખાનગી કંપનીઓમાં સપ્લાય કરાતો હતો તેને રોકી ખેતીવાડી અધીકારીને જાણ કરાયા બાદ જથ્થો જપ્ત કરી સેમ્પલ ચકાસણીમાં મોકલાયા હતા. રિપોર્ટ આવી જતાં આ જથ્થો નિમકોટેડ યુરિયાનો જ જથ્થો હોવાનુ ખુલતાં ખેતીવાડી અધિકારીએ અંજાર પોલીસ મથકે જીપના ચાલક અને જીપના માલિક બન્ને વિરૂૂધ્ધ ખેડૂતો માટેના યુરીયાની હેરાફેરી કરતા હોવાની ફરિયાદ નોંધાવી છે.

અંજાર ખાતે ખેતીવાડી અધિકારી તરીકે ફરજ બજાવતા ચંદુલાલ જગાજી માળીએ નોંધાવેલી ફરિયાદમાં જણાવ્યા મુજબ, તા.14/10 ના સવારે લાખાપરના ખેડૂતોએ ખેડૂતો માટેના સરકારી સબ સીડી વાળા નિમકોટેડ યુરીયાનો જથ્થો જીપમાં હેરાફેરી કરાતો હતો તેને લોકોએ રોક્યા બાદ અંજાર કિશાન સંઘના પ્રમુખ રામજી શામજીભાઇ મરંડે આ બાબતની જાણ કરી હતી. બાદમાં સ્થળ ઉપર જઇ માલવાહક જીપમાં લઇ જવાતા રૂૂ.21,300 ની કિંમતના યુરીયા ખાતરના જથ્થા સાથે જીપના ચાલક તરસંગજી જીવણજી રાણાવાડીયાની પુછપરછના આધારે જીપના માલીક ભચાઉના ચંદ્રેશ પ્રભુલાલ ઠક્કરની અટક કરી આ ખાતરના જથ્થામાંથી સેમ્પલ પૃથ્થકરણ માટે મોકલાયા હતા.

બીજી તરફ આ બન્ને જણાની પુછપરછમાં આ યુરિયા ખાતર ભચાઉ રહેતા પ્રકાશ પટેલનું નામ આપ્યું હતું જેના આધારે અંજાર પોલીસે ભચાઉના પ્રકાશ પટેલના રહેણાક મકાનમાંથી 27 બોરી નિમકોટેડ યુરિયા ખાતરની જપ્ત કરી હતી. ત્યારબાદ પુછપરછ દરમિયાન આ યુરિયા ખાતરનો જથ્થો ગઢશીશાના જે યુરીયા ખાતરના ડેપોના સંચાલક છે તે નિકુંઝભાઇ ઓઝાએ મોકલ્યો હોવાનું ખુલ્યું હતું. હવે આ ખાતરના સેમ્પલના પૃથ્થકરણ બાદ આ જથ્થો નિમકોટેડ યુરીયાનો જ હોવાનું બહાર આવતાં અંતે ખેતીવાડી અધિકારીએ બે જણા વિરુધ્ધ અંજાર પોલીસ મથકે ફોજદારી નોંધાવી હતી. આ બાબતે પોલીસે ફરિયાદના આધારે તપાસ હાથ ધરી છે.