Uncategorized
દેશ પર વધ્યો દેણાનો બોજ / ચાલુ નાણાંકીય વર્ષમાં દેણામાં થયો આટલો વધારો, નાના શહેરોના યુવા લઈ રહ્યા છે ઓનલાઈન લોન
![](https://gujaratmirror.in/wp-content/uploads/2023/12/fortuneindia_2022-06_1fa744fc-adb4-48fd-a40e-54e45a7edc8b_GettyImages_955530262.webp)
ચાલુ નાણાંકીય વર્ષના જુલાઈ-સપ્ટેમ્બર ક્વાર્ટરમાં દેશનું કુલ દેવું વધીને 205 લાખ કરોડ રૂપિયા થઈ ગયું છે. ગત નાણાંકીય વર્ષના જાન્યુઆરી-માર્ચ ક્વાર્ટરમાં કુલ દેવું રૂ. 200 લાખ કરોડ હતું. Indiabonds.comના સહ-સ્થાપક વિશાલ ગોએન્કાએ RBIના ડેટાને ટાંકીને જણાવ્યું કે, જુલાઈ-સપ્ટેમ્બર ક્વાર્ટરમાં કેન્દ્રનું દેવું રૂ. 161.1 લાખ કરોડ હતું. માર્ચ ક્વાર્ટરમાં તે રૂ. 150.4 લાખ કરોડ હતો. કેન્દ્ર પાસે સૌથી વધુ 161.1 લાખ કરોડ રૂપિયા એટલે કે કુલ લોનના 46.04 % છે. આ પછી દેવામાં રાજ્ય સરકારોનો હિસ્સો 24.4 % એટલે કે 50.18 લાખ કરોડ રૂપિયા છે.
ખરીદી માટે 48 % લોકો ઓનલાઈન પર રાખે છે આધાર
દેશમાં 48 % લોકો વ્યક્તિગત ખરીદી માટે ઓનલાઈન પર આધાર રાખે છે. તેમાંથી 44 % લોકો નાણાકીય વ્યવહારો માટે ઓનલાઈન બેંકિંગનો ઉપયોગ કરે છે. હોમ ક્રેડિટ ઈન્ડિયાના તાજેતરના સર્વે અનુસાર, 2021 થી જરૂરિયાતોને આધારે લોન લેવાનું વલણ બદલાયું છે. 2023 માં 44 % લોકોએ ઘર ચલાવવાથી લઈને સ્માર્ટફોન અને હોમ એપ્લાયન્સ ખરીદવા સુધીની દરેક વસ્તુ માટે લોન લીધી હશે. કન્ઝ્યુમર ડ્યુરેબલ લોનમાં 9 %નો ઘટાડો થયો હોવા છતાં, બિઝનેસ સંબંધિત લોનમાં 5 %નો વધારો થયો છે.
નાના શહેરોના યુવા લઈ રહ્યા છે ઓનલાઈન લોન
સર્વે અનુસાર, ઓનલાઈન લોન મુખ્યત્વે નાના શહેરોના યુવાનો દ્વારા લેવામાં આવી રહી છે. દેહરાદૂન (61 %), લુધિયાણા (59 %), અમદાવાદ (56 %) અને ચંદીગઢ (52 %) જેવા શહેરો આમાં મુખ્ય રીતે સામેલ છે. હોમ ક્રેડિટ ઇન્ડિયાના ચીફ માર્કેટિંગ ઓફિસર આશિષ તિવારીએ જણાવ્યું હતું કે, આ સર્વે ડેટા ગોપનીયતા અંગે જાગૃતિની જરૂરિયાત પર પણ ભાર મૂકે છે.
ફ્રંટ-રનિંગ મામલામાં 11 પક્ષો પર પ્રતિબંધ હટાવવાનો ઈનકાર
માર્કેટ રેગ્યુલેટર સેબીએ બુધવારે ‘ફ્રન્ટ-રનિંગ’ કેસમાં સિક્યોરિટી માર્કેટમાં 11 પક્ષો પર લાદવામાં આવેલા પ્રતિબંધને હટાવવાનો ઇનકાર કર્યો હતો. આ મામલે ઝીણવટભરી તપાસ ચાલી રહી હોવાનું પણ જણાવ્યું હતું. સેબીના સંપૂર્ણ સમયના સભ્ય અનંત નારાયણ જીએ જણાવ્યું હતું કે નોટિસોની અરજીઓ વચગાળાના આદેશમાં કરાયેલા તારણોને રદિયો આપવા માટે પૂરતી નથી. ફ્રન્ટ-રનિંગ ટ્રેડિંગ એ શેરબજારોમાં એક ગેરકાયદેસર પ્રથા છે જેમાં વ્યક્તિ બ્રોકર અથવા વિશ્લેષક પાસેથી મળેલી આગોતરી માહિતીના આધારે શેરનો વ્યવહાર કરે છે.
જિયો અને એરટેલે 48 લાખ મોબાઈલ ગ્રાહકો ઉમેર્યા
રિલાયન્સ જિયોએ સપ્ટેમ્બરમાં 34.7 લાખ મોબાઈલ ગ્રાહકો ઉમેર્યા છે. એરટેલના ગ્રાહકોની સંખ્યામાં 13.2 લાખનો વધારો થયો છે. માર્કેટ રેગ્યુલેટર ટ્રાઈના માસિક ડેટા અનુસાર, વોડાફોન આઈડિયાના મોબાઈલ સબસ્ક્રાઈબર્સની સંખ્યા 7.5 લાખ ઘટીને 22.75 કરોડ થઈ છે.
ઇનસાઇડર ટ્રેડિંગ કેસમાં કિશોર બિયાનીને રાહત
ફ્યુચર રિટેલ ચેરપર્સન કિશોર બિયાનીને મોટી રાહત મળી છે. સિક્યોરિટીઝ એપેલેટ ટ્રિબ્યુનલ (SAT)એ બુધવારે ઇનસાઇડર ટ્રેડિંગ કેસમાં બિયાની અને અન્ય પ્રમોટરોને સિક્યોરિટી માર્કેટમાંથી એક વર્ષ માટે પ્રતિબંધિત કરવાના સેબીના આદેશને બાજુ પર રાખ્યો હતો.
કોલસાનું ઉત્પાદન 1 અબજ ટનને પાર કરી જશે
કોલસા મંત્રી પ્રહલાદ જોશીએ બુધવારે જણાવ્યું હતું કે, 2023-24 દરમિયાન દેશનું કોલસાનું ઉત્પાદન એક અબજ ટનને પાર થવાની ધારણા છે. તેમણે કહ્યું કે, 2030 સુધીમાં વીજળીની માંગ બમણી થઈ શકે છે.
Uncategorized
મનપામાં ત્રણ વર્ષથી એક જગ્યાએ ચીપકેલા 14 વોર્ડ ઓફિસરોની બદલી
![](https://gujaratmirror.in/wp-content/uploads/2024/09/71649684072_1653646898-2.webp)
ડે. ઈજનેર, એઆઈનો ઘાણવો કાઢ્યા બાદ મ્યુનિ. કમિશનરે બાકી રહી ગયેલા વિભાગોમાં કરી સાફસફાઈ
મનપામાં કમિશનર તરીકેનો ચાર્જ સંભાળ્યા બાદ દેવાંગ દેસાઈએ મોટાભાગના વિભાગોના અધિકારીઓ અને કર્મચારીઓની બદલીઓ કરી નાખી છે. બે દિવસ પહેલા એક સાથે 53 ઈજનેરોની બદલી કર્યા બાદ આજે ત્રણ વર્ષથી એક જ સ્થળે ફરજ બજાવતા 14 વોર્ડ ઓફિસરોની અરસપરસ બદલી અને આસિ. કમિશનર તેમજ મેનેજર સહિતના 7 અધિકારીઓ પાસેથી અમુક ખાતાઓ છીનવી નવા વિભાગનો કાર્યભાર સોંપવામાં આવ્યો છે.
બી.એલ.કાથરોટિયા – ઈ.ચા. આસિ. કમિશનર
હાલની કામગીરી :- ઈ.ચા. આસી. કમિશનર, સો.વે.મે. શાખા CITIES 2.0, સ્વચ્છ સર્વેક્ષણ, IEC Activity, સફાઈ કામદારને લગત તમામ વહીવટી કામગીરી, MGM, આંબેડકર મ્યુઝીયમ સંબંધિત કામગીરી તેમજ મધ્યાહન ભોજન યોજનાનાં ઈ.ચા. નાયબ કલેકટર તરીકેની કામગીરી; ઈ.ચા.આસી. કમિશનર, વેરા વસુલાત- વ્યવસાય વેરો(ઈ.ઝો), પ્રોજેક્ટ શાખા, દબાણ હટાવ શાખા, એસ્ટેટ શાખા અને શોપ એન્ડ એસ્ટાબ્લીશમેન્ટ, સામાન્ય વહીવટ વિભાગ, ચીફ વિજીલન્સ ઓફિસર તરીકેની કામગીરી અને નાયબ કમિશનરશ્રી ઈ.ઝો.ની સુચના અનુસારની કામગીરી, હવે પછીની કામગીરી :- ઈ.ચા.આસી.કમિશનર તરીકે (1)CITIES 2.0, સ્વચ્છ સર્વેક્ષણ, IEC Activity, સફાઈ કામદારને લગત તમામ વહીવટી કામગીરી, (2)પ્રોજેક્ટ શાખા, (3) દબાણ હટાવ શાખા, (4)એસ્ટેટ શાખા, (5) શોપ એન્ડ એસ્ટાબ્લીશમેન્ટ, (6)સામાન્ય વહીવટ વિભાગ, (7) સાંસ્કૃતિક વિકાસ વિભાગ, (8)રેસકોર્ષ સંકુલ તથા સંબંધિત નાયબ કમિશનરની સુચના અનુસારની કામગીરી તેમજ MGM, આંબેડકર મ્યુઝીયમ સંબંધિત કામગીરી, મધ્યાહન ભોજન યોજનાનાં ઈ.ચા. નાયબ કલેકટર તથા ચીફ વિજીલન્સ ઓફિસર તરીકેની કામગીરી (પગારની શાખા:સો.વે.મે.શાખા)
સાત ઈ.ચા. આસિ. કમિશનર અને મેનેજરને નવી જવાબદારી સોંપાઈ
રાજકોટ મહાનગરપાલિકામાં ફરજ બજાવતા ઈન્ચાર્જ આસિસ્ટન્ટ કમિશનર તેમજ પીએટુ કમિશનર, મેનેજર સહિતનાઓને અગાઉ ફાળવવામાં આવેલ વિભાગોની જવાબદારી પરત લઈ નવા વિભાગની જવાબદારીઓ સોંપવામાં આવી છે. કુલ સાત અધિકારીઓની અરસ-પરસ જવાબદારીઓની બદલીઓના હુકમ મ્યુનિસિપલ કમિશનર દ્વારા કરવામાં આવ્યા છે.
એન.કે. રામાનુજ-ઈ.ચા. આસિ. કમિશનર અને પી.એ.ટુ કમિશનર
હાલની કામગીરી :- મેનેજર કમિશનર વિભાગ, ઈ.ચા. આસી. કમિશનર શાળા બોર્ડ અને સુરક્ષા તેમજ પી.એ.ટુ. કમિશનર તરીકેની કામગીરી, હવે પછીની કામગીરી :- (1) મેનેજર, કમિશનર વિભાગ, (2) પી.એ. ટુ. કમિશનર તેમજ (3) મહેકમ શાખાના ઈ.ચા. આસી. કમિશનર તથા સબંધિત નાયબ કમિશનરની સુચના અનુસારની કામગીરી (પગારની શાખા-કમિશનર વિભાગ)
એમ.ડી. ખીમસુરિયા – મેનેજર
હાલની કામગીરી :- મેનેજર, ટ્રાફિક, ટ્રાન્સપોર્ટ એન્ડ પાર્કિંગ મેનેજમેન્ટ શાખા અને આર.આર. સેલ તથા આઈસીસીસીના નોડલ ઓફિસર, હવે પછીની કામગીરી :- મેનેજર, વેરા વસુલાત શાખા-વે.ઝો અને અન્ય કર સેલ તેમજ શોપ એન્ડ એસ્ટાબ્લીશમેન્ટ શાખા (પગારની શાખા:વેરા વસુલાત શાખા)
ડી.એમ. ડોડિયા-મેનેજર
હાલની કામગીરી :- મેનેજર, આવાસ યોજના વિભાગ (વહીવટી) તથા એસ્ટેટ શાખા તથા આરઆરએલ ખાતે જાહેરાતના હક્કો સબંધિત કામગીરી, હવે પછીની કામગીરી :- મેનેજર, આવાસ યોજના વિભાગ (વહીવટી) અને ઈ.ચા.સહાયક કમિશનર તરીકે (1)વેરા વસુલાત શાખા(વે.ઝો.) (2)વ્યવસાય વેરો, અન્ય કર સેલ તથા સંબંધિત નાયબ કમિશનરશ્રીની સુચના અનુસારની કામગીરી (પગારની શાખા:આવાસ યોજના વિભાગ)
એસ.જે. ધડુક ઈન્ચાર્જ આસિ. કમિશનર
હાલની કામગીરી :- ઈ.ચા. આસિ. કમિશનર-વે ઝો., વેરા વસુલાત શાખા, વ્યવસાય વેરો, મહેકમ શાખાના આસી. કમિશનર, વેરા વસુલાત શાખા-વ્યવસાય વેરા (સે.ઝો.)ઈ.ચા. ડાયરેક્ટર (આઈ.ટી.) તથા નાયબ કમિશનર શ્રી વે.ઝો.ની સુચના અનુસારની કામગીરી હવે પછીની કામગીરી :- ઈ.ચા. આસિ. કમિશનર તરીકે (1) વેરા વસુલાત શાખા (સે.ઝો.), (2) વેરા વસુલાત શાખા (ઈ.ઝો.), (3) શાળા બોર્ડ (4) સુરક્ષા વિભાગ તથા સબંધિત નાયબ કમિશનરની સુચના અનુસારની કામગીરી તેમજ ઈ.ચા. ડાયરેક્ટર (આઈ.ટી.) તરીકેની કામગીરી (પગારની શાખા સામાન્ય વહીવટ વિભાગ)
એમ.આઈ. વોરા-મેનેજર
હાલની કામગીરી :- મેનેજર, સોલીડવેસ્ટ મેનેજમેન્ટ શાખા, આરોગ્ય શાખા અને નોડલ અધિકારી આઈઈસી સેલ, હવે પછીની કામગીરી :- મેનેજર, ટ્રાફિક,ટ્રાન્સપોર્ટ એન્ડ પાર્કિંગ મેનેજમેન્ટ શાખા અને આર.આર.એલ. તથા ઈંઈઈઈનાં નોડલ ઓફિસર. (પગારની શાખા:ટી ટી, પાર્કિંગ મેનેજમેન્ટ શાખા)
એન.એમ. વ્યાસ – મેનેજર
હાલની કામગીરી :- મેનેજર, વેરા વસુલાત શાખા-વે.ઝો. અને અન્ય કર સેલ તેમજ શોપ એન્ડ એસ્ટાબ્લીશમેન્ટ શાખા, હવે પછીની કામગીરી :- મેનેજર, સોલીડ વેસ્ટ મેનેજમેન્ટ શાખા, આરોગ્ય શાખા અને નોડલ અધિકારી ઈંઊઈ સેલ (પગારની શાખા: સો.વે.મે શાખા)
![](https://gujaratmirror.in/wp-content/uploads/2024/09/Capture-44.jpg)
Uncategorized
‘મારી ઘરવાળી ભાગી એમાં તું જાણે છે’ તેમ કહી મિત્રએ ધમકી આપતા યુવકનો આપઘાત
![](https://gujaratmirror.in/wp-content/uploads/2024/09/02.jpg)
શહેરમાં મોરબી રોડ ઉપર આવેલ જકાતનાકા પાસે લાલપરી વિસ્તારમાં રહેતા રીક્ષા ચાલક યુવાને તેના મિત્રએ ‘મારી ઘરવાળી ભાગી એમાં તું જાણે છે’ તેમ કહી ધમકી આપતા ઘરેથી રીક્ષા લઇ નીકળી ગયા બાદ યુવાને બેડી ચોકડી પાસે રેલ્વે પાટા નજીક પોતાની જ રિક્ષામાં ઝેરી દવા પી જીવન ટૂંકાવી લીધું હોવાના આક્ષેપથી ખળભળાટ મચી ગયો છે.
આ બનાવ અંગે પોલીસમાંથી જાણવા મળતી વિગત મુજબ મોરબી રોડ ઉપર જકાતનાકા પાસે લાલપરી વિસ્તારમાં સરકારી સ્કૂલ પાસે રહેતા અને રિક્ષા ચલાવી પરિવારનું ગુજરાન ચલાવતા ભરત ગણેશભાઈ અઘારા નામનો 38 વર્ષનો યુવાન બપોરના એકાદ વાગ્યાના અરસામાં બેડી ચોકડી પાસે પુલ નીચે રેલવે પાટા પાસે હતો ત્યારે પોતાની જ રિક્ષામાં ઝેરી દવા પી લીધી હતી. યુવકને ઝેરી અસર થતા તાત્કાલિક સારવાર માટે સિવિલ હોસ્પિટલમાં ખસેડવામાં આવ્યો હતો. જ્યાં તેની સારવાર કારગત નિવડે તે પૂર્વે જ ફરજ પરના તબીબે મૃત જાહેર કરતા સિવિલ હોસ્પિટલ પોલીસ ચોકીના સ્ટાફે બી ડિવિઝન પોલીસને જાણ કરતા બી ડિવિઝન પોલીસ મથકનો સ્ટાફ તાત્કાલિક સિવિલ હોસ્પિટલ ખાતે દોડી ગયો હતો અને જરૂરી કાર્યવાહી કરી મૃતક યુવકના પરિવારને ઘટના અંગે જાણ કરતા પરિવારજનો હોસ્પિટલ ખાતે દોડી આવ્યા હતા. ભરતભાઇ આઘેરાના મોતથી પરિવારમાં શોકની લાગણી પ્રસરી હતી.
પ્રાથમિક પૂછપરછમાં મૃતક ભરત અઘારા બે ભાઈ એક બહેનમાં મોટો હતો અને રીક્ષા ચલાવી પરિવારનું ગુજરાન ચલાવતો હતો અને તેને સંતાનમાં બે પુત્રી છે.
તેના મિત્રની પત્ની ભાગી ગયા બાદ મિત્રએ નસ્ત્રમારી ઘરવાળી ભાગી એમાં તું જાણે છેસ્ત્રસ્ત્ર તેમ કહી ધમકી આપી હોવાથી ભરતભાઇ અઘારાએ ઘરેથી નીકળી ગયા બાદ બેડી ચોકડી પાસે પોતાની જ રિક્ષામાં ઝેર પી જીવન ટૂંકાવ્યું હોવાનો પરિવારે આક્ષેપ કર્યો છે. આક્ષેપને પગલે બી ડિવિઝન પોલીસે નોંધ કરી વધુ તપાસ હાથ ધરી છે.
Uncategorized
અંબિકા ટાઉનશિપમાં ઢોલ વગાડી ગંદકીનો વિરોધ
![](https://gujaratmirror.in/wp-content/uploads/2024/09/ambika-4.jpg)
શહેરના અંબિકા ટાઉનશીપ વિસ્તારમાં ઠેર ઠેર ભરાયેલા વરસાદી પાણી, કાદવ-કિચડથી ત્રાસી ગયેલા લત્તાવાસીઓએ ઢોલ-થાળી વગાડી, ભાજપનો ધ્વજ ઉંધો કરી ભારે રોષ વ્યક્ત કર્યો હતો.
અંબિકા ટાઉનશીપના લોકોએ રોષભેર જણાવ્યું હતું કે, મત માંગવા ટાણે ઘૂટણિયા ટેકવી, હાથ જોડતા કોર્પોરેટરો ચૂંટાયા પછી પોતાના વિસ્તારમાં ફરકતા પણ નથી એ કારણે આ વિસ્તારમાં સમસ્યાઓ હટવાનું નામ લેતી નથી.
બુધવારે બપોરે ભેગા થયેલા દોષિત લત્તાવાસીઓએ જણાવ્યું હતું કે, વરસાદે વિરામ લીધો હોવા છતાં અંબિકા ટાઉનશીપ વિસ્તારમાં ઠેષર ઠેર પાણી ભરાયેલા ખાડા,કાદવ-કિચડથી લત્તાવાસીઓ ત્રાસી ગયા છે. ઢોલ અને થાળી વગાડતા વગાડતા લોકોએ જાણે તંત્રને જગાડવાનો પ્રયાસ કર્યો હોય તેવા દ્રશ્યો જોવા મળ્યા હતાં.
ભાજપનો ધ્વજ ઉંધો દર્સાવી ગંદા પાણીમાં ખોડી લોકોએ જણાવ્યું હતું કે, એકબાજુ વાયરલ રોગચાળાએ શહેરમાં માથુ ઉચક્યું છે. ત્યારે મનપાના સબંધિત સત્તાધિશો અને વોર્ડ નં. 11ના કોર્પોરેટર્સ ભયંકર રોગચાળાને નોતરવા બેઠા હોય તેમ તેઓના વિસ્તારમાંથી ગંદકી હટાવવા જાગતા નથી.
સેલરમાંથી પાણી છોડાતું હોવાનો તંત્રનો લૂલો બચાવ
અંબિકા ટાઉનશીપમાં ગંદકી અને ચારેબાજુ ભરાયેલા પાણી બાબતે લત્તાવાસીઓએ તંત્રને ફરિયાદ કરી હતી ત્યારે સબંધિતોએ મોટામોટા બંગલા, કોમ્પલેક્ષોના સેલરમાંથી પાણી બહાર કઢાતુ હોવાનો ભુલો બચાવ કર્યો હતો. ગંદકી-સમસ્યાની વાતને સ્વિકારવાને બદલે લોકોને ઉંધા ચશ્મા તંત્ર પહેરાવતું હોવાનો આક્ષેપ થયો છે.
-
રાષ્ટ્રીય2 days ago
અનંત અંબાણીએ ‘લાલબાગ ચા રાજા’ને ભેટમાં આપ્યો સોનાનો મુગટ, કિંમત જાણીને હોંશ ઉડી જશે
-
ગુજરાત2 days ago
ગૌણ સેવા પસંદગી મંડળ દ્વારા લેવાયેલ CCE પરીક્ષાનું રાત્રે પરિણામ
-
રાષ્ટ્રીય20 hours ago
VIDEO: મધ્યપ્રદેશમાં ટ્રેન દુર્ઘટના, જબલપુર સોમનાથ એક્સપ્રેસ ટ્રેનના બે ડબા પાટા પરથી ઊતર્યા, રેલવે તંત્ર દોડતું થયું
-
રાષ્ટ્રીય1 day ago
પૂરગ્રસ્ત વિસ્તારનું નિરીક્ષણ કરતી વખતે માંડ-માંડ બચ્યા CM ચંદ્રબાબુ નાયડુ!! રેલવે ટ્રેકની પાસે ઊભા હતા અને અચાનક જ આવી ટ્રેન, જુઓ વિડીયો
-
રાષ્ટ્રીય2 days ago
સેન્સેક્સમાં 1220 પોઇન્ટનો કડાકો, નિફ્ટીએ 25000નું લેવલ તોડયું
-
રાષ્ટ્રીય2 days ago
‘યુદ્ધ માટે તૈયાર રહો…’, સંરક્ષણ મંત્રી રાજનાથે કમાન્ડરોને આપ્યો આદેશ
-
Sports2 days ago
પેરિસ પેરાલિમ્પિક્સમાં પ્રવીણ કુમારે હાઈ જમ્પમાં જીત્યો ગોલ્ડ મેડલ
-
ગુજરાત2 days ago
ભાવનગર રોડ ગ્રીન પાલક પંજાબીમાંથી વાસી સોસનો નાશ