ગુજરાત

સુરેન્દ્રનગર જિલ્લામાં 14 સ્થળે ચોરી કરનાર ટોળકી પકડાઇ

Published

1 week ago

September 3, 2024

admin

છેલ્લા આઠ મહિનામાં ઇલેકટ્રીક ટ્રાન્સફોર્મર અને ટીસીની ચોરીના ભેદ ઉકેલાયા

ધ્રાંગધ્રા નજીક સોલાર પ્રોજેકટની રૂ.1 લાખની વાપર અને ટ્રાન્સફોર્મરની ચોરીનો ભેદ પોલીસે ઉકેલી નાખી સાત શખ્સોની ધરપકડ કરી તપાસ કરતા સુરેન્દ્રનગર જિલ્લાની અન્ય 13 ચોરીના ભેદ ઉકેલાઇ ગયા હતા.

આટોબકીએ છેલ્લા 8 મહિનામાં અલગ અલગ વાડી વિસ્તારમાં 14 ચોરીને અંજામ આપ્યો હતો. ધ્રાંગધ્રા ડીવીઝનના ઉુતા જે.ડી.પુરોહીત તથા ધ્રાંગધ્રા તાલુકા પોલીસ સ્ટેશનના પીએસઆઇ કે.એચ.ઝનકાતના સીધા માર્ગદર્શન અને સુચના હેઠળ કુલદીપસિંહ ઝાલા, ભરતભાઇ સીતાપરા, વિક્રમભાઇ રબારી, વિભાભાઇ ઘેડ, મનોજભાઇ ઝાલા, કરશનભાઇ લોહ તથા નરેશભાઇ ભોજીયા વિગેરે સ્ટાફના માણસો પેટ્રોલીંગમા હતા, તે દરમ્યાન કલ્પના ચોકડી ખાતે ખાનગી રાહે બાતમી હકીકત મળી હતી કે, વાયર ચોરીનો વાયર કેટલા ઇસમો રીક્ષા તથા મોટર સાઇકલમાં લઇ નીકળવાના હોય જે હકીકત આધારે વોચ તપાસમા રહેતા એક ઓટો રીક્ષા જેનો નં. જીજે-2-ટીટી-7772 તથા એક મોટર સાયકલ નં. જીજે-13-એસએસ-4703 તે અટકાવી તપાસ કરતા કોથળામા વાયર ભરેલ હતો તેમજ રિક્ષામા પાછળની સીટ પાસે ત્રણ મીણીયાના કોથળામાં મોટી કોપરની કોયલો તથા બીજા બે કોથળામાં કોપરના નાના નાના કટકા મળી આવ્યા હતા.

પુછપરછ કરતા મહેન્દ્ર ઉર્ફે ડટો રમણીકભાઇ તાજપરીયા ભાંગી પડ્યો હતો અને ચોરીની કબુલાત આપતા પોલીસે આ ટોળકીના મહેંદ્રભાઇ ઉર્ફે ડટો રમણીકભાઇ તાજપરીયા (ઉવ.19, રહે,ખાટકીવાસ શાળા નં.6ની પાછળ,ધ્રાંગધ્રા), ગોવિંદભાઇ ઉર્ફે નાનો જશુભાઇ ધાંગધરીયા (ઉ.વ.23, રહે. પ્રેમનગર ધ્રાંગધ્રા), સાહીલ ઉર્ફે બુચીયો જશુભાઇ ધાંગધરીયા (ઉવ.19, રહે. ધોળીધાર ધ્રાંગધ્રા), મોહીત ઉર્ફે મફો જશુભાઇ ધાંગધરીયા (ઉ.વ.21, રહે.ધોળીધાર ધ્રાંગધ્રા), અક્ષયભાઇ ઉર્ફે ભુવાજી અરવીંદભાઇ ચોરસીયા (ઉ.વ.20, રહે.બાળા હનુમાનજી મંદીર સામે, ધ્રાંગધ્રા), સબીર ઉર્ફે સબલો અકબરભાઇ સંધી (ઉ.વ.25, રહે.મફતીયાપરા ધ્રાંગધ્રા), વિરમભાઇ ગાંડાજી ડેડણીયા (ઉવ.23 હાલ રહે.બકુલસિંહ ઉર્ફે રાજેંદ્રસિંહ રવુભા ઝાલાની વાડીએ, ધ્રાંગધ્રા)ની ધરપકડ કરી વધુ પુછપરછ કરતા અન્ય 13 ચોરીના ભેદ ખુલ્યા હતા જેમાં ધ્રાંગધ્રા તાલુકામા સોલાર પ્રોજેક્ટ વાયર ચોરી સોલડી, ધ્રાંગધ્રા તાલુકામા ઇલેકટ્રીક ટી.સીની વાયર ચોરી, જેગડવા ગામના વાડી વિસ્તારમા આશરે દોઢ મહીના પહેલા ત્રણ ઇલેકટ્રીક ટી.સીની વાયર ચોરી, વાવડી ગામે વાડી વિસ્તારમા આશરે એક મહીના પહેલા ત્રણ ઇલેકટ્રીક ટી.સીની વાયર ચોરી, રામગઢ ગામે વાડી વિસ્તારમા આશરે બે મહીના પહેલા ચાર ઇલેકટ્રીક ટી.સીની વાયર ચોરી, જસાપર ગામે વાડી વિસ્તારમા આશરે વીસ દીવસ પહેલા બે ઇલેકટ્રીક ટી.સીની વાયર ચોરી, હરીપર ગામના વાડી વિસ્તારમા આશરે છ મહીના પહેલા ત્રણ ઇલેકટ્રીક ટી.સીની વાયર ચોરી, વસાડવા ગામના વાડી વિસ્તારમા આશરે 30 દીવસ પહેલા ત્રણ ઇલેકટ્રીક ટી.સીની વાયર ચોરી, દૂદાપુર ગામના વાડી વિસ્તારમા આશરે 8 મહીના પહેલા ત્રણ ઇલેકટ્રીક ટી.સીની વાયર ચોરી, નવલગઢ ગામના વાડી વિસ્તારમા આશરે 9 મહીના પહેલા બે ઇલેકટ્રીક ટી.સીની વાયર ચોરી, ખાંભડા ગામના વાડી વિસ્તારમા આશરે 7 મહીના પહેલા ત્રણ ઇલેકટ્રીક ટી.સીની વાયર ચોરી, બાલા હનુમાનજી મંદીર પાસે આવેલ વાડી વિસ્તારમા આશરે 6 મહીના પહેલા ત્રણ ઇલેકટ્રીક ટી.સીની વાયર ચોરી, રાજપર ગામે આવેલ કેનાલ પાસેના વિસ્તારમા આશરે 8 મહીના પહેલા બે ઇલેકટ્રીક ટી.સીની વાયર ચોરી કર્યાની આ ટોળકીઓ કબુલ્યુ હતું.

Related Topics:Dhrangadhra dhrangadranews gujarat gujarat news Surendranagar surendranagarnews

Up Next

SGSTમાં લાંચ આપો તો જ કામ થાય, ચાર્ટર્ડ એકાઉન્ટન્ટ એસો.નો ગંભીર આરોપ

Don't Miss

વાંકાનેરના જાલસીકા ગામે નદીમાં ડુબી ગયેલ યુવાનનો મૃતદેહ મળ્યો

Click to comment

ગુજરાત

ફોરેક્ષ ટ્રેડિંગમાં લાખો હારી ગયેલા રેલવેકર્મીએ ભાગીદારોના ત્રાસથી કર્યો આપઘાતનો પ્રયાસ

Published

19 mins ago

September 11, 2024

Bhumika

વાંકાનેર પાસે ફિનાઇલ પી લીધી, બે પોલીસમેન, શિક્ષિકા સહિતના ભાગીદારો બળજબરીથી પૈસા પડાવવા ધાક-ધમકી આપતા હોવાનો સ્યૂસાઈટ નોટમાં ઉલ્લેખ

રાજકોટમાં રેલવે હોસ્પિટલમાં ફરજ બજાવતા કર્મચારીએ ભાગીદારીમાં ફોરેક્ષ ટ્રેડીંગમાં લાખો રૂૂપિયા હારી ગયા બાદ ભાગીદાર એવા બે પોલીસમેન, શિક્ષિકા સહિત છ શખ્સો અવાર નવાર પૈસાની પઠાણી ઉઘરાણી કરી ત્રાસ આપતા હોવાથી સુસાઈડ નોટ લખી આપઘાતનો પ્રયાસ કરતા ચકચાર મચી જવા પામી હતી.રાજકોટના રેલવે કર્મીએ વાકાનેર જઈ ફિનાઈલ ગટગટાવી લેતા તેને સારવાર માટે હોસ્પિટલમાં ખસેડવામાં આવ્યો હતો. આ અંગે પોલીસે વધુ તપાસ હાથ ધરી છે.

જાણવા મળતી વિગત મુજબ રાજકોટમાં માધાપર ચોકડી પાસે વિનાયક વાટીકામાં આવેલી અવધ રેસીડેન્સીમાં રહેતા અને રેલવે હોસ્પિટલમાં સીએમએસના પીએ તરીકે ફરજ બજાવતા આનંદકુમાર નવલરામ બાદાણી (ઉ.વ.39) નામના યુવાને મંગળવારે બપોરે વાંકાનેર-મોરબી હાઈવે પર ઝાંઝર ટોકીઝ પાસે ફિનાઈલ પી લેતા તેમને સારવાર માટે પ્રથમ વાંકાનેર બાદ વધુ સારવાર માટે રાજકોટ સિવિલ હોસ્પિટલમાં ખસેડવામાં આવ્યો હતો.

પ્રાથમિક તપાસમાં રેલવે કર્મચારી આનંદકુમાર મુળ પડધરીના હડમતિયાના વતની છે અને હાલ રાજકોટમાં પત્ની અને એક પુત્ર સાથે રહે છે.તેમણે સવારે પત્નીને અમદાવાદ જવાનું કહી ઘરેથી નીકળી વાંકાનેર જઈ સુસાઈડ નોટ લખી આ પગલું ભરી લીધું હતું.સુસાઈડ નોટમાં તેમણે જણાવ્યા મુજબ તેઓ ફોરેક્ષ ટ્રેડીંગ કરતા હતા.જેમાં રાજકોટમાં એરપોર્ટ ફાટક પાસે રહેતી અને કોલેજમાં શિક્ષિકા તરીકે ફરજ બજાવતી હિરલ સંજીવભાઈ બુધવાણી, પ્રનગર પોલીસ મથકના કોન્સ્ટેબલ રવિ મોહનભાઈ રાઠોડ, અમદાવાદ રેલવે સુરક્ષબળનો કોન્સ્ટેબલ મનોજ પટેલ, દિપક પ્રજાપતિ અને ડાકોરનો નરેશ દરજી ભાગીદાર હોય.

જેથી ભાગીદારીમાં નાણાનું રોકાણ કરી ફોરેક્ષ ટ્રેડીંગ કરતા હતા.બાદમાં વર્ષ 2020 થી 2022ના સમયગાળામાં ફોરેક્ષ ટ્રેડીંગમાં લાખો રૂૂપિયા હારી જતા ઉપરોક્ત તમામ આરોપીઓ નાણાની પઠાણી ઉઘરાણી કરી ત્રાસ આપતા હતા. જેમાં શિક્ષિકા હિરલ તેના મળતીયાઓને મોકલી મારામારી કરી નાણા કઢાવવા જાનથી મારી નાંખવાની ધમકી આપતા હતા.

જ્યારે પોલીસમેન રવિ રાઠોડ પણ હું પોલીસ ખાતામાં છું અને મારૂૂ કોઈ કાઈ ઉખાડી નહી લે તેમ કહી પઠાણી ઉઘરાણી કરી હેરાન કરતો હતો.ઉપરોકત તમામ આરોપીઓએ તેમને આત્મહત્યા માટે મજબૂર કરતા તેમણે આપગલું ભરી લીધાનું જણાવ્યું હતું. આ અંગે સિવિલ ચોકીના સ્ટાફે પ્રાથમિક નોંધ કરી વાંકાનેર પોલીસને જાણ કરતા પોલીસે તપાસનો ધમધમાટ હાથ શરૂ કર્યો હતો.

ગુજરાત

આજી ડેમમાં નહાવા પડેલા વૃદ્ધનું ડૂબી જતાં મોત

Published

22 mins ago

September 11, 2024

Bhumika

આજી ડેમ ચોકડી પાસે ભીમરાવનગરમાં રહેતા વૃધ્ધ આજી ડેમમાં ન્હાવા ગયા બાદ પાણીમાં ડૂબી જતાં તેમનું મોત નિપજ્યું હતું. ગઈકાલે સાંજે ઘરેથી નીકળ્યા બાદ પરત નહીં આવતાં પરિવારજનોએ શોધખોળ હાથ ધરી હતી. દરમિયાન આજે સવારે તેમનો મૃતદેહ મળી આવ્યો હતો. આ અંગે પોલીસે જરૂરી કાર્યવાહી હાથ ધરી છે.
જાણવા મળતી વિગત મુજબ, ભાવનગર રોડ પર આવેલા ભીમરાવનગરમાં રહેતા દેવનાથ ઠગભાઈ મહંતો (ઉ.62) નામના વૃધ્ધ ગઈકાલે સાંજે ઘરેથી નીકળી આજી ડેમમાં ન્હાવા ગયા હતાં. દરમિયાન પરત નહીં આવતાં પરિવારજનો દ્વારા તેમની શોધખોળ હાથ ધરવામાં આવી હતી. પરંતુ તેમનો કોઈ પત્તો લાગ્યો ન હતો. બાદમાં આજે સવારે આજી ડેમમાં પાણીમાંથી તેમનો મૃતદેહ મળી આવતાં પરિવારજનો અને આજી ડેમ પોલીસનો સ્ટાફ ઘટના સ્થળે દોડી ગયો હતો. પોલીસે જરૂરી કાર્યવાહી કરી મૃતદેહને પી.એમ.અર્થે સિવિલ હોસ્પિટલે ખસેડી વધુ તપાસ હાથ ધરી હતી. પ્રાથમિક તપાસમાં મૃતક વૃધ્ધ મજુરી કામ કરતાં હોવાનું અને તેમને સંતાનમાં બે પુત્ર અને ત્રણ પુત્રી હોવાનું જાણવા મળ્યું છે. આ બનાવથી પરિવારજનોમાં શોકની લાગણી છવાઈ જવા પામી હતી.

ગુજરાત

પોલીસ કર્મચારીઓની બદલી બાદ 16 PSIની આંતરિક બદલી

Published

25 mins ago

September 11, 2024

Bhumika

એ ડિવિઝનના એમ.કે.મોવલિયાને ક્રાઈમ બ્રાંચ અને રીડરમાં બે પીએસઆઈ મુકાયા

સતત બીજા દિવસે માગણી મુજબની બદલીના હુકમ કરતા પોલીસ કમિશનર બ્રજેશકુમાર ઝા

રાજકોટમાં શહેર પોલીસ વિભાગમાં બદલી બઢતીનો દોર યથાવત હોય તેમ પોલીસ કમિશનર દ્વારા પીઆઈ અને ત્યાર બાદ એએસઆઈ ,હેડ કોન્ટેબલ અને કોન્ટેબલની માંગણી મુજબ બદલી કર્યા બાદ બીજા દિવસે 16 પીએસઆઈની માંગણી મુજબની આંતરિક બદલીના હુકમ કર્યા છે.

પોલીસ કમિશનર બ્રજેશ કુમાર ઝા દ્વારા ગત માસે હેડ કોન્સ્ટેબલને એએસઆઈ તરીકે અને પોલીસ કોન્સ્ટેબલને હેડ કોન્સ્ટેબલ તરીકે બઢતી સાથે બદલી કર્યા બાદ 11 પી.આઈની બદલી કરી હતી. ત્યારબાદ ગઈકાલે 44 પોલીસ કમર્ચારીઓને માંગણી મુજબ બદલી કરી આપ્યા બાદ સતત બીજા દિવસે બદલીના હુકમો કરવામાં આવ્યા છે. જેમાં 16 પીએસઆઇની આંતરિક બદલી કરવમાં આવી છે. આ બદલીમાં એ ડિવિઝનના પીએસઆઈ એમ.કે.મોવલીયાને ક્રાઈમ બ્રાંચ,માલવીયાનગરના પી.એસ.આઈ સી. એચ.વાછાણી ને ટ્રાફિક શાખામાં, ભકિતનગર પોલીસ મથકના પી. જી રોહડીયાને ગાંધીગ્રામ, ટ્રાફિક શાખાના સી.વી.ચુડાસમાને થોરાળા,કંટ્રોલના પીએસઆઈ કે.એસ.મિશ્રાને ટ્રાફિકમાં,પ્રનગરના પીએસઆઈ કે.એસ.ભગોરાને ટ્રાફિક શાખામાં, રીડર બ્રાંચના પીએસઆઈ જે.આર.સોલંકીને બી ડિવિઝન, એરપોર્ટ પોલીસ મથકના પીએસઆઈ એ.કે.રાઠોડને ટ્રાફિક શાખા, ગાંધીગ્રામ પોલીસ મથકના પીએસઆઈ વી.એચ.પરમારને બી ડિવિઝન, યુનિવર્સિટી પોલીસ મથકના પીએસઆઈ બી.આર. ભરવાડને તાલુકા પોલીસ મથકમાં, યુનિવર્સિટી પોલીસ મથકના પીએસઆઈ વી.એન.બોદરને ટ્રાફિક શાખા, બી ડિવિઝન પોલીસ મથકના પીએસઆઈ એમ.આઈ.શેખને તાલુકા પોલીસ સ્ટેશન, ટ્રાફિક શાખાના પીએસઆઈ જે.જી.રાણાને આજીડેમ પોલીસ સ્ટેશન, સાયબર ક્રાઈમ પોલીસ મથકના પીએસઆઈ આઈ.આઈ. કટીયાને ટ્રાફિક શાખા, એમઓબીના પીએસઆઈ એસ.એમ. વઘાસીયાને રીડર બ્રાંચ અને એસ.એસ. સ્કવોડના પીએસઆઈ સી.એમ.કુંભાણી રીડર બ્રાંચમાં મુકવામાં આવ્યા છે.