અનિલ કપૂરે ‘બિગ બોસ OTT’ની સીઝન 3 સાથે ડિજિટલ સ્ટ્રીમિંગની દુનિયામાં પ્રવેશ કર્યો છે. સલમાન ખાનના રિયાલિટી શોમાં અગાઉ ઘણી વખત ગેસ્ટ તરીકે ભાગ લઈ ચુકેલા અનિલ કપૂર હવે Jio સિનેમા પર ‘Big Boss OTT’ની ત્રીજી સીઝન હોસ્ટ કરી રહ્યા છે. તેમની નવી શૈલીને પ્રેક્ષકો દ્વારા ખૂબ પસંદ કરવામાં આવી રહી છે અને તેથી જ 8.8 મિલિયન અથવા 80 લાખથી વધુ વ્યૂ સાથે અનિલ કપૂરના રિયાલિટી શોએ ગયા અઠવાડિયે ભારતીય સ્ટ્રીમિંગ સ્પેસમાં સૌથી વધુ જોવાયેલા શો અને ફિલ્મોની યાદીમાં એક પદ મેળવ્યું છે.

અનિલ કપૂરની બિગ બોસ ઓટીટીની સાથે, સાક્ષી તંવરની ‘શર્મા જી કી બેટી’ અને નવાઝુદ્દીન સિદ્દીકીની ફિલ્મ ‘રૌતુ કા રાઝ’ જેવી કેટલીક પ્રખ્યાત ફિલ્મો, આ સિવાય ‘પંચાયત’ અને ‘કોટા ફેક્ટરી’ બિગ બોસની વેબ સિરીઝ સાથે પણ સીધી સ્પર્ધા હતી. પરંતુ આ બધી ફિલ્મો અને વેબ સિરીઝને પાછળ છોડીને અનિલ કપૂરે એક નવો રેકોર્ડ પોતાના નામે કરી લીધો છે. ખરેખર, બિગ બોસ ઓટીટીની પ્રથમ અને બીજી સીઝનની તુલનામાં, આ શોની ત્રીજી સીઝન એકદમ અલગ અને પડકારજનક છે.

રણવીર સિંહે તેની કારકિર્દીમાં અત્યાર સુધી ઘણી ભૂમિકાઓ ભજવી છે. લોકો તેની એક્ટિંગના પ્રશંસક છે. ખિલજીનો રોલ હોય કે બાજીરાવનો, રણવીર સિંહે દરેક પાત્રમાં પોતાની જાતને સંપૂર્ણ રીતે ડૂબાડી દીધી હતી, જેની અસર તેની ફિલ્મની કમાણી પર સ્પષ્ટ દેખાતી હતી. સંજય લીલા ભણસાલીની ફિલ્મ પદ્માવતમાં રણવીર સિંહે અલાઉદ્દીન ખિલજીની ઐતિહાસિક ભૂમિકા ભજવી હતી.

વર્ષ 2018માં રિલીઝ થયેલી આ ફિલ્મમાં દીપિકા પાદુકોણ અને શાહિદ કપૂર પણ લીડ રોલમાં જોવા મળ્યા હતા. પરંતુ તમામ પાત્રો એક તરફ છે અને રણવીરનો ખિલજીનો રોલ એક તરફ છે. એક્ટર બધા પર છવાયેલો જોવા મળ્યો હતો. તેમના કામની સૌએ ખૂબ પ્રશંસા કરી. આ ફિલ્મે 550 કરોડથી વધુનો બિઝનેસ કર્યો હતો. આ પાત્ર ભજવ્યા પછી, રણવીર અંધકારમય તબક્કામાં ગયો. પોતાને એ ભૂમિકામાંથી બહાર લાવવામાં તેમને ઘણો સમય લાગ્યો. જોકે, અભિનેતા પ્રશાંત નારાયણન કહે છે કે રણવીર જૂઠું બોલ્યો હતો.

આ દરમિયાન નવાઝુદ્દીન સિદ્દીકી પણ આ મામલે પોતાનો અભિપ્રાય રજૂ કરતો જોવા મળ્યો હતો અને રણવીરના સમર્થનમાં બોલ્યો હતો. સિદ્ધાર્થ કન્નન સાથેની મુલાકાત દરમિયાન પ્રશાંત નારાયણને કહ્યું, “તે ખોટું બોલી રહ્યો છે. “આ અંધારાવાળી જગ્યાએ જવું, આ બધું કરવું, આ બકવાસ છે.” હાલમાં જ એક નવા ઈન્ટરવ્યુ દરમિયાન નવાઝુદ્દીન સિદ્દીકીને આ વિશે પૂછવામાં આવ્યું હતું. અભિનેતાએ રણવીરને ટેકો આપ્યો હતો.

કૌન બનેગા કરોડપતિનો પ્રોમો રિલીઝ

કૌન બનેગા કરોડપતિ સીઝન 16થનો પ્રોમો રિલીઝ થઈ ગયો છે, જેમાં અમિતાભ બચ્ચન કહેતા જોવા મળી રહ્યા છે, જિંદગી દરેક વળાંક પર સવાલ પૂછશે, તમારે જવાબ આપવા પડશે. આ પ્રોમો જોઈને ચાહકોમાં ઉત્તેજના વધી ગઈ છે. સોની ટીવીનો રિયાલિટી શો કૌન બનેગા કરોડપતિ ઘણા સમયથી દર્શકોનું મનોરંજન કરી રહ્યો છે.
આ શોની ખૂબ જ મજબૂત ફેન ફોલોઈંગ છે. દરેક ઉંમરના લોકો આ શો જોવાનું પસંદ કરે છે. દર વર્ષની જેમ આ વખતે પણ દર્શકો તેની આગામી સિઝનની રાહ જોઈ રહ્યા છે જે ટૂંક સમયમાં આવી રહી છે. તાજેતરમાં જ મેકર્સે કૌન બનેગા કરોડપતિની 16મી સીઝનની જાહેરાત કરી હતી.

હવે મેકર્સે શોના ત્રણ પ્રોમો શેર કર્યા છે. આ પહેલા અમિતાભ બચ્ચને સેટ પરથી ઘણી તસવીરો શેર કરી હતી. નિર્માતાઓએ વીડિયો શેર કરીને ઊંઇઈ 16ની જાહેરાત પણ કરી હતી. શેર કરેલા પ્રોમોમાં એક છોકરીને તેની માતાએ ઠપકો આપ્યો, તેની માતા કહે છે, તેરે જૈસે પહાડ ચઢને વાલી લડકી કે સાથ શાદી કૌન કરેગા? આ પછી છોકરી તેની માતાને કહે છે, મા, ઐસા લડકા શાદી કરેગા, જિસકી સોચ પહાડો સે ભી ઉંચી હો.થ આ પછી બિગ બી કહેતા જોવા મળે છે કે, જિંદગી હર મોડ પર સવાલ પૂછેગી, જવાબ તો દેના પડેગા.

ગેમ શોની નવી સીઝનની ચાહકો આતુરતાથી રાહ જોઈ રહ્યા છે. મેગાસ્ટાર અમિતાભ બચ્ચન દ્વારા હોસ્ટ કરવામાં આવેલા કૌન બનેગા કરોડપતિથ ભારતના સૌથી લોકપ્રિય ટીવી ગેમ શોમાંનો એક છે. આ શોનું પ્રીમિયર વર્ષ 2000માં થયું હતું. તમને જણાવી દઈએ કે પઊંઇઈથ માટે રજીસ્ટ્રેશન 26 એપ્રિલે રાત્રે 9 વાગ્યાથી શરૂૂ થઈ ગયું હતું. આ પછી એકવાર સ્પર્ધકોની પસંદગી થઈ જાય પછી શોનું પ્રસારણ કરવામાં આવશે. પકૌન બનેગા કરોડપતિ સીઝન 16થ ટૂંક સમયમાં સોની એન્ટરટેઈનમેન્ટ ટેલિવિઝન પર પ્રસારિત થશે.