રાષ્ટ્રીય
સેન્સેક્સ 1300થી વધુ પોઇન્ટની તેજી સાથે 81 હજારને પાર
![](https://gujaratmirror.in/wp-content/uploads/2024/07/download-1-3.jpeg)
વૈશ્ર્વિક સંકેતોને પગલે તમામ શેરોમાં ધૂમ લેવાલી, નિફ્ટીમાં 447 પોઇન્ટનો વધારો
શેરબજારમાં છેલ્લા પાંચ કારોબારી દિવસોના ઘટાડા બાદ આજે જોરદાર ઉછાળો જોવા મળી રહ્યો છે. સપ્તાહના છેલ્લા ટ્રેડિંગ દિવસે સેન્સેક્સ અને નિફ્ટીમાં જોરદાર તેજીને પગલે બંન્ને નવા ઓલટાઇમ હાઇની નજીક પહોંચી ગયા છે. સવારે વૈશ્ર્વિક બજારોમાંથી સકારાત્મક સંકેતો આવતા જ ભારતીય શેર માર્કેટમાં પણ આજે જોરદાર તેજી છવાઇ ગઇ હતી. ગઇકાલે 80039ના લેવલ પર બંધ થયેલ સેન્સેક્સ આજે 119 પોઇન્ટ ઉછળીને 801588 પર ખુલ્યો હતો. પરંતુ બપોરે સાડા બાર બાદ માર્કેટમાં જોરદાર તેજીથી સેન્સેક્સમાં 1382 પોઇન્ટનો ઉછાળો આવતા 81421ના લેવલે પહોંચી ગયો હતો. નિફ્ટીમાં ગઇકાલના 24406ના બંધ સામે આજે મામૂલી 17 પોઇન્ટના વધારા સાથે 24423 પર ખુલ્લી હતી. બાદમાં જોરદાર તેજીથી નિફ્ટીમાં 447 પોઇન્ટનો વધારો નોંધાતા ઓલટાઇમ હાઇથી એક પોઇન્ટ દુર 24853 પર પહોંચી હતી.
બીએસઇ સેન્સેક્સના ટોચના 30 શેરોમાંથી 25 શેરોમાં વધારો જોવા મળી રહ્યો છે, જ્યારે 5 શેર લાલ નિશાનમાં ટ્રેડ થઈ રહ્યા છે. સૌથી વધુ ઉછાળો ઈન્ફોસિસ, ભારતી એરટેલ, ઝઈજ, ઉંજઠ સ્ટીલ અને સન ફાર્માના શેરમાં જોવા મળ્યો હતો. જ્યારે ટેક મહિન્દ્રા અને એચડીએફસી બેંકના શેરમાં સૌથી વધુ ઘટાડો જોવા મળ્યો હતો. જેના કારણે બેંક નિફ્ટીમાં લગભગ 150 પોઈન્ટનો ઘટાડો જોવા મળ્યો હતો.
એક દિવસ પહેલા વૈશ્વિક બજારમાં ભારે ઘટાડો જોવા મળ્યો હતો, જેના કારણે ભારતીય શેરબજાર પણ પ્રભાવિત થયું હતું. જોકે, આજે વૈશ્વિક સ્તરેથી સારા સંકેતો મળ્યા છે, જેના કારણે ભારતીય શેરબજાર પણ ગ્રીન ઝોનમાં છે. આ ઉપરાંત બજેટ બાદ શેરબજારમાં દરરોજ ઘટાડો નોંધાયો છે. દરમિયાન, રિટેલથી લઈને મોટા રોકાણકારો ખરીદી કરી રહ્યા છે, જેના કારણે નિફ્ટી અને સેન્સેક્સમાં વધારો થઈ રહ્યો છે.
મિડકેપ સ્ટોક વિશે વાત કરીએ તો, જઉંટગ શેર 8 ટકાથી વધુ વધીને રૂૂ. 152 પર છે. અશોક લેલેન્ડનો શેર લગભગ 6 ટકા વધીને રૂૂ. 246 થયો હતો. ખાફશતફ લગભગ 6 ટકા વધ્યો. સ્મોલ કેપમાં, ઝેન્સાર ટેક્નોલોજીનો શેર 5.5 ટકા વધીને રૂૂ. 816 પ્રતિ શેર થયો હતો. ઈન્ડિયન ઓવરસીઝ બેંક લગભગ 4 ટકા વધીને રૂૂ. 68 પર હતો. ફાઇવ સ્ટાર બિઝનેસ 3.4 ટકા વધીને રૂ.749 થયો હતો.યુકો બેન્ક પણ 3 ટકાથી વધુ વધીને રૂૂ. 1504 પર લગભગ 4 ટકા વધી હતી. ટાટા પાવર 3.5 ટકા વધીને રૂ.438 પર ટ્રેડ કરી રહ્યો હતો. જ્યારે દિવીની લેબ્સના શેરમાં 3 ટકાથી વધુનો વધારો થયો હતો.
રાષ્ટ્રીય
UP: લખનૌના ટ્રાન્સપોર્ટ નગરમાં મકાન ધરાશાયી, 20 લોકો દટાયા, SDRF-NDRF ઘટનાસ્થળે પહોંચી
![](https://gujaratmirror.in/wp-content/uploads/2024/09/dfb.jpg)
ઉત્તર પ્રદેશની રાજધાની લખનઉમાં શનિવારે એક મોટી દુર્ઘટના સર્જાઈ હતી જેમાં શહીદ પથ પર એક ઈમારત ધરાશાયી થઈ હતી. બિલ્ડિંગના કાટમાળ નીચે લગભગ 20 લોકો દટાયા હોવાની આશંકા છે. દુર્ઘટનાના સમાચાર મળ્યા બાદ બચાવ ટુકડીઓ ઘટનાસ્થળે પહોંચી ગઈ છે અને દટાયેલા લોકોને બચાવવા માટે બચાવ કામગીરી શરૂ કરી દેવામાં આવી છે. NDRF અને SDRFની ટીમો પણ ઘટનાસ્થળે પહોંચી ગઈ છે. ઘાયલોને કાટમાળમાંથી બહાર કાઢવામાં આવી રહ્યા છે.
મળતી માહિતી મુજબ, આ મામલો સરોજિનીનગર પોલીસ સ્ટેશન વિસ્તારનો છે, જ્યાં ભારે વરસાદને કારણે ટ્રાન્સપોર્ટ નગર પાસે શહીદ પથ પર એક જૂની ઈમારત પડી ગઈ હતી. ભારે વરસાદને કારણે આ ઈમારત ધરાશાયી થઈ હોવાની આશંકા છે. ઇમારતની અંદર દવાઓનું વિતરણ કરવામાં આવે છે. અકસ્માત થયો ત્યારે બિલ્ડિંગમાં લગભગ 20 લોકો હાજર હતા. દુર્ઘટનાની માહિતી મળ્યા બાદ સીએમ યોગી આદિત્યનાથે પણ સંજ્ઞાન લીધું અને ઝડપી બચાવ માટે સૂચના આપી.
પ્રશાસનના તમામ અધિકારીઓ ઘટનાસ્થળે પહોંચી ગયા છે. NDRF અને SDRFની ટીમો પણ ઘટનાસ્થળે પહોંચી ગઈ છે. હાલ કાટમાળમાંથી 12 થી 15 લોકોને ઈજાગ્રસ્ત હાલતમાં બહાર કાઢવામાં આવ્યા છે. ઘટનાસ્થળે ઘણી એમ્બ્યુલન્સ હાજર છે જેની મદદથી ઘાયલોને હોસ્પિટલ લઈ જવામાં આવી રહ્યા છે. જો કે હજુ પણ 4-5 લોકો અંદર દટાયા હોવાની શક્યતા હોવાથી બચાવ કામગીરી ચાલુ છે.
સીએમ યોગીએ સંજ્ઞાન લીધું
ઈમારત ધરાશાયી થવાની માહિતી મળ્યા બાદ સીએમ યોગી આદિત્યનાથે સમગ્ર મામલાની નોંધ લીધી અને બચાવ માટે NDRF અને SDRFને મોકલ્યા. આ પછી સીએમ યોગીએ અધિકારીઓ સાથે વાત કરી અને કહ્યું કે તેઓ પણ ઘટનાસ્થળે પહોંચી ગયા છે અને રાહત કાર્યને ઝડપી બનાવવું જોઈએ. મુખ્યમંત્રીએ ઘાયલોની સારવાર માટે આરોગ્ય વિભાગના અધિકારીઓને સૂચના પણ આપી છે. એસડીએમ સરોજિની નાગરે જણાવ્યું કે અત્યાર સુધીમાં 10 ઘાયલોને હોસ્પિટલમાં લઈ જવામાં આવ્યા છે. જે ઈમારત ધરાશાયી થઈ છે તેનું નામ હરમિલાપ ટાવર હોવાનું કહેવાય છે. આ ત્રણ માળની ઈમારત છે, જેનો અડધો ભાગ ભારે વરસાદને કારણે ધરાશાયી થઈ ગયો છે.
ક્રાઇમ
બંગાળમાં ફરી માનવતા શર્મસાર, 15 વર્ષની બાળકી સાથે દુષ્કર્મ, બેભાન હાલતમાં રસ્તા પર ફેંકી દીધી
![](https://gujaratmirror.in/wp-content/uploads/2024/09/Untitled-design-10.webp)
પશ્ચિમ બંગાળના હુગલી જિલ્લામાં 15 વર્ષની બાળકી સાથે દુષ્કર્મનો મામલો સામે આવ્યો છે. શુક્રવારે રાત્રે બનેલી આ ઘટનાએ રાજ્યમાં મહિલાઓની સુરક્ષાને લઈને ઘેરા સવાલો ઉભા કર્યા છે. મળતી માહિતી મુજબ બાળકીને બેભાન અવસ્થામાં રસ્તાના કિનારે ફેંકી દેવામાં આવી હતી. અહેવાલો અનુસાર, જ્યારે તે તેના ટ્યુશનથી પરત ફરી રહી હતી ત્યારે તેનું કારમાં અપહરણ કરવામાં આવ્યું હતું.
મળતી માહિતી અનુસાર બાળકી હરિપાલ વિસ્તારમાં બેભાન અવસ્થામાં મળી હતી, જ્યાં તેના કપડા ફાટેલા હતા. યુવતીની સ્થાનિક હોસ્પિટલમાં સારવાર અને તબીબી તપાસ કરવામાં આવી હતી. મામલાની ગંભીરતાને ધ્યાનમાં લઈને પશ્ચિમ બંગાળ પોલીસે તપાસ શરૂ કરી છે. જો કે, પોલીસે કહ્યું છે કે હાલમાં આ કેસમાં કોઈ શંકાસ્પદ નથી અને હાલમાં તપાસ દરમિયાન કોઈ નક્કર કડીઓ મળી નથી. પોલીસે લોકોને વિનંતી કરી છે કે તે છોકરી અને તેના પરિવારની ગોપનીયતાનું સન્માન કરે અને અફવા ફેલાવનારાઓ સામે કડક કાયદાકીય કાર્યવાહી કરવામાં આવશે.
આ ઘટનાએ પશ્ચિમ બંગાળમાં મહિલાઓની સુરક્ષાને લઈને નવો વિવાદ ઉભો કર્યો છે. ભાજપે આક્ષેપ કર્યો છે કે પોલીસ આ ઘટનાને છુપાવવાનો પ્રયાસ કરી રહી છે. BJP IT સેલના વડા અમિત માલવિયાએ જણાવ્યું હતું કે, “મમતા બેનર્જીની પોલીસે હોસ્પિટલને ઘેરી લીધી છે, મીડિયાને પ્રવેશની મંજૂરી નથી આપવામાં આવી રહી અને સ્થાનિક TMC નેતાઓ પરિસ્થિતિને નિયંત્રિત કરી રહ્યા છે, જેથી ઘટનાની જાણ ન થઈ શકે.” માલવિયાએ મમતા બેનર્જીને રાજીનામું આપવાની માંગ કરી અને રાજ્યને મહિલાઓ માટે સૌથી અસુરક્ષિત સ્થળ ગણાવ્યું. “મમતા બેનર્જી નિષ્ફળ ગયા છે. તેમણે તાત્કાલિક રાજીનામું આપી દેવું જોઈએ. પૂરતું છે. તેમણે બળાત્કાર અને POCSO કેસોના ઉકેલ માટે ફાસ્ટ-ટ્રેક કોર્ટ પણ બનાવી નથી,” તેમણે ટ્વિટ કર્યું.
તે જ સમયે, કોલકાતાની આરજી કાર હોસ્પિટલમાં મહિલા ડૉક્ટર સાથે બળાત્કાર અને હત્યાના મામલાને લઈને લોકોમાં ગુસ્સો પણ વધી રહ્યો છે. 9 ઓગસ્ટના રોજ હોસ્પિટલના સેમિનાર હોલમાં તાલીમાર્થી ડોક્ટરની અર્ધ-નગ્ન લાશ મળી આવી હતી. એક નાગરિક સ્વયંસેવક સંજય રોયની કોલકાતા પોલીસે આ કેસમાં એક દિવસ પછી ધરપકડ કરી હતી. સેન્ટ્રલ બ્યુરો ઑફ ઇન્વેસ્ટિગેશન (CBI) આ કેસની તપાસ કરી રહી છે. કોલકાતાની ઘટના બાદ હુગલીમાં થયેલી બર્બરતાએ ફરી એકવાર કાયદો અને વ્યવસ્થાના મુદ્દે મમતા સરકારને ભીંસમાં મૂકી દીધી છે.
આંતરરાષ્ટ્રીય
કેનેડામાંથી દુઃખદ સમાચાર, ભારતના 22 વર્ષીય વિદ્યાર્થીની હત્યા, પરિવારજનો શોકમાં
![](https://gujaratmirror.in/wp-content/uploads/2024/09/image-1-1.webp)
કેનેડાથી દુઃખદ સમાચાર સામે આવ્યા છે. કેનેડામાં 22 વર્ષના શીખ યુવકની હત્યા કરવામાં આવી હતી. મળતી માહિતી મુજબ, આલ્બર્ટાના એડમોન પાર્કિંગ લોટમાં બુધવારે તીક્ષ્ણ હથિયાર વડે તેની હત્યા કરવામાં આવી હતી. મૃતકની ઓળખ જશનદીપ સિંહ માન તરીકે થઈ છે જે આઠ મહિના પહેલા આંતરરાષ્ટ્રીય વિદ્યાર્થી તરીકે કેનેડા ગયો હતો. જશનદીપ પંજાબના માલેરકોટલાના બદલા ગામનો રહેવાસી હતો. એડમોન્ટન પોલીસે 40 વર્ષીય એડગર વિસ્કર પર સેકન્ડ-ડિગ્રી મર્ડરનો આરોપ લગાવ્યો છે.
હત્યામાં બોક્સ કટરનો ઉપયોગ કરવામાં આવ્યો હોવાનું જાણવા મળ્યું હતું. પોલીસે જણાવ્યું હતું કે એવું લાગે છે કે હત્યારો અને મૃતક અગાઉથી પરિચિત ન હતા. મૃતકના પિતા ભરપુર સિંહે કહ્યું કે, ‘કેનેડાના વહીવટીતંત્રે આ હત્યાની ઝીણવટભરી તપાસ કરવી જોઈએ. અમે માત્ર એ જાણવા માંગીએ છીએ કે હત્યા શા માટે થઈ. હત્યારાએ જશનદીપને અમારી પાસેથી છીનવીને અમારી દુનિયાને બરબાદ કરી નાખી.’
પંજાબ પ્રદેશ કોંગ્રેસ સમિતિના નેતા પ્રીતિપાલ કૌર બાદલે કેન્દ્ર સરકાર પાસે માંગ કરી છે કે કેનેડાથી મૃતદેહ પરત લાવવાની વ્યવસ્થા કરવામાં આવે. ગ્રામજનોએ વડાપ્રધાન મોદીને પણ આ મામલાને રાજદ્વારી સ્તરે લઈ જવાની અપીલ કરી છે. લોકોની માંગ છે કે ભારતથી વિદેશ જતા વિદ્યાર્થીઓ સાથે બનતી આવી ઘટનાઓને ગંભીરતાથી લેવી જોઈએ.
ફતેહગઢ સાહિબના સાંસદ ડૉ. અમર સિંહ બાપોરાઈએ દાવો કર્યો કે તેમણે વિદેશ મંત્રી એસ જયશંકર સાથે આ અંગે ચર્ચા કરી છે. તેમણે કહ્યું કે, ઘટનાની જાણકારી મળ્યા બાદ મેં આ મામલો વિદેશ મંત્રી સમક્ષ ઉઠાવ્યો છે. તેમણે ખાતરી આપી છે કે કેનેડાના વહીવટીતંત્ર સાથે સંકલન કરવામાં આવશે અને મૃતદેહને ટૂંક સમયમાં પરત લાવવામાં આવશે.
તમને જણાવી દઈએ કે ગયા વર્ષે એડમન્ટનમાં એક શીખ યુવક અને તેના 11 વર્ષના પુત્રની હત્યા કરવામાં આવી હતી. મૃતકની ઓળખ હરપ્રીત સિંહ ઉપ્પલ તરીકે થઈ હતી. બંનેને દિવસભર ગોળી મારી દેવામાં આવી હતી. એક તરફ કેનેડા વિચાર્યા વગર નિજ્જરની હત્યા માટે ભારતને જવાબદાર ઠેરવવા તૈયાર હતું, તો બીજી તરફ તેની ધરતી પર થઈ રહેલી ભારતીયોની હત્યા પ્રત્યે તેનું વલણ ઢીલું લાગે છે.
-
રાષ્ટ્રીય1 day ago
અનંત અંબાણીએ ‘લાલબાગ ચા રાજા’ને ભેટમાં આપ્યો સોનાનો મુગટ, કિંમત જાણીને હોંશ ઉડી જશે
-
ગુજરાત1 day ago
ગૌણ સેવા પસંદગી મંડળ દ્વારા લેવાયેલ CCE પરીક્ષાનું રાત્રે પરિણામ
-
રાષ્ટ્રીય19 hours ago
VIDEO: મધ્યપ્રદેશમાં ટ્રેન દુર્ઘટના, જબલપુર સોમનાથ એક્સપ્રેસ ટ્રેનના બે ડબા પાટા પરથી ઊતર્યા, રેલવે તંત્ર દોડતું થયું
-
રાષ્ટ્રીય1 day ago
પૂરગ્રસ્ત વિસ્તારનું નિરીક્ષણ કરતી વખતે માંડ-માંડ બચ્યા CM ચંદ્રબાબુ નાયડુ!! રેલવે ટ્રેકની પાસે ઊભા હતા અને અચાનક જ આવી ટ્રેન, જુઓ વિડીયો
-
રાષ્ટ્રીય1 day ago
સેન્સેક્સમાં 1220 પોઇન્ટનો કડાકો, નિફ્ટીએ 25000નું લેવલ તોડયું
-
રાષ્ટ્રીય2 days ago
‘યુદ્ધ માટે તૈયાર રહો…’, સંરક્ષણ મંત્રી રાજનાથે કમાન્ડરોને આપ્યો આદેશ
-
Sports1 day ago
પેરિસ પેરાલિમ્પિક્સમાં પ્રવીણ કુમારે હાઈ જમ્પમાં જીત્યો ગોલ્ડ મેડલ
-
ગુજરાત1 day ago
ભાવનગર રોડ ગ્રીન પાલક પંજાબીમાંથી વાસી સોસનો નાશ