Uncategorized
શેરબજારમાં તોફાની તેજી બાદ માવઠું, સેન્સેક્સ નવી ટોચ બનાવી 930 અંક તૂટ્યો
![](https://gujaratmirror.in/wp-content/uploads/2023/12/stock-down.png)
છેલ્લા ઘણાસમયથી ભારતીય શેરબજારમાં જોરદાર તેજીનો પવન ફુંકાયો હતો પરંતુ આજે સવારે શેરબજારના બન્ને સુચકાંકો નિફ્ટી અને સેન્સેક્સમાં નવો રેકોર્ડ હાઈ નોંધાયા બાદ મોટા ગાબડા પડ્યા હતાં. ગઈકાલે રેકોર્ડ હાઈ બનાવીને 71,437 પર બંધ થયેલા સેન્સેક્સ આજે સવારમાં જ 210 પોઈન્ટની તેજી સાથે 71,647 પર ખુલ્યો હતો. બાદમાં સડસડાટ 476 પોઈન્ટ વધીને નવો ઐતિહાસિક હાઈ 71,913 સુધી પહોંચી ગયો હતો. પરંતુ બપોરે 1 વાગ્યા બાદ પ્રોફીટ બુકીંગ ચાલુ થતાં સેન્સેક્સમાં રેકોર્ડ હાઈથી 1,089 પોઈન્ટનો કડાકો બોલતા સેન્સેક્સે 71 હજારની સપાટી તોડીને 70,824નો લો બનાવ્યો હતો.
નિફ્ટીમાં પણ આજે 21,593નો નવો હાઈ બન્યા બાદ 341 પોઈન્ટનો ઘટાડો થયો હતો ગઈકાલે 21,453ના મથાળે બંધ થયેલ નિફ્ટી આજે સવારે 90 પોઈન્ટ વધીને 21,543 પર ખુલી હતી. બાદમાં 140 પોઈન્ટ વધીને 21593ના હાઈ પર પહોંચી હતી. જ્યાંથી 341 પોઈન્ટ તુટીને 21,252ના લો પર પહોંચી હતી.
આજના વધનારા શેરોમાં એચડીએફસી બેંક, ટાઈટન કંપની, ટાટા ક્ધટરન્સી સર્વિસ, અલ્ટ્રાટેક સિમેન્ટ, એચયુએલ, રિલાયન્સ અને વિપ્રો હતા જ્યારે આજના ઘટનારા મુખ્ય શેરોમાં ટાટા જુથના ટાટા સ્ટીલ, ટાટા મોટર્સનો સમાવેશ થાય છે. આ ઉપરાંત આજે મહિન્દ્રા એન મહિન્દ્ર એનટીપીસી, એસબીઆઈ, પાવરગ્રીડ વગેરે શેરોમાં પણ બે ટકા જેવો કડાકો બોલી ગયો છે.
આજે ડોલર પણ રૂપિયા સામે મજબુતીથી ટકી રહ્યો હતો. વ્યાજદર વધારશે નહીં તેવી અપેક્ષાએ ડોલર પણ આજે રૂપિયા સામે યથાવત 83.17ના લેવલે જળવાઈ રહ્યો છે.
DOMSમાં 77%, ઈન્ડિયા શેલ્ટર ફાઈનાન્સ 24% પ્રીમિયમ સાથે લીસ્ટિંગ
પેન્સિલ મેન્યુફેક્ચરિંગ કંપની DOMS ઈન્ડસ્ટ્રીઝને સારું લિસ્ટિંગ મળ્યું છે. કંપનીના શેર NSE અને BSE ‘f 77.22%ના પ્રીમિયમ સાથે રૂૂ. 1,400 પર લિસ્ટ થયા હતા. IPOની ઇશ્યૂ કિંમત શેર દીઠ રૂૂ. 790 હતી. ઇન્ડિયા શેલ્ટર ફાઇનાન્સના IPOનું લિસ્ટિંગ પણ આજે થયું હતું. પરંતુ તેના શેર લગભગ 24%ના પ્રીમિયમ સાથે રૂૂ. 612 પર લિસ્ટ થયા હતા. તે NSE પર રૂૂ. 620 પર લિસ્ટ થયો હતો. IPOની ઇશ્યૂ કિંમત રૂૂ. 493 પ્રતિ શેર હતી.
બુલિયન માર્કેટમાં તેજીની ચમક દેખાઈ, સોનું રૂા.62,500 અને ચાંદી રૂા.74000ને પાર
આજે સોના અને ચાંદીના ભાવમાં વધારો જોવા મળ્યો છે. ઈન્ડિયા બુલિયન એન્ડ જ્વેલર્સ એસોસિએશન અનુસાર, 10 ગ્રામ સોનું 365 રૂૂપિયા મોંઘુ થઈને 62,449 રૂૂપિયા પર પહોંચી ગયું છે. જ્યારે 18 કેરેટ સોનાની કિંમત વધીને 46,837 રૂૂપિયા પ્રતિ 10 ગ્રામ થઈ ગઈ છે. આજે ચાંદીમાં પણ વધારો જોવા મળ્યો હતો. તે રૂૂ. 388 મોંઘો થયો છે અને રૂૂ. 74,040 પ્રતિ કિલોએ પહોંચી ગયો છે. પહેલા તે 73,652 રૂૂપિયા હતો. આ મહિને 4 ડિસેમ્બરે ચાંદી 77 હજાર રૂૂપિયાને પાર કરી ગઈ હતી.
Uncategorized
મનપામાં ત્રણ વર્ષથી એક જગ્યાએ ચીપકેલા 14 વોર્ડ ઓફિસરોની બદલી
![](https://gujaratmirror.in/wp-content/uploads/2024/09/71649684072_1653646898-2.webp)
ડે. ઈજનેર, એઆઈનો ઘાણવો કાઢ્યા બાદ મ્યુનિ. કમિશનરે બાકી રહી ગયેલા વિભાગોમાં કરી સાફસફાઈ
મનપામાં કમિશનર તરીકેનો ચાર્જ સંભાળ્યા બાદ દેવાંગ દેસાઈએ મોટાભાગના વિભાગોના અધિકારીઓ અને કર્મચારીઓની બદલીઓ કરી નાખી છે. બે દિવસ પહેલા એક સાથે 53 ઈજનેરોની બદલી કર્યા બાદ આજે ત્રણ વર્ષથી એક જ સ્થળે ફરજ બજાવતા 14 વોર્ડ ઓફિસરોની અરસપરસ બદલી અને આસિ. કમિશનર તેમજ મેનેજર સહિતના 7 અધિકારીઓ પાસેથી અમુક ખાતાઓ છીનવી નવા વિભાગનો કાર્યભાર સોંપવામાં આવ્યો છે.
બી.એલ.કાથરોટિયા – ઈ.ચા. આસિ. કમિશનર
હાલની કામગીરી :- ઈ.ચા. આસી. કમિશનર, સો.વે.મે. શાખા CITIES 2.0, સ્વચ્છ સર્વેક્ષણ, IEC Activity, સફાઈ કામદારને લગત તમામ વહીવટી કામગીરી, MGM, આંબેડકર મ્યુઝીયમ સંબંધિત કામગીરી તેમજ મધ્યાહન ભોજન યોજનાનાં ઈ.ચા. નાયબ કલેકટર તરીકેની કામગીરી; ઈ.ચા.આસી. કમિશનર, વેરા વસુલાત- વ્યવસાય વેરો(ઈ.ઝો), પ્રોજેક્ટ શાખા, દબાણ હટાવ શાખા, એસ્ટેટ શાખા અને શોપ એન્ડ એસ્ટાબ્લીશમેન્ટ, સામાન્ય વહીવટ વિભાગ, ચીફ વિજીલન્સ ઓફિસર તરીકેની કામગીરી અને નાયબ કમિશનરશ્રી ઈ.ઝો.ની સુચના અનુસારની કામગીરી, હવે પછીની કામગીરી :- ઈ.ચા.આસી.કમિશનર તરીકે (1)CITIES 2.0, સ્વચ્છ સર્વેક્ષણ, IEC Activity, સફાઈ કામદારને લગત તમામ વહીવટી કામગીરી, (2)પ્રોજેક્ટ શાખા, (3) દબાણ હટાવ શાખા, (4)એસ્ટેટ શાખા, (5) શોપ એન્ડ એસ્ટાબ્લીશમેન્ટ, (6)સામાન્ય વહીવટ વિભાગ, (7) સાંસ્કૃતિક વિકાસ વિભાગ, (8)રેસકોર્ષ સંકુલ તથા સંબંધિત નાયબ કમિશનરની સુચના અનુસારની કામગીરી તેમજ MGM, આંબેડકર મ્યુઝીયમ સંબંધિત કામગીરી, મધ્યાહન ભોજન યોજનાનાં ઈ.ચા. નાયબ કલેકટર તથા ચીફ વિજીલન્સ ઓફિસર તરીકેની કામગીરી (પગારની શાખા:સો.વે.મે.શાખા)
સાત ઈ.ચા. આસિ. કમિશનર અને મેનેજરને નવી જવાબદારી સોંપાઈ
રાજકોટ મહાનગરપાલિકામાં ફરજ બજાવતા ઈન્ચાર્જ આસિસ્ટન્ટ કમિશનર તેમજ પીએટુ કમિશનર, મેનેજર સહિતનાઓને અગાઉ ફાળવવામાં આવેલ વિભાગોની જવાબદારી પરત લઈ નવા વિભાગની જવાબદારીઓ સોંપવામાં આવી છે. કુલ સાત અધિકારીઓની અરસ-પરસ જવાબદારીઓની બદલીઓના હુકમ મ્યુનિસિપલ કમિશનર દ્વારા કરવામાં આવ્યા છે.
એન.કે. રામાનુજ-ઈ.ચા. આસિ. કમિશનર અને પી.એ.ટુ કમિશનર
હાલની કામગીરી :- મેનેજર કમિશનર વિભાગ, ઈ.ચા. આસી. કમિશનર શાળા બોર્ડ અને સુરક્ષા તેમજ પી.એ.ટુ. કમિશનર તરીકેની કામગીરી, હવે પછીની કામગીરી :- (1) મેનેજર, કમિશનર વિભાગ, (2) પી.એ. ટુ. કમિશનર તેમજ (3) મહેકમ શાખાના ઈ.ચા. આસી. કમિશનર તથા સબંધિત નાયબ કમિશનરની સુચના અનુસારની કામગીરી (પગારની શાખા-કમિશનર વિભાગ)
એમ.ડી. ખીમસુરિયા – મેનેજર
હાલની કામગીરી :- મેનેજર, ટ્રાફિક, ટ્રાન્સપોર્ટ એન્ડ પાર્કિંગ મેનેજમેન્ટ શાખા અને આર.આર. સેલ તથા આઈસીસીસીના નોડલ ઓફિસર, હવે પછીની કામગીરી :- મેનેજર, વેરા વસુલાત શાખા-વે.ઝો અને અન્ય કર સેલ તેમજ શોપ એન્ડ એસ્ટાબ્લીશમેન્ટ શાખા (પગારની શાખા:વેરા વસુલાત શાખા)
ડી.એમ. ડોડિયા-મેનેજર
હાલની કામગીરી :- મેનેજર, આવાસ યોજના વિભાગ (વહીવટી) તથા એસ્ટેટ શાખા તથા આરઆરએલ ખાતે જાહેરાતના હક્કો સબંધિત કામગીરી, હવે પછીની કામગીરી :- મેનેજર, આવાસ યોજના વિભાગ (વહીવટી) અને ઈ.ચા.સહાયક કમિશનર તરીકે (1)વેરા વસુલાત શાખા(વે.ઝો.) (2)વ્યવસાય વેરો, અન્ય કર સેલ તથા સંબંધિત નાયબ કમિશનરશ્રીની સુચના અનુસારની કામગીરી (પગારની શાખા:આવાસ યોજના વિભાગ)
એસ.જે. ધડુક ઈન્ચાર્જ આસિ. કમિશનર
હાલની કામગીરી :- ઈ.ચા. આસિ. કમિશનર-વે ઝો., વેરા વસુલાત શાખા, વ્યવસાય વેરો, મહેકમ શાખાના આસી. કમિશનર, વેરા વસુલાત શાખા-વ્યવસાય વેરા (સે.ઝો.)ઈ.ચા. ડાયરેક્ટર (આઈ.ટી.) તથા નાયબ કમિશનર શ્રી વે.ઝો.ની સુચના અનુસારની કામગીરી હવે પછીની કામગીરી :- ઈ.ચા. આસિ. કમિશનર તરીકે (1) વેરા વસુલાત શાખા (સે.ઝો.), (2) વેરા વસુલાત શાખા (ઈ.ઝો.), (3) શાળા બોર્ડ (4) સુરક્ષા વિભાગ તથા સબંધિત નાયબ કમિશનરની સુચના અનુસારની કામગીરી તેમજ ઈ.ચા. ડાયરેક્ટર (આઈ.ટી.) તરીકેની કામગીરી (પગારની શાખા સામાન્ય વહીવટ વિભાગ)
એમ.આઈ. વોરા-મેનેજર
હાલની કામગીરી :- મેનેજર, સોલીડવેસ્ટ મેનેજમેન્ટ શાખા, આરોગ્ય શાખા અને નોડલ અધિકારી આઈઈસી સેલ, હવે પછીની કામગીરી :- મેનેજર, ટ્રાફિક,ટ્રાન્સપોર્ટ એન્ડ પાર્કિંગ મેનેજમેન્ટ શાખા અને આર.આર.એલ. તથા ઈંઈઈઈનાં નોડલ ઓફિસર. (પગારની શાખા:ટી ટી, પાર્કિંગ મેનેજમેન્ટ શાખા)
એન.એમ. વ્યાસ – મેનેજર
હાલની કામગીરી :- મેનેજર, વેરા વસુલાત શાખા-વે.ઝો. અને અન્ય કર સેલ તેમજ શોપ એન્ડ એસ્ટાબ્લીશમેન્ટ શાખા, હવે પછીની કામગીરી :- મેનેજર, સોલીડ વેસ્ટ મેનેજમેન્ટ શાખા, આરોગ્ય શાખા અને નોડલ અધિકારી ઈંઊઈ સેલ (પગારની શાખા: સો.વે.મે શાખા)
![](https://gujaratmirror.in/wp-content/uploads/2024/09/Capture-44.jpg)
Uncategorized
‘મારી ઘરવાળી ભાગી એમાં તું જાણે છે’ તેમ કહી મિત્રએ ધમકી આપતા યુવકનો આપઘાત
![](https://gujaratmirror.in/wp-content/uploads/2024/09/02.jpg)
શહેરમાં મોરબી રોડ ઉપર આવેલ જકાતનાકા પાસે લાલપરી વિસ્તારમાં રહેતા રીક્ષા ચાલક યુવાને તેના મિત્રએ ‘મારી ઘરવાળી ભાગી એમાં તું જાણે છે’ તેમ કહી ધમકી આપતા ઘરેથી રીક્ષા લઇ નીકળી ગયા બાદ યુવાને બેડી ચોકડી પાસે રેલ્વે પાટા નજીક પોતાની જ રિક્ષામાં ઝેરી દવા પી જીવન ટૂંકાવી લીધું હોવાના આક્ષેપથી ખળભળાટ મચી ગયો છે.
આ બનાવ અંગે પોલીસમાંથી જાણવા મળતી વિગત મુજબ મોરબી રોડ ઉપર જકાતનાકા પાસે લાલપરી વિસ્તારમાં સરકારી સ્કૂલ પાસે રહેતા અને રિક્ષા ચલાવી પરિવારનું ગુજરાન ચલાવતા ભરત ગણેશભાઈ અઘારા નામનો 38 વર્ષનો યુવાન બપોરના એકાદ વાગ્યાના અરસામાં બેડી ચોકડી પાસે પુલ નીચે રેલવે પાટા પાસે હતો ત્યારે પોતાની જ રિક્ષામાં ઝેરી દવા પી લીધી હતી. યુવકને ઝેરી અસર થતા તાત્કાલિક સારવાર માટે સિવિલ હોસ્પિટલમાં ખસેડવામાં આવ્યો હતો. જ્યાં તેની સારવાર કારગત નિવડે તે પૂર્વે જ ફરજ પરના તબીબે મૃત જાહેર કરતા સિવિલ હોસ્પિટલ પોલીસ ચોકીના સ્ટાફે બી ડિવિઝન પોલીસને જાણ કરતા બી ડિવિઝન પોલીસ મથકનો સ્ટાફ તાત્કાલિક સિવિલ હોસ્પિટલ ખાતે દોડી ગયો હતો અને જરૂરી કાર્યવાહી કરી મૃતક યુવકના પરિવારને ઘટના અંગે જાણ કરતા પરિવારજનો હોસ્પિટલ ખાતે દોડી આવ્યા હતા. ભરતભાઇ આઘેરાના મોતથી પરિવારમાં શોકની લાગણી પ્રસરી હતી.
પ્રાથમિક પૂછપરછમાં મૃતક ભરત અઘારા બે ભાઈ એક બહેનમાં મોટો હતો અને રીક્ષા ચલાવી પરિવારનું ગુજરાન ચલાવતો હતો અને તેને સંતાનમાં બે પુત્રી છે.
તેના મિત્રની પત્ની ભાગી ગયા બાદ મિત્રએ નસ્ત્રમારી ઘરવાળી ભાગી એમાં તું જાણે છેસ્ત્રસ્ત્ર તેમ કહી ધમકી આપી હોવાથી ભરતભાઇ અઘારાએ ઘરેથી નીકળી ગયા બાદ બેડી ચોકડી પાસે પોતાની જ રિક્ષામાં ઝેર પી જીવન ટૂંકાવ્યું હોવાનો પરિવારે આક્ષેપ કર્યો છે. આક્ષેપને પગલે બી ડિવિઝન પોલીસે નોંધ કરી વધુ તપાસ હાથ ધરી છે.
Uncategorized
અંબિકા ટાઉનશિપમાં ઢોલ વગાડી ગંદકીનો વિરોધ
![](https://gujaratmirror.in/wp-content/uploads/2024/09/ambika-4.jpg)
શહેરના અંબિકા ટાઉનશીપ વિસ્તારમાં ઠેર ઠેર ભરાયેલા વરસાદી પાણી, કાદવ-કિચડથી ત્રાસી ગયેલા લત્તાવાસીઓએ ઢોલ-થાળી વગાડી, ભાજપનો ધ્વજ ઉંધો કરી ભારે રોષ વ્યક્ત કર્યો હતો.
અંબિકા ટાઉનશીપના લોકોએ રોષભેર જણાવ્યું હતું કે, મત માંગવા ટાણે ઘૂટણિયા ટેકવી, હાથ જોડતા કોર્પોરેટરો ચૂંટાયા પછી પોતાના વિસ્તારમાં ફરકતા પણ નથી એ કારણે આ વિસ્તારમાં સમસ્યાઓ હટવાનું નામ લેતી નથી.
બુધવારે બપોરે ભેગા થયેલા દોષિત લત્તાવાસીઓએ જણાવ્યું હતું કે, વરસાદે વિરામ લીધો હોવા છતાં અંબિકા ટાઉનશીપ વિસ્તારમાં ઠેષર ઠેર પાણી ભરાયેલા ખાડા,કાદવ-કિચડથી લત્તાવાસીઓ ત્રાસી ગયા છે. ઢોલ અને થાળી વગાડતા વગાડતા લોકોએ જાણે તંત્રને જગાડવાનો પ્રયાસ કર્યો હોય તેવા દ્રશ્યો જોવા મળ્યા હતાં.
ભાજપનો ધ્વજ ઉંધો દર્સાવી ગંદા પાણીમાં ખોડી લોકોએ જણાવ્યું હતું કે, એકબાજુ વાયરલ રોગચાળાએ શહેરમાં માથુ ઉચક્યું છે. ત્યારે મનપાના સબંધિત સત્તાધિશો અને વોર્ડ નં. 11ના કોર્પોરેટર્સ ભયંકર રોગચાળાને નોતરવા બેઠા હોય તેમ તેઓના વિસ્તારમાંથી ગંદકી હટાવવા જાગતા નથી.
સેલરમાંથી પાણી છોડાતું હોવાનો તંત્રનો લૂલો બચાવ
અંબિકા ટાઉનશીપમાં ગંદકી અને ચારેબાજુ ભરાયેલા પાણી બાબતે લત્તાવાસીઓએ તંત્રને ફરિયાદ કરી હતી ત્યારે સબંધિતોએ મોટામોટા બંગલા, કોમ્પલેક્ષોના સેલરમાંથી પાણી બહાર કઢાતુ હોવાનો ભુલો બચાવ કર્યો હતો. ગંદકી-સમસ્યાની વાતને સ્વિકારવાને બદલે લોકોને ઉંધા ચશ્મા તંત્ર પહેરાવતું હોવાનો આક્ષેપ થયો છે.
-
રાષ્ટ્રીય2 days ago
અનંત અંબાણીએ ‘લાલબાગ ચા રાજા’ને ભેટમાં આપ્યો સોનાનો મુગટ, કિંમત જાણીને હોંશ ઉડી જશે
-
ગુજરાત2 days ago
ગૌણ સેવા પસંદગી મંડળ દ્વારા લેવાયેલ CCE પરીક્ષાનું રાત્રે પરિણામ
-
રાષ્ટ્રીય20 hours ago
VIDEO: મધ્યપ્રદેશમાં ટ્રેન દુર્ઘટના, જબલપુર સોમનાથ એક્સપ્રેસ ટ્રેનના બે ડબા પાટા પરથી ઊતર્યા, રેલવે તંત્ર દોડતું થયું
-
રાષ્ટ્રીય1 day ago
પૂરગ્રસ્ત વિસ્તારનું નિરીક્ષણ કરતી વખતે માંડ-માંડ બચ્યા CM ચંદ્રબાબુ નાયડુ!! રેલવે ટ્રેકની પાસે ઊભા હતા અને અચાનક જ આવી ટ્રેન, જુઓ વિડીયો
-
રાષ્ટ્રીય2 days ago
સેન્સેક્સમાં 1220 પોઇન્ટનો કડાકો, નિફ્ટીએ 25000નું લેવલ તોડયું
-
રાષ્ટ્રીય2 days ago
‘યુદ્ધ માટે તૈયાર રહો…’, સંરક્ષણ મંત્રી રાજનાથે કમાન્ડરોને આપ્યો આદેશ
-
Sports2 days ago
પેરિસ પેરાલિમ્પિક્સમાં પ્રવીણ કુમારે હાઈ જમ્પમાં જીત્યો ગોલ્ડ મેડલ
-
ગુજરાત2 days ago
ભાવનગર રોડ ગ્રીન પાલક પંજાબીમાંથી વાસી સોસનો નાશ