Sports
રંગારંગ સેરેમની સાથે પેરિસ ઓલિમ્પિક-2024નો ભવ્ય પ્રારંભ
![](https://gujaratmirror.in/wp-content/uploads/2024/07/cxadc.jpg)
સીન નદીમાં બોટમાં પરેડ યોજાઇ, વિશ્ર્વભરના ખેલાડીઓ માટે 13 મિલિયન ડિશો તૈયાર કરવામાં આવી
સમર ઓલિમ્પિકનું આયોજન ફ્રાન્સના પેરિસમાં થઈ રહ્યું છે અને આજેે તેની ઓપનિંગ સેરેમની થવાની છે. ઓલિમ્પિક 2024નું સત્તાવાર બ્રાન્ડેડ નામ પેરિસ 2024 છે.આ મલ્ટિ સ્પોર્ટ્સ ઇવેન્ટ 26મી જુલાઈથી 11મી ઓગસ્ટ સુધી યોજાશે. જોકે ફૂટબોલ અને રગ્બી-7 જેવી કેટલીક ઇવેન્ટનો 24મી જુલાઈથી પ્રારંભ થઈ ચૂક્યો છે.
ઓલિમ્પિકમાં ભારતે આ વખતે વિક્રમી 117 એથ્લેટ્સને મોકલ્યા છે અને 10 જેટલા મેડલની આશા રાખવામાં આવે છે. ઓલિમ્પિકની મુખ્ય યજમાન સિટી પેરિસ છે પરંતુ તેની ઇવેન્ટ્સ મેટ્રોપોલિટન ફ્રાન્સના કુલ અન્ય 16 શહેરોમાં પણ થઈ રહી છે. પેરિસ 1900 તથા 1924માં પણ યજમાન બની ચૂક્યું છે. પેરિસ એકમાત્ર એવું બીજું સિટી છે જ્યાં ત્રીજી ઓલિમ્પિક ગેમ્સ યોજાઈ રહી છે.
આ ઓલિમ્પિકમાં કુલ 10,672 એથ્લેટ્સ ભાગ લઈ રહ્યા છે અને 32 ગેમ્સની કુલ 329 ઇવેન્ટ યોજાશે. ભારત તરફથી કુલ 117 એથ્લેટ્સ 16 અલગ અલગ ઇવેન્ટમાં ભાગ લઈ રહ્યા છે. એથ્લેટિક્સની ઇવેન્ટમાં ભારતના હાઇએસ્ટ 30 તથા શૂટિંગમાં 21 એથ્લેટ્સ છે જેમની ઉપર મેડલની આશા રાખવામાં આવશે. બેડમિન્ટન સ્ટાર પીવી સિંધુ તથા ટેબલટેનિસ ખેલાડી શરથ કમલ ભારતના ધ્વજવાહક રહેશે. કમલ પોતાની પાંચમી અને અંતિમ ઓલિમ્પિકમાં ભાગ લઈ રહ્યો છે.
પેરિસ ઓલિમ્પિકના સમય દરમિયાન વિશ્વભરના કોન્ટિનેન્ટલ ફૂડ તૈયાર કરવામાં આવશે. ઓવરઓલ ગેમ્સ દરમિયાન એથ્લેટ્સ અને અધિકારીઓ માટે 2.2 મિલિયન ફૂડ ડિશ સહિત કુલ 13 મિલિયન ડિશો તૈયાર કરવામાં આવી છે. આયોજકો દ્વારા આ વખતે સંપૂર્ણપણે વેજિટેરિયન ડિશ પણ તૈયાર કરવામાં આવી છે જેનો ભારતીય એથ્લેટ્સનો મોટો ફાયદો થઈ શકે છે. 10 હજાર કરતાં વધારે એથ્લેટ્સ આ વખતે અલગ પ્રકારની ઓપનિંગ સેરેમનીમાં ભાગ લેશે. તેઓ સીન નદીમાં 90 કરતાં વધારે બોટ્સમાં પરેડ કરશે જે છ કિલોમીટર લાંબી રહેશે. આ પરેડ ઓસ્ટરલિટ્ઝ બ્રિજથી શરૂૂ થશે અને એફિલ ટાવર સુધી પહોંચશે. લગભગ ત્રણ લાખ લોકો આ ઓપનિંગ સેરેમનીને નિહાળશે. લેઝર શોનું પણ આયોજન કરવામાં આવ્યું છે જેમાં ફ્રાન્સની સંસ્કૃતિ અને ઓલિમ્પિકના ઇતિહાસની ઝલક દેખાડવામાં આવશે.
Sports
શું ભારતીય ટીમ 2025 ચેમ્પિયન્સ ટ્રોફી માટે પાકિસ્તાન જશે? અમિત શાહે આ શરત સાથે સમગ્ર ચિત્ર સ્પષ્ટ કરી દીધું
![](https://gujaratmirror.in/wp-content/uploads/2024/09/gfhgf.jpg)
ચેમ્પિયન્સ ટ્રોફી 2025 ફેબ્રુઆરીમાં પાકિસ્તાનમાં યોજાવા જઈ રહી છે. આ પહેલા મોટો સવાલ એ છે કે ભારતીય ક્રિકેટ ટીમ ચેમ્પિયન્સ ટ્રોફી રમવા પાકિસ્તાન જશે કે નહીં? આ અંગે વિવિધ પ્રકારની અટકળો લગાવવામાં આવી રહી છે. હવે ભારતના ગૃહમંત્રી અમિત શાહે મોટું નિવેદન આપ્યું છે. તેમણે લગભગ સ્પષ્ટ કરી દીધું છે કે ભારત અને પાકિસ્તાન વચ્ચે હાલમાં કોઈ સંબંધ શક્ય નથી.
ગૃહમંત્રીએ ભારતીય ટીમના પાકિસ્તાન જવાની તસવીર સાફ કરી
જમ્મુ-કાશ્મીરમાં 2024ની વિધાનસભા ચૂંટણી માટે પોતાનો ઘોષણાપત્ર બહાર પાડવા અંગે મીડિયા સાથે વાત કરતા અમિત શાહે કહ્યું કે, ‘અમે આતંકવાદને સંપૂર્ણ રીતે ખતમ ન થાય ત્યાં સુધી પાકિસ્તાન સાથે વાતચીતના પક્ષમાં નથી.’ અમિત શાહના આ નિવેદન બાદ અનુમાન લગાવવામાં આવી રહ્યું છે કે ભારતીય ક્રિકેટ ટીમ ચેમ્પિયન્સ ટ્રોફી માટે પાકિસ્તાન નહીં જાય. અમિત શાહના નિવેદનથી સ્પષ્ટ છે કે જ્યાં સુધી પાકિસ્તાનમાંથી આતંકવાદ ખતમ નહીં થાય ત્યાં સુધી ભારતીય ટીમ પાકિસ્તાનનો પ્રવાસ નહીં કરે. આ પહેલા BCCIના ઉપાધ્યક્ષ રાજીવ શુક્લાએ પણ ભારતીય ક્રિકેટ ટીમના પાકિસ્તાન જવાને લઈને મોટી વાત કહી હતી.
સત્તા અતિમ શાહના પુત્ર જય શાહના હાથમાં રહેશે
BCCI સેક્રેટરી અને ICCના નવા અધ્યક્ષ જય શાહ, જેઓ ભાજપના વરિષ્ઠ નેતા અમિત શાહના પુત્ર છે. ઘણા પ્રસંગોએ તે ભારતને પાકિસ્તાન ન મોકલવાની તરફેણમાં દેખાયા છે. તેણે એશિયા કપમાં પણ ભારતીય ટીમને પાકિસ્તાન મોકલી ન હતી. આ પછી ટુર્નામેન્ટ તટસ્થ સ્થળે યોજાઈ હતી. હવે જ્યારે તેઓ ICCના અધ્યક્ષ બની ગયા છે અને 1 ડિસેમ્બરથી કાર્યભાર સંભાળશે ત્યારે તેમની પાસે ભારતીય ટીમને પાકિસ્તાન જતા રોકવાની ઘણી હદ સુધી શક્તિ હશે.
ચેમ્પિયન્સ ટ્રોફી 2025 ક્યારે અને ક્યાં સુધી રમાશે?
પાકિસ્તાન આવતા વર્ષે ફેબ્રુઆરીમાં ચેમ્પિયન્સ ટ્રોફીની યજમાની કરવા જઈ રહ્યું છે. ટૂર્નામેન્ટ 19મી ફેબ્રુઆરીથી શરૂ થશે, તે 9મી માર્ચે ફાઇનલ મેચ સાથે સમાપ્ત થશે, જ્યાં આપણને ચેમ્પિયન પણ મળશે. જો ભારતીય ટીમ પાકિસ્તાન નહીં જાય તો પાકિસ્તાને હાઇબ્રિડ મોડલ હેઠળ ચેમ્પિયન્સ ટ્રોફી 2025નું આયોજન કરવું પડી શકે છે.
Sports
એક વર્ષમાં 847 કરોડની કમાણી છતાંય વિરાટ કોહલી આવકના લિસ્ટમાં નવમા સ્થાને
![](https://gujaratmirror.in/wp-content/uploads/2024/09/sdsa.jpg)
2081 કરોડની કમાણી સાથે રોનાલ્ડો ટોપ પર
વિરાટ કોહલી વર્તમાન ક્રિકેટ વિશ્વમાં સૌથી વધુ નેટવર્થ ધરાવનાર ખેલાડી છે.. એક રિપોર્ટ અનુસાર, કોહલીની છેલ્લા 12 મહિનાની આવક 847 કરોડ રૂૂપિયા રહી છે. તેમ છતાં, તે સૌથી વધુ કમાણી મામલે 9મા નંબરે છે.આ લિસ્ટમાં ટોપ પર પોર્ટુગલનો સુપરસ્ટાર ફૂટબોલર ક્રિસ્ટિયાનો રોનાલ્ડો છે, જેની કમાણી 2081 કરોડ રૂૂપિયા છે. વિરાટ પાસે આવકના ઘણા સ્ત્રોત છે. તે હજુ પણ ઇઈઈઈંના સેન્ટ્રલ કોન્ટ્રાક્ટના ટોપ ગ્રેડમાં સામેલ છે, જ્યાં તેને દર વર્ષે 7 કરોડ રૂૂપિયા મળે છે. પછી તેઓ આખા વર્ષ દરમિયાન ટેસ્ટ, ઘઉઈં અને ઝ20 મેચ રમવા માટે અલગ-અલગ ફી પણ મેળવે છે અને તેમાંથી પણ તેઓ લગભગ 1-1.5 કરોડ રૂૂપિયા કમાય છે.
આ સિવાય ઈંઙક ફ્રેન્ચાઇઝી રોયલ ચેલેન્જર્સ બેંગ્લોર કોહલીને દરેક સિઝનમાં 15 કરોડ રૂૂપિયા આપે છે. ક્રિકેટ ક્ષેત્રની આ આવક પછી, તેની વાસ્તવિક આવક વિવિધ બ્રાન્ડ એન્ડોર્સમેન્ટ્સમાંથી આવે છે, એટલું જ નહીં, કોહલી પોતે ડિજીટ ઈન્ડિયા, વન એટ કોમ્યુન, રોંગ સહિતની ઘણી કંપનીઓના માલિક કે શેરહોલ્ડર છે.
તાજેતરમાં એવું પણ બહાર આવ્યું હતું કે કોહલીએ ગયા નાણાકીય વર્ષમાં કુલ રૂૂ. 66 કરોડનો આવકવેરો ચૂકવ્યો હતો, જે ભારતના કોઈપણ ખેલાડી માટે સૌથી વધુ છે. સૌથી મહત્વની વાત એ છે કે 35 વર્ષની ઉંમરે અને ઝ20 ઈન્ટરનેશનલમાંથી નિવૃત્ત થયા બાદ પણ કોહલીની કમાણી અને બ્રાન્ડ વેલ્યુમાં કોઈ ઘટાડો થયો નથી. જ્યાં સુધી ક્રિકેટ એક્શનનો સવાલ છે, સ્ટાર બેટ્સમેન 19 સપ્ટેમ્બરથી ભારત અને બાંગ્લાદેશ વચ્ચેની ટેસ્ટ શ્રેણીમાંથી પરત ફરશે.
ટોચના 10 સૌથી વધુ કમાણી કરનારા ખેલાડીઓ
ક્રિસ્ટિયાનો રોનાલ્ડો (ફૂટબોલ) – 2081 કરોડ
જોન રોડ્રિગ્ઝ (ગોલ્ફ) – 1712 કરોડ
લિયોનેલ મેસ્સી (ફૂટબોલ)- 1074 કરોડ
લેબ્રોન જેમ્સ (બાસ્કેટબોલ) – 990 કરોડ
કાયલિયન એમબાપ્પે (ફૂટબોલ) – 881 કરોડ
જિઆનીસ એન્ટેટોકોનમ્પો (બાસ્કેટબોલ) – 873 કરોડ
નેમાર જુનિયર (ફૂટબોલ)- 864 કરોડ
કરીમ બેન્ઝેમા (ફૂટબોલ) – 864 કરોડ
વિરાટ કોહલી (ક્રિકેટ) – 847 કરોડ
સ્ટીફન કરી (બાસ્કેટબોલ) – 831 કરોડ
Sports
ચેમ્પિયન્સ ODI કપમાં બાબરને કેપ્ટનશિપ ન મળી
![](https://gujaratmirror.in/wp-content/uploads/2024/09/58.png)
શોએબ મલિક સાથેનો અણબનાવ કારણભૂત
ચેમ્પિયન્સ ઓડીઆઇ કપ પાકિસ્તાનમાં 12 સપ્ટેમ્બરથી શરૂ થઈ રહ્યો છે જેમાં પાંચ ટીમો સામ-સામે ટકરાશે. આ પાંચ ટીમોની ટુકડીઓ જાહેર કરી દેવામાં આવી છે અને તેના કેપ્ટન પણ જાહેર કરવામાં આવ્યા છે. રસપ્રદ વાત એ છે કે બાબર આઝમ કોઈ ટીમનો કેપ્ટન બન્યો નથી. પાકિસ્તાન ક્રિકેટ બોર્ડે ચેમ્પિયન્સ ઓડીઆઇ કપ માટે પાંચેય ટીમોની ટીમની જાહેરાત કરી છે.
12 સપ્ટેમ્બરથી શરૂ થઈ રહેલી આ ટૂર્નામેન્ટમાં પાકિસ્તાનના તમામ ટોપ ડોમેસ્ટિક અને ઈન્ટરનેશનલ ખેલાડીઓ ભાગ લઈ રહ્યા છે અને આ ટૂર્નામેન્ટને ચેમ્પિયન્સ ટ્રોફીના ઓડિશનની જેમ જોવામાં આવી રહી છે. બાબર આઝમને કોઈ ટીમનો કેપ્ટન બનાવવામાં આવ્યો નથી. બાબર આઝમ સ્ટેલિયન્સ ટીમનો એક ભાગ છે અને તે મોહમ્મદ હરિસની કેપ્ટનશીપમાં રમશે. એવા અહેવાલો હતા કે બાબર પોતે કેપ્ટન બનવા માંગતો ન હતો કારણ કે આ ટીમના મેન્ટર શોએબ મલિક છે જેની સાથે તેને અણબનાવ હોવાનું કહેવાય છે.
-
રાષ્ટ્રીય1 day ago
અનંત અંબાણીએ ‘લાલબાગ ચા રાજા’ને ભેટમાં આપ્યો સોનાનો મુગટ, કિંમત જાણીને હોંશ ઉડી જશે
-
ગુજરાત1 day ago
ગૌણ સેવા પસંદગી મંડળ દ્વારા લેવાયેલ CCE પરીક્ષાનું રાત્રે પરિણામ
-
રાષ્ટ્રીય19 hours ago
VIDEO: મધ્યપ્રદેશમાં ટ્રેન દુર્ઘટના, જબલપુર સોમનાથ એક્સપ્રેસ ટ્રેનના બે ડબા પાટા પરથી ઊતર્યા, રેલવે તંત્ર દોડતું થયું
-
રાષ્ટ્રીય1 day ago
પૂરગ્રસ્ત વિસ્તારનું નિરીક્ષણ કરતી વખતે માંડ-માંડ બચ્યા CM ચંદ્રબાબુ નાયડુ!! રેલવે ટ્રેકની પાસે ઊભા હતા અને અચાનક જ આવી ટ્રેન, જુઓ વિડીયો
-
રાષ્ટ્રીય1 day ago
સેન્સેક્સમાં 1220 પોઇન્ટનો કડાકો, નિફ્ટીએ 25000નું લેવલ તોડયું
-
રાષ્ટ્રીય2 days ago
‘યુદ્ધ માટે તૈયાર રહો…’, સંરક્ષણ મંત્રી રાજનાથે કમાન્ડરોને આપ્યો આદેશ
-
Sports1 day ago
પેરિસ પેરાલિમ્પિક્સમાં પ્રવીણ કુમારે હાઈ જમ્પમાં જીત્યો ગોલ્ડ મેડલ
-
ગુજરાત1 day ago
ભાવનગર રોડ ગ્રીન પાલક પંજાબીમાંથી વાસી સોસનો નાશ