ગુજરાત
વડતાલધામમાં કાલથી લક્ષ્મીનારાયણ દેવ દ્વિશતાબ્દી મહોત્સવનો ભવ્ય પ્રારંભ
વડતાલમાં સ્વામિનારાયણ મંદિરમાં કાલે તા.7થી 15 નવેમ્બર સુધી દબદબાભેર લક્ષ્મીનારાયણ દેવ દ્વિશતાબ્દી મહોત્સવનો પ્રારંભ થશે. આ સમગ્ર કાર્યક્રમ, મહોત્સવની વિગતો આપવા આજે શાસ્ત્રી સૃતિપ્રકાશદાસજી સ્વામી (રાજકોટ ગુરુકુળ), શાસ્ત્રી રાધારમણદાસજી સ્વામી (મહંત-ભૂપેન્દ્ર રોડ, રાજકોટ), ભાજપ અગ્રણી ચેતનભાઇ રામાણી, માખાવડ દૂધમંડળીના પ્રમુખ રાજુભાઇ વેકરિયા તથા તાલુકા પંચાયત સદસ્ય ઉમેશભાઇ દેસાઇ ગુજરાત મિરર કાર્યાલયની મુલાકાતે આવ્યા હતા.
કાલે બે કીમી પોથીયાત્રામાં લાખો હરિભક્તો જોડાશે: નિત્યસ્વરૂપદાસજી સ્વામી અને જ્ઞાનજીવનદાસજી સ્વામીના મુખેથી વહેશે જ્ઞાનગંગા
“આચાર્ય રાકેશપ્રસાદજીના સાનિધ્યમાં તા.7 થી 15 નવેમ્બર અનેક ધાર્મિક કાર્યક્રમો”
શ્રી વડતાલધામ સ્વામિનારાયણ મંદિર તેમજ ટેમ્પલ બોર્ડ વતી મુખ્ય કોઠારી ડો. સંતવલ્લભદાસજી સ્વામી તેમજ તેમના વતી ગુજરાત પ્રદેશ ભાજપ અગ્રણી ચેતનભાઇ રામાણીની સંયુક્ત યાદીમાં જણાવ્યુ હતુ કે, ભગવાન શ્રી સ્વામિનારાયણે વડતાલમાં કરેલ અનેક લીલાના સાક્ષી એવા પુનિત પ્રાસાદિક સ્થાનો જેમ કે ગોમતીજી, જ્ઞાનબાગ, ઘેલા હનુમાનજી, વડેઉ.માતા મંદિર, જોબનપગીની મેડી અને અક્ષર ભુવન આજે પણ સત્સંગીજનો માટે અનંત આસ્થાઓનું અવલંબન થઈ શ્રીહરિની સ્મૃતિઓ સંઘરીને બેઠા છે. છેલ્લાં 200 વર્ષની જીવંત અને સતત પ્રગતિશીલ યાત્રા દ્વારા આધ્યાત્મિક, ધાર્મિક, સામાજિક અને ભૌતિક ક્ષેત્રે વિકસતું આ વડતાલધામ માત્ર સત્સંગી ભક્તો પુરતું સીમિત ન રહેતા જીવમાત્રના આલોકને પરલોકના શ્રેય-પ્રેય માટે સતત ધબકતું અને પ્રેરક રહ્યું છે.
વડતાલ શ્રી લક્ષ્મીનારાયણ દેવ દ્વિશતાબ્દી મહોત્સવ. ક્ષણેક્ષણ અંતરમાં આનંદની લાગણીઓ અને પૂર્ણ પ્રાપ્તિની ખુમારી લઈને શ્રીહરિનાં દર્શને આવતા સત્સંગીઓનાં આ હર્ષને વધાવવા માટે 1008 આચાર્ય રાકેશપ્રસાદજી મહારાજ તથા વડતાલ ગાદીના સદગુરૂ તપસ્વી તમામ પૂ.સંતોના મંગલ શુભાશિષથી તા. 2 નવેમ્બરએ મંદિર સંકુલમાં યોજાયેલ 5001 વાનગીઓના વિશ્વવિક્રમરૂૂપ મહાઅન્નકૂટનો સેકડો ભાવિકોએ દર્શન કરી ધન્યતા અનુભવી હતી ત્યારે હવે દ્વિશતાબ્દી મહોત્સવ આડે ગણતરીના કલાકો જ બાકી રહ્યાં છે તે અંતર્ગત દેશ-વિદેશના હરિભક્તોનો પ્રચંડ પ્રવાહ વડતાલધામ તરફ શરૂૂ થયો છે અને લાખો ભાવિકોની હાજરીની ગણતરી ધ્યાને લઈને સ્થળ પર સંતો અને હરીભક્તો સઘળી તૈયારી કરી રહયા છે.
શ્રી લક્ષ્મીનારાયણ દેવ વડતાલ ટેમ્પલ બોર્ડ દ્વારા સંવત્ – 2081ના કારતક સુદ – 6 થી કારતક સુદ – 15 ને તા. 7 નવેમ્બર – 2024 ગુરૂૂવાર થી તા. 15 નવેમ્બર – 2024 શુક્રવાર સુધી ચાલનાર આ દિવ્યાતીત મહોત્સવને રંગ આપવા સંપ્રદાયના ખૂબ જ વિદ્વાન અને હરિભક્તોને કથા-વાર્તા-કિર્તનના રંગે રંગાવ્યા છે એવા સંપ્રદાયના બે મૂળધન્ય સંતો કથાનો લાભ આપશે જેમા આદિવ્ય ભવ્ય પ્રસંગે આર્ષદ્રષ્ટા શતાનંદ મુનિ વિરચિત શ્રીમદ્ સત્સંગિજીવન અંતર્ગત વડતાલધામ માહાત્મ્યની કથા ધરસભાના પ્રણેતા, હજારો યુવાનોને સંપ્રદાય પ્રતી સમર્પીત બનાવનાર સદગુરૂૂ નિત્યસ્વરૂૂપદાસજી સ્વામી તથા શ્રીજી પ્રસાદી માહાત્મ્યની કથા એ.આઇ. ના સંશોધન પહેલા 3ડી એનીમેશન પર શ્રીજી મહારાજે કરેલી લીલાઓ હરીભક્તો સુધી પહોંચાડનાર પ્રભુપ્રેમી સદગુરૂૂ જ્ઞાનજીવનદાસજી સ્વામી (કુંડળ) વ્યાસાસને બિરાજી કથામૃતનું રસપાન કરાવશે તદઉપરાંત અનેક વિદ્વાન સંતો દ્વારા વ્યાખ્યાનમાળા તેમજ આશીર્વચન મળશે.
2500થી વધુ ઉતારાનું ટેન્ટસિટી
કચ્છ રણોત્સવની જેમ જ 200 વિઘા જમીન પર 3851000 સ્કેવર ફૂટ જમીન પર મહોત્સવમા આવતા દેશ-વિદેશના દર્શનાર્થીઓને રહેવા માટે વિશાળ ટેન્ટ સિટી બનાવ્યુ છે જેમા એ.સી. સહીત આધુનીક સુવિધાઓથી સજ્જ અટેચ બાથરૂૂમ સાથેના 2500 ટેન્ટ બનાવ્યા છે જેમા ટેન્ટ દિઠ 6 જણા રહી શકશે તે માટે 6 બેડ, બિલેન્કેટ, ઓશીકા રહેશે જેની સાફ-સફાઈ મેઇન્ટેનન્સ અર્થે 10 હજારથી વઘુ સ્વયં સેવકો ખડેપગે રહેશે પાર્કીંગ માટે 6000 ફોર વહીલ, 4000 બાઇક અને 200 બસોનુ પાર્કિંગ વ્યવસ્થા કરવામાં આવી છે.
17 ડોમની વિશાળ ભોજનશાળા
છેલ્લા 4 માસના અથાક પરિશ્રમથી તૈયારીના અંતે 62 હજાર 500 ચો.ફૂટ જમીન પર 24 કલાક ચાલુ રહેનાર ભવ્ય ભોજનશાળામા હરિભક્તોની સુવિઘામા તકલીફ ના પડે તે માટે કુલ 17 જેટલા અલગ- અલગ ડોમ બનાવવામાં આવેલ છે જેમાં યજમાન, મહેમાન તથા અન્ય ભક્તોની ભોજનની વ્યવસ્થા કરવામાં આવેલ છે જેમા એક સાથે 1 લાખ હરિભક્તો સાથે બેસી જમી શકશે તેમજ 3200 ઉપરાંત સ્વયં સેવકો મહેમાનોની સવગડતા સાચવવા ખડેપગે રહેશે, 500 ઉપરાંત રસોઈયા રસોઈ બનાવવા માટે રહેશે.
શહેરના માધાપર ચોકડી પાસે રહેતા પરપ્રાંતિય પરિવારના દોઢ વર્ષના માસુમ બાળક રમતા-રમતા પાણીની ડોલમાં પડી જતાંતેનું મોત નિપજ્યું હતું. એકના એક પુત્રના મોતથી પરિવારમાં શોકની લાગણી છવાઈ જવા પામી છે.
જાણવા મળતી વિગત મુજબ મુળ મધ્યપ્રદેશનો વતની અને હાલ જામનગર રોડ પર માધાપર ચોકડી પાસે રઘુવીર ઈન્ડસ્ટ્રીયલ એરિયામાં ઝુપડપટ્ટીમાં રહેતા શ્રમિક પરિવારનો દોઢ વર્ષનો પુત્ર અક્ષિત શૈલેષભાઈ શિંગડિયા આજે સવારે રમતો હતો ત્યારે રમતા-રમતા પાણીની ડોલમાં પડી જતાં ડૂબી ગયો હતો. પરિવારજનોને જાણ થતાં બાળકને બેભાન હાલતમાં સારવાર માટે સિવિલ હોસ્પિટલમાં ખસેડાયો હતો. પરંતુ સારવાર મળે તે પહેલા જ તેનું મોત નિપજ્યું હતું. એકના એક પુત્રના મોતથી પરિવારજનોમાં શોકની લાગણી છવાઈ જવા પામી છે. આ અંગે ગાંધીગ્રામ પોલીસે જરૂરી કાર્યવાહી કરી વધુ તપાસ હાથ ધરી છે.
સ્ટેન્ડિંગની સંકલન બેઠકમાં નવા કમિશનરે હાજરી આપી કોર્પોરેટરો સાથે પરિચય કેળવી સંકલનથી કામ કરવા અંગે ચર્ચા કરી
મહાનગરપાલિકાની સ્ટેન્ડીંગ કમિટીની બેઠક આજરોજ મળેલ શાસકપક્ષના કોર્પોરેટરો દ્વારા આવેલ દરખાસ્તોની ચર્ચાને સંકલનની કામગીરી શરૂ થયે તે દરમિયાન નવા મ્યુનિસિપલ કમિશનર તુષાર સુમેરાએ સંકલન વેળાએ હાજરી આપતા તેમને તમામ સભ્યોએ આવકારી વેલકમ સાથે અનેક મુદ્દે ચર્ચા કરી હતી. તેમજ કોર્પોરેટરો સાથે કમિશનરે પરિચય કેળવી સંકલનથી કામ કરવા સહિતના મુદ્દે ચર્ચા કરી હોવાનું અને અમુક પ્રજાલક્ષી નિર્ણયો લીધા હોવાનું સુત્રોમાંથી જાણવા મળેલ છે.
મનપાની સ્ટેન્ડીંગ કમિટીનીબેઠકમાં આજે શાસકપક્ષના સભ્યો દ્વારા સંકલનની કાર્યવાહી હાથ ધરવામાં આવેલ કમિશનર વિભાગમાંથી રજૂ થયેલ દરખાસ્તોની ચર્ચા દરમિયાન નવા કમિશનર તુષાર સુમેરાને પણ વેલકમ કરવામાં આવેલ અને સાથે બેસી સંકલન કરવામાં આવ્યું હતું. સંકલન દરમિયાન મ્યુનિસિપલ કમિશનરે જણાવેલ કે, શહેરનો દરેક નાગરિક પોતાની ફરિયાદ કમિશનર સુધી અને શાસક પક્ષ સુધી પહોંચાડી શકે તે માટે હવે મનપામાં અરજદારો માટે ડેશબોર્ડ મુકવામાં આવશે. જેના દ્વારા દરેક નાગરિક પોતાની ફરિયાદ સરળતાથી કરી શકશે. કમિશનરે વધુમાં જણાવેલ કે, આ પ્રકારની વ્યવસ્થા ભરૂચ મહાપાલિકામાં કાર્યરત છે.
જેને સારો પ્રતિસાદ સાપડ્યો છે અને લોકોના કામ પણ સરળતાથી થઈ રહ્યા હોવાથી આ નિમય રાજકોટ મહાનગરપાલિકામાં લાગુ કરવામાં આવશે તેમજ દરરોજ મુલાકાતીઓ માટે પણ સમયની ફાળવણી કરવામાં આવશે. આજની સંકલન સમિતિની બેઠકમાં કમિશનર દ્વારા અનેક નવા નિયમો અમલમાં મુકવા માટે શાસકપક્ષના સભ્યો સાથે ચર્ચા કરી હોવાનું જાણવા મળેલ છે.
ભાજપ સંકલનમાં કમિશનરનું વેલકમ કર્યા બાદ તમામ કોર્પોરેટરો સાથે પરિચય કરાવવામાં આવ્યો હતો. પ્રજાલક્ષી કામગીરી ઉપરાંત લોકોએ ચુંટીને મોકલેલા પ્રજાના પ્રતિનિધિઓ એટલે કે કોર્પોરેટરો પણ પોતાના પ્રશ્ર્નો તેમજ વિકાસના કામો સહિતની ચર્ચા કમિશનર સાથે કરી શકે અથવા તેની વિગતો કમિશનરને સરળતાથી આપી શખે અને પ્રોજેક્ટો અંગેની માહિતી પણ મેળવી શકે તેવી વ્યવસ્થા માટે મ્યુનિસિપલક મિશનરે જણાવેલ કે, કોર્પોરેટરો તમામ કામનું ફોલોઅપ જાણી શકે તે માટે તેમજ દરેક કોર્પોરેટર સાથે કનેક્ટ રહી શકાય તેવી વ્યવસ્થા ઉભી કરવામાં આવશે. તેવી જ રીતે મોબાઈલ એપ લીંકથી સોફ્ટવેર મારફત ભાજપના કોર્પોરેટર સાથે સંકલમાં રહી તમામ પ્રકારની સારામા સારી કામગીરી કરવામાં આવશે.
રાજકોટ મહાનગરપાલિકાના નવા કમિશનર તરીકે તુષાર સુમેરાએ સોમવારના રોજ ચાર્જ સંભાળી પ્રથમ બે દિવસ અધિકારીઓ સાથે પરિચય અને કામ અંગેની માહિતી મેળવી રિવ્યુ મીટીંગો યોજી હતી તેમજ હાલના ચાલુ પ્રોજેક્ટો અને આગામી દિવસોમાં શરૂ થનાર નવા પ્રોજેક્ટો સહિતના કામોની વિગત અધિકારીઓ પાસેથી મેળવી હોવાનું જાણવા મળેલ છે. આજે કમિશનરને ચાર્જ સંભાળ્યાને બે દિવસ થયા છે. ત્યારે જ તેઓએ આજે સ્ટેન્ડીંગ કમિટીની બેઠકમાં પણ હાજરી આપી કોર્પોરેટરો અને ચેરમેન સાથે પરિચય કેળવી સાથે મળીને પ્રજાલક્ષી કામો કરવા માટેની તૈયારી દર્શાવી હતી.
સ્ટેન્ડિંગ કમિટીમાં 7.97 લાખના ખર્ચને બહાલી
મનપાના સ્ટેન્ડીંગ કમિટીની બેઠક આજરોજ મળેલ પરંતુ કમિટિની બેઠકમાં આજે રજૂ થયેલ 9 દરખાસ્તો પૈકી સાત દરખાસ્ત કર્મચારીઓને બિમારી સબબ સારવાર ખર્ચ પેટે આર્થિક તબીબી સહાયની રજૂ કરવામાં આવેલ જે તમામ સર્વાનુમતે મંજુર કરાઈ હતી. અને રૂા. 7,81,144 નો ખર્ચ મંજુર કરી અને મેયર એવોર્ડ કાર્યક્રમ દરમિયાન કરવામાં આવેલ વદારાનો રૂા. 16,200નો ખર્ચની મંજુરી સાથે કુલ રૂા. 7,97,344 મંજુર કરવામાં આવ્યા હતાં.
રાજકોટ-મેટોડા-કાલાવડ-જામનગર સહિતના સ્થળોએ ફાયર ફાઈટરો બોલાવાયા, ઓઈલ ટેન્કો બચાવવા પ્રયાસ
રાજકોટ શહેરની ભાગોળે કાલાવડ રોડ ઉપર મેટોડા જીઆઈડીસીમાં આવેલ ગોપાલ નમકીનના પ્લાન્ટમાં આજે બપોેરે અચાનક આગ ફાટી નિકળતા ભારે દોડધામ મચી જવા પામી છે અને આગને કાબુમાં લેવા માટે મેેટોડા ઉપરાંત રાજકોટ, કાલાવડ, જામનગર સહિતના સ્થળોએથી ફાયર બ્રિગેડનો કાફલો બોલાવી મેજરકોલ જાહેર કરવામાં આવ્યો છે. ફેકટરીમાં શોર્ટ સર્કિટના કારણે આ આગ લાગી હોવાનું પ્રાથમિક દ્રષ્ટીએ બહાર આવ્યું છે. પરંતુ મેટોડા જીઆઈડીસીના પ્રમુખ નરેન્દ્રસિંહ જાડેજાનો સંપર્ક સાધતા તેમણે જણાવ્યું હતું કે, ગોપાલ નમકીનમાં ભયાનક આગ ફાટી નિકળી છે અને આ આગ ઓઈલ ટેન્કો સુધી પહોંચે નહીં તે માટે પ્રયાસો કરવામાં આવી રહ્યા છે. અલગ અલગ શહેરોમાંથી ફાયર બ્રિગેડની મદદ મેળવવામાં આવી રહી છે. આ આગ લાગવા પાછળનું કારણ હજુ જાહેર થયું નથી ઉચ્ચ અધિકારીઓ અને પોલીસ કાફલો ઘટના સ્થળે દોડી ગયેલ છે. આગના ધુમાડાના ગોટા દૂર દૂર સુધી નજરે પડીરહ્યા છે. મેટોડામાં ગોપાલ નમકીનની આસપાસનો વિસ્તાર ખાલી કરાવવામાં આવ્યો છે. સમગ્ર વિસ્તાર પોલીસ દ્વારા કોર્ડન કરી માત્ર ફાયર બ્રિગેડને જ પ્રવેશ આપવામાં આવ્યો છે. આગના ધુમાડાના ગોટા એક કિલો મીટર વિસ્તારમાં પ્રસરી જતાં ચોતરફ ધુમાડો દેખાઈ રહ્યો છે અને ભયાનક દ્રશ્યો જોવા મળી રહ્યા છે.
અફઘાનિસ્તાનના કાબુલમાં બ્લાસ્ટ, તાલિબાન સરકારના મંત્રી હક્કાની સહિત 12ના મોત
42 દિવસના બદલે 3 વર્ષે મુકામે પહોંચી ટ્રેન
ધરપકડ પહેલાં દક્ષિણ કોરિયાના સંરક્ષણ મંત્રીનો આપઘાતનો પ્રયાસ
દિલ્હીમાં એકલા હાથે ચૂંટણી લડવા કેજરીવાલનો પુનરોચ્ચાર
મુંબઇ બેસ્ટ બસ અકસ્માતમાં કાવતરાંની, વાહનનો ઉપયોગ શસ્ત્ર તરીકે કરાયાની શંકા
ઓનલાઇન કોમર્સ પ્લેટફોર્મ Myntraને પણ નકલી ઓર્ડર દ્વારા 50 કરોડનો ચૂનો લાગ્યો
બાંગ્લાદેશે હિંદુઓ પર 88 હુમલા થયાનું સ્વીકાર્યું
દોઢ વર્ષના માસૂમ બાળકનું રમતાં રમતાં પાણીની ડોલમાં પડી જતાં મોત
મનપામાં અરજદારો માટે મુકાશે ડેશ બોર્ડ: લોકો ફરિયાદ કરી શકશે
મેટોડામાં ગોપાલ નમકીનના પ્લાન્ટમાં વિકરાળ આગ
ભૂલથી પણ તુલસી પાસે ન રાખો આ વસ્તુઓ, નહીંતર થઈ શકે છે અણધાર્યું નુકસાન
બસપોર્ટમાં ચાલતી લાલિયાવાડી અને અધિકારીઓના વર્તનની મુખ્યમંત્રીને ફરિયાદ
દોઢ વર્ષના માસૂમ બાળકનું રમતાં રમતાં પાણીની ડોલમાં પડી જતાં મોત
અશાંતધારાના ભંગની રજૂઆત બાદ સિટી પ્રાંત દ્વારા નિવેદન નોંધવાનું શરૂ
શુક્ર-શનિ જેમીનીડ્સ ઉલ્કાવર્ષાનો નજારો
મનપામાં અરજદારો માટે મુકાશે ડેશ બોર્ડ: લોકો ફરિયાદ કરી શકશે
અમુક વિસ્તારોનો જંત્રી દર ખૂબ જ વધારે, રાજ્ય સરકારમાં રિપોર્ટ રજૂ
હૃદયરોગનો હુમલો વધુ ત્રણ માનવ જિંદગી ભરખી ગયો
મેટોડામાં ગોપાલ નમકીનના પ્લાન્ટમાં વિકરાળ આગ
પ્રતિબંધિત પ્લાસ્ટિક અને ગંદકી કરતા વધુ 78 વેપારીઓ દંડાયા
-
ધાર્મિક2 days agoભૂલથી પણ તુલસી પાસે ન રાખો આ વસ્તુઓ, નહીંતર થઈ શકે છે અણધાર્યું નુકસાન
-
ગુજરાત1 day agoબસપોર્ટમાં ચાલતી લાલિયાવાડી અને અધિકારીઓના વર્તનની મુખ્યમંત્રીને ફરિયાદ
-
ગુજરાત1 day agoદોઢ વર્ષના માસૂમ બાળકનું રમતાં રમતાં પાણીની ડોલમાં પડી જતાં મોત
-
ગુજરાત1 day ago
અશાંતધારાના ભંગની રજૂઆત બાદ સિટી પ્રાંત દ્વારા નિવેદન નોંધવાનું શરૂ
-
ગુજરાત1 day agoશુક્ર-શનિ જેમીનીડ્સ ઉલ્કાવર્ષાનો નજારો
-
ગુજરાત1 day agoમનપામાં અરજદારો માટે મુકાશે ડેશ બોર્ડ: લોકો ફરિયાદ કરી શકશે
-
ગુજરાત1 day agoઅમુક વિસ્તારોનો જંત્રી દર ખૂબ જ વધારે, રાજ્ય સરકારમાં રિપોર્ટ રજૂ
-
ગુજરાત1 day agoહૃદયરોગનો હુમલો વધુ ત્રણ માનવ જિંદગી ભરખી ગયો