વૈશ્ર્વિક સંકેતોને પગલે તમામ શેરોમાં ધૂમ લેવાલી, નિફ્ટીમાં 447 પોઇન્ટનો વધારો

શેરબજારમાં છેલ્લા પાંચ કારોબારી દિવસોના ઘટાડા બાદ આજે જોરદાર ઉછાળો જોવા મળી રહ્યો છે. સપ્તાહના છેલ્લા ટ્રેડિંગ દિવસે સેન્સેક્સ અને નિફ્ટીમાં જોરદાર તેજીને પગલે બંન્ને નવા ઓલટાઇમ હાઇની નજીક પહોંચી ગયા છે. સવારે વૈશ્ર્વિક બજારોમાંથી સકારાત્મક સંકેતો આવતા જ ભારતીય શેર માર્કેટમાં પણ આજે જોરદાર તેજી છવાઇ ગઇ હતી. ગઇકાલે 80039ના લેવલ પર બંધ થયેલ સેન્સેક્સ આજે 119 પોઇન્ટ ઉછળીને 801588 પર ખુલ્યો હતો. પરંતુ બપોરે સાડા બાર બાદ માર્કેટમાં જોરદાર તેજીથી સેન્સેક્સમાં 1382 પોઇન્ટનો ઉછાળો આવતા 81421ના લેવલે પહોંચી ગયો હતો. નિફ્ટીમાં ગઇકાલના 24406ના બંધ સામે આજે મામૂલી 17 પોઇન્ટના વધારા સાથે 24423 પર ખુલ્લી હતી. બાદમાં જોરદાર તેજીથી નિફ્ટીમાં 447 પોઇન્ટનો વધારો નોંધાતા ઓલટાઇમ હાઇથી એક પોઇન્ટ દુર 24853 પર પહોંચી હતી.

બીએસઇ સેન્સેક્સના ટોચના 30 શેરોમાંથી 25 શેરોમાં વધારો જોવા મળી રહ્યો છે, જ્યારે 5 શેર લાલ નિશાનમાં ટ્રેડ થઈ રહ્યા છે. સૌથી વધુ ઉછાળો ઈન્ફોસિસ, ભારતી એરટેલ, ઝઈજ, ઉંજઠ સ્ટીલ અને સન ફાર્માના શેરમાં જોવા મળ્યો હતો. જ્યારે ટેક મહિન્દ્રા અને એચડીએફસી બેંકના શેરમાં સૌથી વધુ ઘટાડો જોવા મળ્યો હતો. જેના કારણે બેંક નિફ્ટીમાં લગભગ 150 પોઈન્ટનો ઘટાડો જોવા મળ્યો હતો.

એક દિવસ પહેલા વૈશ્વિક બજારમાં ભારે ઘટાડો જોવા મળ્યો હતો, જેના કારણે ભારતીય શેરબજાર પણ પ્રભાવિત થયું હતું. જોકે, આજે વૈશ્વિક સ્તરેથી સારા સંકેતો મળ્યા છે, જેના કારણે ભારતીય શેરબજાર પણ ગ્રીન ઝોનમાં છે. આ ઉપરાંત બજેટ બાદ શેરબજારમાં દરરોજ ઘટાડો નોંધાયો છે. દરમિયાન, રિટેલથી લઈને મોટા રોકાણકારો ખરીદી કરી રહ્યા છે, જેના કારણે નિફ્ટી અને સેન્સેક્સમાં વધારો થઈ રહ્યો છે.

મિડકેપ સ્ટોક વિશે વાત કરીએ તો, જઉંટગ શેર 8 ટકાથી વધુ વધીને રૂૂ. 152 પર છે. અશોક લેલેન્ડનો શેર લગભગ 6 ટકા વધીને રૂૂ. 246 થયો હતો. ખાફશતફ લગભગ 6 ટકા વધ્યો. સ્મોલ કેપમાં, ઝેન્સાર ટેક્નોલોજીનો શેર 5.5 ટકા વધીને રૂૂ. 816 પ્રતિ શેર થયો હતો. ઈન્ડિયન ઓવરસીઝ બેંક લગભગ 4 ટકા વધીને રૂૂ. 68 પર હતો. ફાઇવ સ્ટાર બિઝનેસ 3.4 ટકા વધીને રૂ.749 થયો હતો.યુકો બેન્ક પણ 3 ટકાથી વધુ વધીને રૂૂ. 1504 પર લગભગ 4 ટકા વધી હતી. ટાટા પાવર 3.5 ટકા વધીને રૂ.438 પર ટ્રેડ કરી રહ્યો હતો. જ્યારે દિવીની લેબ્સના શેરમાં 3 ટકાથી વધુનો વધારો થયો હતો.

લોંગ ટર્મ કેપિટલ ગેઇનમાં 2.5 ટકા, શોર્ટ ટર્મમા 5 ટકા, ડેરિવેટિવ્ઝમાં સીક્યુરિટી ટ્રાન્ઝેકશન ટેકસ 0.02 ટકા કરાયો

નાણા મંત્રી નિર્મલા સીતારમણે શેરબજારની અપેક્ષાની વિરૂૂદ્ધમાં બજેટ જાહેર કરતાં સેન્સેક્સ 1277.76 પોઈન્ટ તૂટી 80000નું લેવલ તોડી 79224.32 પરના બોટમે પહોંચ્યો હતો. નિફ્ટી પણ માંડ માંડ 24000નું લેવલ જાળવવામાં સફળ રહ્યો છે. શેરબજારમાં કડાકા પાછળનું કારણ લોંગ ટર્મ કેપિટલ ગેઈન, શોર્ટ ટર્મ કેપિટલ ગેઈન, અને સિક્યુરિટી ટ્રાન્જેક્શન ટેક્સમાં વધારો છે.

શેરબજારના રોકાણકારોને જેનો ભય હતો તે જ દિશામાં કામગીરી કરતાં નાણા મંત્રીએ લોંગ ટર્મ કેપિટલ ગેઈન ટેક્સ 10 ટકાથી વધારી 12.5 ટકા, જ્યારે શોર્ટ ટર્મ કેપિટલ ગેઈન ટેક્સ 15 ટકાથી વધારી 20 ટકા કર્યો છે.નિર્મલા સીતારમણે શોર્ટ ટર્મ ગેઈન ટેક્સ અમુક ચોક્કસ ફાઈનાન્સિયલ એસેટ્સ પર જ વધાર્યો છે. જ્યારે અન્ય તમામ ફાઈનાન્સિયલ અને નોન-ફાઈનાન્સિયલ એસેટ્સ પર જૂનો 15 ટકાનો દર લાગુ થશે. બીજી બાજુ તમામ ફાઈનાન્સિયલ અને નોન-ફાઈનાન્સિયલ એસેટ્સ પર લોંગ ટર્મ ગેઈન વધારી 12.5 ટકા કર્યો છે. જે 10 ટકા હતો. વધુમાં ડેરિવેટિવ્ઝ પર એસટીટી 0.02 ટકા કરવામાં આવ્યો છે. એફએન્ડઓ પર સીતારમણે નિવેદન આપ્યું હતું કે, એફએન્ડઓમાં વધતા રોકાણ સાથે સટ્ટાકીય પ્રવૃત્તિઓનું પ્રમાણ વધ્યું છે. જે શેરબજાર માટે યોગ્ય નથી. જેની નોંધ લેતાં એફએન્ડઓ પર સિક્યુરિટી ટ્રાન્જેક્શન ટેક્સ 0.02 ટકા અને 0.1 ટકા કરવાનો પ્રસ્તાવ છે. વધુમાં શેર્સના બાયબેક પર થતી કમાણી પર પણ ટેક્સ લાગુ કરવામાં આવશે.

હાલ, દેશમાં કેપિટલ ગેઈન ટેક્સ એસેટના પ્રકાર અને તેના હોલ્ડિંગના સમયગાળા પર આધારિત છે. ઈક્વિટી માટે 1 લાખથી વધુ લોંગ ટર્મ કેપિટલ ગેઈન પર 10 ટકા ટેક્સ લાગૂ છે, જ્યારે શોર્ટ ટર્મ કેપિટલ ગેઈન હેઠળ 15 ટકા ટેક્સ લાગૂ થાય છે. ડેરિવેટિવ્ઝ સેગમેન્ટમાં ઓપ્શન્સના વેચાણ પર 0.0625 ટકા એસટીટી લાગૂ થાય છે. જેની ચૂકવણી વેચાણકર્તા કરે છે. ફ્યુચર્સના વેચાણ પર સેલર દ્વારા 0.0125 ટકા ટેક્સ ચૂકવવામાં આવે છે.

નિફટી પણ 24,746.80 પોઇન્ટની સર્વકાલીન ટોચે, બજેટ પહેલા બજારમાં તેજી

બીએસઈ સેન્સેક્સે આજે ફરી ઈતિહાસ રચ્યો. સેન્સેક્સ પ્રથમ વખત 81,000ની સપાટીને પાર કરવામાં સફળ રહ્યો છે. જ્યારે સવારે બજારમાં તીવ્ર ઘટાડો જોવા મળ્યો હતો ત્યારે સેન્સેક્સ આ સર્વકાલીન ઊંચાઈને સ્પર્શી ગયો હતો. પરંતુ નીચા સ્તરેથી રોકાણકારોની ખરીદી પરત ફર્યા બાદ સેન્સેક્સ 810 પોઈન્ટ વધીને 81,203 પોઈન્ટની ઊંચી સપાટીએ પહોંચ્યો હતો.

નેશનલ સ્ટોક એક્સચેન્જનો નિફ્ટી પણ પ્રથમ વખત 24,700ની સપાટી વટાવીને 24,746.80 પોઈન્ટની સર્વકાલીન ટોચે પહોંચ્યો છે. નિફ્ટીમાં નીચલા સ્તરેથી 234 પોઇન્ટની શાનદાર રિકવરી જોવા મળી છે.
સવારે સેન્સેક્સ લગભગ 200 પોઈન્ટના ઘટાડા સાથે ખુલ્યો અને 326 પોઈન્ટનો ઘટાડો થયો. પરંતુ આ સ્તરે બેન્કિંગ, આઈટી અને એફએમસીજી શેરોમાં ખરીદીના વળતરને કારણે સેન્સેક્સ નીચલા સ્તરેથી 813 પોઈન્ટ સુધર્યો હતો અને સેન્સેક્સ 81,203 પોઈન્ટની ઊંચી સપાટીએ પહોંચ્યો હતો. આ પહેલીવાર છે જ્યારે સેન્સેક્સ 81,000નો આંકડો પાર કરવામાં સફળ રહ્યો છે.

નિફ્ટી પણ પાછલા બંધથી 110 પોઈન્ટ્સ ઘટ્યો હતો પરંતુ નીચા સ્તરેથી નિફ્ટી 243 પોઈન્ટ્સ સુધર્યો હતો, જેના પછી ઈન્ડેક્સ 24,746.80 પોઈન્ટની જીવનકાળની સર્વોચ્ચ સપાટીએ પહોંચ્યો હતો. સેન્સેક્સ – નિફ્ટી ઓલ ટાઈમ હાઈ પર પહોંચી ગયો છે પરંતુ આજના સેશનમાં મિડકેપ અને સ્મોલકેપ શેરોમાં કોઈ સ્પાર્ક જોવા મળ્યો નથી. નિફ્ટી મિડકેપ 100 અને નિફ્ટી સ્મોલકેપ ઈન્ડેક્સ ભારે ઘટાડા સાથે કારોબાર કરી રહ્યા છે.

ભારતીય શેરબજારમાં આ શાનદાર ઉછાળાને બજેટ સાથે જોડવામાં આવી રહ્યો છે. બજેટમાં એવી અપેક્ષા છે કે સરકાર મૂડી ખર્ચ માટે વધુ નાણાંની જોગવાઈ કરી શકે છે અને રેલવે, સંરક્ષણ અને પાવર સેક્ટર માટે મોટી જાહેરાતો શક્ય છે. તેમજ ગ્રામીણ વિસ્તારોમાં વપરાશ વધારવા માટે સરકાર ખેડૂતોની આવક વધારવા બજેટમાં ભેટ આપી શકે છે, એટલે જ બજેટ રજૂ થયા બાદ પ્રથમ ટ્રેડિંગ સેશનમાં આ વધારો જોવા મળ્યો છે.