અમેરિકામાં રાષ્ટ્રપતિ ચૂંટણી માટે કાઉન્ટિંગ ચાલુ છે. જેમાં ડેમોક્રેટ કમલા હેરિસ અને રિપબ્લિકન ડોનાલ્ડ ટ્રમ્પ વચ્ચે આકરી ટક્કર જોવા મળી રહી છે. ડોનાલ્ડ ટ્રમ્પના સમર્થક ઈલોન મસ્કે ટ્રમ્પની જીત પાક્કી થઈ રહી હોવાના સંકેતો વચ્ચે સોશિયલ મીડિયા પર રોચક તસવીરો શેર કરી રહ્યા છે. જે વાયરલ થઈ રહી છે.

ઈલોન મસ્કે પોતાના પ્લેટફોર્મ એકસ પર એક પોસ્ટ શેર કરી છે, જેમાં તે એક સિંક લઈ જતાં જોવા મળ્યા છે. જેની કેપ્શન લખી છે કે, લેટ ધેટ સિંક ઈન, અર્થાત કોઈપણ સ્ટેટમેન્ટને સમજવુ તથા તેના પર વિચાર કરવો.
ઈલોન મસ્કે સતત ડોનાલ્ડ ટ્રમ્પના સમર્થનમાં પ્રચાર અને પોસ્ટ કરી છે. તેમણે એક એઆઈ ઈમેજ પણ પોસ્ટ કરી હતી. જેમાં ઈલોન મસ્ક એઆઈ અવતારમાં મંત્રી પદની શપથ લઈ રહ્યા હતા. કયાં ડિપાર્ટમેન્ટનો હવાલો સંભાળશે તેની પણ જાહેરાત આ તસવીરમાં શેર કરી હતી. અન્ય એક પોસ્ટમાં મસ્કે એઆઈનો ઉપયોગ કરી પોતે અને ટ્રમ્પને ડાન્સ કરતાં રજૂ કર્યા છે.

ભૂતપૂર્વ રાષ્ટ્રપતિ ડોનાલ્ડ ટ્રમ્પે અમેરિકી રાષ્ટ્રપતિની ચૂંટણીમાં શાનદાર પ્રદર્શન કર્યું છે. તેમની સરખામણીમાં ભારતીય મૂળની કમલા હેરિસ પાછળ રહી ગઈ. આ ચૂંટણીમાં ભારતીય મૂળના નેતાઓ પણ જોવા મળ્યા હતા. સમાચાર લખાય છે ત્યાં સુધી ભારતીય મૂળના કુલ 6 નેતાઓ યુએસ કોંગ્રેસના સાંસદ બનવામાં સફળ રહ્યા છે. સુહાસ સુબ્રમણ્યમ વજીર્નિયા સીટ પરથી જીત્યા છે. આ સિવાય કેલિફોર્નિયાથી અમી બેરા, ઇલિનોઇસથી રાજા કૃષ્ણમૂર્તિ, કેલિફોર્નિયાથી રો ખન્ના, વોશિંગ્ટનથી પ્રમિલા જયપાલ અને મિશિગનથી શ્રી થાનેદાર સાંસદ બનવામાં સફળ રહ્યા છે.

વર્તમાન કોંગ્રેસ (યુએસ સંસદ)માં તેમની સંખ્યા પાંચ હતી. તમામ પાંચ વર્તમાન ભારતીય અમેરિકન સભ્યો હાઉસ ઓફ રિપ્રેઝન્ટેટિવમાં ફરી ચૂંટાયા છે. ભારતીય-અમેરિકન વકીલ સુહાસ સુબ્રમણ્યમે વર્જિનિયા અને સમગ્ર ઇસ્ટ કોસ્ટમાંથી ચૂંટાયેલા સમુદાયમાંથી પ્રથમ વ્યક્તિ બનીને ઇતિહાસ રચ્યો છે. સુબ્રમણ્યમે રિપબ્લિકન પાર્ટીના માઈક ક્લેન્સીને હરાવ્યા હતા. તેઓ હાલમાં વર્જિનિયા રાજ્યના સેનેટર છે.

ડો. અમીશ શાહ એરિઝોનાના 1 લી કોંગ્રેસનલ ડિસ્ટ્રિક્ટમાંથી તેમના રિપબ્લિકન પ્રતિસ્પર્ધી સામે પાતળી સરસાઈથી આગળ છે. જો તે જીતવામાં સફળ થાય છે તો હાઉસ ઓફ રિપ્રેઝન્ટેટિવ્સમાં ભારતીય અમેરિકનોની સંખ્યા વધીને સાત થઈ જશે.

ડોનાલ્ડ ટ્રમ્પે કહ્યું કે અમેરિકાના ઈતિહાસમાં આ એક મોટી જીત છે અને હવે અમે અમારા વચનો પૂરા કરવાનું શરૂૂ કરીશું. તેમણે કહ્યું કે અમે યુદ્ધ ખતમ કરવા માટે પ્રતિબદ્ધ છીએ અને ઘૂસણખોરી સંપૂર્ણપણે ખતમ થઈ જશે. હવે કોઈ ગેરકાયદેસર રીતે અમેરિકામાં પ્રવેશ કરી શકશે નહીં.

ડોનાલ્ડ ટ્રમ્પ અમેરિકાના નવા રાષ્ટ્રપતિ બનશે. કમલા હેરિસ પર મોટી જીતનો દાવો કરતા તેમણે કહ્યું કે તેઓ 315 વોટ મેળવીને રાષ્ટ્રપતિ બન્યા છે. ડોનાલ્ડ ટ્રમ્પે જીત બાદ ભાષણ આપતા કહ્યું કે આ અમેરિકાની જીત છે અને હવે સુવર્ણ યુગની શરૂૂઆત થશે. ડોનાલ્ડ ટ્રમ્પે કહ્યું કે અમેરિકાના ઈતિહાસમાં આ એક મોટી જીત છે અને હવે અમે અમારા વચનો પૂરા કરવાનું શરૂૂ કરીશું. તેમણે કહ્યું કે અમે યુદ્ધ ખતમ કરવા માટે પ્રતિબદ્ધ છીએ અને ઘૂસણખોરી સંપૂર્ણપણે ખતમ થઈ જશે. હવે કોઈ ગેરકાયદેસર રીતે અમેરિકામાં પ્રવેશ કરી શકશે નહીં. ડોનાલ્ડ ટ્રમ્પે કહ્યું કે અમે જ ઈસ્લામિક સ્ટેટ જેવા આતંકવાદી સંગઠનનો નાશ કર્યો છે.

આ દરમિયાન તેમણે ચૂંટણીમાં તેમને સમર્થન આપનાર ઈલોન મસ્કની પણ પ્રશંસા કરી હતી. ટ્રમ્પે કહ્યું કે તેઓ ખૂબ જ શાનદાર વ્યક્તિ છે. ફ્લોરિડામાં ભાષણ આપતી વખતે ટ્રમ્પે કહ્યું કે એલન મસ્ક સુપર જિનિયસ છે. અમેરિકી રાષ્ટ્રપતિએ કહ્યું કે અમે મોટી સંખ્યામાં એવા લોકોને પાછા મોકલીશું જેઓ ગેરકાયદેસર રીતે પ્રવેશ્યા છે. તેમણે કહ્યું કે અમારા કરદાતાઓના પૈસા આવા લોકો પર ખર્ચવામાં આવી રહ્યા છે. અમે આ પર રોક લગાવીશું. ડોનાલ્ડ ટ્રમ્પે તેમના ચૂંટણી પ્રચારમાં વારંવાર પુનરોચ્ચાર કર્યો હતો કે તેઓ યુદ્ધ બંધ કરશે. હવે માનવામાં આવી રહ્યું છે કે રશિયા અને યુક્રેન વચ્ચે ચાલી રહેલા યુદ્ધનો ઉકેલ આવી શકે છે.

એ જ રીતે ડોનાલ્ડ ટ્રમ્પે પણ ઈઝરાયેલ અને હમાસ વચ્ચેના યુદ્ધને લઈને દાવો કર્યો હતો કે બેન્જામિન નેતન્યાહુ તેમના સારા મિત્ર છે. હું તેમની સાથે વાત કરીને યુદ્ધ બંધ કરીશ. નિષ્ણાતોનું કહેવું છે કે આ પરિણામો એ પણ દર્શાવે છે કે અમેરિકનો નથી ઈચ્છતા કે તેમના દેશના પૈસા યુદ્ધમાં ખર્ચવામાં આવે. તેથી જ તેણે ડોનાલ્ડ ટ્રમ્પને વ્યાપક સમર્થન આપ્યું છે.
ડોનાલ્ડ ટ્રમ્પ પહેલા પણ રાષ્ટ્રપતિ રહી ચુક્યા છે અને તેઓ તેમની કડક ભાષા અને નિર્ણયો માટે જાણીતા છે.