આર્યનગરમાં બનેલી ઘટના: બે માસ પૂર્વે ફિનાઇલ પી લેનાર પત્નીએ અલગ રહેવાની જીદ કરતા પતિએ ફોન કટ કર્યા બાદ માતા-પિતા સાથે ઝેર ગટગટાવ્યું’તું

શહેરમાં સામાકાંઠા વિસ્તારમાં આર્યનગરમાં રહેતા યુવક અને તેના માતા-પિતાએ સજોડે ઝેરી દવા પી આપઘાતનો પ્રયાસ કરતા તેને સારવાર માટે સિવિલ હોસ્પિટલમાં ખસેડાયા હતા. જેમાં સારવાર દરમિયાન વૃદ્ધનું મોત નીપજ્યું હતું. બનાવને પગલે બી-ડિવિઝન પોલીસે તપાસ કરતા યુવકની પત્નીને તેની સાસુ સાથે ચડભડ થઇ હતી જેથી અલગ રહેવાની માંગ સાથે પત્ની તેના માવતરે ચાલી ગઇ હોય આજે પત્નીએ ફોન કરી વાત કરતા પતિએ ઝેર પીવાની વાત કરી ફોન કટ કરી નાખતા પત્ની ઘેર આવી સાસુ, સસરા અને પતિને ઝેરી દવા પીધેલા જોઇ સારવારમાં ખસેડાયા હોવાનું પ્રાથમિક તપાસમાં બહાર આવ્યું હતું તેમજ પોલીસને એક સ્યૂસાઇડ નોટ મળી આવી હતી જે પોલીસે કબજે કરી વિશેષ કાર્યવાહી કરી છે.

પોલીસ સૂત્રોના જણાવ્યા મુજબ સંત કબીર રોડ પર આર્યનગરમાં રહેતા ગૌરવ ભરતભાઇ કોટેચા (ઉ.35) તેની માતા સરલાબેન (ઉ.70) પિતા ભરતભાઇ શાંતિલાલ કોટેચા (ઉ.71) એ પોતાના ઘેર સજોડે ઝેરી દવા પી જતા તેને સારવાર માટે સિવિલ હોસ્પિટલમાં ખસેડાયા હતા. જેમાં ભરતભાઇનું સારવાર દરમિયાન મોત નીપજ્યું હતું. બનાવની જાણ થતા બી-ડિવિઝન પોલીસ મથકના પીએસઆઇ પીઠિયા સહિતે તપાસ હાથ ધરી હતી.

પોલીસની તપાસમાં ગૌરવભાઇ કુવાડવા રોડ પર સાત હનુમાન મંદિર પાસે એલઇડીના શોરૂૂમમાં નોકરી કરતા હોવાનું અને તેને સંતાનમાં એક પુત્ર અને બે પુત્રી છે. પોલીસની પૂછતાછમાં ગૌરવભાઇની પત્ની રાધિકાબેનને સાસુ સાથે ધનતેરસના દિવસે સામાન્ય વાતમાં ચડભડ થઇ હતી જેથી તેના માવતર રેસકોર્સ પાર્કમાં જતી રહી હતી.દરમિયાન આજે રાધિકાબેને પતિ ગૌરવ સાથે ફોનમાં વાત કરી હતી જેમાં તેને એકાદ માસ અલગ રહેવા જવાની જેથી ક્લેશ શાંત થઇ જાય તેવી વાત કરતા બન્ને વચ્ચે ચડભડ થઇ હતી અને પતિએ બે કલાકમાં તું હવે રિઝલ્ટ જોઇ લેજે કહી ફોન કટ કરી નાખ્યો હતો.

બનાવને પગલે પત્ની ઘેર આવી તપાસ કરતા પતિ, સાસુ અને સસરાએ ઝેરી દવા પી લીધી હોય તેને સારવાર માટે ખસેડાયા હોવાનું તેમજ બે માસ પહેલાં સાસુ સાથે ઝઘડો થતા રાધિકાબેને ફિનાઇલ પી લીધું હોવાનું બહાર આવ્યું હતું. તેમજ પોલીસને એક સ્યૂસાઇડ નોટ મળી આવી હતી. જેમાં ગૌરવના પિતાએ સ્યૂસાઇડ નોટમાં જણાવ્યું હતું કે, અમારે કોઇ સાથે લેણું-દેણું ન હોવાનું અને ઘરકંકાસથી કંટાળી આ પગલું ભરી લઇએ છીએ. પોલીસે નોટ કબજે કરી વધુ કાર્યવાહી કરી છે.

અમરેલીના બગસરા શહેરમાં શાપર જવાના માર્ગ પર બાઈક લઈને પસાર થઈ રહેલા એક યુવકની હત્યા નિપજાવી દેવાતા ચકચાર મચી છે. પ્રેમસંબંધમાં બે શખ્સો દ્વારા હત્યાને અંજામ અપાયો હોવાનું પ્રાથમિક તપાસમાં સામે આવ્યું છે. પોલીસે આ મામલે વધુ તપાસ હાથ ધરી છે.

અમરેલીના બગસરાના સુડાવડમાં રહેતો જયદીપ વાળા નામનો યુવક પોતાનું મોટર સાયકલ લઈને શાપર જવાના માર્ગ પરથી પસાર થઈ રહ્યો હતો ત્યારે સંજય ભાણાભાઇ વાળા અને જયદીપ દિનેષભાઇ વાંક નામના બે શખ્સો દ્વારા તેને રોકી છરી વડે હુમલો કર્યો હતો. જેમાં ગંભીર રીતે ઘવાયેલા જયદીપ વાળાને પ્રથમ બગસરા હોસ્પિટલમાં અને બાદમાં અમરેલી સિવિલ હોસ્પિટલમાં સારવાર માટે ખસેડાયો હતો. જ્યાં ફરજ પરના ડોકટર દ્વારા તેને મૃત જાહેર કરવામાં આવ્યો હતો.

પોલીસની પ્રાથમિક તપાસમાં હત્યા પાછળ પ્રેમસંબંધનો મામલો કારણભૂત હોવાનું સામે આવ્યું છે. તેમજ મૃતક જયદિપની પત્ની સાથે સંજયને પ્રેમસંબંધ હોય અને તે રિસામણે હોય જેનો ખાર રાખી હુમલો કરાયો હતો.
પોલીસ દ્વારા આ મામલે બગસરા પોલીસ સ્ટેશનમા જયદિપની બહેન કાજલ જૈતુભાઇ વાળાની ફરિયાદ પરથી ગુનો નોંધવામાં આવ્યો હતો. હાલ બંન્ને આરોપીની શોધખોળ કરાઇ છે.

શહેરના જી.આઈ.ડી.સી. ખાતે આવેલી ચાંદી રિફાઈનરીંગની દુકાનની બારી તોડી તેમાંથી આશરે 25 કિલો કાચી ચાંદી કિંમત રૂૂા. 16,70,000ની ચોરી થતા અને હિમાચલ પ્રદેશના નવા બે કામદારો ગુમ થતા તેની સામે ફરિયાદ નોંધાઈ છે. આ અંગે બી-ડિવિઝન પોલીસ મથકે રામચંદ્ર કાકા સાળુંખેએ વિગતવાર નોંધાવેલી ફરિયાદ મુજબ તેઓ મૂળ મહારાષ્ટ્રના છે અને છેલ્લા પાંત્રીસ વર્ષથી પરિવાર સાથે ભુજ સ્થાઈ થઈ ચાંદી કામનો વેપાર કરે છે. ભુજના જીઆઈડીસીમાં ચાંદી રિફાઈનરીંગની તેમની દુકાન છે.

બીજી દૂકાન કંસારા બજારમાં છે. જીઆઈડીસીની દુકાનનું કામ છેલ્લા બાર વર્ષથી પવનકુમાર ઠાકુર અને પ્રિતમચંદ ઠાકુર (રહે. હિમાચલ પ્રદેશ) સંભાળતા હતા. પરંતુ સપ્ટેમ્બર બન્ને સામાજીક પ્રસંગોને લઈ એક મહિના માટે વતન જવાના હોવાથી તેની અવેજીમાં પ્રિતમચંદનો સાળો અજયકુમાર લચ્છુરામ ઠાકુર અને પવનકુમારના ઓળખીતા રમેશચંદ ત્રિલોકચંદ ઠાકુર (રહે. બન્ને હિમાચલ પ્રદેશવાળા) ભુજ આવી દુકાનનું ચાંદી રિફાઈનરીંગનું કામકાજ સંભાળી દુકાનની ઉપર આવેલા રૂૂમ પર રહેતા હતા.

નવા કામદારો હોવાથી આ દુકાનની ચાવી રોહિત સાંવત પાસે રહેતી હતી તે સવારે દુકાન ખોલતા અને સાંજે બંધ કરતા હતા. તા. 13/10ના સવારે રોહિત દુકાન ખોલી જોતા દુકાનની બારી તૂટેલી હતી અને દુકાનમાં કામ કરતા નવા કામદારો અજયકુમાર અને રમેશચંદ હાજર ન હતા. દુકાનમાં રિફાઈનરીંગ માટે આવેલી કાચી ચાંદી આશરે 25 કિ.ગ્રા. કિ. રૂૂા. 16,70,000 જોવામાં આવી નહી. બીજો સામાન અને મશીનરી તે જ હાલતમાં હતા. આ બાદ બન્નેનો ફોનથી સંપર્ક સાધવા પ્રયાસ કરતા બન્નેના ફોન બંધ હાલતમાં હતા. જુના માણસોને ફોન કરી બનાવની જાણ કરતા તેઓએ પણ આરોપીઓના પરિવારનો સંપર્ક કરતા બન્ને હજુ સુધી ઘરે ન પહોંચયાની વિગતો મળતા અંતે આ ચોરી અંગે બન્ને પર શક હોવા સાથે ફરિયાદ નોંધાવી છે.