મોરબીમાં 4 વર્ષ પહેલા એક શખ્સએ પોતે આઈએએસની પરીક્ષા પાસ કરી કલેકટર માટે સિલેક્ટ થયા હોવાનો દાવો કરી મોરબીમાં અલગ અલગ લોકો પાસેથી 13.80 કરોડ જેટલી રકમની છેતરપિંડી કરવાની ઘટના બની હતી. જેનો આરોપી ભુજ જેલમાંથી પેરોલ પર છૂટ્યા બાદ ફરાર થઇ ગયાના અઢી વર્ષ બાદ ફરી પોલીસની ઝપટે ચઢી ગયો હતો, પોલીસે આરોપીને કોર્ટમાં રજૂ કર્યા બાદ ભુજ જેલ હવાલે કર્યો હતો. નોંધનીય છે કે આ આરોપીએ એક શખ્સને બેંકનો નકલી અધિકારી પણ બનાવી દીધો હતો અને એ રીતે લોકો સમક્ષ રજૂ કરી અન્યોનો વિશ્વાસ જીત્યો હતો.

બાદમાં પોલ છતી થઇ જતાં પોલીસના હાથે ઝડપાઇ ગયો હતો, તેમ છતાં કળા ભૂલાઇ ન હતી અને પોલીસને ચકમો આપી નાસતો ફરતો હતો.

વર્ષ 2019માં મોરબી સિટી એ ડિવિઝન પોલીસ મથક વિસ્તારમાં આઇપીસી કલમ 406,420 અંતર્ગત આરોપી વસંત કેશવજી ભોજવિયા પોતે આઇ એ એસ બની ગયા હોય અને કલેકટર બની ગયા હોય અને રૂૂપિયાની જરૂૂર હોવાથી ફરિયાદી પાસેથી કટકે કટકે 13.80 કરોડ જેટલી માતબર રકમ લઇ લીધી હતી. તેમજ અન્ય એક આરોપી સાથે મળી તેને નકલી બેન્ક અધિકારી બતાવી નકલી ડીડી બનાવી છેતરપિંડી કરવામાં આવી હતી.આ ઘટનામાં પોલીસે જેતે સમયે આરોપીને જેલ હવાલે કર્યો હતો. જે બાદ આરોપીને ભુજ જેલમાં ધકેલી દેવામાંઆવ્યો હતો. ત્યાંથી તેને થોડા સમય માટે પેરોલ પર મુક્ત કરાયા બાદ હાજર થવાને બદલે તે નાસી ગયો હતો.

જો કે કોર્ટે 23-03-2022ના રોજ હાજર થવા હુકમ કર્યો હોવા છતાં ફરાર થઈ ગયો હતો જે બાદ પોલીસે વસંતને એમપીના ભોપાલ સિટી માંથી ઝડપી લીધો હતો અને ફરી જેલ હવાલે કર્યો હતો.

જૂનાગઢના સાસણમાં ફોરેસ્ટ સ્ટાફ કોલોનીમાં ગતતા.31 ઓકટોબરે એક ઘટના બની હતી, જે હવે જંગલ વિભાગમાં ચર્ચાનો વિષય બની છે. સૂત્રોનું માનીએ તો, તે રાત્રે એક વન રક્ષક બહેન ફરજ પર જવા માટે પોતાના સ્ટાફ ક્વાર્ટરમાંથી નીકળી રહી હતી. તે સમયે તેમણે એક અજાણ્યા પુરુષને કોલોનીમાં તેમના પુત્રને પેશાબ કરાવતા જોયા હતા. ફોરેસ્ટ સ્ટાફની કોલોનીમાં ફોરેસ્ટ કર્મચારીઓ અને તેમના પરિવારજનો રહેતા હોવાથી વન રક્ષક બહેને શાંતિથી તેમને ત્યાં પેશાબ ન કરાવવા અને કોલોનીની બહાર જવાની વિનંતી કરી હતી. આ વાતથી ઉશ્કેરાયેલા આ પુરુષે વન રક્ષક બહેન સાથે હિન્દી ભાષામાં ઉગ્ર રીતે બોલવાનું શરૂૂ કર્યું હતું. આ વિવાદ વધતા ત્યાં જ રહેલી એક ફોરેસ્ટરની પત્ની પણ બહાર આવી હતી અને વન રક્ષક બહેનને સમર્થન આપ્યું હતું. આ જોતાં આસપાસના લોકો પણ ભેગા થવા લાગ્યા હતા અને વિવાદ વધુ ઉગ્ર બન્યો હતો.

આ દરમિયાન આ હિન્દી ભાષી પુરુષ સાથે આવેલા અન્ય એક અધિકારી જેવા લાગતા પુરુષે ફરી ઝઘડો શરૂૂ કર્યો હતો. સ્થાનિકોનો આક્ષેપ છે કે, આ વાતચીત દરમિયાન આ હિન્દી ભાષી પુરુષે વન રક્ષક અને ફોરેસ્ટરને ખુલ્લી ધમકી આપી કે, હું તમને જોઈ લઈશઅને ગાળો પણ બોલ્યા હતા. આ કારણે ક્રોધિત એક ફોરેસ્ટર ભાઈએ આ વ્યક્તિને 3-4 લાતો મારી દીધી હતી.

આ મામલો વધુ ઉગ્ર બનતા આસપાસ ભીડ એકઠી થઈ ગઈ હતી. આ વિવાદને કાબૂમાં લાવવા માટે DCF મોહનરામને જાણ કરવામાં આવી હતી. જેમની તપાસ દરમિયાન ખ્યાલ આવ્યો કે, આ વિવાદમાં સામેલ બેમાંથી એક IFS અધિકારી હતા અને તેમના સાથી IAS અધિકારી હતા. આ ઘટના બાદ વન વિભાગના સ્થાનિક ઉચ્ચ અધિકારીઓએ વન રક્ષક અને ફોરેસ્ટરને તેમના સમર્થનની ખાતરી આપી હતી. જોકે, ફોરેસ્ટ સ્ટાફે આ વિવાદને ગંભીરતાથી લઈ ઉચ્ચ અધિકારીઓને કહ્યું કે, જો આ વિવાદને કારણે સ્ટાફના સભ્યોને કોઈ નુકસાન પહોંચાડવામાં આવશે તો વન કર્મચારી મંડળ દ્વારા આંદોલન કરવામાં આવશે. હાલ તો સ્થાનિક અધિકારીઓએ સ્ટાફને શાંતિ જાળવવા અપીલ કરી છે અને સંપૂર્ણ સમર્થન આપવાની ખાતરી સાથે વિવાદને સમાધાન તરફ દોરી જવાનો પ્રયાસ કરવામાં આવ્યો છે.

ગાર્ડ ઓફ ઓનર સાથે પીએસઆઇ પઠાણની દફનવિધિ: બનાવમાં રાજકોટના પોલીસ કોન્સ્ટેબલ સહિત બે ઘાયલ

સુરેન્દ્રનગરના દસાડા નજીક દારૂ પકડવા ગયેલા સ્ટેટ મોનીટરીંગ સેલના પીએસઆઇ જે.એમ. પઠાણના મોત મામલે પોલીસે તપાસ શરૂ કરી છે. અકસ્માત સર્જી ભાગી છુટેલા ટ્રેલર અને જે કારમાં દારૂ હોવાની શંકા હતી તે ક્રેટા કાર ગુમ હોય તેને શોધવા રાજયભરની પોલીસ તપાસ કરી રહી છે. આ ઘટના પાછળ અનેક ભેદભરમ ઉભા થયા છે. બનાવ ખરેખર અકસ્માતનો છે કે કેમ? તે મામલે તપાસ કરવામાં આવી રહી છે. આ બનાવમાં મુળ રાજકોટના અને હાલ એસએમસીમાં ફરજ બજાવતા કોન્સ્ટેબલ સહીત બે ઘાયલ થયા છે.

પીએસઆઇ જે. એમ. પઠાણના મૃતદેહને પોસ્ટમોર્ટમ માટે વિરમગામની સરકારી હોસ્પિટલમાં લઈ જવાયો હતો અને ત્યાં જ પોસ્ટમોર્ટમ કરવામાં આવ્યું હતું. એસએમસીના અધિકારીઓ પણ ઘટનાસ્થળે દોડી આવ્યા હતા. અકસ્માતની આ ઘટનામાં બે પોલીસકર્મીઓને પણ ઈજા થઈ હતી. હત્યાના ઈરાદે સમગ્ર બનાવ બન્યો હોવાની આશંકા છે. સ્ટેટ મોનિટરિંગ સેલમાં ફરજ બજવતા પીએસઆઇ જાવેદ પઠાણના મૃત્યુ મામલે સ્ટેટ મોનિટરિંગ સેલના એસપી નિરલિપ્ત રાયે નિવેદન આપતા કહ્યું કે 4 નવેમ્બરના રોજ પીએસઆઇ પઠાણને બાતમી મળી હતી કે સુરેન્દ્રનગરમાં દારૂૂની હેરાફેરી થવાની છે અને 4 ખાનગી માણસોને લઈને રેડ કરવા માટે ગયા હતા.

એસએમસીની એક ટીમ રેકી કરતી હતી, જ્યારે બીજી ટીમ વાહનોની ચેકિંગ કરતી હતી. દારૂૂ ભરેલી ગાડી નીકળે તો તેને અટકાવવા માટે કાર્યવાહી કરવામાં આવી હતી, પરંતુ તે દરમિયાન પીએસઆઇનું ટ્રેલરથી ટક્કર વાગતા મોત થયું હતું.

સુરેન્દ્રનગરના દસાડા તાલુકાના કઠાડા ગામમાં સ્ટેટ મોનીટરીંગ સેલના પીએસઆઇ જે. એમ. પઠાણના મોત મામલે હવે રાજકારણ ગરમાયું છે. દસાડાના પૂર્વ કોંગ્રેસ ધારાસભ્ય નૌશાદ સોલંકીએ આ અંગે ગંભીર આક્ષેપ કર્યા છે અને કહ્યું છે કે પીએસઆઇ જે.એમ.પઠાણ એક બુટલેગરને ત્યાં રેડ કરવા ગયા હતા અને બુટલેગરે તેમના પર ગાડી ચડાવી દીધી હતી. ગુજરાતમાં કાયદો અને વ્યવસ્થા સંપૂર્ણ ભાંગી પડી હોય તે પ્રકારની પરિસ્થિતિ ઉભી થઈ છે. એક તરફ ધર્મના ઝનૂનમાં ગુજરાતને નશામાં રાખવામાં આવે છે. યુવાધન નશામાં બરબાદ થઈ રહ્યું છે.
સુરેન્દ્રનગરના કઠાડા નજીક જખઈના પીએસઆઇનું અકસ્માતમાં મોત મામલે પોલીસ વિભાગ તરફથી તપાસ કરવામાં આવી રહી છે. સુરેન્દ્રનગર ડીએસપી સહિતના અધિકારીઓ ઘટનાસ્થળે દોડી ગયા હતા. એસએમસીના પીએસઆઇ પઠાણના મોતના મામલે રહસ્ય ઘૂંટાયું છે.

બનાવ બાદ શંકાસ્પદ ક્રેટા કાર ગુમ છે. એસએમસીનો સ્ટાફ શંકાસ્પદ વાહન ચેકીંગ કરી રહી હતી તે દરમ્યાન ઘટના બની હોવાનો તપાસમાં સામે આવ્યું છે. પોલીસની ટીમ ક્રેટા કારચાલકની શોધખોળ કરી રહી છે. અકસ્માત સર્જનાર કાર અને ટ્રેલર સહિતના વાહનો પણ લાપતા છે. જેની રાજયભરમાં શોધખોળ શરૂ કરી છે.
સ્ટેટ મોનિટરિંગ સેલના પીએસઆઇ જે.એમ. પઠાણની સાંજે 4 વાગ્યે દફનવિધિ શરૂૂ કરવામાં આવી. એસએમસીના પોલીસ અધિકારીઓ પણ તેમના નિવાસસ્થાને પહોંચ્યા હતા. અમદાવાદમાં જુહાપુરા સ્થિત તેમના નિવાસસ્થાને પીએસઆઇ જે.એમ. પઠાણને ગાર્ડ ઓફ ઓનર સાથે અંતિમ વિદાઈ આપવામાં આવી. તેમની અંતિમવિધિમાં અનેક સગા-સંબંધીઓ, મિત્રો સાથે સ્ટેટ મોનીટરીંગ સેલના મોટા અધિકારીઓ અને પોલીસ સ્ટાફના માણસો પણ હાજર રહ્યાં હતા.