કચ્છ
કચ્છમાંથી પકડાયેલ ક્રિકેટ સટ્ટાના રેકેટમાં અનેક પંટરોના નામ ખુલ્યા
દુબઇથી ક્રિકેટ સટ્ટાનું નેટવર્ક ચલાવતા બુકી સાથે કનેકશન ધરાવતા ભરત ચૌધરી નામના બુકીને કચ્છ બોર્ડર રેન્જની ટીમે પાટણથી પકડી પાડી પુછપરછ શરૂ કરી છે. જેમાં કચ્છના અનેક પંટરોના નામ ખુલે તેવી શકયતા છે.
મહાદેવ બેટિંગ એપ સાથે સંકળાયેલા ઓનલાઇન ક્રિકેટ સટ્ટાનું 23 આઇડીનું નેટવર્ક ધરાવનાર ચૌધરીને ઝડપી લીધા, પરંતુ હજુ અન્ય સાગરીતો હાથ નથી આવ્યા. સટ્ટાનો કારોબાર અબજોમાં ચાલે છે તેનો પર્દાફાશ થયા બાદ તેનો રેલો કચ્છ સુધી પહોંચે તો નવાઈ નહી. કચ્છમાં પણ મોટેપાય સટ્ટો રમાય છે તેવું સૂત્રો જણાવે છે અલબત્ત મુખ્ય સૂત્રધાર ની ધરપકડ થતાં જ આ વર્ગમાં ફફડાટ ફેલાઈ ગયો છે. કચ્છ, પાટણ, થરાદ, ભાભર આ વિસ્તારમાં સટ્ટા રમાડાનારાની મોટી સંખ્યા છે. તેમાં પણ પાટણ આસપાસના અમુક મથકોમાં સોનું, ચાંદી, એરંડા, ક્રિકેટ અને શેર પર સટ્ટાનો બહુ મોટો વેપાર ચાલે છે.
સૂત્રોનું માનીએ તો ભુજમાં પણ થોડા વર્ષો પહેલાથી તે જ વિસ્તારનો સટ્ટાખોર અહીં મોટે પાયે ઓનલાઈન આઈડી વેચીને કરોડોનો કારોબાર ચલાવે છે. બોર્ડર રેન્જ આઇ.જી દ્વારા જે સટ્ટાખોરને પકડવામાં આવ્યો છે તેના દુબઈથી થતા વેપારમાં ભુજના પણ નામી સટ્ટાખોરે આઇડી લીધેલી હોવાનું સૂત્રો જણાવે છે. બારે મહિના દુનિયાભરમાં અલગ અલગ જગ્યાએ ક્રિકેટની મેચ રમાય છે જેનું મુખ્ય પ્લેટફોર્મ સટ્ટો હોવાનું મનાય છે. ભરત ચૌધરી પાસે પકડાયેલી માત્ર એક ચિઠ્ઠીમાં 5200 કરોડ ના વ્યવહાર ની નોંધ હતી તો તે હિસાબે અન્ય કેટલો વેપાર થયો હશે તે કલ્પના બહાર છે.
હાલ ઇંગ્લેન્ડમાં 100 બોલની મેચ રમાય છે. જેમાં એક ઓવરમાં પાંચ દડા ફેંકવામાં આવે છે. વિશ્વભરની ટીમોએ ભાગ લીધો છે અને તેના પર પણ એક થી પાંચ લાખમાં વેંચાયેલી આઇડી પર લાખો રૂૂપિયાનો સટ્ટો રમાય છે. બે દિવસ પહેલા ઝડપાયેલું રેકેટ ઉત્તર ગુજરાતનું પ્રકરણ હોવાથી કચ્છ સુધી તપાસ વધશે કે નહીં તે નક્કી નથી. પરંતુ જો તપાસ થાય તો ક્રિકેટ સટ્ટાના નમોટા માથાથ બહાર આવે. અત્રે ઉલ્લેખનીય છે કે ચાર વર્ષ અગાઉ ભુજના નામીચા સટ્ટાખોરો દુબઈ ચાલ્યા ગયા હતા.
કચ્છ
કચ્છમાં ઇદના દિવસે બોલેરોના ચાલકે આઠ વર્ષના બાળકને કચડી નાખતાં મોત
આજે સવારે ખાવડાની કોટડા ચેકપોસ્ટ પાસે ધ્રોબાણાના ધુબારાવાંઢનું આઠ વર્ષીય બાળક રિઝવાન રાજપાર સમા માર્ગ પર પગે જઇ રહ્યું હતું, ત્યારે બોલેરોએ તેને કચડી નાખતાં તેનું કમકમાટીભર્યું મોત થયું હતું. ઇદના દિવસે જ પરિવાર પર આભ તૂટી પડયું હતું, જ્યારે અંજારમાં અજાણ્યા યુવાનની લાશ મળી આવી હતી. ખાવડા પાસેની કોટડા ચેકપોસ્ટ નજીક થયેલા કરુણ અકસ્માત અંગે પ્રાપ્ત વિગતો મુજબ આજે સવારે 9.30 વાગ્યાના અરસામાં ધ્રોબાણા ધુબારાવાંઢ (ખાવડા)નો આઠ વર્ષીય માસૂમ રિઝવાન રસ્તો પાર કરી રહ્યો હતો ત્યારે બાલેરો નં. જી.જે. 12 સી.ટી. 5654એ તેને કચડી નાખતાં માથા તથા પગમાં ગંભીર ઇજાનાં પગલે ઘાયલ થયો હતો. પ્રથમ ખાવડા બાદમાં વધુ સારવાર અર્થે ભુજની જી.કે. જનરલ હોસ્પિટલમાં ખસેડાતાં ફરજ પરના તબીબે મૃત ઘોષિત કર્યો હતો.
આ અકસ્માત અંગે રિઝવાનના કાકા રસીદ જાકબ સમાએ વિગતો જાહેર કરી ખાવડા પોલીસ મથકે બોલેરોચાલક વિરુદ્ધ ગુનો દાખલ કરાવ્યો છે. ઇદના દિવસે જ આ ગોઝારી ઘટનાથી પરિવાર અને સંબંધીઓ પર આભ તૂટી પડયું હતું. બીજી તરફ અંજારમાં જેસલ તોરલ નજીક આવકાર ગેસ્ટહાઉસ, તુલસી સોડા શોપની બાજુમાંથી અજાણ્યા યુવાનની લાશ મળી આવી હતી. ભિક્ષુક જેવો લાગતો આ યુવાન ગઇકાલે સવારે બેભાન મળી આવ્યો હતો. તેને હોસ્પિટલ લઇ જવાતાં ફરજ પરના તબીબે તેને મૃત જાહેર કર્યો હતો. આ યુવાનના પગમાં પાટો બાંધેલો છે. તેના સંબંધીઓએ અંજાર પોલીસનો સંપર્ક કરવા જણાવ્યું હતું.
કચ્છ
નલિયાની જેલની દીવાલ કૂદી કેદીનો ભાગવાનો પ્રયાસ
કેદીનો હાથ ભાંગી ગયો, સારવારમાં ખસેડાયો
અબડાસા તાલુકાના ડુમરામાં દારૂૂના નશામાં ઝડપાયેલા આરોપીને નલિયાની સબ જેલમાંથી નાસવાનો પ્રયાસ ભારે પડયો હતો. આ બનાવની તબક્કાવાર વિગતો રમૂજ સાથોસાથ રોચક છે. બપોરે 11-12 વાગ્યાના અરસામાં કોઠારા પોલીસ પેટ્રોલિંગમાં હતી ત્યારે ડુમરાના બસ સ્ટેશન પાસે લથડિયા ખાતે ગામના કોલીવાસનો કરશન ઉર્ફે કિશન બાબુ કોળી (ઉ.વ. 20) મળી આવ્યો હતો. કોઠારા પોલીસે કેફી પીણું પીધેલા કરશન ઉપર ગુનો દાખલ કરી અટક કરી નલિયા સબ જેલને સોંપ્યો હતો.
નલિયાની સબ જેલમાં કેદ આરોપી કરશને બાથરૂૂમ જવાનું કહેતાં તેને બાથરૂૂમ લઇ જવાયો હતો ત્યારે તે સબ જેલની પાછળની દીવાલ કૂદીને ભાગવા જતાં માથેથી પટકાયો હતો. આથી કરશનને હાથમાં અસ્થિભંગ અને મોઢાના ભાગે ઇજા થતાં દાંત તૂટી પડયા હતા. આમ, કરશન માટે કેદમાંથી ભાગવાનો પ્રયાસ ભારે પડયો હતો. નાસવાના પ્રયાસ અંગે પણ નલિયા પોલીસે તેની વિરુદ્ધ ગુનો દાખલ કર્યો છે.
કચ્છ
કચ્છમાં ફરી એક વખત ધરા ધ્રૂજી, ભચાઉ નજીક 2.7ની તીવ્રતાનો ભૂકંપનો આંચકો અનુભવાયો
કચ્છમાં ફરી ભૂકંપના આચંકા અનુભવાયા છે. ભચાઉ નજીક આજે સવારે ભૂકંપનો આંચકો અનુભવાતા લોકોમાં ભયનો માહોલ છવાયો હતો. આજે સવારના 6:59 વાગ્યે 2.7ની તીવ્રતાનો ભૂકંપનો આંચકો નોંધાયો હતો. કોઈ જાનહાનિ થવાની માહિતી મળી નથી.કચ્છની ધરા પરથી ભૂકંપનું કેન્દ્ર બિંદુ ભચાઉથી 10 કિ.મી. દૂર નોંધાયું છે. બે મહિના અગાઉ કચ્છના ભચાઉમાં મોડી રાત્રે ભૂકંપનો આંચકો અનુભવાયો હતો. 3.4ની તીવ્રતાનો ભૂકંપનો આંચકો આવ્યો હતો
ત્યારબાદ 10 ડિસેમ્બરે બનાસકાંઠા સહિત ઉત્તર ગુજરાતમાં ધરતી ધ્રુજી ઉઠતા લોકો ઘરની બહાર દોડી આવ્યા છે. ભૂકંપનો આંચકો આવતા જ લોકોમાં ગભરાટ ફેલાઈ ગયો હતો. બનાસકાંઠા સહિત ઉત્તર ગુજરાતનાં કેટલાક વિસ્તારોમાં 20 સેકન્ડ સુધી ધરતી ધ્રૂજી ઉઠી હતી.
ભૂકંપના અતિ સક્રિય એવા ઝોન-૫માં આવતા કચ્છમાં સમયાંતરે નાના-મોટા અને અતિ વિનાશકારી આંચકાએ પેટાળને ધ્રુજાવી નાખ્યું છે. મોડી રાત્રે ફરી એકવાર કચ્છની ધરા ધ્રૂજી ઉઠી હતી. ચાર-ચાર ફોલ્ટ લાઇન ધરાવતા કચ્છમાં ભૂકંપ અને આંચકા આવતા રહે છે.
-
રાષ્ટ્રીય23 hours ago
ઈદ મિલાદ ઉન નબી પર કર્ણાટકમાં હિંસા ફાટી નીકળી, VHP અને બજરંગ દળના લોકો રસ્તા પર ઉતર્યા, જુઓ વિડીયો
-
રાષ્ટ્રીય24 hours ago
VIDEO: કાશ્મીરમાં આતંકવાદીઓને ઠાર મારવાના લાઈવ દ્રશ્યો આવ્યા સામે, મોતના ડરથી ભાગતા જોવા મળ્યા
-
રાષ્ટ્રીય1 day ago
‘રાઈડ ઓફ પ્રાઈડ’ ગણાતી બુલેટનું પહેલાના સમયની કિંમત જાણો, બિલ જોઈને લોકો થયા આશ્ચર્યચકિત
-
ગુજરાત19 hours ago
મુખ્યમંત્રી ભૂપેન્દ્ર પટેલ પુત્રની સારવાર માટે અમેરિકા જશે, એક મહિનાની રજા માગી
-
ગુજરાત19 hours ago
મનપા દ્વારા વૃક્ષારોપણ ઝુંબેશનો કાલથી પ્રારંભ
-
રાષ્ટ્રીય1 day ago
સપ્તાહના પ્રથમ દિવસે શેરબજારે નવી ઊંચાઈ હાસલ કરી, સેન્સેક્સ-નિફ્ટી ઓલટાઈમ હાઈ, સ્મોલકેપ-મીડકેપ શેર્સમાં પણ તેજી
-
રાષ્ટ્રીય20 hours ago
બજાજના આઈપીઓમાં એકના ડબલ, રૂા.14,980 સામે 17,120ની કમાણી
-
ધાર્મિક18 hours ago
ઘરમાં ભૂલથી પણ આ જગ્યાએ ન રાખવી જોઈએ પિતૃની તસવીર, નહીંતર સુખ શાંતિ હણી જશે