ગુજરાત
મોદી વડાપ્રધાન બનશે: 34 વર્ષ પહેલાં ધીરૂભાઇ અંબાણીએ ભાખ્યું હતું
વડાપ્રધાનના જન્મદિવસે અનેક ઓછી જાણીતી વાતો, પિતાની છત્રછાયા ગુમાવ્યા બાદ તરત જ ભાજપની અગત્યની બેઠકમાં હાજર રહ્યા
આજે વડાપ્રધાન નરેન્દ્ર મોદીનો 74મો જન્મદિવસ છે. તેમનો જન્મ 17 સપ્ટેમ્બર 1950ના રોજ થયો હતો. આઝાદી પછી જન્મેલા તેઓ પ્રથમ વડાપ્રધાન છે. વડનગરના ગરીબ પરિવારમાં જન્મેલા તેમણે ઘણા વર્ષો સુધી આરએસએસ માટે કામ કર્યું. આ પછી, જ્યારે તેણે રાજકારણની સીડી પર પગ મૂક્યો, ત્યારે તે ક્યારેય અટક્યા નહીં. તેઓ ચાર વખત ગુજરાતના મુખ્યમંત્રી હતા અને ત્રણ વખત વડાપ્રધાન તરીકે શપથ લીધા છે. ખાસ વાત એ છે કે વડાપ્રધાન બનતા પહેલા તેઓ ક્યારેય સંસદના સભ્ય પણ નહોતા. તેઓ સીધા જ મુખ્યમંત્રીથી લઈને દેશના વડાપ્રધાન બન્યા હતા.
આરએસએસ નેતાનો ખભા તૂટી ગયો હતોરિલાયન્સના સ્થાપક ધીરુભાઈ અંબાણીએ 90ના દાયકામાં ભવિષ્યવાણી કરી હતી કે નરેન્દ્ર મોદી એક દિવસ દેશના વડાપ્રધાન બનશે. ગુજરાતના સીએમ બનતા પહેલા પણ તેઓ એક વખત ધીરુભાઈ અંબાણીના ઘરે ગયા હતા. વાતચીત બાદ ધીરુભાઈએ કહ્યું કે નરેન્દ્ર મોદી એક દિવસ દેશના વડાપ્રધાન બનશે.
નરેન્દ્ર દામોદરદાસ મોદીનું બાળપણ ગરીબીમાં વીત્યું હતું. તે સ્ટેશન પર ચા પણ વેચતો હતો. એકવાર મન કી બાત કાર્યક્રમમાં પીએમ મોદીએ પોતે કહ્યું હતું કે તેઓ બાળપણમાં તોફાની હતા. તે શહનાઈના ખેલાડીઓને આમલી બતાવીને તેમનું ધ્યાન ભટકાવતો હતો. એકવાર તેણે તળાવમાંથી એક મગર પકડ્યો હતો. તેની માતાએ સમજાવ્યા બાદ તેણે તેને પાછી છોડી દીધી હતી.
આ 1992ની વાત છે. નરેન્દ્ર મોદી અન્ય નેતાઓ સાથે કાશ્મીરના લાલ ચોક પહોંચ્યા અને ત્યાં ત્રિરંગો ફરકાવ્યો. પરત ફરતી વખતે ખાનપુરમાં સભા યોજાઈ હતી. જ્યારે મોદીને ખબર પડી કે તેમની માતા હીરાબા પણ મંચ પર હશે તો તેમણે કહ્યું કે તેઓ ભારત માતાના પુત્ર તરીકે લાલ ચોક ગયા હતા. આવી સ્થિતિમાં માતાને સ્ટેજ પર ન લાવવી જોઈએ. આ પછી પણ જ્યારે તેઓ સ્ટેજ પર પહોંચ્યા તો હીરાબા ત્યાં હાજર હતા. આ પછી તેને તેના મિત્ર અશોકભાઈ પર ખૂબ ગુસ્સો આવ્યો.
નરેન્દ્ર મોદીના પિતાનું 1989માં અવસાન થયું હતું. એ જ દિવસે ગુજરાતમાં ભાજપની મહત્વની બેઠક હતી. જ્યારે ખબર પડી કે તેના પિતાનું અવસાન થયું છે, ત્યારે બધાએ વિચાર્યું કે તે સભામાં હાજર રહી શકશે નહીં. પરંતુ નરેન્દ્ર મોદી બપોરે સભામાં પહોંચ્યા હતા. તેણે કહ્યું કે અંતિમ સંસ્કાર થઈ ગયો છે. મીટીંગ પણ જરૂૂરી હતી, તેથી તેઓ આવ્યા છે.
જીપ ચલાવતા હતા ત્યારે આરએસએસ પ્રચારકનું અવસાન થયું
વડાપ્રધાન નરેન્દ્ર મોદી ધીરજ માટે પણ જાણીતા છે. તેમણે લાંબા સમય સુધી આરએસએસમાં સેવા આપી હતી. એક વખત વડોદરામાં સંગીતનો કાર્યક્રમ હતો. ગુરુ ગોવાલકરના જન્મદિવસ નિમિત્તે આ કાર્યક્રમનું આયોજન કરવામાં આવ્યું હતું. આરએસએસના પ્રચારક લક્ષ્મણ રાવ ઇનામદારે પણ આમાં ભાગ લીધો હતો. કાર્યક્રમ પૂરો થયા બાદ નરેન્દ્ર મોદી તેમને જીપમાં સ્ટેશને મૂકવા જઈ રહ્યા હતા. તે પોતે જીપ ચલાવતો હતો. આ દરમિયાન આરએસએસ નેતાનું અવસાન થયું. તેમણે નરેન્દ્ર મોદીના ખભા પર માભુ ટેકવી દીધું. આ પછી પણ તેણે જીપ ચલાવવાનું ચાલુ રાખ્યું. ધીરુભાઈએ પહેલા જ ભવિષ્યવાણી કરી હતી કે તેઓ પીએમ બનશે.
17 વર્ષની ઉંમરેથી આરએસએસ પ્રચારક અને અનેક જવાબદારી નિભાવી
નરેન્દ્ર મોદી જ્યારે 8 વર્ષના હતા ત્યારે આરએસએસના સંપર્કમાં આવ્યા હતા. 17 વર્ષની ઉંમરે તેઓ આરએસએસના સંપૂર્ણ સમયના પ્રચારક બન્યા. કટોકટી દરમિયાન તેઓ આરએસએસના નેતાઓ સાથે ખૂબ જ સક્રિય હતા. તેઓ ઈન્દિરા ગાંધી સરકાર વિરુદ્ધ ઘણા લેખો લખતા હતા. આ ઉપરાંત તેઓ મેગેઝીનના વિતરણની જવાબદારી પણ સંભાળતા હતા. ઈમરજન્સી દરમિયાન પોલીસ તેને શોધી રહી હતી. આવી સ્થિતિમાં પોતાની ઓળખ છુપાવવા માટે તેણે સરદારનો પોશાક અપનાવ્યો. એક વખત તેઓ સરદાર બન્યા બાદ જેલમાં પણ ગયા હતા. કોઈ તેને ઓળખી શક્યું નહીં.
ગુજરાત
અમદાવાદમાં PMના કાર્યક્રમ સ્થળે ડોમ તૂટતાં 9 ઘવાયા
જીએમડીસી ગ્રાઉન્ડમાં 40 ફૂટ ઊંચો ડોમ ખોલતી વખતે સર્જાયેલી દુર્ઘટના, બે મજૂરોની હાલત ગંભીર
અમદાવાદના જીએમડીસી ગ્રાઉન્ડમાં આજે વહેલી સવારે દૂર્ઘટના સર્જાતા 9 જેટલા શ્રમિકો ઘવાયા હતાં. વડાપ્રધાન નરેન્દ્રભાઈ મોદીના ગત તા. 16ના રોજ જીએમડીસી ગ્રાઉન્ડ ખાતે યોજાયેલ કાર્યક્રમ સ્થળેથી વિશાળ ડોમ ઉતારતી વખતે અચાનક જ ડોમનો એક હિસ્સો તુટી પડતા આ દુર્ઘટના સર્જાઈ હોવાનું જાણવા મળે છે. ઘવાયેલા શ્રમિકોને સારવાર માટે હોસ્પિટલમાં ખસેડાયા છે. આ દુર્ઘટના 9 મજુરો ઘાયલ થયા હતાં. જેમાં બેની હાલત ગંભીર હોવાનું જાણવા મળ્યું છે.
અમદાવાદમાં જીએમડીસી ગ્રાઉન્ડ વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
ઉલ્લેખનીય છે કે વડાપ્રધાન મોદીની સભા માટે અમદાવાદમાં જીએમડીસી ગ્રાઉન્ડ ખાતે 4 વિશાળ વોટરપ્રૂફ જર્મન ડોમ તૈયાર કરાયા હતા. જેમાં 80 હજારથી 1 લાખ લોકો બેસી શકે તેવી વ્યવસ્થા કરાઈ હતી.
વડાપ્રધાન મોદીના ગુજરાત પ્રવાસ વખતે તૈયાર કરાયેલા જર્મન ડોમને ઉતારવામાં આવતી વખતે એક મોટી દુર્ઘટના સર્જાઈ હતી. આ દરમિયાન ડોમની નીચે દટાઈ જતાં 9 લોકો ઈજાગ્રસ્ત થયા હતા. જેમા 2ની હાલત અત્યંત ગંભીર હોવાની જાણકારી મળી રહી છે. પીએએલ ઈવેન્ટ્સ દ્વારા આ ડોમ તૈયાર કરવામાં આવ્યા હતા.
મળતી માહિતી અનુસાર આ ઘટના ડોમ ખોલતી વખતે બની હતી. અહીં એકભાગ ખોલતા શ્રમિકો પણ બીજો ભાગ ઉપરથી પડ્યો હતો. જોકે સદભાગ્યે આ ઘટના ચાલુ કાર્યક્રમે નહોતી બની જેના લીધે હજારો લોકોના જીવ બચી ગયા. કારણ કે આ કાર્યક્રમમાં હજારો લોકોએ હાજરી આપી હતી.
ઈજાગ્રસ્તોને નજીકમાં વસ્ત્રાપુરની હોસ્પિટલમાં ખાનગી વાહનમાં લઈ જવાયા હતા. જ્યાં આ ઘટના વિશે જાણકારી મેળવતાં વિષ્ણુ નામના પીડિતે જણાવ્યું હતું કે અમે લગભગ 40 ફૂટની હાઈટ પરથી આ ડોમ ખોલવાનું કામ કરી રહ્યા હતા અને તે સમયે જ ડોમ પડ્યું જેના લીધે અમે પણ નીચે પટકાયા હતા. અમે કુલ 12 લોકો હતા. આ ઘટના મોડી રાતે 3 વાગ્યે આ ઘટના બની હતી. જેના બાદ અફરા તફરીની સ્થિતિ સર્જાઈ હતી. ઘાયલોને નજીકમાં જ વસ્ત્રાપુર ખાતે ખાનગી વાહનમાં અમને હોસ્પિટલ લઈ જવામાં આવ્યા હતા. હાલમાં બેની હાલત ગંભીર હોવાનું તબીબોએ જણાવ્યું છે.
ક્રાઇમ
ક્રેડિટ કાર્ડના નાણાની ઉઘરાણી માટે રેલવે કર્મચારીને ઓફિસમાં ઘુસી માર માર્યો
કોઠી કંપાઉન્ડ ખાતે આવેલી રેલવેની કંટ્રોલ ઓફિસમાં ફરજ બજાવતાં રેલવે કર્મચારીને ક્રેડીટ કાર્ડના નાણાની ઉઘરાણી માટે રિકવરી એજન્ટોએ ઓફિસમાં ઘુસી માર મારી જાનથી મારી નાખવાની ધમકી આપ્યાની ફરિયાદ પોલીસ ચોપડે નોંધાતાં પોલીસે બે શખ્સો સામે ગુનો નોંધી વધુ તપાસ હાથ ધરી છે.
જાણવા મળતી વિગત મુજબ, રેલનગર શેરી નં.15માં રહેતા અને કોઠી કંપાઉન્ડ ખાતે કંટ્રોલ ઓફિસમાં ખલાસી તરીકે નોકરી કરતાં પ્રકાશભાઈ ધનજીભાઈ શામળ (ઉ.34)એ પ્ર.નગર પોલીસ મથકમાં નોંધાવેલી ફરિયાદમાં આરોપી તરીકે બીપીન હરીભાઈ સોલંકી અને અશ્ર્વિન વસંતભાઈ કુગશીયાના નામ આપ્યા છે. ફરિયાદમાં જણાવ્યા મુજબ તેઓ એસબીઆઈ બેંકનું ક્રેડીટ કાર્ડ વાપરતાં હોય ગત તા.17નાં બપોરે તેઓ પોતાની ઓફિસમાં ફરજ પર હતાં ત્યારે આરોપી બીપીને ફોન કરી તમારા ક્રેડીટ કાર્ડનું રૂા.2,34,068નું પેમેન્ટ બાકી છે તેમ જણાવતાં ફરિયાદીએ છ વાગ્યા પછી વાત કરશું તેમ કહેતા આરોપી ઓફિસે ધસી આવ્યો હતો અને ઓફિસમાં દાદાગીરી કરી રોફ જમાવી બળજબરીથી નાણા પડાવવા પ્રયાસ કર્યો હતો.
ત્યારબાદ તેને ફોન કરી અન્ય આરોપીને બોલાવતાં અશ્ર્વિન કુગશીયા ધસી આવ્યો હતો અને તેણે પેમેન્ટ તાત્કાલીક કરી દેજો. નહીંતર ખાલી મારું નામ જ કાફી છે તેમ કહી ધમકી આપી હતી અને બન્નેએ માર મારી તેનો શર્ટ ફાડી નાખ્યો હતો. બાદમાં ક્રેડીટ કાર્ડના પૈસા નહીં આપો તો જાનથી મારી નાખશી તેવી ધમકી આપી હતી. ઉપરાંત આ બાબતે પોલીસમાં ફરિયાદ કરશો તો અમારા વિરૂધ્ધ એટ્રોસિટીની ફરિયાદ દાખલ કરવાની ધમકી આપી હતી.આ અંગે ફરિયાદીએ પ્ર.નગર પોલીસ મથકમાં ફરિયાદ નોંધાવતાં પોલીસે બન્ને શખ્સો સામે ગુનો નોંધી વધુ તપાસ હાથ ધરી છે.
ગુજરાત
સાયપર ગામે પ્રાથમિક શાળામાં પાઈપલાઈન રીપેર કરતાં ભડકો થયો: વિદ્યાર્થી-શિક્ષક દાઝયા
શિક્ષક લાકડું અને કપડુંસળગાવી પાઈપ જોડતા હતા ત્યારે બનાવ: વિદ્યાર્થી પણ ઝપટે ચડયો
રાજકોટની ભાગોળે કુવાડવા નજીક આવેલા સાયપર ગામે પ્રાથમિક શાળામાં પાઈપલાઈન રીપેર કરતી વેળાએ ભડકો થતાં એક વિદ્યાર્થી અને શિક્ષક દાઝી ગયા હતાં. જેથી બન્નેને સારવાર માટે સિવિલ હોસ્પિટલમાં ખસેડવામાં આવ્યા હતાં. શાળામાં પાઈપલાઈન તુટી ગઈ હોવાથી શિક્ષક લાકડુ અને કપડુ સળગાવી પાઈપ લાઈન જોડતાં હતાં ત્યારે અચાનક ભડકો થયો હતો જેમાં વિદ્યાર્થી પણ ઝપટે ચડી ગયો હતો.
જાણવા મળતી વિગત મુજબ, મોરબી રોડ પર રામાણી પાર્ક શેરી નં.3માં રહેતા અને સાયપર ગામે આવેલી પ્રાથમિક શાળામાં શિક્ષક તરીકે ફરજ બજાવતાં દિલીપભાઈ મગનભાઈ પંચાલ (ઉ.48) આજે સવારે સાયપર ગામે પ્રાથમિક શાળામાં પોતાની ફરજ પર હતાં ત્યારે શાળામાં પાણીની પાઈપલાઈન તુટી ગઈ હોવાથી રિપેર કરતાં હતાં. ત્યારે કપડુ અને લાકડામાં સેનેટાઈઝર નાખી તેને સળગાવી પાઈપ લાઈન જોડતાં હતાં દરમિયાન અચાનક ભડકો થયો હતો જેમાં શિક્ષક દિલીપભાઈ અને તેની બાજુમાં ઉભેલો ધો.7માં અભ્યાસ કરતો આદર્શ કિશોરભાઈ પરમાર નામનો છાત્ર પણ ઝપટે ચડી જતાં બન્ને ગંભીર રીતે દાઝી ગયા હતાં. જેથી બન્નેને દાઝી ગયેલી હાલતમાં સારવાર માટે રાજકોટ સિવિલ હોસ્પિટલમાં ખસેડવામાં આવ્યા હતાં.
વધુ તપાસમાં ધો.7માં અભ્યાસ કરતો આદર્શ શિક્ષક દિલીપભાઈ પાઈપ લાઈન કરતાં હતાં ત્યાં નજીક જઈને ુઉભો હતો ત્યારે શિક્ષકે તેને દૂર કરવાનુ કહ્યું હતું. આમ છતાં તે દૂર ન જતાં આગની ઝપેટમાં આવી ગયો હતો. આ અંગે સિવિલ ચોકીના સ્ટાફે પ્રાથમિક નોંધ કરી કુવાડવા પોલીસને જાણ કરતાં પોલીસે હોસ્પિટલે દોડી જઈ જરૂરી કાર્યવાહી હાથ ધરી હતી.
-
ગુજરાત1 day ago
જવાહર ચાવડા હવે ભાજપ સામે લડી લેવાના મૂડમાં, બીજા પત્રો વાઈરલ કર્યા
-
રાષ્ટ્રીય1 day ago
બજાજ હાઉસિંગ ફાઈનાન્સનો શેર આજે ઘટ્યો, જાણો કિંમત
-
રાષ્ટ્રીય1 day ago
‘વન નેશન-વન ઇલેક્શન’ના પ્રસ્તાવને લીલી ઝંડી, મોદી સરકારની કેબિનેટે આપી મંજૂરી
-
કચ્છ1 day ago
રાપરના ગાગોદરમાં પાણીના ખાડામાં સાત બાળકો ડૂબ્યાં, ભાઈ-બહેનનાં મોત
-
આંતરરાષ્ટ્રીય1 day ago
ઈન્ટરનેટ કે મોબાઈલ નેટવર્ક ન હોવા છતાં પેજરમાં વિસ્ફોટ, મોબાઈલ ફોનમાં આવું થાય તો કરોડો લોકો પર ખતરો
-
ગુજરાત1 day ago
આજી-4 ડેમના પૂરથી પ્રભાવિત ખેડૂતો સરકાર સામે મોરચો માંડશે
-
ગુજરાત1 day ago
રાજકોટ ક્લાઇમેટ રેસિલિયન્ટ એક્શન પ્લાનનું ન્યૂ દિલ્હી ખાતે કરાયું લોન્ચિંગ
-
ગુજરાત1 day ago
રાજકોટના કેટરર્સ સંચાલકનું દિલ્હીની યુવતી ઉપર દુષ્કર્મ