3 શખ્સ સામે નોંધાયો ગુનો

જામનગરમાં મયુર નગર વિસ્તારમાં રહેતા એક યુવાને જુની અદાવત ના કારણે પોતાના ઉપર તેમજ પોતાના મિત્ર ઉપર છરી વડે હુમલો કરી ઇજા પહોંચાડવા અંગે સ્થાનિક ત્રણ શખ્સો સામે ફરિયાદ નોંધાવી છે.જામનગરમાં મયુર નગર વામ્બે આવાસ રોડ પર રહેતો સિરાજ ભીખુભાઈ સંઘાર નામનો 20 વર્ષનો સંધિ યુવાન કે જે ગઈકાલે પોતાના મિત્ર રૂૂસ્તમ સાથે બાઈકમાં જઈ રહ્યો હતો, જે દરમિયાન રસ્તામાં તેઓને ઈરફાન જુણેજા સહિતના ત્રણ શખ્સોએ રોક્યા હતા, અને જુની અદાવત નું મન દુ:ખ રાખીને છરી અને ધોકા વડે હુમલો કરી ઇજા પહોંચાડી હતી.જેથી ઇજાગ્રસ્ત બંને યુવાનોને જામનગરની જી.જી. હોસ્પિટલમાં સારવાર અપાઈ હતી. આ હુમલાના બનાવ અંગે સિરાજ ભીખુભાઈ સંધિ એ જામનગરના ઈરફાન ઇસુબ જુણેજા, યસ સુરેશભાઈ વરણ તેમજ અમન બોદુભાઈ મલેક સામે ફરિયાદ નોંધાવતાં પોલીસ દ્વારા ત્રણેય આરોપી સામે ગુનો નોંધી તેઓની શોધખોળ ચલાવવામાં આવી રહી છે.

પરિવારને જાણ કર્યા બાદ પોલીસમાં ફરિયાદ નોંધાવી

તાલુકાના ખાવડા વિસ્તારમાં આવેલા મોટા બાંધા ગામની સીમમાં બે શખ્સોએ સગીર સાથે સૃષ્ટિ વિરૂૂદ્ધનું કૃત્ય ગુજાર્યું હોવાની ઘટના સામે આવતા ચકચાર ફેલાઈ ગઈ હતી. બનાવ બાબતે ખાવડા પોલીસ સ્ટેશનેથી મળેલી વિગતો મુજબ આરોપીઓ મોટા દિનારામાં રહેતા અકરમ તાલબ સમા અને જાવેદ હસન સમાએ 11 વર્ષિય કિશોરને મોટા બાંધા ગામની સીમમાં બાઈકથી લઈ ગયા હતા. આ સગીરને માર મારી કપડા ઉતારી તેની સાથે વારા ફરતી સૃષ્ટી વિરૂૂદ્ધનું કૃત્ય કરવામાં આવ્યું હતું. આ વાત કોઈને કહે તો જાનથી મારી નાખવાની ધમકી આપી હતી. સમગ્ર બાબતે ભોગ બનનારે પરિવારને કહ્યા બાદ પરિવારે પોલીસ ફરિયાદ નોંધાવવા માટે હિંમત કરતા પોલીસે ગુનો દાખલ કરી આરોપીને ઝડપી લેવા માટે ચક્રો ગતિમાન કર્યા છે. મહત્વનું છે કે, અગાઉ પણ ખાવડા વિસ્તારમાં આ પ્રમાણેની ઘટના સામે આવી ચુકી છે.

માધાપરના આહીર યુવાનને હનીટ્રેપમાં ફસાવી મરવા મજબૂર કરવાના રાજ્યભરમાં ચકચારી બનેલા આ હનીટ્રેપ કેસની દોઢ વર્ષથી નાસતી ફરતી આરોપી વ્યવસાયે વકીલ એવી કોમલ દયારામભાઇ જેઠવાની એલસીબીએ કુકમાથી ધરપકડ કરી લીધી છે, તેને નખત્રાણાની કોર્ટમાં રજૂ કરાતાં તા. 7-11 સુધી રિમાન્ડ મંજૂર થયા છે. આ અંગે એલસીબીએ જાહેર કરેલી વિગતો મુજબ આ ચકચારી હનીટ્રેપના ગુનાની ગંભીરતાને ધ્યાને લઇ નાસતા-ફરતા આરોપીઓને તાત્કાલિક પકડવા સરહદી રેન્જ ભુજના પોલીસ મહાનિરીક્ષક ચિરાગ કોરડિયા તથા ઇન્ચાર્જ પોલીસ અધીક્ષક વિકાસ સુંડાએ સૂચના આપતાં એલસીબીના પી.આઇ. એન.એન. ચુડાસમા તથા એ.એસ.આઇ. જયેન્દ્રસિંહ જાડેજા, કૃષ્ણદેવસિંહ ગોહિલ, હે.કો. મયૂરધ્વજસિંહ જાડેજા તથા મહિલા કોન્સ. વર્ષાબેન ગાગલ તપાસમાં હતા, ત્યારે આરોપી કોમલબેન (રહે. નાની નાગલપર, જેઠવા ફાર્મ તા. અંજાર), કુકમા ગામથી મળી આવતાં તેની ધરપકડ કરવામાં આવી આરોપી કોમલને નખત્રાણાની કોર્ટમાં રજૂ કરાતાં તેના તા. 7-11 સુધી રિમાન્ડ મંજૂર થયા છે. સરકાર તરફે સરકારી વકીલ નીમેશ જે. પૂજારા હાજર રહ્યા હતા.

આ ચકચારી કેસમાં કોમલની ભૂમિકાએ હતી કે, આ હનીટ્રેપનું ષડયંત્ર તેની તથા નેતા સાથીદાર વકીલ આકાશ મકવાણાની સંયુક્ત અંજાર સ્થિત ઓફિસમાં રચાયું હતું. આકાશના ફોન પરથી દિલીપ આહીરને હનીટ્રેપમાં કઇ રીતે ફસાવવાનો છે, તે અંગે વિસ્તૃત સમજ દિવ્યાને કોમલે જ આપી હોવાનું તપાસમાં બહાર આવ્યું છે. બીજી તરફ આ કેસમાં હજુ બે આરોપી એવા અખલાક પઠાણ (વડોદરા) અને મુખ્ય સૂત્રધાર એવી મનીષા ગોસ્વામીના પતિ ગુજુ ગોસ્વામી હજુયે નાસતા ફરે છે. જેને પકડવાના બાકી છે.