અમરેલી
અમરેલીમાં દાદી બની હેવાન!! પૌત્રએ રડવાનું બંધ ન કરતા મોઢા અને હાથ-પગ પર ભર્યા બચકા, માસૂમનું થયું મોત
અમરેલી તાલુકાના રાજસ્થળી ગામે એક મજુર પરિવારના એક વર્ષ બે માસની ઉંમરના બાળકનો મૃતદેહ ઘોડીયા નીચેથી શંકાસ્પદ હાલતમા મળી આવ્યા બાદ આ બાળકની હત્યા તેની દાદીએ જ કર્યાનુ ખુલ્યું હતું.માસુમ બાળક સતત રડતો હોય અને શાંત થતો ન હોય દાદીએ તેના શરીર પર બટકા ભરી મારમારી હત્યા કરી નાખી હતી.
માસુમ બાળકની હત્યાની આ ઘટના અમરેલી તાલુકાના રાજસ્થળી ગામે ગઇકાલે સાંજે બની હતી. અહીના રફિકભાઇ હુસેનભાઇ સૈયદનો એક વર્ષ અને બે માસનો પુત્ર ગઇ સાંજે તેની દાદી પાસે હતો. સાંજે તે ઘોડીયા નીચે મૃત હાલતમાં મળી આવતા અમરેલી તાલુકા પોલીસને જાણ કરાઇ હતી. બાળકના શરીર પર ઇજાના શંકાસ્પદ નિશાનો હતા.
તેને ગાલ અને મોઢાના ભાગે બટકા ભરવામાં આવ્યા હતા. ઉપરાંત હાથ, પગ અને શરીરના અન્ય ભાગો પર માર મારવામા આવ્યો હતો.બાળકના મૃતદેહને પીએમ માટે પ્રથમ અમરેલી સિવીલમા અને બાદમાં ફોરેન્સિક પીએમ માટે ભાવનગર મેડિકલ કોલેજમા ખસેડવામાં આવ્યો હતો. જયાં ઇજાના કારણે મોત થયાનુ સ્પષ્ટ થયું હતું.
બાળક છેલ્લે તેની દાદી પાસે હોય પોલીસે આગવીઢબે પુછપરછ કરતા જ બાળકના દાદી ગુલશનબેન હુસેનભાઇ સૈયદે ગુનો કબુલ કરી લીધો હતો.
તેણે એવી ચોંકાવનારી કબુલાત આપી હતી કે ગઇકાલે સાંજે તેઓ બાળકને રમાડતા હતા ત્યારે તે ખુબ જ રડતો હતો. જેથી ગુસ્સામા આવી તેણે બાળકને બટકા ભરી લીધા હતા અને શરીરના અન્ય ભાગો પર માર પણ માર્યો હતો. જેના કારણે તેનુ મૃત્યુ થઇ ગયું હતું. ડીવાયએસપી ચિરાગ દેસાઇની આગેવાનીમાં સ્થાનિક પોલીસે દાદી ગુલશનબેન સૈયદની ધરપકડ કરી હતી. તેણે 24 કલાક સુધી પોલીસને ચકરાવે ચડાવ્યા બાદ આખરે ગુનો કબુલ કરી લીધો હતો.
રાજસ્થળીમાં ગુલશનબેન અને તેની પુત્રવધુ બાજુ બાજુના રૂમમાં અલગ રહે છે. એક વર્ષનો બાળક અને તેની ત્રણ વર્ષની મોટી બહેન ગઇ સાંજે દાદીના રૂમમાં હતા ત્યારે આ ઘટના બની હતી.અમરેલી તાલુકા પોલીસે એક વર્ષના માસુમ બાળકની હત્યા પાછળ ગૃહકંકાશ કે અન્ય કોઇ કારણો જવાબદાર છે કે કેમ ? તે દિશામાં પણ તપાસ શરૂ કરી છે. હુસેનભાઇ બચુભાઇ સૈયદ અને તેમનો પુત્ર રફિકભાઇ કપાસનો ટ્રક ચલાવવાનુ અને ટ્રકમા કપાસ ભરવાનુ કામ કરે છે. ઘટના સમયે બંને ઘર બહાર હતા.
અમરેલી
જાફરાબાદના ટીંબી ગામે રૂા. 1.30 લાખનો શંકાસ્પદ ઘઉંના જથ્થા સાથે બે પકડાયા
જાફરાબાદ તાલુકાના ટીંબીમાથી પોલીસે વાહનમાથી ઘઉંની 40 બોરીનો શંકાસ્પદ જથ્થો કબજે લઇ બે શખ્સોની અટકાયત કરી 1.30 લાખનો મુદામાલ કબજે લઇ ધોરણસરની કાર્યવાહી હાથ ધરી હતી. નાગેશ્રી પોલીસ મથકના પીએસઆઇ પી.વી.પલાસ અને ટીમે ગત રાત્રીના પેટ્રોલીંગ દરમિયાન ટીંબીમાથી એક ટેમ્પો નંબર જીજે 08 વાય 5668ને અટકાવી તલાશી લીધી હતી.
ટેમ્પોમા ઘઉંની 40 બોરી કુલ બે હજાર કિલો ઘઉંનો જથ્થો મળી આવ્યો હતો. આ અંગે પોલીસે પુછપરછ કરતા કોઇ આધાર પુરાવા વગરનો હોય પોલીસે ટીંબીમા રહેતા મુસ્તાક ઉર્ફે બાપુ જુમાશા પઠાણ અને આરીફશા સુલેમાનશા કનોજીયા નામના શખ્સોની અટકાયત કરી હતી. પોલીસે ઘઉંનો જથ્થો તેમજ વાહન મળી કુલ રૂૂપિયા 1.30 લાખનો જથ્થો કબજે લીધો હતો અને બીએનએસએસ કલમ 35(1) ઇ 106 મુજબ કાર્યવાહી કરી હતી.
અમરેલી
અમરેલીની સગીરા પર કૌટુંબિક ભાઈનું દુષ્કર્મ
અમરેલીમા કુંકાવાવ રોડ પર ભારતનગર વિસ્તારમા રહેતી એક સગીરા પોતાના ઘરે એકલી હતી ત્યારે કૌટુંબિક ભાઇએ જ એકલતાનો લાભ લઇ છરી બતાવી નદીના પટમા લઇ જઇ દુષ્કર્મ ગુજારી મારી નાખવાની ધમકી આપતા આ બારામા તેની સામે અમરેલી તાલુકા પોલીસ મથકમા ફરિયાદ નોંધાવાઇ છે.
સગીરા પર દુષ્કર્મની આ ઘટના અમરેલીમા કુંકાવાવ રોડ પર ભારતનગર વિસ્તારમા નદીના પટમા બની હતી. અહી રહેતી એક સગીરાએ અમરેલી તાલુકા પોલીસ મથકમા નોંધાવેલી ફરિયાદમા જણાવ્યુ઼ હતુ કે તે બિમાર હોય મજુરીકામે ગઇ ન હતી અને ઘરે એકલી હતી ત્યારે તેના મોટાબાપુના દીકરા ભાઇ અબ્દુલ દિનમહમદ ઝુણેજા તેના ઘરે આવ્યો હતો.આ શખ્સે તેને છરી બતાવી બળજબરીપુર્વક સાથે લઇ ગયો હતો. આ શખ્સે નદીના પટમા તેના પર દુષ્કર્મ ગુજાર્યુ હતુ અને છરી બતાવી મારી નાખવાની ધમકી પણ આપી હતી. બનાવની વધુ તપાસ પીઆઇ કે.બી.જાડેજા ચલાવી રહ્યાં છે.
અમરેલી
ધારીમાં પાંચ વર્ષની બાળા સાથે અડપલાં કરનાર આધેડ ઝડપાયો
લોકોએ પકડી લમધારી પોલીસને હવાલે કર્યો
ધારીમાં એક પાંચ વર્ષની બાળાને મોબાઇલ બતાવવાના બહાને એકાંતમા લઇ જઇ અહીના જ શખ્સે અડપલા કર્યાના કેસમાં પોલીસે આ શખ્સની ધરપકડ કરી છે. ધારી પોલીસે આ પ્રકરણમા ધારીમાં રહેતા અને શાકભાજીનો વેપાર કરતા હિમત હસમુખ બોસમીયા (ઉ.વ.45) નામના શખ્સની પોકસો એકટ અને ભારતીય ન્યાય સંહિતાની જુદીજુદી કલમો હેઠળ તેની ધરપકડ કરી છે. ગત 13મી તારીખની બપોરે હિમત બોસમીયા પાંચ વર્ષની એક બાળાને રમાડવાના બહાને તથા મોબાઇલ બતાવવાના બહાને અહીની લક્ષ્મી લોજની અંદરના ભાગે લઇ ગયો હતો. બાળકીના મા-બાપ કામમા વ્યસ્ત હતા તેનો લાભ લઇ આ શખ્સે બાળકીના શરીરે અડપલા કરી નિર્લજજ વર્તન કર્યુ હતુ. જેને પગલે લોકોએ તેને મેથીપાક ચખાડી પોલીસને જાણ કરી હતી.
પીઆઇ એ.એમ.દેસાઇ સ્ટાફના જીતેન્દ્રભાઇ ભેડા, કુમારસિંહ રાઠોડ, સંજયભાઇ સરધારા વિગેરેએ આ શખ્સની ધરપકડ કરી છે. અત્રે ઉલ્લેખનીય બની રહેશે કે, અમરેલી જિલ્લામાં નરાધમોએ હદ વટાવી છે. 43 વર્ષના આધેડે બાળાના માતા-પિતા કામમાં વ્યસ્ત હોવાનો ગેરલાભ ઉઠાવી લઇ જઇ અડપલા કરતા ભારે ચકચાર જાગી હતી.
-
રાષ્ટ્રીય2 days ago
‘દિલ્હીના CM કેજરીવાલ જ રહેશે, ભાજપે ષડયંત્ર કરીને ફસાવ્યા…’, મુખ્યમંત્રી ચૂંટાયા બાદ આતિશીની પહેલી પ્રતિક્રિયા
-
ગુજરાત2 days ago
દ્વારકા નજીકના દરિયામાંથી વધુ એક વખત ચરસનો જથ્થો ઝડપાયો
-
આંતરરાષ્ટ્રીય2 days ago
બાંગ્લાદેશમાં હિંદુઓ પર હુમલા અંગે કેનેડાની સંસદમાં ચર્ચા
-
ગુજરાત2 days ago
PMના જન્મદિવસ પૂર્વે જવાહર ચાવડાએ ફોડ્યો લેટર બોંબ
-
અમરેલી2 days ago
અમરેલીની સગીરા પર કૌટુંબિક ભાઈનું દુષ્કર્મ
-
ગુજરાત2 days ago
મોદી@74: કુંડળી જ મંગળ તો અમંગળ કોણ કરી શકે?
-
આંતરરાષ્ટ્રીય2 days ago
અમેરિકા ઉઠી જશે: જેપી મોર્ગન ચેઝની આગાહી
-
ગુજરાત2 days ago
મોદી વડાપ્રધાન બનશે: 34 વર્ષ પહેલાં ધીરૂભાઇ અંબાણીએ ભાખ્યું હતું