મોરબી
મોરબીમાં અધિકારીઓના આંખ આડા કાનથી ગેરકાયદેસર રીતે વપરાતો પેટકોક
![](https://gujaratmirror.in/wp-content/uploads/2023/12/yp2.jpg)
મોરબી સિરામિક ઇન્ડસ્ટ્રીઝમા કેટલાક કારખાનામાં પેટકોક વપરાય છે જેને સરકાર તરફથી માન્યતા આપવામાં આવેલ નથી તેમ છતા અન અધિકૃત રીતે ગેરકાયદેસર રીતે અધિકારીઓને હપ્તા પહોંચાડી આ પેટકોકનો ઉપયોગ કારખાનામાં ઈંધણ તરીકે કરવામાં આવી રહ્યો છે. જેના વિરોધમાં મોરબીથી આજે બસોથી વધુ કારખાનાવાળાઓએ આ પેટકોકનો વપરાશ બંધ કરાવવા માટે જીમેઈલ મારફતે જીપીસીબી વિભાગને રજૂઆત કરી છે. ત્યારે જોવું રહ્યું કે હપ્તા ખાવ અધિકારીઓ શું આ પેટકોકનો વપરાશ બંધ કરાવશે કે નહી.
મોરબી સિરામિક એસોસિએશન તેમજ જીપીસીબી વિભાગને જીમેઈલ મારફતે રજુઆત કરી છે કે મળેલ માહિતી મુજબ સીરામીક ઇન્ડસ્ટ્રીઝમાં અમુક ઇન્ડસ્ટ્રીઝ દ્વારા છેલ્લા ઘણા સમયથી અન અધિકૃત અને ગેર કાયદેશર રીતે પેટકોકનો ઉપયોગ ઇંધણ તરીકે થઇ રહ્યો છે. આ પેટકોકના વપરાશના લીધે સીરામીક પ્રોડક્ટ ના પડતર કિંમતમાં ખુબ મોટો ફરક આવે છે અને જેના લીધે કાયદાનું પાલન કરી ગેશ વપરાશ કરતા યુનિટોને માર્કેટમાં ખુબ મોટું નુકશાન જઈ રહ્યું છે જો આમજ ગેર કાયદેશર રીતે પેટકોકનો વપરાશ ચાલુ રહેશે તો નિયમોનું પાલન કરતી મોટા ભાગની ઇન્ડસ્ટ્રીઝ બંધ થશે અને દેશનું એક માત્ર મોરબી સીરામીક ક્લસ્ટર ખતમ થઇ જશે.
વધુમાં જણાવ્યું હતું કે આવી ગેર કાયદેસર થતી પ્રવૃત્તિથી કોલગેશની જેમ દંડ અને સજા આખા ટ્રેડને ભોગવવી પડે છે બસોથી વધુ કારખાનાવાળાઓ દ્વારા જીપીસીબી વિભાગને વિનંતી કરવામાં આવી છે કે સીરામીક ઇન્ડસ્ટ્રીઝમાં ચાલતા ગેર કાયદેસર પેટકોક વપરાશ બંધ થાય તેવા પગલાં ભરવામાં આવે.
ગુજરાત
ટંકારા અને લોધિકા પંથકમાં ઝેરનાં પારખાં કરનાર સગીરા સહિત બેના સારવારમાં મોત
![](https://gujaratmirror.in/wp-content/uploads/2024/09/scsc.jpeg)
ગોંડલ પંથકમાં ત્રણ યુવાને આપઘાતના પ્રયાસ કરતા સારવારમાં ખસેડાયા
આત્મહત્યા અને આપઘાતના પ્રયાસોની ઘટના વધી રહી હોય તેમ દરરોજ અનેક લોકો આત્મઘાતી પગલાં ભરતા હોવાની અનેક ઘટના સામે આવી રહી છે. ત્યારે ટંકારાના સજનપરમાં સગીરાએ અને લોધિકામાં શ્રમિક યુવાને કોઇ અગમ્ય કારણસર ઝેરી દવા પી જીવન ટૂંકાવી લેતા બંને પરિવારમાં ગમગીની છવાઈ જવા પામી છે.
આ બનાવ અંગે જાણવા મળતી વિગત મુજબ ટંકારાના સજ્જન પર ગામે પરિવાર સાથે ખેત મજુરી અર્થે આવેલી નિરાલીબેન પપ્પુભાઈ ડામોર નામની 16 વર્ષની સગીરાએ કોઈ અગમ્ય કારણોસર ઝેરી દવા પી લેતાં તેણીને તાત્કાલીક સારવાર માટે મોરબી બાદ રાજકોટ સિવિલ હોસ્પિટલમાં દાખલ કરવામાં આવી હતી.
જ્યાં સગીરાનું સારવારમાં મોત નિપજતા પરિવારમાં શોકની લાગણી હતી. બીજા બનાવમાં મૂળ મધ્ય પ્રદેશના વતની અને હાલ લોધિકામાં ખેત મજૂરી મરતા છોટુ ધુલિયાભાઈ વસુનીયા નામના 34 વર્ષના યુવાને ત્રણ દિવસ પૂર્વે કોઈ અગમ્ય કારણસર ઝેરી દવા પી લીધી હતી. યુવકને ઝેરી અસર થતા તાત્કાલિક સારવાર માટે રાજકોટ સિવિલ હોસ્પિટલમાં દાખલ કરવામાં આવ્યો હતો. જ્યાં યુવકનું સારવારમાં મોત પરિવારમાં શોકની લાગણી પ્રસરી છે. પ્રાથમિક પૂછપરછમાં મૃતક છોટુ વસુનીયા ત્રણ ભાઈ છ બહેનમાં વચ્ચેટ હતો. અને તેના છૂટાછેડા થઈ ગયા હતા અને છોટુ વસુનીયાએ દારૂના નશામાં દવા પી લેતા મોત નીપજ્યું હોવાનું જાણવા મળ્યું છે.
આ ઉપરાંત અન્ય બનાવમાં ગોંડલ પંથકમાં ત્રણ યુવાને કોઈ અગમ્ય કારણસર આપઘાતના પ્રયાસ હોવાની ઘટના સામે આવી છે. જેમાં ગોંડલમાં સેન્ટ્રલ જેલ સામે ક્વાર્ટરમાં રહેતા શ્યામ મહેશભાઈ દુધરેજીયા (ઉ.વ.35)એ ફિનાઈલ, ગોંડલના હડમતીયા ગામે મનસુખભાઈની વાડીએ ખેત મજૂરી કરતા અજય મંગુભાઈ મસાડીયા (ઉ.વ.20) અને મોટી ખીલોરી ગામે કિશોરભાઈની વાડીએ કેશરામ જેરામભાઈ ચૌહાણ (ઉ.વ.20)એ ઝેરી દવા પી લીધી હતી. ત્રણેય યુવકને ઝેરી અસર થતા માટે રાજકોટ સિવિલ હોસ્પિટલમાં દાખલ કરવામાં આવ્યા હતા. ઉપરોકત બન્ને બનાવ અંગે પોલીસે નોંધ કરી વધુ તપાસ હાથ ધરી છે.
ગુજરાત
મોરબીમાં ટેમ્પોના ચાલકે ચાર વર્ષના માસૂમ બાળકને ચગદી નાખ્યો
![](https://gujaratmirror.in/wp-content/uploads/2024/09/40-1.png)
બાળકના દાદાએ ટેમ્પોના ચાલક વિરુદ્ધ નોંધાવી ફરિયાદ
મોરબીના કાંતિનગર વિસ્તારમાંથી ચાર વર્ષનો બાળક ચાલીને જઈ રહ્યો હતો ત્યારે, ટેમ્પોના ચાલકે તેને અડફેટ લેતાં બાળકને માથામાં ગંભીર ઇજા થઈ હતી. જેથી તે બાળકનું મોત નીપજ્યું હતું. હાલમાં મૃતક બાળકના દાદાએ મોરબી બી ડિવિઝન પોલીસ સ્ટેશન ખાતે ફરિયાદ નોંધાવતાં પોલીસે ટેમ્પોના ચાલક સામે ગુનો નોંધીને આગળની કાર્યવાહી હાથ ધરી છે.
મોરબીમાં માળિયા ફાટક નજીક આવેલ કાંતિનગરમાં મસ્જિદની બાજુમાં રહેતા યુનુસભાઈ જુમાભાઇ અજમેરીએ હાલમાં અશોક લેલન કંપનીના ટેમ્પો નંબર જીજે 36 વી 3941ના ચાલકની સામે ફરિયાદ નોંધાવી છે. જેમાં તેમણે જણાવ્યું છે કે, તેમનો ચાર વર્ષનો પૌત્ર અનસ ગઇકાલે કાંતિનગરની શેરીમાંથી ચાલીને જતો હતો. ત્યારે ટેમ્પોના ચાલકે તેને અડફેટે લેતાં અકસ્માત થયો હતો. જે બનાવમાં અનસને માથાના ભાગે ગંભીર ઇજા થઈ હતી. જેથી તેનું મોત નીપજ્યું હતું. આ બનાવમાં મૃતક બાળકના દાદાએ નોંધાવેલી ફરિયાદ આધારે પોલીસે ટેમ્પો ચાલક સામે ગુનો નોંધીને આરોપીને પકડવા માટે તજવીજ શરૂૂ કરી છે.
ક્રાઇમ
મોરબી-ચોટીલાના બે ખૂનના ગનામાં નવ વર્ષથી નાસતો ફરતો આરોપી ઝડપાયો
![](https://gujaratmirror.in/wp-content/uploads/2024/09/41.jpg)
મોરબી તાલુકા પોલીસ સ્ટેશન તથા સુરેન્દ્રનગરના ચોટીલા પોલીસ સ્ટેશનના બે અલગ અલગ ખુનના ગુન્હામાં છેલ્લા નવ વર્ષથી નાસતા ફરતા ઈસમને મધ્યપ્રદેશના જાબુઆ જીલ્લા ખાતેથી મોરબી પેરોલ ફર્લો સ્કવોડની ટીમે ઝડપી પાડયો છે.
મોરબી જિલ્લાના નાસતા ફરતા આરોપીઓને શોધી કાઢવા પ્રયત્નશીલ હોય તે દરમ્યાન મોરબી પેરોલ ફર્લો સ્કવોડને સંયુક્તમા ખાનગીરાહે બાતમી મળેલ કે, મોરબી તાલુકા પોલીસ સ્ટેશનમાં આઇ.પી.સી કલમ- 302, 323, 114 જી.પી.એકટ 135 તથા સુરેન્દ્રનગર જિલ્લાના ચોટીલા પોલીસ સ્ટેશનમાં આઇ.પી.સી. કલમ 302, 404 મુજબના ગુન્હામાં નાસતો ફરતો આરોપી રાજેશ પુજીયા ભુરીયા રહે. કુશલપુરા ગામ તા.જી. જાબુંઆ (એમ.પી.) વાળો હાલે જાબુંઆ ખાતે હોવાની બાતમી મળતા તુરંત જ પેરોલ ફર્લો સ્કવોડપો સ્ટાફ બાતમીવાળી જગ્યાએ જઇ તપાસ કરતા ખુનના ગુન્હામાં નાસતો ફરતો આરોપી રાજેશ પુજીયા ભુરીયા /બસોડ ઉવ.35 રહે. કુશલપુરા ગામ માલ ફળીયુ તા.જી.જાબુંઆ (એમ.પી.) વાળો આઝાદ ચોક જાબુંઆ ગ્રામીણ બેંકની સામેથી મળી આવતા આરોપીને મોરબી પેરોલ ફર્લો સ્કવોડ ની કચેરી ખાતે લાવી બી.એન.એન.એસ. કલમ 35(2)જે મુજબના ગુન્હામાં અટક કરી આગળની ઘટીત કાર્યવાહી અર્થે મોરબી તાલુકા પોલીસ સ્ટેશનને સોપી આપેલ છે.
મોરબી તાલુકા પોલીસ સ્ટેશનના તથા સુરેન્દ્રનગર જિલ્લાના ચોટીલા પોલીસ સ્ટેશનના એમ બે અલગ-અલગ ખુંનના ગુન્હામાં છેલ્લા 9 વર્ષથી નાસતા ફરતા આરોપીને પકડી પાડવામાં મોરબી જિલ્લા પેરોલ ફર્લો સ્કવોડની ટીમને સફળતા મળેલ છે.
-
રાષ્ટ્રીય1 day ago
અનંત અંબાણીએ ‘લાલબાગ ચા રાજા’ને ભેટમાં આપ્યો સોનાનો મુગટ, કિંમત જાણીને હોંશ ઉડી જશે
-
ગુજરાત1 day ago
ગૌણ સેવા પસંદગી મંડળ દ્વારા લેવાયેલ CCE પરીક્ષાનું રાત્રે પરિણામ
-
રાષ્ટ્રીય19 hours ago
VIDEO: મધ્યપ્રદેશમાં ટ્રેન દુર્ઘટના, જબલપુર સોમનાથ એક્સપ્રેસ ટ્રેનના બે ડબા પાટા પરથી ઊતર્યા, રેલવે તંત્ર દોડતું થયું
-
રાષ્ટ્રીય1 day ago
પૂરગ્રસ્ત વિસ્તારનું નિરીક્ષણ કરતી વખતે માંડ-માંડ બચ્યા CM ચંદ્રબાબુ નાયડુ!! રેલવે ટ્રેકની પાસે ઊભા હતા અને અચાનક જ આવી ટ્રેન, જુઓ વિડીયો
-
રાષ્ટ્રીય1 day ago
સેન્સેક્સમાં 1220 પોઇન્ટનો કડાકો, નિફ્ટીએ 25000નું લેવલ તોડયું
-
રાષ્ટ્રીય2 days ago
‘યુદ્ધ માટે તૈયાર રહો…’, સંરક્ષણ મંત્રી રાજનાથે કમાન્ડરોને આપ્યો આદેશ
-
Sports1 day ago
પેરિસ પેરાલિમ્પિક્સમાં પ્રવીણ કુમારે હાઈ જમ્પમાં જીત્યો ગોલ્ડ મેડલ
-
ગુજરાત1 day ago
ભાવનગર રોડ ગ્રીન પાલક પંજાબીમાંથી વાસી સોસનો નાશ