એક મહિના પહેલાં રીલ બનાવી ઈન્સ્ટાગ્રામ પર વીડિયો વાઈરલ કર્યો હતો

ગીરગઢડાનાં જામવાળા નજીક આવેલાં જમજીર ધોધનાં કાયમી પ્રતિબંધ એવાં કોતર ધોધનાં પાંચ મિટર નજીક બેસીને એકાદ મહિના પહેલા અમદાવાદ નિકોલમાં રહેતી ગુજરાતી અભિનેત્રી જીલ પ્રેમજી જોષી વિડીયો રીલ બનાવી પોતાના ઈન્સ્ટાગ્રામ એકાઉન્ટ પર અપલોડ કરીને સોશ્યિલ મીડિયામાં વાયરલ કરતાં જે પર્યાવરણ બચાવ સમિતિની નજરે આવ્યો હતો. અને અખબારી એહવાલ પ્રસિદ્ધ થતા તંત્ર તાત્કાલિક દોડતુ થયુ હતુ અને ગુજરાતી અભિનેત્રી જીલ જોષી સામે કોડીનાર પોલીસ સ્ટેશનમા જાહેરનામા ભંગ બદલ પોલીસ ખુદ ફરીયાદી બની તપાસ હાથ ધરી છે.

આ ધોધમા ભૂતકાળમા નાહવા તથા સેલ્ફી લેવા જતા અનેક લોકો મૃત્યુનો ભોગ બનેલ છે. જેને લઈ જિલ્લા મેજિસ્ટ્રેટ દ્વારા જાહેરનામાથી જમજીર ધોધમાં નાહવા માટે કે ધોધના ઊંડા પાણીમાં પ્રવેશ કરવા તેમજ કિનારાની કોતર ઉપર સેલ્ફી લેવા પ્રતિબંધ ફરમાવેલ છે તેમ છતાં ગેરકાયદેસર રીતે ધોધની કોતરો ઉપર રીલ બનાવેલ હોવાનું ધ્યાને આવતાં ઝીલ જોશી વિરૂૂદ્ધ જાહેરનામાં ભંગનો ગુન્હો નોંધાયો હતો. સોશિયલ મીડીયા ઈન્ફ્લુંન્સર, સેલિબ્રિટીને લાખો લોકો અનુસરતા હોઈ છે. તેમ છતાંય ગુજરાતી અભિનેત્રીએ વિડીયો બનાવી કાયદા નિયમોનું ઉલ્લંધન કરતાં તંત્ર એક્શનમાં આવતાં આખરે ગુન્હો નોંધી અટકાયતની કાર્યવાહી હાથ ધરી છે. અભિનેત્રીએ પોતાના સોશિયલ મીડિયામાંથી હટાવી આપેલ હોવા છતાં પણ તંત્રએ જીલજોશી સામે ફરિયાદ નોંધી હતી.

સાવરકુંડલાના મોટા ઝીંઝુડા ગામે શિવકુમારી આશ્રમમાં 30 બાળકોને બોજન બાદ અસર થતાં ઉલટીઓ શરૂ થતાં તાકિદે સારવારમાં ખસેડવામાં આવ્યા હતાં. સમગ્ર ઘટનાની જાણ થતાં ગ્રામજનો, આગેવાનો અને આરોગ્યની ટીમ તાત્કાલીક ઘટના સ્થળે દોડી ગઈ હતી. અસર થયેલ તમામ બાળકોને સારવારમાં ખસેડવામાં આવ્યા હતાં.

સાવરકુંડલા નજીક આવેલા મોટા ઝીંઝુડા ગામે આવેલ શિવ કુમારી આશ્રમ ચાલે છે જ્યાં વિનામૂલ્યે બાળકોને મફત શિક્ષણ અને રહેવા જમવાની સુવિધા આપવામાં આવે છે ભોજનમાં કારેલાનું શાક ખાધા બાદ 30 જેટલા બાળકોને ઉલટી ની અસર થતા 20 જેટલા વિદ્યાર્થી ભાઈ બહેનોને મોટા ઝીંઝુડા પીએચસી સેન્ટર ખાતે સારવાર માટે ખસેડવામાં આવ્યા જ્યાં પીએચસી સેન્ટરના ડોક્ટર મયુર પારગી અને સ્ટાફ દ્વારા તેમની સારવાર કરવામાં આવી રહી છે અને દસેક જેટલા બાળકો કે જેને સાધારણ અસર થતા આશ્રમ ખાતે જ રાખવામાં આવેલ અને શિવકુમારી આશ્રમ ખાતે જીંજુડા ની એક ટીમ આશ્રમ ખાતે આવી અને સારવાર ચાલુ કરેલ છે.

ઘટનાની જાણ થતા સાવરકુંડલા તાલુકા પોલીસ ઘટના સ્થળે પહોંચી આશ્રમે થી શાકના નમૂના લીધા હતા. આશ્રમના સંચાલિકાના જણાવ્યા મુજબ 110 બાળકોમાંથી માત્ર 30 બાળકોને જ આ અસર થવા પામી છે હાલ ડોક્ટરના જણા ગામ મુજબ તમામ બાળકોની સ્થિતિ કંટ્રોલમાં છે તેમજ ત્રણ બાળકોને સાવરકુંડલા વધુ સારવાર માટે રીફર કરવામાં આવ્યા છે.

ગીર સોમનાથ જીલ્લા પોલીસ અધિક્ષક મનોહરસિંહ જાડેજા તરફથી ડીમોલેશન કરેલ જમીન ઉપર કલેકટર ગીરસોમનાથ નાઓનું પ્રવેશબંધી અંગેનુ જાહેરનામું અમલમાં હોય જે જાહેરનામાની અમલવારી અંગે પ્રતિબંધીત વિસ્તારમાં પ્રવેશ કરતા ઇસમો ઉપર સખ્ત કાર્યવાહી કરવા આપેલ સુચના મુજબ ગીર સોમનાથ એસ.ઓ.જી. ઇન્ચાર્જ પો.ઇન્સ.શ્રી એન.બી.ચૌહાણ ના માર્ગદર્શન મુજબ તા.30/09/2024 ના એસ.ઓ.જી. શાખાના એ.એસ.આઇ. દેવદાનભાઇ કુંભરવાડીયા તથા મેરામણભાઇ શામળા તથા ગોવિંદભાઇ રાઠોડ તથા પો.હેડ કોન્સ. વિપુલભાઇ ટીટીયા તથા પો.કોન્સ. રણજીતસિંહ ચાવડા તથા કૈલાશસિંહ બારડ એ રીતેના એસ.ઓ.જી. સ્ટાફના માણસો દ્વારા પ્રભાસ પાટણ પો.સ્ટે. પ્રતિબંધીત વિસ્તારમાં પ્રવેશ કરતા નીચે મુજબના કુલ-06 ઇસમો વિરૂૂધ્ધ જાહેરનામા ભંગનો ગુન્હો રજી.કરાવી કાયદેસર કાર્યવાહી કરવામાં આવેલ.

જેઓની સામે કાર્યવાહી કરાઈ તેમાં શબ્બીરભાઇ મ.હનીફભાઇ ચૌહાણ પટણી, ઉવ.44 રહે.વેરાવળ, યુસુફભાઇ ઇસ્માઇલભાઇ પંજા પટણી, ઉવ.40, રહે.વેરાવળ, મહેમુદ ઉર્ફે મહેબુબ અબ્દુલ સતાર પંજા પટણી, ઉવ.34, રહે.વેરાવળ, ભરતભાઇ ગીગાભાઇ રાજગર, સલાટ, ઉવ.47, રહે.ગઢીયા પ્લોટ, પ્ર.પાટણ, આબીદભાઇ આમદભાઇ ગોહીલ, ઘાચી, ઉવ.38, રહે. પ્ર.પાટણ અને મહેબુબભાઇ ઇબ્રાહીમભાઇ ગોહીલ, ઘાચી, ઉવ.27, રહે.પ્ર.પાટણનો સમાવેશ થતો હોવાનું પોલીસે જણાવ્યું હતું.