ભાવનગરની એસઓજી પોલીસે ગેસના બાટલા માંથી ગેસ ઓછો કરી ત્રણમાંથી પાંચ સિલિન્ડર ભરવાના કૌભાંડને ઝડપી લઇ ચાર શખ્સોને ઝડપી લીધા છે.પ્રાપ્ત થતી માહિતી મુજબ ભાવનગર એસ.ઓ.જી.ના સ્ટાફે મળેલ બાતમી ના આધારે ભાવનગર ચીત્રા-સીદસદર રોડ, બજરંગબાલક સોસાયટીની પાસે જગાભાઇ વાડીના ખુલ્લા પ્લોટમાં રાંધણ ગેસ ગ્રાહકોને વેચાણ કરવા જતા રસ્તે જગાભાઇની વાડીમાં સીલીન્ડરઓનું કંટીગ કરી સંગ્રહ કરેલ જે ઇન્ડેન, ભારત, એચ.પી. કંપનીના સીલીન્ડર કુલ 62 કિ.રૂા.1,00,800/- તથા ભુંગળી બે કિ.રૂા.100/- તથા વજન કાંટો કિં.રૂા.1000/- તથા બે રીક્ષાઓ કિ.રૂા.1,00,000/- તથા પ્લાસ્ટીકના સીલ સહિત કુલ કિ.રૂા.2,01,900/- સાથે ચાર શખ્સોને ઝડપી પાડી આરોપીઓ વિરૂદ્ધ કાર્યવાહી કરી બોરતળાવ પોલીસ સ્ટેશનમાં આવશ્યક ચીજવસ્તુ ધારા કલમ મુજબનો ગુન્હો રજીસ્ટર કરાવેલ છે.

પોલીસે ઝડપી લીધેલ શખ્સોમાં એઝાદ રફીકભાઇ કુરેશી ઉ.વ.25 રહે.વડવા નેરા થોભણ મહેતાની શેરી, ભાવનગર,સોયબ સલીમભાઇ શેખ ઉ.વ.24 ધંધો મજુરી રહે. મોતીતળાવ શેરી નં.ર કુંભારવાડા ભાવનગર, સાઝીદ મુસાભાઇ ચૌહાણ ઉ.વ.46 ધંધો રીક્ષા ડ્રાઇવીગ રહે. ખાટકીવાડ, ભીલવાડા સર્કલ,ભાવનગર, જાહીદ બચુભાઇ રાઠોડ ઉ.વ.51 ધંધો મજુરી રહે.પ્રભુદાસ તળાવ, ટેકરી ચોક, ભાવનગર નો સમાવેશ થાય છે.

બરોડાની આ કામગીરીમાં એસ.ઓ.જી.ના પોલીસ ઇન્સપેકટર ડી.યુ.સુનેસરા, પો.સ. ઇ .સી.એચ.મકવાણા તથા એ.એસ.આઇ. ગુલમહમદભાઇ આદમભાઇ કોઠારીયા, હેડ કોન્સ. જયવીરસિંહ ચુડાસમા, રાજેન્દ્રસિંહ ગોહિલ, પો.કોન્સ. હરપાલસિંહ ગોહિલ, મીનાઝભાઇ ગોરી તથા એલ.સી.બી.ના એ.એસ.આઇ. એ.વી.ગોહિલ તથા હેડ કોન્સ. બી.કે.આહિર તથા પો.કોન્સ. એઝાદખાન પઠાણ, બ્રીજરાજસિંહ ગોહિલ જોડાયા હતા.

ભાવનગર કુંભારવાડા નારી રોડ ટ્રકે એક યુવકને ટક્કર મારતાં ગંભીર રીતે ઘવાયેલા યુવકનું કરુણ મોત નિપજ્યું હતુ.

અકસ્માત અંગે પ્રાપ્ત થતી માહિતી મુજબ સુરેશભાઇ હનુભાઇ મેર ઉ.વ.40 તેમની સ્પ્લેન્ડર બાઇક લઇને કુંભારવાડામાં આવેલા તેમના ઘર તરફ જઇ રહ્યાં હતા ત્યારે નારી કુંભારવાડા રોડ પર મામાની ડેરી પાસે બીએમસીના ટ્રકે બાઇકને ટક્કર મારી હતી.આ અકસ્માતમાં સુરેશભાઇને માથાના ભાગે ગંભીર પ્રકારની ઇંજા પહોંચી હતી.અકસ્માતના પગલે સ્થળ પર લોકોના ટોળા એકત્રિત થઇ ગયા હતા. યુવકને સારવાર માટે હોસ્પિટલમાં લઇ જવામાં આવતાં તેને મૃત જાહેર કરવામાં આવ્યો હતો. પોલીસે જીવલેણ અકસ્માત સર્જનાર ટ્રક ચાલક વિરુદ્ધ ગુનો દાખલ કરી વધુ તપાસ હાથ ધરી છે.

કુંભારવાડાના વૃદ્ધે અગમ્ય કારણોસર જીવન ટૂંકાવી લીધું

ભાવનગર શહેરમાં ગળાફાંસો ખાઇ ને આપઘાત વહોળી લેવાના બે બનાવોમાં એક સગીરા અને એક વૃદ્ધ ના કમોત થયેલ છે.

આપઘાતના પ્રથમ બનાવવામાં ભાવનગર શહેરના કુંભારવાડા વિસ્તારમાં રહેતા નવઘણભાઈ ઇશ્વરભાઇ ચૌહાણ ની પુત્રી માયા ઉં.વ. 14 એ તેના તેણી ના ઘેર ગળાફાંસો ખાઈ આત્મહત્યા વહોરી લીધી હતી. માતા- પિતાએ કોઈ બાબતે ઠપકો આપતા લાગી આવતા આ પગલું ભર્યું હોવાનું પોલીસની પ્રાથમિક તપાસમાં ખુલવા પામ્યું છે.જ્યારે બીજા બનાવમાં ભાવનગર શહેરના કુંભારવાડા ગોપાલ સોસાયટીમાં રહેતા મનજીભાઈ મોહનભાઈ પરમાર (ઉ.વ. 63) એ કોઈ અગમ્ય કારણોસર તેના ઘરે ગળાફાંસો ખાઇ આત્મહત્યા વહોરી લીધી હતી .આ અંગે પોલીસ વધુ તપાસ ચલાવી રહી છે.